ເມື່ອວັນທີ 19 ເມສາ 2017 ທີ່ບໍລິສັດ Mind Media ໄດ້ມີການຈັດພິທີເປີດກ້ອງຖ່າຍລະຄອນເລື່ອງ “ຮັກນີ້ສີບົວ” (on your side the series) ໃຫ້ກຽດເຂົ້າຮ່ວມໂດຍ ທ່ານ ອາທິດໄຊ ບວນດາວເຮືອງ ຜູ້ອຳນວຍການບໍລິສັດມາຍມີເດຍ, ທ່ານ ໄຊສົງຄາມ ອິນດວງຈັນທີ ຜູ້ກຳກັບ ພ້ອມດ້ວຍນັກສະແດງ ທັງຍິງ-ຊາຍເຂົ້າຮ່ວມ.
ຮັກນີ້ສີບົວ (on your side the series) ເປັນເລື່ອງລາວຊີວິດ ແລະຄວາມຮັກຂອງສາວຈາກຊົນນະບົດ ກໍຄື: ບົວສີ (ນາງເອກ) ຊຶ່ງໄດ້ເດີນທາງມາຮຽນຕໍ່ທີ່ຕົວເມືອງໃຫຍ່ ເຮັດໃຫ້ບົວສີໄດ້ພົບພໍ້ກັບຫຼາຍສິ່ງຫຼາຍຢ່າງທີ່ທ້າທາຍ ທີ່ສຳຄັນໄດ້ເຮັດໃຫ້ນາງຮູ້ຈັກເຖິງຄວາມຮັກ ແລະມິດຕະພາບຈາກຊາຍໜຸ່ມທັງ 4 ຄົນທີ່ພ້ອມຈະຢູ່ຄຽງຂ້າງ ແລະຊ່ວຍເຫຼືອນາງໃຫ້ປະສົບຜົນສຳເລັດໃນສິ່ງທີ່ໄຝ່ຝັນ.
ທ່ານ ໄຊສົງຄາມ ອິນດວງຈັນທີ ຜູ້ກຳກັບກ່າວວ່າ: ຮູບເງົາເລື່ອງ “ຮັກນີ້ສີບົວ” ແມ່ນຈະເລີ່ມຖ່າຍໃນວັນທີ 21 ເມສາ 2017 ນີ້ ຄາດວ່າຈະໃຫ້ສໍາເລັດໃນກາງເດືອນພຶດສະພາ ຊຶ່ງສະຖານທີ່ຖ່າຍທັງໝົດແມ່ນຢູ່ພາຍໃນນະຄອນຫຼວງວຽງຈັນ ໂດຍນັກສະແດງ ແມ່ນພວກເຮົາໄດ້ຄັດເລືອກ ແລະ ເລື່ອງອອກອາກາດແມ່ນຈະໄດ້ເຜີຍແຜ່ທາງໂທລະພາບ, YOUTUBE ແລະFACEBOOK ໃນໄລຍະເດືອນມິຖຸນາ 2017 ນີ້ ມີທັງໝົດ 8 ຕອນ. ນອກນີ້ຍັງໄດ້ຈັດພິທີບາສີສູ່ຂວັນ ເພື່ອເຮັດໃຫ້ນັກສະແດງທຸກຄົນ ໄດ້ມີຄວາມຜູກພັນກັນຢ່າງສະໜິດແໜ້ນ.
ນັກສະແດງນໍາຊາຍ
- ທ້າວ ວົງພະຈັນ ກູ້ ( ນາຍແບບ ສັງກັດຄ້າຍ the best modeling) ຮັບບົດເປັນ ຕົ້ນ
- ທ້າວ ທົດສະພອນ ສິດພະໄຊ (ນາຍແບບສັງກັດ First modeling) ຮັບບົດ ໂອເລ້
- ທ້າວ ຢູ່ແກ້ວ ໄຊສະນິດ (ນັກເຕັ້ນ, ນາຍແບບ ສັງກັດ the best modeling ) ຮັບບົດ ແມັກ
- ທ້າວ ໃຈເດັດ ໂງ່ນວໍລະລາດ (ນາຍແບບອິດສະຫຼະ) ຮັບບົດ ອາເລັກ
ນັກສະແດງນໍາຍິງ
- ນາງ ກຸນລະນັດ ຟອງສະຫວັນ ຮັບບົດເປັນ ບົວສີ ຫຼື ພິງກີ້
- ນາງ ພອນສະຫວັນ ອິນທະວົງ ຫຼື ນ້ຳຝົນ (ນັກຮ້ອງ ສັງກັດອິນດີ້ເຣັກຄອດ) ຮັບບົດເປັນຈີ່ຈີ້