ກຣີດໆໆໆ! ຂໍບອກວ່າງານນີ້ແຟນຄລັບຊາວລາວເຮົາມີກຣີດໆໆໆ…ກັນແນ່ນອນ ໃນມື້ນີ້ ຊະນີIndy ຈະມາເລົ່າຂ່າວທີ່ແບບວ່າຮູ້ແລ້ວຕ້ອງຮ້ອງ ວ້າວວວ ເພາະວ່າ ໃນວັນທີ 13 ສິງຫາ 2018 ທີ່ຜ່ານມາ The Toys ນັກຮ້ອງທີ່ກຳລັງ Hot and Hit ມາແຮງທີ່ສຸດໃນເວລານີ້ຂອງປະເທດເພື່ອນບ້ານ (ປະເທດໄທ) ໄດ້ເດີນທາງມາໂຊພະລັງສຽງ ມ່ວນໆ ຫວານໆ ໃຫ້ແຟນຄລັບຊາວລາວໄດ້ຟັງກັນແບບໃກ້ຊິດ.
ສຳລັບ The Toys ເຊື່ອວ່າແຟນໆຊາວລາວເຮົາບໍ່ໜ້ອຍທີ່ເປັນແຟນຄລັບຂອງໜຸ່ມຄົນນີ້ເຊັ່ນດຽວກັນ ນອກຈາກຄວາມສາມາດທາງດ້ານການຫຼິ້ນດົນຕີຫຼາຍຊະນິດ Toy ກໍ່ຍັງມີຜົນງານເພງທີ່ມ່ວນ ຮິດຕິດຫູຫຼາຍເພງເຊັ່ນ: ໜ້າໜາວທີ່ແລ້ວ, 04:00, ກ່ອນລະດູຝົນ, ຂໍໂທດທີ່ເປັນແບບນີ້, ນອນໄດ້ແລ້ວ ແລະ ຍັງມີອີກຫຼາຍຫຼາຍເພງທີ່ຮິດຕິດກະແສ ແລະ ນອກຈາກນັ້ນໜຸ່ມຄົນນີ້ກໍ່ຍັງມີ style ທີ່ບໍ່ຄືໃຜ ເປັນຕົວຂອງຕົວເອງ ບອກເລີຍວ່າມີຄວາມແນວສຸດໆ ຈົນເຮັດໃຫ້ມີແຟນຄລັບຕິດຕາມເປັນຈຳນວນຫຼວງຫຼາຍ.
ມີພາບມິນິຄອນເສີດຂອງ The Toys ມາຝາກແຟນໆນຳເດີ້!!!
ຟັງແລ້ວມ່ວນ…ລະລາຍໄປເລີຍວ່າບໍ່ (555)
ຮູບພາບຈາກ: IG/ thetoysthetoysthetoys, siwat_c, amy_klinpratoom ,21midnights, #thetoys