ຄັ້ງທໍາອິດໃນລາວ!!! ກັບເວທີທີ່ເປີດໂອກາດໃຫ້ສາວປະເພດສອງມາປະຊັນຄວາມງາມ ແລະ ສະແດງຄວາມສາມາດ “Miss Power Queen Laos”

Kuanjaitaem Kuanjai page 06/11/2019 Beauty, Chic Working Women, Entertainment Lao, Home, Kuanjai Life Stlye, News, Women Healthy 2,699 Views

ແບ່ງປັນ

ເມື່ອເວົ້າເຖິງເພດທີ່ສາມ ຫຼືສາວປະເພດສອງ ຫຼືທີ່ຫຼາຍຄົນມັກເອີ້ນວ່າ “ກະເທີຍ” (ຖ້າເປັນຄໍາບໍ່ສຸພາບຕ້ອງຂໍອະໄພ) ຢູ່ບ້ານເຮົາກໍມີຫຼາຍທັງຄົນງາມ ແລະ ມີຄວາມສາມາດຫຼາກຫຼາຍ ແຕ່ກະຄືທີ່ຮູ້ວ່າໃນບ້ານເຮົາບາງພາກສ່ວນ (ສ່ວນໜ້ອຍ) ກໍຍັງບໍເປີດກວ້າງໃຫ້ພວກເຂົາໄດ້ສະແດງຄວາມສາມາດໄດ້ຢ່າງເຕັມທີ່ເທື່ອ ຕົວຢ່າງ ເມື່ອ 2 ປີກ່ອນ ທີ່ມີສາວປະເພດສອງຄົນໜຶ່ງໄດ້ໂພສຂໍ້ຄວາມຜ່ານ ເຟສບຸກ (Facebook) ສ່ວນຕົວວ່າ “ຕົນເອງໄດ້ໄປສະໝັກວຽກກັບຫ້ອງການແຫ່ງໜຶ່ງແຕ່ຍັງບໍ່ທັນໄດ້ສະແດງຄວາມສາມາດກໍຖືກປະຕິເສດກ່ອນ ຍ້ອນເຫດຜົນທີ່ເຈັບແສບຄື ອົງກອນນັ້ນບໍ່ຮັບສາວປະເພດສອງເຂົ້າເປັນພະນັກງານ” (ລາຍລະອຽດຂ່າວແມ່ນຂວັນໃຈໄດ້ນໍາສະເໜີໄປເມື່ອ 2 ປີກ່ອນ) ເຊິ່ງໃນຕອນນັ້ນກໍມີຊາວເນັດເຂົ້າໄປສະແດງຄວາມຄິດເຫັນຕ່າງໆນາໆ ກ່ຽວກັບການບໍ່ຍອມຮັບເພດທີ່ສາມ ຫຼືສາວປະເພດສອງຂອງອົງກອນດັ່ງກ່າວ… ແຕ່ນັ້ນມັນກໍເປັນສິ່ງທີ່ຜ່ານມາແລ້ວຕັ້ງ 2 ປີ ແອັດມິ້ນກໍບໍ່ຢາກຈະໄປຕອບໂຕ້ວ່າມັນຜິດ ຫຼືບໍ່ຜິດແນວໃດເນາະ!!! ເພາະປັດຈຸບັນ ປີ 2019 ນີ້ມັນໄດ້ປ່ຽນໄປຈາກ 2 ປີກ່ອນຫຼາຍ ເພາະຄົນລາວ ແລະ ຫຼາຍໆອົງກອນໃນປະເທດລາວເຮົາໄດ້ໃຫ້ການຍອມຮັບໃນຄວາມສາມາດຂອງເພດທີສາມຫຼາຍຂຶ້ນ ຈົນເມື່ອບໍ່ດົນມານີ້ກໍໄດ້ມີການປະກວດສາວງາມປະເພດສອງຂຶ້ນ ໂດຍໃສ່ຊື່ວ່າ “Miss Power Queen Laos” ປະຈໍາປີ 2019 ແລະ ໄດ້ມີສາວງາມຫຼາຍຄົນໃຫ້ຄວາມສົນໃຈ ເຂົ້າຮ່ວມປະກວດ ເຊິ່ງສາວງາມແຕ່ລະຄົນນັ້ນກໍໄດ້ໃຊ້ຄວາມສາມາດຂອງຕົນເອງຢ່າງເຕັມທີ່ເພື່ອຍາດມຸງກຸດຈາກກອງປະກວດໃນຄັ້ງນີ້ ແລະ ແລ້ວຮອບຕັດສິນໃນວັນທີ 4 ພະຈິກ 2019 ທີ່ຜ່ານມາ ກໍໄດ້ຮູ້ຜົນແລ້ວວ່າ ຜູ້ທີ່ໄດ້ຄອງມຸງກຸດ ແລະ ຕໍາແໜ່ງ “Miss Power Queen Laos 2019” ນັ້ນກໍຄື:

ໄຊນິພອນ ທອງດາລາ The Winner Power Queen laos 2019