ເມື່ອວັນທີ 16 ພຶດສະພາ 2020 ທີ່ຜ່ານມາ ສໍານັກຂ່າວຕ່າງປະເທດລາຍງານວ່າ ທ່ານນາງ Jacinda Ardern ນາຍົກລັດຖະມົນຕນີວຊີແລນ ແລະ ສາມີ ຖືກປະຕິເສດບໍ່ໃຫ້ເຂົ້າໃຊ້ບໍລິການຮ້ານດັ່ງແຫ່ງໜື່ງ ເນື່ອງຈາກວ່າຄົນໃນຮ້ານເຕັມ ແລະ ທາງຮ້ານຈໍາເປັນຕ້ອງປະຕິບັດຕາມນະໂຍບາຍ Social Distancing ຢ່າງເຄັ່ງຂັດ ເພື່ອປ້ອງກັນການແຜ່ລະບາດຂອງໂຄວິດ-19
ທ່ານນາງ Jacinda Ardern ແລະ ສາມີ ໄດ້ເດີນທາງໄປທີ່ຮ້ານ Olive ເຊິ່ງເປັນຮ້ານອາຫານ ແລະ ຄາເຟ່ ຊື່ດັງໃນກຸງ ເວລລິງຕັນ ເມືອງຫລວງຂອງປະເທດນິວຊີແລນ ໃນວັນເສົາທີ່ຜ່ານມາ ເຊິ່ງທາງຮ້ານໄດ້ຈັດໂຕະຫ່າງຈາກກັນປະມານ 1 ແມັດ ໂດຍ ໂຈອີ້ ລູກຄ້າທີ່ພົບເຫັນເຫດການໄດ້ເລົ່າວ່າ ຕົນເອງຕົກໃຈຫຼາຍທີ່ເຫັນນາຍົກລັດຖະມົນຕີມາທີ່ຮ້ານອາຫານແຫ່ງນີ້ ແລະ ກໍຖືກປະຕິເສດບໍ່ໃຫ້ເຂົ້າຮ້ານ
ໃນເວລາຕໍ່ມາ ສາມີຂອງທ່ານນາຍົກ ກໍໄດ້ມາທະວິດຂໍ້ຄວາມຕອບ ໂຈອີ້ ວ່າ ເລື່ອງນີ້ເປັນຄວາມຜິດຂອງຕົນເອງທີ່ບໍ່ໄດ້ຈອງໂຕະໄວ້ກ່ອນລ່ວງໜ້າ ພ້ອມທັງເວົ້າວ່າ ມັນເປັນເລື່ອງທີ່ດີຫຼາຍທີ່ຕົນກັບພັນລະຍາຖືກທາງຮ້ານໄລ່ອອກໄປ ເພາະເຮັດຕາມກົດໝາຍ ແລະ ພວກເຂົາກໍບໍລິການດີແລ້ວ
ທາງດ້ານ ເຈົ້າຂອງຮ້ານ Olive ເປີດເຜີຍວ່າ ນາງ Jacinda Ardern ແລະ ສາມີ ຈໍາເປັນຕ້ອງລໍຖ້າຄືກັນຄົນອື່ນໆ ແຕ່ຫຼັງຈາກຖ້າໄປດົນພໍສົມຄວນ ຜູ້ຈັດການຮ້ານກໍປະຕິເສດບໍ່ໃຫ້ທັງສອງເຂົ້າຮ້ານ ເພາະຮ້ານເຕັມແລ້ວ ຈາກນັ້ນທັງສອງກໍອອກຈາກຮ້ານໄປ ກຳລັງຈະຮອດລົດ ແຕ່ຜູ້ຈັດການຮ້ານກໍແລ່ນໄປນໍາໃຫ້ກັບມາ ເພາະບັງເອີນວ່າໂຕະວ່າງພໍດີ
ເຈົ້າຂອງຮ້ານ ເວົ້າອີກຕື່ມວ່າ ທາງຮ້ານໄດ້ບໍລິການ ນາງ Jacinda Ardern ແລະ ສາມີ ຄືກັບລູກຄ້າທົ່ວໄປ ບໍ່ໄດ້ມີຄວາມພິເສດໃດໆ ເພາະ ທ່ານນາຍົກນັ່ງກິນອາຫານປະມານ 30 ນາທີ ກໍອອກຈາກຮ້ານໄປ ແລະ ທ່ານກໍເປັນຄົນ Friendly ແລະ ປະຕິບັດຕົວດີ ສຸພາບ ນ່າຮັກ ເປັນກັນເອງກັບພະນັກງານທຸກຄົນ
ຂອບໃຈແຫຼ່ງຂໍ້ມູນ: kapook.com