Chic Working Women

ເພື່ອເປັນການບົ່ງບອກໃຫ້ມວນຊົນລາວໃນປັດຈຸບັນໄດ້ເຫັນພາບການຄ້າຂາຍແລກປ່ຽນສິນຄ້າກ່ຽວກັບອາຫານລາວໃນສະໄໝກ່ອນ, ຫຼ້າສຸດໃນຕອນບ່າຍຂອງວັນທີ 5 ກຸມພາ 2021 ສະມາຄົມນັກທຸລະກິດແມ່ຍິງ (ສທຍ) ຮ່ວມກັບ ສູນກາງ ສະຫະພັນແມ່ຍິງລາວ ໄດ້ຈັດງານຖະແຫຼງຂ່າວເທດສະການອາຫານລາວ ປະຈໍາປີ 2021 ຂຶ້ນ ທີ່ຮ້ານອາຫານ ເລີປາແດກ, ນະຄອນຫຼວງວຽງຈັນ. ໂດຍການເປັນປະທານຂອງທ່ານນາງ ຈັນທະຈອນ ວົງໄຊ ປະທານ ຄະນະບໍລິຫານ ສະມາຄົມນັກທຸລະກິດແມ່ຍິງ ພ້ອມທັງເປັນປະທານຄະນະກຳມະການຈັດງານເທດສະການອາຫານລາວປະຈຳປີ 2021 , ມີທ່ານນາງ ບົວຈັນ ສີຫານາດ ຮອງປະທານຄະນະບໍລິຫານງານ ສູນກາງສະຫະພັນແມ່ຍິງລາວ ພ້ອມດ້ວຍຄະນະ ສທຍ, ຜູ້ສະໜັບສະໜູນ, ບັນດາແຂກຖືກເຊີນ ແລະ ສື່ມວນຊົນເຂົ້າຮ່ວມ.  ໃນພິທີດັ່ງກ່າວ, ທ່ານນາງ ຈັນທະຈອນ ວົງໄຊ ປະທານ ຄະນະບໍລິຫານ ສະມາຄົມນັກທຸລະກິດແມ່ຍິງ ໄດ້ກ່າວວ່າ: ການຈັດງານໃນຄັ້ງນີ້ ພາຍໃຕ້ຄໍາຂວັນທີ່ວ່າ: “ກິນ, ຢູ່, ຮຽນຮູ້ວິຖີລາວ ” ກໍເພື່ອໃຫ້ຮູ້ເຖິງ ແນວຄວາມຄິດ …

ຖ້າເຈົ້າເປັນຄົນໜຶ່ງທີ່ກົດປຸ່ມເລື່ອນໂມງປຸກໃນຕອນເຊົ້າຫຼາຍກວ່າ 10 ຄັ້ງກ່ອນຈະລຸກອອກຈາກບ່ອນນອນ ໃຊ້ເວລາແຕ່ງໜ້າ ແຕ່ງຕົວດົນ ຫຼືຟ້າວໆ ກິນເຂົ້າເຊົ້າລະຫວ່າງຂັບລົດໄປເຮັດວຽກ ບອກເລີຍວ່າກິດຈະກໍາຕອນເຊົ້າຂອງເຈົ້າ ຄວນປ່ຽນແປງໄດ້ແລ້ວແຫຼະ ຖ້າຕ້ອງການຈະມີຊີວິດທີ່ປະສົບຄວາມສໍາເລັດ!!! ແລະ ນີ້ຄື ສິ່ງທີ່ແມ່ຍິງປະສົບຄວາມສໍາເລັດ ມັກເຮັດກ່ອນ 9 ໂມງເຊົ້າ… 1.​ ເຄື່ອນໄຫວຮ່າງກາຍໃນຕອນເຊົ້າ ບໍ່ຈໍາເປັນຕ້ອງເຖິງຂັ້ນລຸກຂຶ້ນມາອອກກໍາລັງກາຍ ພຽງເຝິກ ໂຍຄະ ຫຼືໄປຍ່າງຫຼິ້ນ ກໍຊ່ວຍເຮັດໃຫ້ເລືອດລົມໄຫຼວຽນດີ ຫຼຸດຄວາມຕຶງຄຽດ ແລະ ເສີມສ້າງອາລົມໄດ້ແລ້ວ 2. ບໍ່ກົດປຸ່ມເລື່ອນເວລາໂມງປຸກ ການກົດປຸ່ມເລື່ອນເວລາໂມງປຸກ ຈະເຮັດໃຫ້ໂມງຊີວະພາບຂອງເຈົ້າເກີດອາການວົນກັບ ເຊິ່ງອາດຈະເຮັດໃຫ້ຮູ້ສຶກບໍ່ສົດຊື່ນ ແລະ ອ່ອນເພຍຫຼາຍເປັນພິເສດ ໂດຍອາການດັ່ງກ່າວຈະກິນເວລາດົນເຖິງ 2-4 ຊົ່ວໂມງເລີຍແຫຼະ!! ຍ້ອນແບບນີ້ ແມ່ຍິງຜູ້ທີ່ປະສົບຄວາມສໍາເລັດ ຈຶ່ງຕ້ອງເຝິກຕົວເອງໃຫ້ຕື່ນທັນໂມງປຸກດັງ 3. ຮັບປະທານອາຫານເຊົ້າ ອາຫານເຊົ້າ ຄືແຫຼ່ງພະລັງງານທີ່ເຈົ້າຕ້ອງການ ເພື່ອເລີ່ມຕົ້ນວັນໃໝ່ຢ່າງແທ້ຈິງ ເຊິ່ງຄົນທີ່ເຮັດວຽກໄດ້ດີ ແລະ ຜູ້ປະສົບຄວາມສໍາເລັດທັງຫຼາຍ ຈຶ່ງມັກໃຫ້ຄວາມສໍາຄັນກັບການຮັບປະທານອາຫານເຊົ້າເພື່ອສຸຂະພາບທີ່ດີ ເພາະຊ່ວຍເພີ່ມປະສິດທິພາບໃນການເຮັດວຽກຂອງສະໝອງ ດັ່ງນັ້ນ …

ໂສດມາດົນຢາກມີຄວາມຮັກເຮັດແນວໃດດີ? ຫຼາຍໆຄົນອາດມີສາເຫດຂອງການບໍ່ຍ້ອມມີແຟນທີ່ແຕກຕ່າງກັນໄປ ເຊິງມັນອາດຈະມາຈາກຫຼາກຫຼາຍປັດໃຈ ເຊັ່ນວ່າ ຍັງບໍ່ພ້ອມມີຄວາມຮັກ, ຍັງເຂັດຫຼາບຈາກຄວາມຮັກເກົ່າໃນອາດິດ, ຍັງບໍ່ທັນມີໃຜທີ່ເຂົ້າຕາ ຫຼືມີແລ້ວແຕ່ເຂົາຄົນນັ້ນພັດວ່າມີແຟນປະແລ້ວ ລວມໄປເຖິງບາງຄົນກໍຢາກມີຄວາມຮັກແຕ່ບໍ່ກ້າ….ເລີຍເປັນເຫດເຮັດໃຫ້ຫຼາຍຄົນບໍ່ມີໂອກາດແກວ່ງຄວາມໂສດຖີ້ມຈັກເທື່ອ!! ບັນດາໜຸ່ມໆສາວໆທີ່ຍັງບໍ່ທັນມີແຟນທັງຫຼາຍຢ່າຟ້າວນ້ອຍໃຈເດີ!! ມື້ນີ້ ຂວັນໃຈຂໍເອົາໃຈໄວໂສດໂດຍການມາເວົ້າເຖິງເລື່ອງແນວທາງໄອເດຍດີໆທີ່ຈະເຮັດໃຫ້ຄົນໂສດທັງຫຼາຍນັ້ນສົມຫວັງໃນເລື່ອງຄວາມຮັກ ລວມມີ 5 ຂໍ້ ກົນລະຍຸດນໍາກັນ ເຊິ່ງຈະມີຫຍັງແດ່ນັ້ນໄປອ່ານນໍາກັນເລີຍ!! ເບິ່ງແຍງຕົນເອງກ່ອນເປັນອັນດັບທໍາອິດ ກົດແຮງດືງດູດມັກດືງດູດຄົນທີ່ຄືກັນເຂົ້າມາຫາກັນ ສະນັ້ນ ຖ້າເຮົາຕັ້ງເປົ້າໝາຍວ່າຢາກໄດ້ຄົນແນວໃດ ເຮົາກໍຕ້ອງສ້າງຕົນເອງໃຫ້ເປັນແບບນັ້ນຄືກັນ ແລະ ທີ່ສໍາຄັນແຫ່ງເຮົາຮູ້ຮັກຮູ້ເບິ່ງແຍງດູແລຕົນເອງໄດ້ດີເທົ່າໃດ ກໍແຫ່ງມີແນວໂນ້ມຈະພົບຄົນຮັກທີ່ຄ້າຍຄືກັບເຮົາຫຼາຍຂຶ້ນ. ຕັດຄວາມຜູກພັນຈາກຄົນໃນອາດິດ ພະຍາຍາມຈິນຕະນາການຄວາມສໍາພັນໃນແບບທີ່ເຮົາຕ້ອງການ ຈາກນັ້ນກໍໃຫ້ຄືດເຖິງຄົນທີ່ມີຄວາມຜູກພັນໃນອາດິດວ່າ ພວກເຂົາສາມາດໃຫ້ຄວາມສໍາພັນແບບທີ່ເຮົາຕ້ອງການໄດ້ ຫຼືບໍ່ໄດ້ ຖ້າຄໍາຕອບຄື “ບໍ່ໄດ້” ກໍຢ່າໄປຢ້ານທີ່ຈະຕັດຄວາມສໍາພັນ ເພາະເຂົາເຈົ້າຈະເຮັດໃນສິ່ງທີ່ເຮົາຕ້ອງການບໍ່ໄດ້ ເຊິ່ງມັນເປັນການເຮັດໃຫ້ເຮົາເສຍເວລາໃນການເປິດໂອກາດໃຫ້ຄົນໃຫມ່ເຂົ້າມາຫາເຮົານັ້ນເອງ. ເປິດໃຈເວົ້າວ່າ “ແມ່ນ” ໃຫ້ຫຼາຍຂຶ້ນ ໝາຍເຖິງການເປິດໃຈບໍ່ປະຕິເສດຄົນທີ່ເຂົ້າມາລົມ ຫຼືການໄດ້ຮູ້ຈັກກັບຄົນໃຫມ່ໆ ເພາະມັນເປັນການຊ່ວຍເປິດໂອກາດໃຫ້ໄດ້ຮູ້ຈັກກັນຫຼາຍຂຶ້ນ ຍ້ອນວ່າເຮົາຈະບໍ່ມີທາງຮູ້ໄດ້ທັນທີວ່າໃຜຄືຄົນທີ່ແມ່ນ, ຈະຊອກໄດ້ຢູ່ໃສ ແລະ ຕອນໃດ ຖ້າເຮົາບໍ່ລອງເປິດໃຈເຮົາກໍຈະບໍ່ຮູ້ແບບນີ້ໄປເລື້ອຍໆ. ພະຍາຍາມອອກໄປເຮັດກິດຈະກໍາໃຫມ່ໆ ພົບຄົນໃຫມ່ໆ ຈາກທີ່ເມົາມົວຢູ່ກັບສິ່ງເກົ່າໆເດີມໆ ຫຼືອາດຈະປ່ຽນຈາກການຢູ່ເຮືອນໄປທ່ຽວນໍາຫມູ່, ຊອກບ່ອນຮຽນພາສາທີ່ຕົນສົນໃຈ, ໄປອອກກໍາລັງກາຍ ຫຼືຮ່ວມກິດຈະກໍາຕ່າງທາງສັງຄົມໃຫ້ຫຼາຍຂຶ້ນ ເພາະສິ່ງເລັກໆນ້ອຍໆໃນຊີວິດປະຈໍາວັນເຫຼົ່ານີ້ອາດຊ່ວຍໃຫ້ເຮົາພົບກັບຄົນໃຫມ່ໆໄດ້ໄວຂຶ້ນ. …

ຫວານແຕ່ຕົ້ນເດືອນກັນເລີຍທີ່ດຽວ ກັບໝຸ່ມ ບິກໃຫຍ່ ຫຼືທີ່ຫຼາຍຄົນຮູ້ຈັກໃນນາມແບກຶ ເຈົ້າຂອງຜົນງານເພລງ 100 ລ້ານວິວ ທີ່ໂດ່ດັງໄປທົ່ວໂລກ ແລະ ຍັງມີອີກຫຼາຍຜົນງານເພລງທີ່ສ້າງສັນອອກມາໃຫ້ທຸກຄົນໄດ້ຕິດຕາມກັນ… ລ່າສຸດມື້ວານ ໝຸ່ມແບກຶ ໄດ້ໂພສຮູບພາບໃນເຟສບຸກສ່ວນຕົວ ໂດຍໃສ່ແຄັບຊັ່ນວ່າ: ເດືອນແຮງຄວາມຮັກ ຂອງຂວັນລາວງໜ້າ 10 ລ້ານ. ເປັນໂມເມັ້ນທີ່ໃຜໆກໍອິດສາ… ຂອບໃຈຮູບພາບ: Syhalath sitthisarn

ເມື່ອບໍ່ດົນມານີ້ ເທຣນແຕ່ງໜ້າ ຮ້ອງໄຫ້ ທີ່ມີເຄືອບນໍ້າຕາໃສໆ ຕິດຢູ່ເທິງແກ້ມທັງສອງຂ້າງ ກາຍເປັນເທຣນແຕ່ງໜ້າສຸດຮ໋ອດ ແລະ ໂດ່ງດັງໃນໂລກອອນລາຍ ຊຶ່ງໄດ້ແຮງບັນດານໃຈມາຈາກສາວຈີນທີ່ພາກັນແຕ່ງໜ້າລຸກ ຮ້ອງໄຫ້ ຫຼື Fake Tear Makeup ແລ້ວໂພສລົງໃນທາງໂຊຊຽວຂອງຕົວເອງ ທັງໃນ TikTok, Instagram, Twitter ແລະ YouTube ຈົນເຮັດໃຫ້ສາວໆທົ່ວໂລກແຕ່ງຕາມກັນເປັນຕໍານວນຫຼວງຫຼາຍ… ລ່າສຸດເທຣນແຕ່ງໜ້າລຸກຮ້ອງໄຫ້ ໄດ້ເຜີຍແຜ່ໄປສູ່ທົ່ວໂລກ ບິວຕີ້ ບ໋ອກເກີ້ ລວມເຖິງ ຢູທຸບເບີ້ ທີ່ມັກໃນການແຕ່ງໜ້າພາກັນອວດຝີມືໃນການແຕ່ງລຸກຮ້ອງໄຫ້ ເຊິ່ງເທັກນິກຫຼັກໆໃນການແຕ່ງໜ້າກໍຄືການໃຊ້ ອາຍແຊໂດປະສົມຊິມເມີໂທນສີຂາວມຸກ ແລ້ວກໍ່ອອກມາເປັນຍົດນໍ້າຕາອັນສວຍງາມ…ແຕ່ວ່າເທຣນແຕ່ງໜ້າລຸກນີ້ກໍ່ບໍ່ແມ່ນເລື່ອງແປກໃໝ່!! ເພາະການແຕ່ງໜ້າສະຕາຍນີ້ກໍມີມາແຕ່ດົນແລ້ວ ທີ່ມັກພົບເຫັນໃນແຟຊັ່ນເຊັດ, ມິວສິກວິດີໂອຂອງຄົນດັງ ລວມໄປເຖິງເທດສະການວັນຮາລາວີນ…