ປັດຈຸບັນນີ້ພະຍາດລະບາດ ໂຄວິດ – 19 ກໍຍັງແຜ່ລະບາດຍ່າງໜັກ ໂດຍສົ່ງຜົນໃຫ້ຄົນຕິດເຊື້ອ ແລະ ເສຍຊີວິດເປັນຈໍານວນບໍ່ໜ້ອຍມາແລ້ວຕັ້ງເດືອນທັນວາມາຈົນຮອດຕອນນີ້ ໂດຍສະເພາະແມ່ນທາງ ສປ ຈີນ …
ເຊິ່ງຫຼ້າສຸດ ສິລະປິນຄົນດັງວົງການບັນເທິງລາວກໍໄດ້ຮວມຕົວກັນ ສ້າງໂປເຈັກໜື່ງຂຶ້ນມາ ໂປເຈັກນີ້ແມ່ນເປັນໂປເຈັກເພື່ອການກຸສົນຂອງວິທະຍຸສາກົນແຫ່ງປະເທດຈີນ CRI ໂດຍຮວບຮວມເອົາບັນດານັກຮ້ອງລາວທີ່ມີຄຸນນະພາບຫຼາຍຄົນມາຮ່ວມຮ້ອງ ນໍາໂດຍ ຕ່າຍ ອາກາດ, ສັກ ວົງເຊວ, ແຊມ ອິນທິລາພິສັກ,ອາລູນ້າ, ໄກ່ Over dance, ຕ້າ ເອແພັກ, ອາເລັກຊັນດຣາ, ໂຕໂຕ້-ພອນສິນ ບຸດກາສກາ ແລະ ຜູ້ອື່ນໆ ເຊິ່ງເພງທີ່ມີຊື່ວ່າ “ຄວາມຮັກເອົາຊະນະທຸກຢ່າງ”
ໂປເຈັກນີ້ສ້າງຂຶ້ນ ເພື່ອເປັນກຳລັງໃຈໃຫ້ປະຊາຊົນ ສປ ຈີນ ທີ່ກຳລັງຕໍ່ສູ້ກັບພະຍາດ ໂຄວິດ -19 ຕອນນີ້ ຜ່ານບົດເພງທີ່ແປ-ຮຽບຮຽງຕົ້ນສະບັບຈາກ Version ພາສາຈີນມາເປັນ ພາສາລາວ ເຊິ່ງເພງດັ່ງກ່າວຈະປ່ອຍອອກມາມື້ໃດ ຕ້ອງລໍຖ້າຕິດຕາມໄວໆນີ້…
ທາງຂວັນໃຈກໍຂໍສົ່ງກຳລັງໃຈໃຫ້ປະຊາຊົນ ຊາວເມືອງອູຮັ່ນຜ່ານວິກິດການອັນໂຫດຮ້າຍຄັ້ງນີ້ໄປໄດ້ໄວໆເດີ້!!!
ຂອບໃຈຂໍ້ມູນຈາກ Muan. la