ສັງຄົມເຮົາໃນປັດຈຸບັນໃຫ້ຄວາມສໍາຄັນກັບ “ຄວາມສະເໝີພາບທາງເພດ” ເຮັດໃຫ້ແມ່ຍິງທົ່ວໂລກມີບົດບາດສໍາຄັນ ແລະ ມີຄວາມຮັບຜິດຊອບຫຼາຍຂຶ້ນໃນທຸກແວດວົງ ບໍ່ວ່າຈະເປັນທາງດ້ານການເມືອງ ວິຊາການ ທຸລະກິດ ຫຼືວິທະຍາສາດ ແມ່ຍິງກໍມີອິດທິພົນຫຼາຍຂຶ້ນ. ທຸກຄົນເຄີຍ ສົງໄສບໍວ່າ “ແມ່ຍິງ” ຄວນມີບຸກຄະລິກແບບໃດຈື່ງຈະກ້າວໄປສູ່ຄວາມສໍາເລັດໄດ້? ມື້ນີ້ຂວັນໃຈມີສິ່ງດີໆມີແນະນໍາວ່າ ແມ່ຍິງທີ່ຈະປະສົບຄວາມສໍາເລັດໄດ້ຄວນເປັນແນວໃດ…
1. ແມ່ຍິງທີ່ພັດທະນາຄວາມສາມາດຂອງຕົນເອງຢູ່ຕະຫລອດເວລາ
ຢູ່ໃນໂລກທີ່ເຕັມໄປດ້ວຍການແຂ່ງຂັນໃນປັດຈຸບັນ ແມ່ຍິງບໍ່ສາມາດປ່ອຍເວລາໃຫ້ສູນເສີຍອີກຕໍ່ໄປ ບໍ່ແມ່ນວ່າທຸກຄົນເກີດມາພ້ອມກັບຄວາມສາໍເລັດ ການທີ່ຈະປະສົບຜົນສໍາເລັດໄດ້ນັ້ນຕ້ອງອາໄສເວລາ ແລະ ຄວາມມຸ່ງໝັ່ນ ແມ່ຍິງທີ່ຈະປະສົບຜົນສໍາເລັດຕ້ອງມີຄວາມພ້ອມທັງຮ່າງກາບຍ ແລະ ຈິດໃຈ ໃນການພັດທະນາທັກສະ ແລະ ຄວາມສາມາດຂອງຕົນເອງໃຫ້ມີປະສິດທິພາບຫຼາຍຂຶ້ນ ເພື່ອໃຫ້ໝັ່ນໃຈໄດ້ວ່າ ທັກສະທີ່ມີນັ້ນເປັນສິ່ງຈໍາເປັນ ແລະ ບໍ່ສາມາດທົດແທນໄດ້
3. ແມ່ຍິງທີ່ມີຄວາມໝັ່ນໃຈ ບໍ່ຍອມແພ້
ການມີຄວາມໝັ່ນໃຈ ແລະ ຄວາມພະຍາຍາມເປັນຄຸນລັກສະນະທີ່ສໍາຄັນສໍາລັບແມ່ຍິງທີ່ປະສົບຜົນສໍາເລັດ ທຸກມື້ນີ້ມີແມ່ຍິງບາງຄົນທີ່ປະເມີນຄ່າຕໍ່າເກີນໄປໃນຫຼາຍໆດ້ານ ໂດຍສະເພາະແມ່ນເລື່ອງຂອງການເຮັດວຽກ ບໍ່ວ່າຄົນອື່ນຈະຄິດແນວໃດ ພວກເຂົາຮູ້ຄຸນຄ່າຂອງຄວາມສາມາດການເຮັດວຽກທີ່ຕົນເອງມີຢູ່ ແລະ ບໍ່ຍອມໃຫ້ໃຜມາຫຼຸດຄຸນຄ່າລົງໄປໄດ້ ຄວາມເຊື່ອໝັ່ນປະກອບກັບຄວາມມຸ່ງໝັ່ນສູ່ຄວາມສໍາເລັດ ຈະເຮັດໃຫ້ພວກເຂົາປະສົບຜົນສໍາເລັດຕາມທີ່ໄດ້ຕັ້ງໃຈໄວ້ ການບໍ່ຍອມແພ້ຈະມີຄວາມຜິດພາດເກີດຂຶ້ນ ແຕ່ຈະໃຊ້ໂອກາດນັ້ນໃນການຮຽນຮູ້ເພື່ອເປັນແຮງພັກດັນສູ່ຄວາມສໍາເລັດ
ຄອບຄົວມີຄວາມສໍາຄັນຫຼາຍຕໍ່ກັບຄວາມສໍາເລັດ ແມ່ຍິງທີ່ປະສົບຄວາມສໍາເລັດສ່ວນໃຫຍ່ມີຄອບຄົວເປັນແຮງພັກດັນ ເຖິງແມ່ນວ່າຈະເຮັດວຽກໜັກ ຫຼືມີຄວາມຮັບຜິດຊອບສູງ ແຕ່ພວກເຂົາຈະແບ່ງເວລາໃຫ້ກັບຄອບຄົວ ບໍ່ວ່າຕາຕະລາງຈະແນ່ນພຽງໃດກໍຕາມ ແຕ່ໝັ່ນໃຈໄດ້ເລີຍວ່າ ທຸກເທື່ອທີ່ຄອບຄົວຕ້ອງການ ພວກເຂົາກໍຈະຢູ່ຂ້າງໆສະເໝີ ສໍາລັບ ແມ່ຍິງແລ້ວ ຄວາມສໍາເລັດທີ່ເກີດຂຶ້ນກັບຕົນເອງຖືວ່າເປັນຄວາມສໍາເລັດຂອງຄອບຄົວເຊັ່ນກັນ ແລະ ຄວາມສໍາເລັດທີ່ພວກເຂົາໄດ້ຮັບທັງໝົດ ຈະມີບໍ່ຄ່າ ຖ້າຫາກບໍ່ໄດ້ແບ່ງປັນໃຫ້ໃຜເລີຍ ນີ້ຈື່ງເປັນສາເຫດທີ່ວ່າ ເປັນຫຍັງແມ່ຍິງທີ່ປະສົບຜົນສໍາເລັດໃນດ້ານການເຮັດວຽກ ແມ່ຍິງສ່ວນຫຼາຍຈື່ງຊອກຫາຄວາມສົມດູນລະຫວ່າງຊີວິດຄອບຄບ ແລະ ການເຮັດວຽກນັ້ນເອງ
5. ແມ່ຍິງທີ່ກ້າ ຈະກ້າວອອກຈາກ Comfort Zone…
ແມ່ຍິງທີ່ປະສົບຜົນສໍາເລັດມັກຈະຮັບມືກັບສະຖານະການແຫ່ງຄວາມບໍ່ແນ່ນອນ ຫາກມີໂອກາດໄດ້ລອງສິ່ງໃໝ່ໆ ພວກເຂົາຈະມັກອາສາເປັນຄົນທໍາອິດ ແລະ ສິ່ງຕ່າງໆເຫຼົ່ານີ້ຈະນໍາພວກເຂົາໄປສູ່ຄວາມສໍາເລັດ ເພາະມັນເປັນການສະແດງໃຫ້ເຫັນຮອດຄວາມສາມາດໃນການປັບຕົວໄດ້ໃນທຸກສະຖານະການ ພວກເຂົາມັກຄວາມຮູ້ສຶກທີ່ຕື່ນເຕັ້ນມາພ້ອມກັບຄວາມສ່ຽງ ແລະ ກໍບໍ່ຢ້ານທີ່ຈະເຮັດໃນສິ່ງທີ່ແຕກຕ່າງອອກໄປ ຟັງແລ້ວອາດຈະເປັນໄປບໍ່ໄດ້ ແຕ່ສໍາຫຼັບແມ່ຍິງແລ້ວທຸກຢ່າງເປັນໄປໄດ້ສະເໝີ