ອີກໜຶ່ງທາງເລືອກໃໝ່ໆ “Take It Easy Cafe” ສາຍຖ່າຍຮູບ ສາຍຄາເຟ່ທັງຫຼາຍຫ້າມພາດ (ບອກເລີຍ…ຕ້ອງໄປ!!)

ວຸ້ນວາຍກັບການເຮັດວຽກ ການຮຽນມາໝົດມື້ ຮູ້ສຶກເມື່ອຍ ຮູ້ສຶກຢາກ Relax ສຸດໆແມ່ນບໍ່ແຟນໆ? ບາງຄົນກໍຢາກນັດໝູ່ສະໜິດ ນັດຄົນຮູ້ໃຈ ຫຼື ບາງຄົນກໍອິນດີ້ແດ່…ຢາກໄປນັ່ງຊຶ້ງໆຄົນດຽວຊິນ່າ (ຮະຮ່າ) ແຕ່ຄິດສະຖານທີ່ບໍ່ອອກ ບໍ່ຮູ້ຈະໄປໃສ ບ່ອນໃດກໍໄປມາໝົດແລ້ວ…

ບໍ່ຍາກເດີ້!!! ປີນີ້ 2019 ແລ້ວບໍ່ຕ້ອງຄິດໃຫ້ເມື່ອຍ ພຽງແຕ່ຕິດຕາມ Kuanjai Magazine  ນັ່ງຢູ່ລ້າໆກໍຈະມີຂໍ້ມູນຂ່າວສານໃໝ່ມາອັບເດດໃຫ້ແຟນໆໄດ້ຮູ້ກັນເລື້ອຍໆ ເພາະຫຼ້າສຸດໄດ້ຍິນຂ່າວວ່າມີຮ້ານ Cafe ເປີດໃໝ່ ຊະນີIndy ກໍບໍ່ລໍຖ້າຊ້າ ໄດ້ໄປຍາມຮ້ານ “Take It Easy Cafe” ເພື່ອເກັບເອົາບັນຍາກາດດີໆພາຍໃນຮ້ານ ແລະ ມາບອກຕໍ່ເຖິງລົດຊາດເຄື່ອງດື່ມ ແລະ ອາຫານທີ່ໜ້າລິ້ມລອງມາຝາກແຟນໆແລ້ວ…

ເຊິ່ງຮ້ານ “Take It Easy Cafe” ແມ່ນຕັ້ງຢູ່ຊັ້ນ 4 ຂອງຫ້າງຊັບພະສິນຄ້າ World Trade Center, Bloke B ເຊິ່ງທາງທີມງານເຮົາກໍໄດ້ມີການໄປຖາມໄຖ່ເຖິງທີ່ມາທີ່ໄປຂອງຮ້ານແລ້ວວ່າ “Take It Easy Cafe” ແມ່ນເລີ່ມມາຈາກວົງດົນຕີທີ່ມີຊື່ວ່າ Two Tones Style Rock&Roll  ແລະ ເຈົ້າຂອງຮ້ານກໍມີແຮງບັນດານໃຈມາຈາກວົງດົນຕີຍຸກເກົ່າກໍຄື The Eagles and 70’s Rock&Roll  ເລີຍຄິດຢາກແຊຣຄວາມມັກ ຄວາມຮັກສ່ວນຕົວໃຫ້ທຸກໆຄົນໄດ້ມີສ່ວນຮ່ວມ ໃຫ້ທຸກຄົນໄດ້ຄົ້ນພົບຄວາມມັກ ຄົ້ນພົບພອນສະຫວັນໃນຕົວເອງໃຫ້ກາຍເປັນຈິງເຊັ່ນດຽວກັນ.

“Take It Easy Cafe” ເປັນຮ້ານຄາເຟ່ແນວງ່າຍໆ ສະບາຍໆ ເປັນບ່ອນທີ່ສາມາດໄປນັ່ງກິນກາເຟ ຫຼື ກິນອາຫານ ຟັງເພງແບບມ່ວນໆ ແລະ ຖ່າຍຮູບງາມໆໄວ້ໂຊໝູ່ໃນໂລກໂຊຊ່ຽວ ບອກໄວ້ເລີຍວ່າສາຍຖ່າຍຮູບ ສາຍນັ່ງຊິວ ສາຍຄາເຟ່ທັງຫຼາຍຕ້ອງໄປ ຢໍ້າ! ວ່າຕ້ອງໄປ…ຫ້າມພາດເດີ້!!!

Story: ຊະນີIndy

ສາມາດເຂົ້າໄປເບິ່ງລາຍລະອຽດທີ່ FB/ Take it Easy Cafe & Grill