ສໍານັກຂ່າວຕ່າງປະເທດລາຍງານວ່າ: ທ່ານນາງ Jacinda Ardern ນາຍົກລັດຖະມົນຕີ ນິວຊີແລນ ປະກາດວ່າປະເທດຂອງຕົນສາມາດຄວບຄຸມການແຜ່ລະບາດໂຄວິດ-19 ໄດ້ແລ້ວເນື່ອງຈາກໄດ້ປະຕິຕາມມາດຖະການຄວບຄຸມການແຜ່ລະບາດທີ່ໄດ້ວາງອອກໃນເບື້ອງຕົ້ນທີ່ຜ່ານມາ … ແລະ ຍັງສະແດງຄວາມໝັ່ນໃຈວ່າເຊື້ອໄວຣັສໂຄວິດ-19 ຈະບໍ່ລະບາດໃນຂົງເຂດທີ່ຊຸມນຸມແລ້ວ ເນື່ອງຈາກພົບການຕິດເຊື້ອໃນລະດັບຊຸມຊົນພຽງແຕ່ 0,4 % ເທົ່ານັ້ນ ແລະ ເວົ້າວ່າ ມາດຕະການ ການຈໍາກັດເຊື້ອໄວຣັສໂຄວິດ ບໍ່ໄດ້ມີຄວາມໝາຍພຽງເພາະວ່າບໍ່ມີຜູ້ຕິດເຊື້ອຄົນໃໝ່ ແຕ່ໝາຍເຖິງການບໍ່ຍອມໃຫ້ມີຜູ້ເພີ່ມຂຶ້ນອີກ
ນອກຈາກນີ້ ນາຍົກ ນິວຊີແລນ ຍັງມີນະໂຍບາຍອັດສີດເງິນຈໍານວນຫຼາຍກວ່າ 2 ແສນລ້ານໂດລາເພື່ອກະຕຸ້ນເສດຖະກິດຕ່າງໆ ເຊັ່ນ: ການຄ້າ ແລະ ການທ່ອງທ່ຽວຂອງປະເທດ
ການປະກາດໄຊຊະນະເບື້ອງຕົ້ນ ເຮັດໃຫ້ທາງການນິວຊີແລນ ເດີນໜ້າຜ່ອນຄາຍມາດຕະການ Lock down ເພື່ອຄວບຄຸມການແຜ່ລະບາດຂອງເຊື້ອໄວຣັສ ໂຄວິດ-19 ທີ່ມີຍາວນານມາ 1 ເດືອນ ໂດຍຫຼຸດລະດັບຄວາມເຂັ້ມງວດຈາກລະດັບ 4 ລົງມາຢູ່ໃນລະດັບ 3 ສົ່ງຜົນໃຫ້ປະຊາຊົນ ນິວຊີແລນ ພາກັນອອກບ້ານອອກເຮືອນຂອງຕົນ ມາຊື້ອາຫານການກິນເປັນຈໍານວນຫຼາຍ
ເຖິງຢ່າງໃດກໍຕາມ ຍັງມີນັກວິຊາການຫຼາຍຄົນອອກມາເຕືອນວ່າ ການຜ່ອນມາດຕະການ Lock down ທີ່ໄວເກີນໄປ ອາດສົ່ງຜົນໃຫ້ເຊື້ອໄວຣັສກັບມາລະບາດອີກຄັ້ງໄດ້…
ທັ້ງນີ້ ນິວຊີແລນຍັງມີຜູ້ຕິດເຊື້ອຢູ່ທີ່ 1, 472 ຄົນ ແລະ ເສຍຊີວິດ 19 ຄົນ
ແຫລ່ງຂໍ້ມູນ: Bangkok insight