ຊົມເຊີຍ! ສາວພິການແຂນຖືກບັນທຶກສະຖິຕິ ໃນຖານະ “ນັກບິນໄຮ້ແຂນຄົນທຳອິດ” (ກາຍເປັນແຮງບັນດານໃຈຄົນທົ່ວໂລກ)

ເປັນແຮງບັນດານໃຈໃຫ້ຄົນທົ່ວໂລກໄປແລ້ວໃນເວລານີ້ ສຳລັບ ເຈສສິກ້າ ຄ໋ອກ (Jessica Cox) ອາຍຸ 36 ປີ ແມ່ຍິງທີ່ພິການ ບໍ່ມີແຂນມາຕັ້ງແຕ່ເກີິດ ແຕ່ຄວາມບົກຜ່ອງທາງດ້ານຮ່າງກາຍບໍ່ໄດ້ເປັນອຸປະສັກຂອງນາງແຕ່ຢ່າງໃດ ເຖິງຈະບໍ່ມີແຂນທັງສອງເບື້ອງ ແຕ່ເຈສສິກ້າກໍຍັງມີຂາທັງສອງຂ້າງທີ່ສາມາດເຮັດໃນສິ່ງຕ່າງໆໃຫ້ໄດ້ເຊັ່ນດຽວກັບຄົນອື່ນ ທັງຂຽນໜັງສືໄດ້ 25 ຄຳ ຕໍ່ນາທີ, ທັງແຕ່ງໜ້າ ທັງໃສ່ຄອນເທກເລນ ລວມເຖິງການຫຼິ່ນກິລາ ລອຍນໍ້າ ເທຄວັນໂດ້ ແລະ ຂັບຂີ່ລົດ ຕັ້ງແຕ່ລົດໃຫ່ຍໄປຈົນຮອດເຮືອບິນກັນເລີຍເດພີ້  ຈົນໄດ້ຮັບການຈົດບັນທຶກສະຖິຕິຈາກກິນເນສບຸກວ່າ ເປັນຜູ້ທີ່ມີໄບອະນຸຍາດຄົນທຳອິດທີ່ຂັບເຮືອບິນດ້ວຍຕີນ!!!

Jessica Cox ໄດ້ເຝິກຝົນການບິນດ້ວຍການໃຊ້ຕີນທັງສອງຂ້າງ ຊິ່ງຕ້ອງຄົ້ນຫາເຮືອບິນ ພ້ອມທັງຍັງຕ້ອງຊອກຫາເຮືອບິນທີ່ເໝາະສົມ ເຊິ່ງເຮືອບິນທີ່ ເຈສສິກ້າ ຄ໋ອກ ໃຊ້ກໍຄື 1946 415C Ercoup ແລະ ກໍສາມາດເປັນນັກບິນທີ່ໄຮ້ແຂນໄດ້ສຳເລັດ ທັງຍັງໄດ້ຮັບອະນຸຍາດໃຫ້ຂັບຍົນ ຫຼັງເຝິກຝົນມາດົນກວ່າ 3ປີ ແລະ ສອບຜ່ານດ້ານຄຸນສົມບັດດ້ານການບິນ ໂດຍສາມາດທົດສອບການບິນປະເພດເພື່ອການກິລາຊະນິດເບົາທີ່ລະດັບຄວາມສູງບໍ່ເກີນ 10,000 ຟຸດ ຈົນໄດ້ຖືກບັນທຶກລົງໃນ Guinness World Records ວ່າເປັນ ຄົນທີ່ຂັບເຮືອບິນດ້ວຍຕີນຄົນທຳອິດຂອງໂລກ

ປັດຈຸບັນ Jessica Cox ຍັງມ່ວນຊື່ນກັບການເຮັດເລື່ອງທ້າທາຍໃໝ່ໆເຊັ່ນ ການເດີນສາຍ Slackine ແລະ ການປີນໜ້າຜາ ລວມເຖິງການເປັນນັກເວົ້າສ້າງແຮງບັນດານໃຈ ເປັນທູດສັນທະໄມຕີໃຫ້ອົງກອນການກຸສົນຫຼາຍແຫ່ງ ນອກຈາກນັ້ນຍັງເປັນທີ່ປຶກສາໃຫ້ເດັກທີ່ພິການທາງແຂນລວມທັງພໍ່ແມ່ຂອງເດັກໆອີກດ້ວຍ ຈົນໄດ້ຮັບການຍົກຍ້ອງຈາກຫຼາຍໆຄົນວ່າ ເປັນຮີ່ໂລ່ຕົວຈິງໂດຍທີ່ບໍ່ຕ້ອງມີພະລັງວິເສດໃດໆ ແຕ່ເກີດຈາກຄວາມບໍ່ທໍ້ຖອຍຕໍ່ໂຊກຊະຕາຂອງຕົວເອງ.

(ຂໍຊົມເຊີຍ! ແມ່ຍິງຄົນນີ້ເກັ່ງຫຼາຍໆ)

ທີ່ມາ: https://women.mthai.com/amazing-women/406516.html