25 Idea! ທ່າໂພສຖ່າຍຮູບກັບໝູ່ຮັກສຸດສະນິດ ແບບເກ໋ໆ ຊິດໆ ກັນໄປເລີຍຈ່າ!!! ໂພສທ່າເກ໋ໆ ສໍາລັບຖ່າຍຮູບກັບໝູ່ຮັກ ໃກ້ຈະຮອດມື້ພັກຍາວກັນແລ້ວສາວໆ! ກັບເທສະການປີໃໝ່ສາກົນ ຫຼາຍຄົນກໍຄົງມີແຜນຢູ່ໃນຫົວ ຫຼືໄດ້ຕົກລົງກັບໝູ່ ກັບແຟນກັນໄວ້ແລ້ວວ່າຈະໄປທ່ຽວໃສແມ່ນບໍ່! ແຕ່ມື້ນີ້ Kuanjai ຢາກຈະມາເອົາໃຈຄົນໂສດເປັນພິເສດ ໂດຍສະເພາະໃຜທີ່ມີແຜນຈະທ່ຽວກັບໝູ່ຮັກຄົນສະນິດຢູ່ຟ້າວມາເບິ່ງກັນເລີຍ! ກັບທ່າໂພສເກ໋ໆເອົາໄວ້ອັບລົງ Social ໃຫ້ຄົນອິດສາບໍ່ໜ້ອຍໜ້າຄົນມີຄູ່!!! ເອົາເປັນວ່າຕອນນີ້ເຮົາໄປເບິ່ງກັນເລີຍດີກວ່າ!!! ທ່າມກາງສວນດອກໄວ້ 24. ຖ່າຍຮູເກ໋ ກາງເດີ່ນຫຍ້າ 23. ໝູ່ຮັກ… 22. ຮິບສຸດໆໆໆ 21. ໃນຫ້ອງນໍ້າຍັງເກ໋ 20. ຊິດໆ ຊິວໆ 19. ບ້າໆບໍໆທັງກຸ່ມ 18. ອີ່ຕົນຄົນທາງລຸ່ມແດ່!!! 17. ຈິບກາເຟແບບເທ່ໆ 16. ໄອສຄຼີມກະມາ!! 15. ສາຍໄໝກັບໝູ່ຄົນສະນິດ 14. ສອງນິ້ວສູ້! ສູ້ 13. ວິວງາມ! ຮູບດີ໋ດີ …

12 ນິໄສຂອງໝູ່ທີ່ບໍ່ຄວນຄົບ!!! ເລີກກ່ອນຈະຖືກແທງທາງຫຼັງ!!! ໝູ່ ເປັນຄວາມສໍາພັນທີ່ມະຫັດສະຈັນ ເພາະຕ່າງຄົນຕ່າງມາຈາກຄົນລງ!ະຄອບຄົວ ແລະບໍ່ໄດ້ກ່ຽວພັນກັນທາງສາຍເລືອດເລີຍ ແຕ່ພັດມາຄົບກັນ ມາຮັກກັນ ການມີໝູ່ທີ່ດີຈຶ່ງປຽບດັ່ງການມີສົມບັດອັນລໍ້າຄ່າ ແຕ່ຖ້າເຈົ້າກໍາລັງຮູ້ສຶກອຶດອັດກັບການຄົບໝູ່ຈັກຄົນຢູ່ ເຈົ້າອາດຈະຕ້ອງລອງທົບທວນອີກຄັ້ງວ່າ ຄົນໆນັ້ນເຈົ້າສາມາດເອີ້ນວ່າໝູ່ໄດ້ ຫຼືບໍ່? ເພາະມື້ນີ້ Kuanjai ຈະມາບອກໃຫ້ຮູ້ຈັກກັບ 12 ລັກສະນະຂອງໝູ່ທີ່ບໍ່ຄວນຄົບມາໃຫ້ເຊັກກັນ! ຟ້າວໄປເຊັກໝູ່ຕົວເອງດ່ວນຈ່າ!!! ໝູ່ມັກຈົ່ມຂວັນ ໝູ່ທີ່ເຫັນໜ້າກັນຍາມໃດກໍເວົ້າແຕ່ເລື່ອງຂອງຄົນອື່ນໃຫ້ຟັງທຸກເທື່ອ ຍິ່ງເລື່ອງເສຍໆຫາຍໆ ຍິ່ງຈະເວົ້າເປັນພິເສດ ໝູ່ແບບນີ້ຄ້ອນຂ້າງເປັນຕາຢ້ານໃດ໋ ເພາະນອກຈາກຈະເຮັດໃຫ້ເຈົ້າເສຍສຸຂະພາບຈິດທີ່ຕ້ອງມານັ່ງຟັງເລື່ອງບໍ່ດີຂອງໃຜກໍບໍ່ຮູ້ຢູ່ໝົດມື້ ແລ້ວຍັງຄາດເດົາບໍ່ໄດ້ອີກວ່າ ໝູ່ຄົນນີ້ຈະເອົາເລື່ອງຂອງເຈົ້າໄປເວົ້າໃຫ້ໃຜຟັງອີກມື້ໃດ… ຢືມເງິນແລ້ວບໍ່ໃຊ້ຄືນ ເມື່ອເດືອດຮ້ອນມາຂໍຢືມເງິນ ແຕ່ຫຼັງຈາກນັ້ນກໍເຮັດທໍາທ່າເປັນບໍ່ມີຫຍັງເກີດຂຶ້ນ ເຖິງຈະເປັນເງິນເລັກໆນ້ອຍໆກໍຕາມ ບາງຄົນຖືກຕະຫຼອດກໍຍິ້ມບໍ່ອອກຄືກັນເດີ່! ເພາະນອກຈາກຕົວເຮົາຈະເດືອດຮ້ອນແລ້ວຍັງເສຍຄວາມຮູ້ສຶກນໍາອີກ ເພາະການທີ່ເຮົາໃຫ້ໃຜຈັກຄົນໜຶ່ງຢືມເງິນເຮົາໃຫ້ດ້ວຍຄວາມໄວ້ໃຈທັງນັ້ນ ສະໜັບສະໜູນໃຫ້ເຮົາເຮັດສິ່ງບໍ່ດີ ໝູ່ທີ່ດີຈະຕ້ອງຄອຍເຕືອນເມື່ອເຮົາເຮັດຜິດ ບໍ່ແມ່ນອີ່ຫຍັງກໍໄດ້ໝົດບໍ່ພໍຍັງຍຸແຍ່ໃຫ້ເຮົາເຮັດແນວບໍ່ດີເຊັ່ນ: ໝູ່ລົມຄົນທີ່ມີຄອບຄົວຢູ່ແລ້ວກໍສະໜັບສະໜູນໃຫ້ຍາດມາເລີຍ ຫຼືບອກວ່າດ້າມເທື່ອສອງເທື່ອບໍ່ເປັນຫຍັງດອກ! ໝູ່ແບບນີ້ຖ້າຄົບໄປດົນໆກໍຈະພາເຮົາເຮັດແຕ່ສິ່ງບໍ່ດີນັ້ນເອງ ເກັບຄວາມລັບບໍ່ຢູ່ ຄວາມໄວ້ໃຈເປັນສິ່ງສໍາຄັນ ເມື່ອເຮົາມອບໃຫ້ໃຜແລ້ວສະແດງວ່າຄົນໆນັ້ນມີຄວາມສໍາຄັນກັບເຮົາຫຼາຍ ຖ້າໝູ່ຂອງເຈົ້າມັກເອົາຄວາມລັບທີ່ເຈົ້າອຸດສາເລົ່າໃຫ້ຟັງໄປເວົ້າໃຫ້ຄົນອື່ນຟັງຕໍ່ ນີ້ຖືເປັນການທໍາລາຍຄວາມເຊື່ອໃຈທີ່ເຈົ້າມອບໃຫ້ ດັ່ງນັ້ນ ຖ້າມີໝູ່ທີ່ເກັບຄວາມລັບບໍ່ຢູ່ແບບນີ້ກໍຄວນຢູ່ຫ່າງໆໄວ້ຈະດີກວ່າ ມັກວະຈານທຸກໆຢ່າງໃນຕົວເຈົ້າ ໝູ່ແບບນີ້ຈະມີພະລັງງານລົບໃນຕົວຄ້ອນຂ້າງສູງຫຼາຍ …

ຊຶ້ງໃຈແທນ!!! ເມື່ອກັບຕັນເຊີໄພ້ຜູ້ໂດຍສານທີ່ເປັນຄອບຄົວຂອງຕົນເອງໃນວັນ Christmas ຊາວເນັດແຫ່ຊື່ນຊົມ ແລະປະທັບໃຈແທນເມື່ອກັບຕັນແຫ່ງສາຍການບິນ Philippine Airline ໄດ້ໂພສຄຼີບເຊີໄພຜູ້ໂດຍສານທີ່ເປັນຄອບຄົວຂອງຕົນເອງ ດ້ວຍຊໍ່ດອກກຸຫຼາບສີແດງສຸດພິເສດໃຫ້ແກ່ແມ່ ພ້ອມທັງກອຢ່າງອົບອຸ່ນ (ເຫດການນີ້ເກີດຂຶ້ນໃນວັນຈັນທີ 18 ທັນວາ 2017 ທີ່ຜ່ານມາ) ໂດຍຄຼິບດັ່ງກ່າວແມ່ນ ກັບຕັນ “Juan Paulo Fermin” ໄດ້ໂພສລົງໃນ Facebook ສ່ວນຕົວທີ່ຊື່ວ່າ “Juan Paulo Fermin” ແລະໄດ້ຂຽນຂໍ້ຄວາມເທິງຄຼິບທີ່ມີຄວາມໝາຍວ່າ “ຂ້ອຍພາກພູມໃຈຫຼາຍທີ່ໄດ້ເປັນສ່ວນໜຶ່ງໃນການພາຜູ້ໂດຍສານກັບບ້ານໃນວັນ Christmas ນີ້, ປີນີ້ເປັນປີທີ່ວິເສດຫຼາຍສໍາລັບຂ້ອຍ ເປັນປີທີ່ຄວາມຝັນໄດ້ປ່ຽນເປັນຄວາມຈິງ ຂໍຂອບໃຈສາຍການບິນ ຟິລິບປີນ ສໍາລັບໂອກາດອັນປະທັບໃຈນີ້”   ເຊິ່ງຫຼັງຈາກໂພສດັ່ງກ່າວໄດ້ຖືກເຜີຍແຜ່ອອກໄປ ກໍມີຊາວເນັດແຫ່ຊື່ນຊົມ ແລະກົດໄລ້ ແຊຣ ເປັນຈໍານວນຫຼວງຫຼາຍ!!! ສ່ວນວ່າຈະໜ້າປະທັບໃຈຂະໜາດໃດນັ້ນ ເຮົາໄປເບິ່ງພ້ອມກັນເລີຍ It’s interesting how dreams take form – …

ຍ້ອນຫຍັງຈຶ່ງຕ້ອງມີການວາງແຜນຄອບຄົວ? ຍ້ອນຫຍັງຈຶ່ງຕ້ອງມີການວາງແຜນຄອບຄົວ? ເປັນຄໍາຖາມຂອງແມ່ຍິງຫຼາຍໆຄົນ ໂດຍສະເພາະແມ່ນສາວໆໄວໜຸ່ມ, ແມ່ນຍິງທີ່ຢູ່ໃນໄວສ້າງຄອບຄົວ ຫຼື ກຸ່ມທີ່ແຕ່ງງານແລ້ວກໍ່ຕາມເພາະຄິດວ່າຍັງບໍ່ທັນເຂົ້າໃຈລຶກຊຶ່ງເຖິງການວາງແຜນຄອບຄົວແມ່ນຫຍັງ? ແລ້ວມັນດີແນວໃດ? ແຕ່ທີ່ສໍາຄັນໄປກວ່ານັ້ນຄື ເປັນຫຍັງແມ່ຍິງຈຶ່ງບໍ່ຮູ້ຈັກການວາງແຜນຄອບຄົວ? ດັ່ງນັ້ນ, ມື້ນີ້ຂວັນໃຈຈຶ່ງຢາກຈະມາບອກໃຫ້ຮູ້ກ່ຽວກັບ ການວາງແຜນຄອບຄົວວ່າແມ່ນຫຍັງ? ຖ້າຮູ້ຈັກການວາງແຜນຄອບຄົວຈະໄດ້ປະໂຫຍດແນວໃດ? ວິທີການວາງແຜນຄອບຄົວມີແນວໃດແດ່? ຖ້າໃຜຮູ້ແລ້ວ ຫຼື ໄດ້ອ່ານເຂົ້າໃຈແລ້ວກໍຝາກບອກຕໍ່ເຖິງແມ່ຍິງທຸກຄົນໃຫ້ມີການວາງແຜນຄອບຄົວນໍາກັນເດີ່!! ການວາງແຜນຄອບຄົວແມ່ນການເຮັດໃຫ້ແມ່ຍິງ,ຄູ່ຜົວເມຍຕັດສິນໃຈວ່າຈະເອົາລູກຈັກຄົນ ແລະ ກຳນົດໄລຍະເວລາແລະໄລຍະຫ່າງຂອງການຖືພາໃຫ້ເໝາະສົມເພື່ອສຸຂະພາບຂອງແມ່ແລະເດັກທີ່ເກີດມາໂດຍການນຳໃຊ້ວິທີຄຸມກຳເນີດແລະການປິ່ນປົວການມີລູກຍາກ. ປະໂຫຍດຂອງການວາງແຜນຄອບຄົວ: ການວາງແຜນຄອບຄົວຊ່ວຍໃຫ້ ແມ່ມີສຸຂະພາບແຂງແຮງ ລູກເກີດມາມີສຸຂະພາບແຂງແຮງ ພໍ່ ແລະ ແມ່ມີເວລາພຽງພໍເພື່ອຫາເງິນໃຫ້ຄອບຄົວຮັ່ງມີ, ອຸດົມສົມບູນ ຄອບຄົວມີອາຫານດີ ແລະ ພຽງພໍສຳລັບໝົດທຸກຄົນ ຄອບຄົວມີເງິນພຽງພໍສຳລັບຊື້ເຄື່ອງໃຊ້ທີ່ຈຳເປັນ ລູກໆທຸກຄົນໄດ້ເຂົ້າໂຮງຮຽນດີ ແລະ ສາມາດຮຽນໃນລະດັບສູງໄດ້ ວິທີການ ການວາງແຜນຄອບຄົວ ມີ 2 ແບບຄື: – ການວາງແຜນຄອບຄົວແບບຊົ່ວຄາວ – ການວາງແຜນຄອບຄົວແບບຖາວອນ ວິທີການວາງແຜນຄອບຄົວຊົ່ວຄາວ ການວາງແຜນຄອບຄົວຊົ່ວຄາວໄລຍະສັ້ນ: 1. ຢາເມັດຄຸມກຳເນີດ ມີທັງຊະນິດດ່ຽວ …

ເອົາໃຈຄົນຂີ້ຄ້ານອາບນໍ້າສຸດໆ! 6 ຂໍ້ດີທີ່ນັກວິທະຍາສາດບອກ “ບໍ່ຕ້ອງອາບນໍ້າ” ທຸກມື້ກໍໄດ້!!! ໃຜບອກສົກກະປົກ… ຖຽງສຸດໃຈຈ່າ! ການອາບນໍ້າດຸໆອາດຈະສົ່ງຜົນເສຍຫຼາຍກວ່າຜົນດີ ມາເບິ່ງກັນວ່າ 6 ຂໍ້ດີຂອງການບໍ່ອາຍນໍ້າທຸກມື້ມີຫຍັງແດ່? ເລື່ອງ ການອາບນໍ້າ ຫຼາຍຄົນອາດເບິ່ງວ່າເປັນເລື່ອງຂອງການຮັກສາຄວາມສະອາດ ໃຜທີ່ບໍ່ມັກອາບນໍ້າຈະຖືກເບິ່ງວ່າເປັນພວກສົກກະປົກ ໂດຍສະເພາະແມ່ຍິງຢ່າງເຮົາໆ ທີ່ຈະຖືກຕັດສິນໄປນໍາວ່າບໍ່ຮູ້ຈັກເບິ່ງແຍງຕົວເອງ… ແຕ່ມື້ນີ້ Kuanjai ມີຂໍ້ມູນເດັດໆ ມາໃຫ້ສໍາລັບສາວໆທີ່ບໍ່ມັກອາບນໍ້າໂດຍສະເພາະ ເພາະວ່າຄວາມຈິງແລ້ວນັກວິທະຍາສາດເຂົາບອກມາວ່າ ອາບນໍ້າດຸກໍບໍ່ໄດ້ດີສະເໝີໄປ!! ລອງອ່ານເບິ່ງເດີ່ ຈະໄດ້ເອົາໄປໂຕ້ກັບຄົນອື່ນເວລາທີ່ໃຜມາບອກວ່າເຮົາສົກກະປົກ ບອກເລີຍວ່າ ບໍ່ແມ່ນຄວາມຈິງເລີຍ!!!! ອາບນໍ້າຕະຫຼອດເຮັດໃຫ້ຜິວແຫ້ງເສຍ ສໍາລັບສາວໆທີ່ມັກອາບນໍ້າອຸ່ນເປັນຊີວິດຈິດໃຈ ບອກເລີຍເດີ່ວ່າພາດຫຼາຍ ເພາະເຈົ້າກໍາລັງຈະເຮັດສິ່ງທີ່ທໍາຮ້າຍຜິວຢ່າງຮຸນແຮງ ການອາບນໍ້າຕະຫຼອດເຮັດໃຫ້ຄວາມຊຸ່ມຊື່ນຂອງຜິວໜັງເຮົາຫາຍໄປ ເມື່ອດົນໄປຈະເຮັດໃຫ້ຜິວແຫ້ງເສຍ ຫຍາບກະດ້າງ  ແລະຍັງເຮັດໃຫ້ຜິວຂອງສາວໆແຫ່ວລົງກ່ອນໄວອັນຄວນນໍາອີກ ເພາະສະນັ້ນ ມື້ໃດທີ່ບໍ່ໄດ້ອອກຈາກເຮືອນໄປໃສກບໍ່ຕ້ອງອາບນໍ້າກໍໄດ້ ຖືວ່າເປັນການເກັບຄວາມຊຸ່ມຊື່ນໃຫ້ກັບຜິວກະແລ້ວກັນເນາະ!!! ເຮັດໃຫ້ຜິວມັນແບບຖາວອນ ການອາບນໍ້າເປັນການຊໍາລະລ້າງສິ່ງສົົກກະປົກຕ່າງໆອອກໄປຈາກຮ່າງກາຍຂອງເຮົາ ເຊິ່ງລວມໄປເຖິງຄວາມມັນຕ່າງໆທີ່ຢູ່ເທິງຕົວເຮົານໍາອີກ ຫຼັງຈາກອາບນໍ້າເຮົາຈະຮູ້ສຶກສະບາຍຕົວຂຶ້ນເພາະຜິວໃປາສະຈາກຄາບໄຂມັນເກາະຕິດ ເຮັດໃຫ້ຮູ້ສຶກບໍ່ໜຽວ ແຕ່ສາວໆຮູ້ບໍ່ວ່າຍິ່ງເຮົາອາບນໍ້າດຸເທົ່າໃດ ໄຂມັນຍິ່ງຖືກຜະລິດອອກມາຫຼາຍເທົ່ານັ້ນ ໝາຍຄວາມວ່າ ຍິ່ງເຮົາອາບນໍ້າຫຼາຍ ຜິວຂອງເຮົາກໍຈະຍິ່ງມັນງ່າຍຂຶ້ນ ເຮັດໃຫ້ເຮົາຕ້ອງອາບນໍ້າຕະຫຼອດເພາະອາບໄປໜ້ອຍດຽງກໍມັນອີກແລ້ວ ກາຍເປັນສິ່ງທີ່ບໍ່ສິ້ນສຸດ …