ຂ່າວບັນເທີງນອກປະເທດ

ຂ່າວລືກາຍເປັນຂ່າວແທ້ ແຕ່ເປັນຂ່າວທີ່ແຟນຄຣັບບໍ່ຢາກໃຫ້ເກີດຂຶ້ນ ແຕ່ມັນກໍເກີດຂຶ້ນມາແລ້ວ… ເມື່ອໜຸ່ມອາເລັກ ແຟນໜຸ່ມຂອງສາວເຕີ້ຍ ຈະລິນພອນ ນາງເອກຊື່ດັງ (ປະເທດໄທ) ໄດ້ອອກມາເຜີຍວ່າ: “ເຮົາຄົບກັນມາເກືອບ 3 ປີ ພະຍາຍາມປັບຈູນ ທໍາຄວາມເຂົ້າໃຈກັນແລ້ວ ບໍ່ຮູ້ວ່າອາດຈະມີທາງທີ່ດີກວ່ານີ້ບໍ່ ແຕ່ເຮົາຊອກມັນບໍ່ພົບ ຈຶ່ງຕ້ອງຫຼຸດສະຖານະເຫຼືອພຽງແຕ່ຄໍາວ່າ ໝູ່ຄືເກົ່າ… ຊ່ວງໄລຍະທີ່ຄົບກັນ ເຮົາສອງຄົນໄດ້ໃຫຍ່ຂຶ້ນ ເຮົາມີເວລາດີໆຮ່ວມກັນ ລາວກໍເຮັດໃຫ້ອາເລັກໃຫຍ່ຂຶ້ນ ຕ້ອງຂອບໃຈລາວຫຼາຍໆເລີຍ ອາເລັກເວົາໄດ້ເຕັມປາກເລີຍວ່າ ຊ່ວງເວລາທີ່ຜ່ານມາ ເປັນຊ່ວງເວລາໜຶ່ງທີ່ມີຄຸນຄ່າຫຼາຍທີ່ສຸດໃນຊີວິດ” ຫຼັງຈາກນັ້ນກໍໄດ້ແຟນຄຣັບເຂົ້າໄປໃຫ້ກໍາລັງໃຈທັງສອງເປັນຈໍານວນຫຼວງຫຼາຍ ແຕ່ກໍຍັງມີຊາວເນັດບາງຄົນທີ່ຍັງຕິດໃຈກັບສາວໆແກ໊ງ ເຟີບີ່ ວ່າທຸກຄົນຈະຕ້ອງຄົບກັບໄຮໂຊທຸກຄົນ ເຊິ່ງໜຶ່ງໃນນັ້ນກໍມີສາວ ແຕ້ວ ນັດຖະພອນ ທີ່ຫາກໍປະກາດເລີກກັບໜຸ່ມຕົ້ນ ແລ້ວມາຄົບກັບໄຮໂຊໜຸ່ມນອກວົງການ ສຸດທ້າຍກໍເຫຼືອພຽງ ເຕີ້ຍ ຈະຣິນພອນ ຄົນດຽວ ແຕ່ຕອນນີ້ກໍຊັດເຈນແລ້ວວ່າ ເຕີ້ຍ-ອາເລັກໄດ້ຕັດສິນໃຈຈົບຄວາມສໍາພັນກັນແລ້ວ… ແຕ່ງານນີ້ ໜຸ່ມອາເລັກ ກໍໄດ້ອອກມາຢືນຢັນວ່າ ເຕີ້ຍ ບໍ່ແມ່ນຄົນແບບນັ້ນ ເຕີ້ຍ ບໍ່ແມ່ນຄົນທີ່ເລືອກຄົບຄົນທີ່ຖານະ ໜ້າຕາ ແຕ່ອະນາຄົດ ເຕີ້ຍ ຈະເລືອກໃຜນັ້ນກໍເປັນສິດຂອງລາວ ອ່ອຍຍຍ ຜູ້ຊາຍອີ່ຫຍັງຈັ່ງແມ່ນເປັນສຸພາບບູລຸດຂະໜາດນີ້!! …

ກາຍເປັນດຣາມ່າຕອນເດິກໄປບໍ່ໜ້ອຍ ສໍາລັບປະເດັນຂອງນັກສະແດງໄວລຸ້ນໄທ ພະເອກຊີຣີ່ “Who are you” ທີ່ກໍາລັງມາແຮງຢູ່ໃນຕອນນີ້ສໍາລັບໜຸ່ມ  ຄຣິສ ພິລະວັດ ແສງໂພທິຣັດ ຫຼັງຈາກມີຄົນເຂົ້າໄປຄົ້ນພົບວ່າ ເມື່ອ 3 ປີກ່ອນ ໜຸ່ມຄຣິສ ເຄີຍໂພສຂໍ້ຄວາມໃນລັກນະຫຍຽດຫຍາມ ບໍ່ໃຫ້ກຽດຄົນລາວ ໂດຍໃຊ້ຄໍາວ່າ “ລາວ ປັນຍາອ່ອນ ເຮັດເພື່ອຫຍັງ ຢູ່ລ້າບໍ່ເປັນ ສັX” ຈົນເຮັດທັງຄົນໄທເຊື້ອສາຍລາວ ແລະ ຄົນລາວທີ່ເປັນແຟນຄຣັບຢູ່ ອອກມາສະແດງຄວາມຄິດເຫັນຕ່າງໆນາໆເຖິງຄໍາເວົ້າທີ່ບໍ່ໃຫ້ກຽດເຊື້ອຊາດດັ່ງກ່າວ ລວມທັງ Net Idol ຊື່ດັງຂອງລາວເຮົາຄື ສາວແກ້ວຕາ ກໍໄດ້ເຂົ້າໄປສະແດງຄວາມຄິດເຫັນວ່າ “ລາວເປັນຊື່ປະເທດເດີ້ ບໍ່ໄດ້ມີຄວາມໝາຍວ່າ ບ້ານນອກນໍາ ບໍ່ຄວນເອົາມາເປັນຄໍາດ່າເນາະ” ນອກຈາກນັ້ນຍັງມີປະເດັນທີ່ ໜຸ່ມຄຣິສ ເຄີຍ Live ຫຍຽດຫຍາມເພດທີ່ 3 ໂດຍໃຊ້ຄໍາເວົ້າບໍ່ມ່ວນວ່າ “ເກ-ພ່ອງ” ຄວາມໝາຍຄືເກພໍ່ມຶງຫວາ; ລວມໄປເຖິງປະເດັນການເຢາະເຢີ້ຍເລື່ອງຄະດີຂົ່ມຂືນ ທີ່ໜຸ່ມຄົນນີ້ເອົາມາເວົ້າແບບມ່ວນປາກ… ກໍເປັນປະເດັນເຮັດໃຫ້ເກີດກະແສດຣາມ່າເຊັ່ນດຽວກັນ!!! ຈາກເຫດການດັ່ງກ່າວ ໜຸ່ມຄຣີສ ກໍໄດ້ອອກມາຖະແຫຼງຂ່າວຂໍໂທດທຸກການກະທໍາ ແລະ ພຶດຕິກໍາທີ່ບໍ່ຄ່ອຍດີຂອງຕົນເອງ …

ເຖີງວ່າໃນວັນທີ 14 ມີຖຸນາ ທີ່ຜ່ານມາຈະກົງກັບວັນເກີດຂອງປະທານາທິບໍດີ ໂດຮັລ ທຣັ້ມ ແຕ່ບັນດາຄົນດັງ ແລະ ຜູ້ຄົນຈໍານວນຫຼາຍທີ່ອາໃສຢູ່ໃນ ສ.ອາເມລິກາ ໄດ້ໂພສຂໍ້ຄວາມຜ່ານ Twitter ໂດຍໃຊ້ວັນດັ່ງກ່າວເພື່ອສະເຫຼີມສະຫຼອງຄວາມສໍາເລັດ ແລະ ຍົກຍ່ອງ ອະດີດປະທານາທິບໍດີ ບາຣັກ ໂອບາມ່າ ແທນໂດຍໃຊ້ແຮັດແທັກ #Obama Day June 14th, #Obama Appreciation Day, #Obama Day USA ແລະ #All Birthdays Matter ເປັນຕົ້ນ. ສໍາລັບ #ObamaAppreciationDay  ສາມາດຂຶ້ນອັນດັບ 1 ດ້ວຍຍອກ Twit ຫຼາຍກວ່າ 250,000 ครั้ง ສ່ວນ #HappyBirthdayDonaldTrump ຕິດຢູ່ທີ່ອັນດັບທີ 24. ສໍາລັບຄົນດັງທີ່ໄດ້ອອກມາສະຫຼອງໃຫ້ກັບ ທ່ານ ໂອບາມ່າ ມີທັງຜູ້ກໍາກັບ Ava DuVernay, Mariah …

ຖ້າເວົ້າເຖິງເວທີນາງງາມລະດັບໂລກຄື Miss Universe ຄົງບໍ່ມີໃຜທີ່ບໍ່ຮູ້ຈັກ ແລະ ຖ້າເວົ້າຊື່ນີ້ມາເຊື່ອຫຼາຍຄົນຕ້ອງນຶກເຫັນພາບນາງງາມຈັກກະວານຄົນຫຼ້າສຸດຄື Zozibini Tunzi ສາວໄວ 26 ປີ ນາງງາມຕົວແທນຈາກ ອາຟຣິກາໃຕ້. ໂດຍສະເພາະໃນໄລຍະທີ່ໄດ້ຮັບຕໍາແໜ່ງໃໝ່ໆໃນປີ 2019 ຊື່ສຽງຂອງສາວຜິວສີຄົນນີ້ໄດ້ໂດ່ງດັງພໍສົມຄວນ ຈາກຄວາມຄິດ ແລະ ທັດສະນະຄະຕິຕະຫຼອດການປະກວດ ແລະ ການຕອບຄໍາຖາມໃນຄໍ່າຄືນມື້ຕັດສິນ ເຊິ່ງຄົນທົ່ວໂລກຕ່າງເວົ້າອອກມາເປັນສຽງດຽວກັນວ່າ ຕູ່ນສີ ເໝາະສົມກັບຕໍາແໜ່ງ ນາງງາມຈັກກະວານຄົນທີ 68 ຂອງໂລກທີ່ສຸດແລ້ວ. ໂດຍປະໂຫຍກທີ່ໝາຍເຖິງຄວາມຄິດ ທັດສະນະຄະຕິຂອງນາງທີ່ເປັນສິ່ງທີ່ເຮັດໃຫ້ນາງໄດ້ຮັບຄະແນນ ແລະ ຕໍາແໜ່ງຄົງຈະແມ່ນການຕອບຄໍາຖາມວ່າ “ຂ້ອຍເຕີບໃຫຍ່ໃນສັຄົມທີ່ສີຜິວຄືຂ້ອຍ ຖືກເບິ່ງວ່າບໍ່ງາມເລີຍ ແຕ່ຂ້ອຍຢາກຈະຢຸດຄວາມຄິດນີ້ ແລະ ຢາກໃຫ້ທຸກຄົນເບິ່ງວ່າຂ້ອຍ ເບິ່ງໜ້າຂ້ອຍ ແລະ ໄດ້ເຫັນທຸກຄົນທີ່ຄືຂ້ອຍ ໃຫ້ສະທ້ອນຕົວຕົນທຸກຄົນເມື່ອໄດ້ເບິ່ງຂ້ອຍ” ແລະ ກາຍເປັນວະລີເດັດທີ່ເພຈດັງທົ່ວໂລກນໍາໄປໂພສ!!! ນອກຈາກນາງຈະໄດ້ຄອບຄອງຕໍາແໜ່ງ Miss Universe 2019 ແລ້ວ ນາງຍັງໄດ້ຮັບມົງກຸດອັນລໍ້າຄ່າ The Power of Unity ທີ່ໃຊ້ປີນີ້ເປັນປີທໍາອິດ …

ເປັນເລື່ອງທີ່ນ້າເສົ້າຫຼາຍ ເມື່ອນາງງາມສາວ “Daniella Álvarez” Miss Colombia 2011-2012 ໂພສຮູບພາບຕົວເອງໃນ IG ພ້ອມເຜີຍໃຫ້ເຫັນວ່າ ຂາເບື້ອງຊ້າຍຂອງນາງຕ້ອງຖືກຕັດອອກ ເນື່ອງຈາກກວດພົບວ່າມີເນື້ອງອກບໍລິເວນເອງ ຈຶ່ງເຮັດໃຫ້ເລືອດບໍ່ສາມາດລົງໄປລ້ຽງບໍລິເວນຂາໄດ້ ເຮັດໃຫ້ຂາຂາດເລືອດ ແລະ ຕ້ອງຕັດຂາໃນທີ່ສຸດ… ໂດຍນາງໄດ້ເຜີຍຄວາມຮູ້ສຶກຜ່ານຮູບພາບໃນ IG ວ່າ: “ຂ້ອຍຮັກຮ່າງກາຍຂອງຂ້ອຍຄືເກົ່າ ແລະ ຂ້ອຍມີຄວາມສຸກທີ່ໄດ້ຢູ່ເທິງໂລກໃບນີ້ ເພື່ອທ້າທາຍສິ່ງທີ່ຜ່ານເຂົ້າມາໃນຊີວິດໃໝ່ຂອງຂ້ອຍ” ຫຼັງຈາກນັ້ນກໍມີຄົນດັງ ແລະຄົນດັງຫຼາຍຄົນເຂົ້າໄປໃຫ້ກໍາລັງໃຈເປັນຈໍານວນຫຼວງຫຼາຍ… ແນວໃດກໍຕາມ ການສູນເສຍຂາທີ່ງົດງາມຂອງຄົນທີ່ເປັນນາງ-ນາງແບບນັ້ນ ຖືເປັນເລື່ອງທີ່ໜ້າເສົ້າ ແລະ ຍາກທີ່ຈະທໍາໃຈຫຼາຍ ແຕ່ຈາກຄໍາເວົ້າໃນໂພສແລ້ວກໍຂໍສະແດງຄວາມນັບຖືໃນຄວາມເຂັ້ມແຂງຂອງນາງ ພ້ອມທັງຂໍເປັນກໍາລັງໃຈໃຫ້ນາງຕໍ່ສູ້ກັບພະຍາດຮ້າຍ ແລະ ໄດ້ກັບມາໃຊ້ຊີວິດປົກກະຕິໄວໆເດີ້ ❤️