Kuanjai Magazine
ສະແດງຄວາມຍິນດີນໍາ!!! ກັບຄູ່ຮັກຄູ່ໃໝ່ຂອງວົງການບັນເທິງເກົາຫລີ kim heechul Super Junior ແລະ Momo Twice ຄູ່ທໍາອິດຂອງປີ 2020…
ວ້າວໆໆໆໆ ເປັນເລື່ອງໜ້າຍິນດີຫຼາຍ ເມື່ອຕົ້ນສັງກັດອອກມາຍືນຍັນກ່ຽວກັບຂ່າວຂອງ kim heechul Super Junior ແລະ Momo Twice ວ່າທັງສອງໄດ້ເປີດຕົວຄົບຫາດູໃຈກັນຢູ່… ເຊິ່ງຕາມການລາຍງານຂອງສໍານັກຂ່າວ Market News ໄດ້ມີການຍືນຍັນຢ່າງເປັນທາງການແລ້ວວ່າ ໄອດອລໜຸ່ມ ຄິມຮີຊອລ ວົງ Super Junior ແລະ ໄອດອລສາວ ໂມໂມະ ວົງ Twice ກຳລັງຄົບຫາດູໃຈກັນຢູ່ ແລະ ເບື້ອງຕົ້ນທັງສອງໄດ້ຮູ້ຈັກກັນຫຼັງຈາກທີ່ໄດ້ອອກລາຍການວາໄລຕີ້ນໍາກັນ ເມື່ອຊ່ວງປີ 2017 ທີ່ຜ່ານມາ.
ຫຼ້າສຸດໃນຊ່ວງຕອນເຊົ້າຂອງວັນທີ 2 ມັງກອນ 2020 ຕົ້ນສັງກັດຂອງ kim heechul Label SJ ແລະ ຕົ້ນສັງກັດຂອງ Momo JYP Entertainment ໄດ້ອອກມາຍືນຍັນຜ່ານສໍານັກຂ່າວ EDaily ວ່າ ຫຼັງຈາກທີ່ທັງສອງມີຄວາມສໍາພັນກັນໃນຖານະລຸ້ນອ້າຍລຸ້ນນ້ອງ ກໍໄດ້ພັດທະນາຄວາມສໍາພັນ ແລະ ເລີ່ມຄົບຫາດູໃຈກັນ.
Label SJ ໄດ້ເຜີຍວ່າ kim heechul ແລະ Momo ເປັນລຸ້ນອ້າຍລຸ້ນນ້ອງຄົນດັງທີ່ມີຄວາມສະນິດສະໜົມກັນ ແຕ່ເມື່ອບໍ່ດົນມານີ້ ທັງສອງກໍເລີ່ມພົບກັນດ້ວຍຄວາມຮູ້ສຶກທີ່ດີ
ສ່ວນດ້ານ JYP ກໍໄດ້ເຜີຍວ່າ ຫຼັງຈາກທີ່ກວດສອບ ເຮົາໄດ້ຮັບການຍືນຍັນວ່າທັງສອງເລີ່ມຕົ້ນຄວາມສໍາພັນໃນຖານະລຸ້ນອ້າຍລຸ້ນນ້ອງທີ່ສະນິດກັນ ແລະ ພວກເຂົາໄດ້ພັດທະນາຄວາມຮູ້ຮູ້ສຶກທີ່ດີຕໍ່ກັນ ແລະ ກໍາລັງຄົບຫາດູໃຈກັນຢູ່
ແນວໃດ ຂວັນໃຈ ກໍຂໍສະແດງຄວາມຍິນດີກັບໄອດອລຄູ່ຮັກຄູ່ທໍາອິດຂອງປີ2020 kim heechul Super Junior ແລະ Momo Twice ນໍາຫຼາຍໆເດີ້!!!
