Kuanjai Magazine
ໃນຕອນບ່າຍຂອງມື້ນີ້, ວັນທີ 7 ມິຖຸນາ 2018 ໄດ້ມີການຈັດງານຖະແຫຼງຂ່າວກ່ຽວກັບການຈັດງານຕະຫຼາດນັດແຮງງານ Job Fair 2019 ທີ່ຫ້ອງປະຊຸມ ພະແນກແຮງງານນະຄອນຫຼວງວຽງຈັນ, ໂດຍການແຫຼ່ງຂ່າວຂອງທ່ານ ນາງ ລໍາພອຍ ສີອັກຄະຈັນ ຫົວໜ້າພະແນກ ແຮງງານ ແລະສະຫວັດດີການສັງຄົມ ນະຄອນຫຼວງວຽງຈັນ ແລະ ທ່ານ ສີບຸນທໍາ ສີບຸນມີ ຮອງຜູ້ອໍານວຍການໃຫຍ່ ບໍລິສັດ ລາວເວີນ ມະຫາຊົນ ພ້ອມດ້ວຍບັນດາຜູ້ປະກອບການຫົວໜ່ວຍທຸລະກິດຕ່າງໆເຂົ້າຮ່ວມ. ເຊິ່ງງານຕະຫຼາດແຮງງານ ຫຼື Job Fair 2019 ນີ້ ຈະໄດ້ມີຂຶ້ນໃນວັນທີ 16-20 ຕຸລາ 2019 ທີ່ຈະມາເຖິງນີ້ 5 ມື້ເຕັມ ຢູ່ທີ່ສູນການຄ້າ ລາວ-ໄອເຕັກ ຕືກເກົ່າ.
ນັກຮຽນນັກສຶກສາຈົບໃໝ່ ຫຼື ຜູ້ທີ່ກຳລັງຊອກຫາວຽກເຮັດງານທຳ ຫຼື ຜູ້ຕ້ອງການປ່ຽນວຽກໃໝ່ໃຫ້ເໝາະກັບຕົນເອງ ແມ່ນບໍຄວນພາດງານນີ້. ເຊິ່ງນອກຈາກ, ຈະໄດ້ຊົມບູດງານວາງສະແດງຈາກສຳນັກງານ,ອົງກອນຕ່າງໆທີ່ຕ້ອງການຮັບພະນັກງານເພີ່ມແລ້ວ ພາຍໃນງານນີ້,ຍັງມີກິດຈະກຳຫຼາກຫຼາຍກ່ຽວກັບເລື່ອງແຮງງານດັ່ງນີ້:
- ຈັດເວທີສົນທະນາໃນຫົວຂໍ້ຕ່າໆເຊັ່ນ: 1. ຮຽນຫຍັງ? ຈຶ່ງຈະມີວຽກເຮັດ (ການສ້າງແຮງບັນດານໃຈໃຫ້ຊີວິດ), 2 ຫົວຂໍ້: ຫຼຸດຜ່ອນການວ່າງງານ (ກ່ຽວການສ້າງ ແລະ ພັດທະນາສີມືແຮງງານ, ຄວາມຕ້ອງການຂອງຕະຫຼາກແຮງງານ, ບັນຫາ ແລະ ສິ່ງທ້າທາຍ)
- ສຳມະນາໃນຫົວຂໍ້: ການແນະແນວອາຊີບ ແລະ ສານການຮຽນ, ການເຜີຍແພ່ ແລະ ໃຫ້ຄວາມຮູ້ຂອງຈຸດບໍລິການຈັດຫາງານ ແລະ ການປະກັນຫວ່າງງານ.
- ມີກິດຈຳກຳແຂ່ງຂັນຕ່າງໆເຊັ່ນ: ການຕົບແຕ່ງໂຕະອາຫານ, ແຂ່ງຂັນການແກະສະຫຼັກຜັກ, ໝາກໄມ້, ແຂ່ງຂັນແຕ່ງຜົມເຈົ້າສາວ ແລະ ແຕ່ງເລັບ
. - ກິດຈະກຳຖາມ-ຕອບ ຄວາມຮູ້ກ່ຽວກັບວຽກງານພັດທະນາສີມືແຮງງານ ແລະ ຈັດຫາງານເພື່ອ ລຸ້ນຮັບລາງວັນ.
ຈຸດປະສົງໃນການຈັດງານແມ່ນໃນຄັ້ງນີ້, 1. ເພື່ອສ້າງໂອກາດ ແລະ ເອື້ອອຳນວຍຄວາມສະດວກ ໃຫ້ຜູ້ທີ່ກຳລັງຊອກຫາວຽກເຮັດງານທຳ ແລະ ບັນດາຫົວໜ່ວຍແຮງງານໄດ້ມີເວທີ ພົບປະກັນແລ້ວນຳໄປສູ່ການຈັດຈ້າງງານ.
2. ເພື່ອເປັນການສ້າງເງື່ອນໄຂໃຫ້ຜູ້ອອກແຮງງານທີ່ຕ້ອງການພັດທະນາສີມືແຮງງານສາມາດເຂົ້າເຖິງສະຖາບັນການສຶກສາຕ່າງໆ ເພື່ອຍົກລະດັບສີມືແຮງງານ ແທດເໝາະກັບຄວາມຕ້ອງການຂອງຕະຫຼາດແຮງງານ.
3. ເພື່ອໂຄສະນາຂໍ້ມູນຂ່າວສານຕະຫຼາດແຮງງານ,ແນວໂນ້ມຄວາມຕ້ອງການຂອງຕະຫຼາດແຮງງານໃນອະນາຄົດ.
4. ເພື່ອເປັນເວທີໃນການສົ່ງເສີມການຕະຫຼາດຂອງບັນດາຫົວໜ່ວຍແຮງງານ,ບັນດາໂຄງການ ແລະ ອົງການຈັດຕັ້ງສັງຄົມ.
5. ເພື່ອຫຼຸດຜ່ອນອັດຕາການຫວ່າງງານ ແລະ ຫຼຸດຜ່ອນການເຄື່ອນຍ້າຍແຮງງານໄປຕ່າງປະເທດແບບບໍຸ່ືກຕ້ອງ ທັງເປັນການສົ່ງເສີມການເຮັດວຽກຢູ່ພາຍໃນປະເທດ.
