(ແຊຣໄປໃຫ້ໂລກຮູ້) ສາວລາວຄວ້າເຖິງ 2 ລາງວັນ ໃນການແຂ່ງຂັນ Thailand Muscle and Physiques Championship ມາຝາກຄົນລາວ

pou peng 19/02/2019 Home, News, ຂ່າວບັນເທີງໃນປະເທດ, ໄວໜຸ່ມ 28,486 Views

ແບ່ງປັນ

ນັບວ່າເປັນຂ່າວດີໃນຊ່ວງເດືອນ ກຸມພາ 2019 ນີ້ເລີຍກໍ່ວ່າໄດ້ ເພາະມີກະແສຮືຮາກັນອີກແລ້ວ ຫຼ້າສຸດ ພອນວິໄລ ສົງບັນດິດ (ກຸ່ງກິ່ງ) ອາຍຸ 31ປີ ທີ່ເດີນທາງໄປເປັນຕົວແທນລົງແຂ່ງໃນງານ Thailand Muscle and Physiques Championship ທີ່ພັດທະຍາ ປະເທດໄທ ແລະ ຍັງສາມາດຄວ້າລາງວັນ ຮອງອັນດັບ 1 ແລະ ອີກລາງວັນພິເສດ ຂວັນໃຈສື່ມວນຊົນ ລວມທັງໝົດເປັນ 2 ລາງວັນ ມາຝາກຄົນລາວເຮົາອີກດ້ວຍ (ຂໍສະແດງຄວາມຍິນດີ)

ສຳລັບ ກຸ່ງກິ່ງ ພອນວິໄລ ເສັ້ນທາງກ່ອນທີ່ຈະໄດ້ລາງວັນຂອງເພິ່ນກໍບໍ່ແມ່ນງ່າຍ ເລີ່ມຫຼິ້ນກິລາຕັ້ງແຕ່ ອາຍຸ 12 ປີ ກ່ອນໜ້ານີ້ແມ່ນເຄີຍເປັນອະດີດນັກກິລາທີມຊາດລາວ ປະເພດບານບ້ວງ (Basketball)

ຕໍ່ມາເລີ່ມຫັນມາຫຼິ້ນກິລາເພາະກາຍໄດ້ປະມານ 2 ປີ ແລະ ກຽມລົງແຂ່ງໃນງານ Thailand Muscle and Physiques Championship ທີ່ພັດທະຍາ ປະເທດໄທ ໄດ້ລົງສະໝັກແຂ່ງໃນລຸ້ນ Model Physique Over 164cm ຈົນສາມາດຄວ້າມາໄດ້ເຖິງ 2 ລາງວັນໃນເວທີດັ່ງກ່າວ. (ຂໍຊົມເຊີຍ! ເກັ່ງຫຼາຍໆ)