ແມ່ຍິງສະໄໝນີ້ຕ້ອງ Strong ບໍ່ຕ້ອງງໍ້ໃຜ ໝົດຍຸກດຣາມ່າກັນແລ້ວ… 5 ວິທີປ່ຽນເຈົ້າໃຫ້ກາຍເປັນສາວ Strong!!!

5 ວິທີປ່ຽນເຈົ້າໃຫ້ກາຍເປັນສາວ Strong

ສະບາຍດີສາວໆ ຂວັນໃຈ ທຸກຄົນ ໝົດເວລາແມ່ຍິງຍຸກເກົ່າ ປ່ຽນມາເປັນແມ່ຍິງຍຸກໃໝ່ກັນດີກວ່າແບບວ່າສາຍ Strong ສຸດໆ ແມ່ນຫຍັງກໍເຮັດໄດ້ດ້ວຍຕົນເອງ ບໍ່ຕ້ອງງໍ້ໃຜໃຫ້ເຮັດໃຫ້ ບໍ່ຕ້ອງໄປໃສ່ໃຈກັບເລື່ອງບໍ່ເປັນເລື່ອງ ຫຼືຕົນເປັນທີ່ເພິ່ງແຫ່ງຕົນນັ້ນເອງ ເຮັດໄດ້ບໍ່ຍາກເລີຍສາວໆ ພ້ອມທີ່ຈະປ່ຽນແປງຕົວເອງແລ້ວ ຫຼືຍັງ… ຖ້າພ້ອມແລ້ວມາເບິ່ງກັນເລີຍ ແມ່ຍິງສາຍ Strong ເຂົາເຮັດແນວໃດແດ່???

1. ບໍ່ງໍ້ໃຜ… ໝັ້ນໃຈລຸຍເອງ

ເຊື່ອວ່າຫຼາຍໆຄົນຖ້າມີແຟນແລ້ວ ກໍຢາກໃຫ້ແຟນເອົາໃຈເປັນທໍາມະດາ… ຢາກໄດ້ຫຍັງກໍອອດອ້ອນຈັກໜ້ອຍເຂົາກໍຕາມໃຈແລ້ວ ກັບໝູ່ເພື່ອນກໍຄືກັນ ເວລາຈະນັດກັນໄປໃສກໍຕ້ອງຖ້າໃຫ້ຄົບແກ໋ງຈຶ່ງໄດ້ໄປ. ເບື່ອແມ່ນບໍ່ສວໆ ຖ້າບໍ່ຢາກເກີດຄວາມຮູ້ສຶກແບບນີ້ຕະຫຼອດ ກໍຕ້ອງ… ຢ່າໄປສົນໃຈ ຢ່າໄປ Care ຄົນອື່ນໃຫ້ຫຼາຍເກີນໄປ Care ຕົວເຮົາເອງດີກວ່າ ແບບວ່າເຮັດຫຍັງກໍເຮັດດ້ວຍຕົວເອງໄປເລີຍ ເຊື່ອເທາະວ່າມັນຈະດີກວ່າຫຼາຍເລີຍ

2. ປາກກັບໃຈຕົງກັນ

ສາວໆຈະມົວເສຍເວລາຢູ່ກັບສິ່ງທີ່ອຶດອັດ ຫຼືສິ່ງຕົວເອງບໍ່ມັກຢູ່ເຮັດຫຍັງ… ແບບວ່າ “ຈະບໍ່ທົນກັບມັນອີກຕໍ່ໄປ” ນັ້ນແຫຼະ ລະເບີດອອກໄປເລີຍ ບາດນີ້ລະໃຜຈະກ້າກໍໃຫ້ມັນຮູ້ໄປ… ວ່າບາງຄັ້ງການກະທໍາຂອງໃຜບາງຄົນນັ້ນ ເຮົາກໍບໍ່ໄດ້ຍິນດີນໍາພໍເທົ່າໃດ… ມີຫຍັງກໍເວົ້າຕົງໆກັນໄປເລີຍສາວໆ

3. ບໍ່ອ່ອນໄຫວກັບເລື່ອງບໍ່ເປັນເລື່ອງ

ເປັນເລື່ອງຍາກທີ່ຈະເບິ່ງໃຫ້ໂລກນີ້ງາມຢູ່ຕະຫຼອດເວລາ… ແຕ່ຄິດບວກຊີວິດກໍຈະຕິດບວກເດີ່ສາວໆ ຢ່າໃຫ້ເລື່ອງບໍ່ເປັນເລື່ອງເຂົ້າມາບັ່ນທອນຈິດໃຈຂອງເຮົາໄດ້ ແລ້ວເອົາມັນອອກໄປ ຢ່າໄປເສຍເວລາກັບສິ່ງໄຮ້ສາລະເຫຼົ່ານັ້ນເລີຍ ເວລາຂອງເຮົາມີຄ່າ ຊອກຫຍັງເຮັດທີ່ມີປະໂຫຍດ ແລະ ດີຕໍ່ໃຈຂອງເຮົາດີກວ່າເຊັ່ນ: ການອ່ານໜັງສື, ຮ້ອງຄາລາໂອເກະ ຫຼືເບິ່ງໜັ… ເທົ່ານີ້ກໍຊ່ວຍເຮົາໄດ້ແລ້ວ

4. ໝັ້ນໃຈທຸກຄັ້ງກ່ອນອອກຈາກເຮືອນ

ກ່ອນອອກຈາກເຮືອນ ແນ່ນອນເຮົາຕ້ອງໝັ້ນໃຈຕົວເອງກ່ອນວ່າ ເຮົາງາມ ເຮົາເລືອກໄດ້ ແບບວ່າພູມໃຈໃນຕົວເອງສຸດໆໄປເລີຍ ບໍ່ຍາກເລີຍແມ່ນບໍ່ສາວໆ ພຽງແຕ່ມີຄວາມໝັ້ນໃຈ ແມ່ນຫຍັງກໍງ່າຍຂຶ້ນຫຼາຍເລີຍອີ່ຫຼີ… ແຟນເກົ່າທີ່ເຄີຍຫັກອົກເຮົາໄປ ຢ່າໄປສົນຢ່າໄປ Care ເຮົາຕ້ອງເຮັດໃຫ້ເຂົາຄິດຜິດທີ່ເລືອກຄົນນັ້ນ… ແລະ ທີ່ສໍາຄັນເມື່ອເຮົາເຮັດໄດ້ເຂົາຕ້ອງກັບມາງໍ້ຂໍຄືນດີກັບເຮົາຢ່າງແນ່ນອນ ເມື່ອເຖິງເວລານັ້ນເຮົາກໍເອົາຄືນໃຫ້ສະໃຈໄປເລີຍ…

5. ງົດດຣາມ່າ ໃຊ້ເວລາໃຫ້ມີຄ່າ

ຊີວິດຄູ່… ບໍ່ແມ່ນເລື່ອງງ່າຍ ແຕ່ກໍບໍ່ແມ່ນວ່າສາວໆຄືເຮົາຈະເຮັດບໍ່ໄດ້ໃດ໋ ພຽງແຕ່ຢ່າໄປຈິນຕະນາການແມ່ນຫຍັງໃຫ້ຫຼາຍ ຕ່າງຄົນຕ່າງມີໜ້າທີ່ໃຫ້ຕ້ອງເຮັດ ເຂົາກໍເຮັດວຽກ ເຮົາກໍເຮັດວຽກ ເຂົາຮຽນ ຫຼືເຮົາຮຽນ… ເປັນຫຍັງເຂົາບໍ່ໂທຫາ ຫາຍໄປໃສ ເຮັດຫຍັງຢູ່ ເປັນຫຍັງບໍ່? ຢ່າປ່ອຍໃຫ້ສາລະພັດຄໍາຖາມເຫຼົ່ານີ້ມາທໍາຮ້າຍຈິດໃຈຂອງສາວໆກັນເລີຍ ຈະຮູ້ສຶກເສຍໃຈໄປລ້າໆ ເອົາເວລາມາເຮັດໃຫ້ຕົວເອງຮູ້ສຶກມີຄຸນຄ່າຂຶ້ນມາດີກວ່າເຊັ່ນ: ໄປ Shopping ໃຫ້ສະບາຍໃຈ, ຊື້ຕົ້ນໄມ້ມາປູກໃສ່ໜ້າເຮືອນ, ຈັດສວນ, ເຮັດວຽກເຮືອນ, ອອກກໍາລັງກາຍ ແລະ ອື່ນໆ ທີ່ເຮັດໃຫ້ສະບາຍໃຈ… ແລ້ວເຈົ້າຈະລືມຄວາມຮູ້ສຶກນັ້ນໄປເອງ ເທົ່ານີ້ກໍມີຄວາມສຸກແລ້ວ.