ດີເກີນໄປກໍບໍ່ດີ!!! 8 ເລື່ອງທີ່ບົ່ງບອກວ່າ ເຈົ້າເປັນຄົນດີເກີນໄປ ຟັງຫົວຂໍ້ແລ້ວອາດຈະຟັງແປກໆເນາະສາວໆ ແຕ່ການທີ່ເປັນຄົນດີເກີນໄປ ຜົນຕອບຮັບມັນກໍບໍ່ໄດ້ດີຄືທີ່ເຮົາຄິດໄວ້ສະເໝີໄປ ການກະທໍາບາງຢ່າງອາດຈະເຮັດໃຫ້ເຈົ້າເປັນທຸກໂດຍບໍ່ຮູ້ຕົວ!!!​ ແລະນີ້ຄື 8 ເລື່ອງທີ່ບົ່ງບອກວ່າເຈົ້າເປັນຄົນດີເກີນໄປ… ເຈົ້າຂໍໂທດໄວ ຫຼາຍໆໆໆ ເຈົ້າ!!! ຮັບຜິດທຸກຢ່າງ ແມ່ນແຕ່ຄໍາຫຍາບຄາຍ ແລະຄວາມຜິດຂອງຄົນອື່ນ ເຖິງວ່າການກະທໍານັ້ນເຈົ້າບໍ່ໄດ້ເປັນຄົນຜິດກໍຕາມື ແຕ່ເຈົ້າຈະແຄຄວາມຮູ້ສຶກຂອງອີກຝ່າຍຫຼາຍ ຈົນຍອມຮັບຜິດທຸກຢ່າງເອງ ເຈົ້າ! ອ່ອນໄຫວກັບຄວາມຮູ້ສຶກຂອງຄົນອື່ນ ຫຼາຍເກີນໄປ ຄົນເອີ້ນຊື່ເຈົ້າຜິດ ຫຼືເສີບອາຫານຜິດເມນູ ເຈົ້າຈະບໍ່ແກ້ໄຂ ຫຼືຂໍປ່ຽນຈານ ເພາະຢ້ານວ່າຈະທໍາຮ້າຍຄວາມຮູ້ສຶກພວກເຂົາ ອັນນີ້ກໍດີເກີນໄປເດີ້ສາວໆ ເຈົ້າ! ສົນແຕ່ວ່າຄົນອື່ນຈະມີຄວາມສຸກ ຫຼືບໍ່? ເຈົ້າຍອມທີ່ຈະກົ້ມລ້າງຈານໃນເຮືອນຄົວທັ້ງທີ່ເປັນງານ Party ຂອງຕົວເອງ ຫຼືບໍ່ກະແລ່ນເສີບນໍ້າ ເສີບອາຫານໃຫ້ແຂກຢ່າງວຸ່ນວາຍຈົນຕົວເອງບໍ່ໄດ້ມີເວລາມ່ວນເລີຍ ນັ້ນຄືເຮົາສົນໃຈແຕ່ວ່າຄົນອື່ນຈະມີຄວາມສຸກ ຫຼືບໍ່ ຈົນລືມຖາມຕົວເອງວ່າເຈົ້າມີຄວາມສຸກ ຫຼືບໍ່? ເຈົ້າ! ຫຼົງເຊື່ອພວກ “ຕໍແຫຼ” ງ່າຍໆ ເຈົ້າ! ເຫັນຄວາມດີຂອງຄົນອື່ນງ່າຍ ແຕ່ບໍ່ເຄີຍເຫັນຄວາມຊົ່ວໃນຕົວເຂົາເລີຍ ໃຫ້ມາບີບນໍ້າຕາໃຫ້ເຫັນໜ້ອຍໜຶ່ງກໍເຊື່ອເຂົາໄປໝົດແລ້ວ ບໍ່ມີໃຜຜິດໃນສາຍຕາເຈົ້າ …

Oh my got!! Update ລາຍໄດ້ ແລະສະຫວັດດີການຂອງ 10 ສາຍການບິນດັງທົ່ວໂລກ!!! ບໍ່ແປກໃຈເລີຍທີ່ໃຜໆກໍຢາກເປັນແອ!!! ແອຮ໋ອດສະເຕດ ສະຈ໋ວດ ຄົງເປັນວຽກໃນຝັນຂອງໃຜຫຼາຍໆຄົນ ເພາະເປັນວຽກທີ່ງ່າຍ ຄ່າຕອບແທນສູງ ວ່າແຕ່ວ່າຄ່າຕອບແທນສູງທີ່ວ່ານັ້ນມັນເທົ່າໃດກັນນ່າ!!! ຖ້າຢາກຮູ້ຕ້ອງມາເບິ່ງກັນເລີຍ!!! ສາຍການບິນ ອາມິເຣດ ແອລາຍ (Emirate Airline) ສາຍການບິນ ອາມິເຣດ ແອລາຍ (Emirate Airline) ເປັນສາຍການບິນຈາກປະເທດສະຫະລັດອາຣັບອາມິເຣດ ໃຫ້ບໍລິການໄປຍັງ 87 ຈຸດໝາຍປາຍທາງໃນ 59 ປະເທດທົ່ວໂລກ ແລະຍັງໃຫ້ບໍລິການຂົນສົ່ງສິນຄ້າພາຍໃຕ້ຊື່ ອາມິເຣດ ສະກາຍຄາໂກ ໂດຍໃຫ້ບໍລິການຢູ່ທີ່ ມະໜາມບິນນານາຊາດ ດູໄບ້ ເຄື່ອງບິນຂອງ ອາມິເຣດແອລາຍ ເປັນເຄື່ອງບິນທີ່ຄ້ອນຂ້າງໃໝ່ ພະນັກງານໃຫ້ບໍລິການລູກຄ້າໄດ້ດີຫຼາຍ ບໍລິການຕ່າງໆເທິງເຄື່ອງບິນຄ້ອນຂ້າງດີ ສ່ວນເລື່ອງລາຄາປີ້ນັ້ນຄ້ອນຂ້າງຖືກ ເມື່ອທຽບກັບສາຍການບິນອື່ນໆ ແລະພະນັກງານຍັງສາມາດເວົ້າໄດ້ຫຼາຍພາສານໍາອີກ!!! ລາຍໄດ້ຕໍ່ເດືອນຂອງພະນັກງານຕ້ອນຮັບເທິງເຄື່ອງບິນຢູ່ທີ່ 20.000.000-27.500.000 ກີບ ຫຼື …

5 ເຫດຜົນຂອງສາວ 30+ ເລືອກ ຄອງໂສດ ດີກວ່າແຕ່ງງານ!!! ສາວໆ ຫຼາຍໆຄົນອາດຍັງຄົງສົງໄສວ່າ ເປັນຫຍັງດຽວນີ້ຈໍານວນຄົນໂສດເພີ່ມຫຼາຍຂຶ້ນ ຫຼືຄົນເຫຼົ່ານັ້ນເຂົາບໍ່ຢາກມີຄວາມຮັກກັນຫວາ? ຫາກອາຍຸຍັງນ້ອຍເລື່ອງພວກນີ້ກໍຄົງບໍ່ເປັນປະເດັນປານໃດ ແຕ່ຖ້າເບິ່ງໃນມຸມສາວໂສດ 30+ ແລ້ວນັ້ນ ໜຸ່ມໆຫຼາຍຄົນອາດຈະຢາກຮູ້ວ່າເປັນຫຍັງນໍ່? ພວກນາງຈຶ່ງບໍ່ຍອມລົງຈາກຄານທອງຈັກເທື່ອ ທັ້ງທີ່ໜ້າຕາກໍງາມ ໜ້າທີ່ວຽກງານກໍດີ! ມື້ນີ້ຂວັນໃຈຈະມາບອກໃຫ້ຮູ້ເຖິງ 5 ສາເຫດທີ່ສາວໆ 30+ ເລືອກທີ່ຈະຄອງໂສດດີກວ່າແຕ່ງງານ!! ໄປເບິ່ງກັນເລີຍ!!! ຂ່າວຄວາມຮັກ ຄວາມຮຸນແຮງມີທົ່ວບ້ານທົ່ວເມືອງ ຂໍ້ນີ້ຖືວ່າເປັນອັນດັບຕົ້ນໆເລີຍກໍວ່າໄດ້ ເພາະການເຂົ້າເຖິງຂ່າວສານໃນປັດຈຸບັນນັ້ນງ່າຍຫຼາຍ ແລ້ວກໍຕ້ອງຍອມຮັບອີກວ່າເປີດມາໃນແຕ່ລະມື້ ກໍຕ້ອງພົບກັບຂ່າວຂ່າແກງກັນເພາະຫຶງຫວງ ຕົບຕີຍາດຊິງ ຖ່າຍຄຼິບປະຈານກັນ ມັນເປັນຕາຢ້ານກໍບ່ອນທີ່ວ່າ ເດັກນ້ອຍອາຍຸຍັງບໍ່ຮອດ 20 ປີ ກໍເກີດເລື່ອງພວກນີ້ແລ້ວ ມັນຈຶ່ງເປັນອີກເຫດຜົນໜຶ່ງທີ່ເຮັດໃຫ້ສາວໆ 30+ ຫຼີກລ່ຽງການມີຄວາມຮັກ ເພາະຢູ່ຄົນດຽວແລ້ວສະບາຍໃຈກວ່າຫຼາຍ ບໍ່ຕ້ອງຢ້ານຈະພົບກັບຄວາມຮຸນແຮງເຫຼົ່ານັ້ນ ເຄີຍໄວ້ໃຈ ເຊື່ອໃຈ ສຸດທ້າຍເຈັບເອງ ຄວາມຮັກຄວາມເຊື່ອໃຈເປັນຫຍັງທີ່ຕ້ອງມາຄູ່ກັນ ແຕ່ເມື່ອໃດກໍຕາມທີ່ຄວາມເຊື່ອໃຈເຫຼົ່ານັ້ນຖືກທໍາລາຍ ໂດຍສະເພາະການທີ່ສາວໆຈັບໄດ້ວ່າ ຄົນທີ່ຄົບຢູ່ນອກໃຈ ເລື່ອງແບບນີ້ມັນເປັນຫຍັງທີ່ລະອຽດອ່ອນຫຼາຍ …

ເຮັດແນວໃດໃຫ້ຜູ້ຊາຍ “ຫຼົງ” ຈົນບໍ່ຢາກໄປໃສ ສາວໆຄົນໃດຢາກໃຫ້ຜູ້ຊາຍຮັກ ຜູ້ຊາຍຫຼົງ ມາເບິ່ງ 18 ວິທີດີໆ! ບອກເລີຍວ່າໄປໃສບໍ່ລອດແນ່ນອນ!!! ແຊຣໄປຈ່າ ເປັນຄົນມີເຫດຜົນ ໃຜໆກໍມັກຄົນມີເຫດຜົນ ມີຫຍັງກໍຫັນໜ້າມາລົມກັນເຖິງບັນຫາທີ່ເກີດຂຶ້ນ ເພື່ອຊ່ວຍກັນຫາທາງແກ້ໄຂ ບໍ່ແມ່ນມີແຕ່ງອນບໍ່ເວົ້າບໍ່ວ່າ ແບບນີ້ໜຸ່ມໆເຂົາວ່າບໍ່ໜ້າຮັກເລີຍໃດ໋ສາວໆ ແຕ່ງໜ້າເບົາໆ ຄົນຮັກຂອງເຮົາຄົງຮູ້ສຶກສົດຊື່ນຖ້າໜ້າຕາເຮົາສົດໄສ ເບິ່ງເທື່ອໃດກໍຕົກຂຸມຮັກ ແລະຄົງມີຄວາມສຸກທີ່ໄດ້ເບິ່ງມາທີ່ເຮົາ ບໍ່ແມ່ນໜ້າສົດໃຕ້ຕາດໍາ ຜິວໝອງຄໍ້າ ເບິ່ງມາກໍມີແຕ່ຄວາມຫົດຫູ່ ແຕ່ສາວໆໃນການແຕ່ງໜ້າກໍຄວນແຕ່ງແບບພໍດີໄສໆເໝາະກັບໄວຈະເປັນຕາເບິ່ງຫຼາຍກວ່າເດີ່ ບໍ່ເປັນຄົນຂີ້ປະຊົດ ການປະຊົດເປັນພື້ນຖານຂອງນິໄສແມ່ຍິງຫຼາຍຄົນ ທີ່ພໍເວລາບໍ່ພໍໃຈກໍຈະບໍ່ເວົ້າໄປຕົງໆ ແຕ່ມັກສະແດງອອກດ້ວຍການກະທໍາ ຫຼືຄໍາເວົ້າໃນທາງກົງກັນຂ້າມ ທີ່ມີແຕ່ຈະເຮັດໃຫ້ແຟນໜຸ່ມຕ້ອງເຈັບຫົວ ດັ່ງນັ້ນ ຖ້າຢາກໃຫ້ເຂົາຮັກເຮົາຫຼາຍໆຄວນເລີກນິໄສແບບນີ້ຊະ ຄອຍໃຫ້ກໍາລັງໃຈກັນສະເໝີ ກໍາລັງໃຈເປັນສິ່ງທີ່ດີທີ່ຈະເປັນພະລັງດ້ານບວກ ເຮັດໃຫ້ເຮົາສາມາດເຮັດສິ່ງທີ່ຍາກໆໄດ້ສໍາເລັດ ອີກທັງຍັງຊ່ວຍໃຫ້ບັນຫາຕ່າງໆເບົາບາງລົງໄດ້ ໂດຍສະເພາະກໍາລັງໃຈຈາກຄົນທີ່ຮັກ ມັນຊ່າງມີພະລັງອັນມະຫາສານ ດັ່ງນັ້ນ ການເວົ້າໃຫ້ກໍາລັງໃຈແຟນເປັນສິ່ງທີ່ຈະຊ່ວຍໃຫ້ເຂົາຮັກເຮົາຫຼາຍຂຶ້ນໄດ້ເດີ້ ບໍ່ເວົ້າຄໍາຫຍາບ ບໍ່ມີໃຜມັກແມ່ຍິງເວົ້າຈາບໍ່ມ່ວນດອກ ຄໍາຫຍາບອາດຈະສະແດງເຖິງຄວາມສະນິດສະໜົມແບບໝູ່ເພື່ອນ ແຕ່ຖ້າເອົາຄວາມຈິງແລ້ວ ຜູ້ຊາຍບໍ່ໄດ້ຢາກໄດ້ແມ່ຍິງເວົ້າແຕ່ຄໍາຫຍາບໆມາເປັນແຟນດອກ ເພາະການເວົ້າຈາດີໆ ຈະເຮັດໃຫ້ເບິ່ງໜ້າຖະນຸຖະໜອມຫຼາຍກວ່າ ຂີ້ອ້ອນເປັນບາງເວລາ ເຖິງຈະເປັນແມ່ຍິງທີ່ແຂງແກ່ງເບິ່ງແຍງຕົວເອງໄດ້ ແຕ່ຜູ້ຊາຍຈະຮູ້ສຶກດີກວ່າຖ້າໄດ້ເປັນຄົນທີ່ເບິ່ງແຍງ …

ເມື່ອຖືກຖິ້ມ! 7 ວິທີ ທຳຄວາມເຂົ້າໃຈວ່າ ຮັກໄດ້ກໍ “ເຊົາຮັກ” ໄດ້ຄືກັນ ສາວໆຄວາມຮັກມັນຂຶ້ນຢູ່ກັບຄົນສອງຄົນ ທີ່ຕ້ອງຄອຍເບິ່ງແຍງເອົາໃຈໃສ່ກັນ ແຕ່ເມື່ອຮັກຂອງອີກຝ່າຍໜຶ່ງປ່ຽນແປງໄປ ຈາກມື້ທີ່ມີກັນແລະກັນ ມາປ່ອຍໃຫ້ອີກຝ່າຍໜຶ່ງຢູ່ຢ່າງດຽວດາຍ ແລະ ເມື່ອເຖິງເວລາສິ້ນສຸດລົງ ຄົນທີ່ຕ້ອງຮັບຄວາມເຈັບປວດທີ່ເກີດຂຶ້ນ ຈະມີວິທີແນວໃດເພື່ອເຮັດໃຫ້ລືມເຂົາຄົນນັ້ນ ແລະ ກັບມາຮັກຕົວເອງໄດ້ຄືເກົ່າ ລອງ 7 ວິທີ ທີ່ຈະຊ່ວຍໃຫ້ສາວໆທີ່ກໍາລັງ Hurt ໜັກໆ ກັບມາຮັກຕົວເອງໄດ້ ເມື່ອເຈົ້າໄດ້ໃຊ້ຄວາມພະຍາຍາມຢ່າງເຕັມທີ່ແລ້ວ ການຮັັກສາສາຍສໍາພັນທີ່ມີໃຫ້ກັບຄົນຮັກ ແຕ່ເຂົາກັບບໍ່ສົນໃຈ ກໍເຕືອນຕົວເອງເອົາໄວ້ວ່າ ເຂົາເປັນຝ່າຍປະຕິເສດຄວາມຮັກຈາກເຈົ້າ ດັ່ງນັ້ນ ເຂົາຈຶ່ງບໍ່ຄ່ອຍຮູ້ສຶກທຸກຮ້ອນຫຍັງເລີຍ ມີແຕ່ເຈົ້າເທົ່ານັ້ນທີ່ເປັນຝ່າຍເຈັບປວດຫຼາຍຂຶ້ນທຸກມື້ ເມື່ອຍອມຮັບກັບສິ່ງທີ່ເກີດຂຶ້ນໄດ້ແລ້ວ ລອງໃຊ້ເວລາກັບຕົວເອງເພື່ອຊອກຫາຕົ້ນຕໍ ສາເຫດທີ່ແທ້ຈິງວ່າ ເປັນຫຍັງເຈົ້າກັບເຂົາຈຶ່ງໄປນໍາກັນບໍ່ໄດ້ ໃນຂະນະທີ່ ໃຈຂອງເຈົ້າອາດກຳລັງຄິດວົນວຽນຢູ່ວ່າ ຄວາມຮັກທີ່ເຈົ້າທຸ່ມເທລົງໄປ ເປັນຫຍັງເຂົາຈຶ່ງບໍ່ຕອບແທນສິ່ງທີ່ດີກັບມາໃຫ້ເຈົ້າແດ່ ກາຍມາເປັນສິ່ງທີ່ເຈົ້າຕ້ອງເຂົ້າໃຈວ່າ ບໍ່ມີໃຜຜິດ ແຕ່ບັນຫາກໍຄື ທັງສອງຄົນມີຄວາມຄິດທີ່ແຕກຕ່າງກັນ ເຮັດໃຫ້ບໍ່ສາມາດໃຊ້ຊີວິດຮ່ວມກັນໄດ້ ຖ້າຄວາມຮັກຂອງເຈົ້າກໍາລັງເຖິງຂັ້ນວິກິດ ເຂົາບໍ່ສົນໃຈ ແລະ ບໍ່ໃຫ້ຄວາມຮັກກັບເຈົ້າອີກຕໍ່ໄປ …