Breaking News

ບົດຄວາມດີໆທີ່ຢາກໃຫ້ອ່ານ!!! ເລືອກສາຍການຮຽນແນວໃດບໍ່ໃຫ້ຜິດຫວັງ…

ແບ່ງປັນ

ບົດຄວາມດີໆທີ່ຢາກໃຫ້ອ່ານ… ບັງເອີນເລື່ອນໄປເຫັນບົດຄວາມທີ່ໜ້າສົນໃຈທີ່ເຈົ້າຂອງ Facebook ຊື່ Tommy Philavong ໄດ້ໂພສລົງ ໂດຍໃຫ້ຫົວຂໍ້ວ່າ 3Tips ເລືອກສາຍການຮຽນແນວໃດບໍ່ໃຫ້ຜິດຫວັງ by:ລຸງທອມມີ້ ແລະ ກໍອົດບໍ່ໄດ້ທີ່ຈະນໍາມາແຊຣໃຫ້ທຸກຄົນໄດ້ອ່ານນໍາກັນ!!!

ກ່ອນອື່ນຫມົດຕ້ອງບອກກ່ອນວ່າ ທອມມີ້ເປັນຄົນທີ່ບໍ່ໄດ້ຮຽນເກັ່ງ ບໍ່ໄດ້ດີເລີດປະເສີດສີມາແຕ່ດາວເນັບຈູນ ແຕ່ວ່າທອມມີ້ເລືອກສາຍການຮຽນດ້ວຍຄວາມມັກ ແລະ ຄິດແລ້ວຄິດອີກ ເພື່ອຈະໄດ້ຄຳຕອບທີ່ຕົນເອງຕ້ອງການ ຕ້ອງໄດ້ຜ່ານຫລາຍອັນຫລາຍແນວກວ່າຈະຮູ້ວ່າໂຕເອງມັກຫຍັງແລະ ຢາກເຮັດຫຍັງ (ບາງເທື່ອກະຍັງຖາມຕົນເອງ ມາຖືກທາງບໍ່ວະ 555) ຢ່າງໃດກໍດີ ນີ້ແມ່ນປະສົບການ ແລະ ວິທີທີ່ທອມທີ້ໃຊ້ເວລາຈະເລືອກສາຍຮຽນ ເພາະເຂົ້າໃຈວ່າ ກ່ອນຈະເລືອກກົດປຸ່ມເສັງ ສາຍ A B ຫລື C ມັນບໍ່ເເມ່ນຂອງງ່າຍ ກ່ອນຈະເລືອກພາກໄດ້ ບາງເທື່ອກໍຕ້ອງຕີລັງກາຫລັງ3ຕະຫລົບ ກະຄິດບໍ່ອອກ ສະນັ້ນ ຈົ່ງເລີ່ມຄົ້ນຫາຕົນເອງ ຕັ້ງແຕ່ເນີ້ນໆເດີ້ ອະຝອຍຫລາຍເເລ້ວ ມາຮູ້ເທັກນິກນຳກັນເລີຍ~

1.#ສຶກສາຂໍ້ມູນໃຫ້ຖີ່ຖ້ວນ. 📖ການຊອກຫາຂໍ້ມູນເລື່ອງສາຍການຮຽນດຽວນີ້ ສາມາດຊອກຫາໄດ້ຢູ່ຫລາຍໆບ່ອນ ທັງວິທີການສະໝັກສາຍນັ້ນໆ ຮຽນແລ້ວເຮັດຫຍັງໄດ້ແນ່ ສິໄດ້ຮຽນຈັກວິຊາ ນູ້ນ ນີ້ນັ້ນ 108 1009 ຢ່າງ ໂດຍທອມມີ້ຈະຊອກໃນເວັບໄຊ້ college major ແລະ ເພຈສາຍການຮຽນຄື Major Guiding ຫລື ສະເຕ່ວລ້າ(Stella) ນອກຈາກນັ້ນ ການໄປຖາມລຸ້ນອ້າຍລຸ້ນເອື້ອຍກໍເປັນອີກວິທີທີ່ທອມມີ້ໃຊ້ ອາດຈະເສຍ ຄ່າກາເຟໃຫ້ແນ່ ຄັ້ງລະຈອກ 2ຈອກ ແຕ່ກະຄຸ້ມໃນການຊອກຫາຂໍ້ມູນ ແລະ ເປັນຕົວເລືອກໃນການຕັດສິນໃຈ ແລະ ແຖມອີກອັນໜຶ່ງ ຖ້າຮູ້ວ່າຕົນເອງຢາກເຮັດວຽກຫຍັງແລ້ວ ກໍໄປຖາມຄົນໆນັ້ນ ຕຳແໜ່ງນັ້ນຫັ້ນໂລດ ທອມມີ້ເຊື່ອວ່າ ເຂົາເຈົ້າຍິນດີແບ່ງບັນ ຖ້າເຮົາເຂົ້າໄປດ້ວຍຄວາມນອບນ້ອມ ແລະ ມີສຳມາຄະລະວະ ຮັບປະກັນວ່າຄົນມີປະສົບການຂະເຈົ້າບໍ່ຂີ້ຖີ່ຄວາມຮູ້ແນ່ນອນ ເພາະການໄດ້ຮູ້ວ່າໃນອາຊີບນັ້ນໆ ເຮັດຫຍັງແນ່ກໍຈະເປັນເຂັມທິດທີ່ດີໃຫ້ເຮົາອີກແບບໜຶ່ງໃນການເລືອກສາຍຮຽນ. ອະ!!ແລ້ວຢ່າລືມ ຖ້າຮູ້ແລ້ວກະຕຽມໂຕເສັງວິຊາທີ່ຈະເສັງເຂົ້າສາຍນັ້ນໆເນີ້ ມີໂຕມັກ ແຕ່ເສັງບໍ່ຕິດກະຈົບເຫ່ໄປອີກເນີ້ ແຕ່ກະບໍ່ເຫ່ຫລາຍດອກປີໜ້າເສັງໃໝ່😂

2.#ທົບທວນຕົນເອງໃຫ້ດີ.📚ຫລັງຈາກຮູ້ຂໍ້ມູນແລ້ວ ກາກັບມາທົບທວນເເລ້ວ ທົບທວນອີກ ເເລະ ຖາມໂຕເອງຊ້ຳໆ ວ່າເລືອກຖືກແລ້ວບໍ່ ເລືອກຄັກລະບໍ ຂຽນມາໃຫ້ໝົດຂໍ້ມູນທີ່ໄດ້ມາ ລະກາມາຂຽນ ຮຽບຮຽງ ຄ່ອຍໆລົມກັບໂຕເອງວ່າ ຂໍ້ມູນທີ່ເຮົາໄດ້ມາມັນກົງກັບຄວາມຕ້ອງການໃນອາຊີບທີ່ເຮົາຢາກເຮັດໃນອານາຄົດ ຫລື ບໍ່ ຖ້າບໍ່ກາໄດ້ກັບໄປຫາຂໍ້1ໃໝ່ ໄປລ້ຽງກາເຟລຸ້ນອ້າຍ,ລຸ້ນເອື້ອຍເລື່ອງສາຍການຮຽນໃໝ່ໄດ້ເລີຍ 🤣ອະ ຢອກ~~ແຕ່ຈັ່ງໃດກະຄຸ້ມ ເພາະອະນາຄົດເຮົາເດ ແມ່ນບໍ່ລະ555 ຄົນເຮົານະບາງຄັ້ງວິເຄາະຄົນອື່ນດີໆ (ສຽງສູງ)ບາງເທື່ອກະວິເຄາະໂຕເອງບໍ່ໄດ້ ບໍ່ຕ້ອງຫ່ວງ ເຈົ້າບໍ່ໄດ້ເປັນຜູ້ດຽວ ບາງຄັ້ງທອມມີ້ກະເປັນ 😂 ສະນັ້ນ,ໃຫ້ເວລາຜູ້ອື່ນຍັງໄດ້ ໃຫ້ເວລາມາທົບທວນຕົນເອງຊື່ໆ ອີຊີ້(easy)ນ່າາາ ທອມມີ້ເຊື່ອວ່າເຈົ້າເຮັດໄດ້

3.#ບໍ່ມີຫຍັງ100% .ບໍ່ຕ້ອງຄາດຫວັງວ່າ ຖ້າເຮົາເລືອກແລ້ວມັນຈະເປັນດັ່ງທີ່ເຮົາຄິດ100% ເປະໆ ເຈົ້າຈະບໍ່ຮູ້ເລີຍວ່າລົດຊາດມັນເປັນແນວໃດ ຫາກເຈົ້າບໍ່ຊີມມັນກ່ອນ ເພາະກ່ອນທີ່ທອມມີ້ຈະສະໝັກສາຍນີ້ ກໍໄດ້ໄປຂໍເອົາປຶ້ມລຸ້ນອ້າຍເອື້ອຍມາອ່ານກ່ອນ, ເອົາຕາຕະລາງມາເບິ່ງ, ຖາມຄວາມຮູ້ສຶກໃນເວລາຮຽນວ່າເປັນແບບໃດ ສະນັ້ນ, ຫາກເລືອກສາຍແລ້ວ ກໍຈົ່ງໝັ້ນໃຈໃນການຕັດສິນໃຈໃນຕົນເອງວ່າ ໂອເຄ! ເຮົາເລືອກເອງ ຕັດສິນໃຈເອງ ຮັບຜິດຊອບເອງ ແລ້ວເມື່ອໄດ້ຮຽນແລ້ວ ຮູ້ສຶກວ່າ ເອ…ວິຊານິຂ້ອຍບໍ່ມັກ ມັນບໍ່ແມ່ນເປົ້າໝາຍຂ້ອຍ ກາຢາກໃຫ້ລອງຮຽນໄປກ່ອນ ເພື່ອອາດຈະມັກກະໄດ້ໄດ໋ ແຕ່ຖ້າຈົນປັນຍາບໍ່ມັກອີ່ຫລີ່ ກະບໍ່ສາຍເກີນໄປທີ່ຈະເສັງໃໝ່ ເລືອກບ່ອນໃໝ່ ເພາະອະນາຄົດເຮົາ ບໍ່ມີຄຳວ່າສາຍເກີນໄປ ຖ້າຕັ້ງໃຈຊະຢ່າງ ເນາະໆ 😆 ສຸດທ້າຍນີ້ ກໍເປັນປະສົບການຂອງທອມມີ້ ໃຜທີ່ມີປະສົບການດີໆ ໃນການເລືອກສາຍຮຽນ ກໍຄອມເມັ້ນມາໄດ້ເດີ້ ຫລື ຢາກຕິຕຽນຄອມເມັ້ນໃນການຂຽນບົດຄວາມຂອງທອມມີ້ ກະໄດ້ເດີ້ ເພື່ອໃຫ້ໄດ້ປັບປຸງໃນຄັ້ງຕໍ່ໄປ

#ສາຍການຮຽນ#ປະສົບການ#ການແບ່ງປັນຂອງທອມມີ້😂

ກວດແກ້ໂດຍ: A Pavarn CtxKhamphone Khemvilay

ໝາຍເຫດ: ບໍ່ໄດ້ຮຽບຮຽງໃໝ່ເພາະເຈົ້າຂອງເພິ່ນມີຜູ້ກວດແກ້ໃຫ້ແລ້ວ ແລະ ຂໍຂອບໃຈບົດຄວາມດີໆຈາກ: ລຸງທອມມີ້

ສົນໃຈລົງໂຄສະນາ ຫລື ຕ້ອງການຕິດຕໍ່ນັກຂ່າວໄປເອົາຂ່າວ ຕິດຕໍ່ໄດ້ທີ່ເບີ: +856 20 28042166
‭+856 20 52172698‬
ຫລື ສົ່ງຂໍ້ຄວາມທາງເພຈ : Kuanjai Magazine

ແບ່ງປັນ

error: ສະຫງວນລິຂະສິດ ຫ້າມນຳເອົາໄປເຜີຍແຜ່ຕໍ່ !!