Kuanjai Magazine
ຂ່າວດີສົ່ງທ້າຍເດືອນ ກໍລະກົດ 2019 ຫຼ້າສຸດ ທ້າວ ແຟ້ງ ວົງພັກດີ ນັກກິລາປັນຈັກສີລັດລາວ ສາມາດສ້າງຜົນງານ ໄດ້ຢ່າງໂດດເດັ່ນ ໂດຍຍາດໄດ້ 1 ຫຼຽນເງິນ ໃຫ້ແກ່ ສປປ ລາວ ໃນວັນທີ 23 ກໍລະກົດ ທີ່ຜ່ານມາ ເຊິ່ງເປັນຫຼຽນທຳອິດຂອງທັບນັກກິລາລາວໃນກິລານັກຮຽນອາຊຽນຄັ້ງ 11 ຢູ່ປະເທດອິນໂດເນເຊຍ.(ຂໍສະແດງຄວາມຍິນດີ)
ທ້າວ ແຟ້ງ ວົງພັກດີ ນັກກິລາປັນຈັກສີລັດລາວ ສາມາດຜ່ານເຂົ້າຮອບຊີງຫຼຽນຄໍາກັບເຈົ້າພາບ ໃນວັນທີ 23 ກໍລະກົດນີ້ ແລະ ຫຼັງແຂ່ງຂັນ 1 ຊົ່ວໂມງ ປາກົດວ່າບໍ່ສາມາດຕ້ານຄວາມແຂ່ງແກ່ນຂອງນັກກິລາເຈົ້າພາບ ຈຶ່ງໄດ້ພຽງແຕ່ຫຼຽນເງິນ, ຂະນະທີ່ຫຼຽນທອງເປັນຂອງນັກກິລາຟີລິບປິນ ແລະ ມາເລເຊຍ ແລະ ສະຫລຸບຫຼຽນ,ທັບນັກກິລາລາວໄດ້ແລ້ວ 1 ຫຼຽນເງິນ ແລະ 7 ຫຼຽນທອງ.
ມະຫະກຳກິລານັກຮຽນອາຊຽນຄັ້ງທີ 11 ຢູ່ ປະເທດ ອິນໂດເນເຊຍ ສປປ ລາວ ເຮົາກໍໄດ້ສົ່ງນັກກິລາເຂົ້າຮ່ວມແຂ່ງຂັນ 51 ຄົນ,ຍິງ 16 ຄົນ ໃນ 5 ປະເພດກິລາຄືແລ່ນ–ລານ, ລອຍນ້ຳ, ກະຕໍ້, ດອກປີກໄກ່ ແລະ ປັນຈັກສີລັດ. ຂະນະທີ່ຜົນງານໄລຍະຜ່ານມາຄັ້ງທຳອິດຢູ່ ສສ ຫວຽດນາມ ນັກກິລາລາວຍາດໄດ້ໄດ້ 3 ຫຼຽນເງິນ, 5 ຫຼຽນທອງ, ຄັ້ງທີ 2 ຢູ່ປະເທດບຣູໄນໄດ້ 1 ຫຼຽນເງິນ ແລະ 2 ຫຼຽນທອງ,ຄັ້ງທີ 3 ຢູ່ປະເທດໄທ ໄດ້ 1 ຫຼຽນເງິນ ແລະ 7 ຫຼຽນທອງ,ຄັ້ງທີ 4ຢູ່ປະເທດສິງກະໂປ ໄດ້ 2 ຫຼຽນທອງ ແລະ ຄັ້ງທີ 5 ຢູ່ປະເທດມາເລເຊຍ ໄດ້ 3 ຫລຽນທອງ.
#ແຊຣໄປເປັນກຳລັງໃຈໃຫ້ທັບນັກກິລາລາວ ??????
ທີ່ມາ: ປະເທດລາວ Pathedlao
