ຄໍາວ່າ: ຮັກ ຄືການຮ່ວມທຸກຮ່ວມສຸກກັນ ດ້ວຍຄວາມຊື່ສັດ, ຄວາມເຂົ້າໃຈ, ການໃຫ້ກຽດກັນ, ການຍອມຮັບ ແລະ ການໃຫ້ອະໄພກັນ ກ່ອນເຮົາຈະສາມາດຮັກໃຜຄົນໜຶ່ງນັ້ນ…ເຮົາຕ້ອງຮູ້ຈັກໃຫ້ກຽດຕົວເອງ ແລະ ຮັກຕົວເອງໃຫ້ເປັນກ່ອນ ແລ້ວເຮົາຈຶ່ງຈະຮັກຄົນອື່ນເປັນ. ເມື່ອເຮົາຮູ້ວ່າ ເຮົາບໍ່ຢາກໃຫ້ໃຜເຮັດແບບນີ້ກັບເຮົາ…ເຮົາກໍຈະບໍ່ເຮັດແບບນີ້ກັບໃຜ…ເຂົາເອີ້ນວ່າ ເຫັນໃຈຄົນອື່ນເປັນ… ເອົາໃຈເຂົາມາໃສ່ໃຈເຮົາ. ຖ້າເຮົາຢາກໃຫ້ແຟນເຮົາຮູ້ວ່າເຮົາຮັກເຂົາຫຼາຍພຽງໃດ ຄວນເຮັດແນວໃດ? ເພື່ອຈະເຮັດໃຫ້ເຂົາຮູ້ວ່າເຮົາຮັກເຂົາຫຼາຍ, ຕ້ອງການເຂົາແທ້ໆ, ເຮົາບໍ່ຢາກເສຍເຂົາໄປ ສິ່ງທີ່ເຮົາເວົ້າອອກມານັ້ນມັນຄືຄວາມຈິ່ງ. ກ່ອນອື່ນໝົດ ທ່ານທັ້ງສອງຕ້ອງເບິ່ງວ່າ ຮູ້ຈັກກັນມາແບບໃດ ຜ່ານເວລາຂອງການເປັນຄົນຮັກແບບໃດແດ່…ເມື່ອຈະພິສູດກໍຕ້ອງໃຊ້ເວລາ ໃຫ້ເວລາມັນຍ່າງໄປຕາມເຂັ້ມທີ່ມັນໄປຫັນລະ! ແຕ່ບົດພິສູດມັນຈະເຂົ້າມາເອງ ເຖິງຢ່າງໃດກໍຕາມ ຄວາມຮັກທີ່ແທ້ຈິງຕ້ອງໃຫ້ກຽດກັນ ແລະ ເຊື່ອໃຈກັນ ຫາກທ່ານຮັກຕົວເອງເປັນ ທ່ານບໍ່ຈໍາເປັນຕ້ອງພະຍາຍາມເຮັດສິ່ງໃດເລີຍ ພຽງແຕ່ດຳເນີນຊີວິດຂອງທ່ານໄປ ເປັນຕົວຕົນຂອງທ່ານເອງ ທີ່ຮັກເຂົາຄືເກົ່າ ແລ້ວບົດພິສູດມັນກໍຈະເຂົ້າມາເອງວ່າທ່ານຮັກເຂົາຫຼາຍພຽງໃດ…  

ຊູຊີ  Shu Qi ນາງເອກ ໄຕ້ຫວັນ ຕົກລົງເຂົ້າພິທີແຕ່ງດອງກັບ ສຕີເຟັນ ເຟີງ Stephen Fung ນັກສະແດງ ແລະ ຜູ້ກໍາກັບຮູບເງົາ ຮອງກົງ ຫຼັງຈາກຄົບຫາຮຽນຮູ້ໃຈກັນເປັນເວລາຫຼາຍປີພໍສົມຄວນ. ທັງສອງໄດ້ຈັດງານແຕ່ງທີ່ນະຄອນຫຼວງປາກ ປະເທດສາທາລະນະລັດເຊັກ ເຊິ່ງເປັນສະຖານທີຝ່າຍຊາຍກໍາກັບຝ່າຍຍິງໃນຮູບເງົາເລື່ອງ: ລ້າສົມບັດ (The Adventurers) ພາຍໃນງານຈະບໍ່ມີການຈັດງານລ້ຽງສະຫຼອງແຕ່ງດອງ ລວມທັງບອກຕື່ມອີກວ່າ: ບໍ່ໄດ້ມີລູກກ່ອນແຕ່ງ. ຕາມການຖະແຫຼງຂ່າວໃຫ້ຮູ້ວ່າ: ທັງສອງໄດ້ຮູ້ຈັກກັນມາເປັນເວລາ 20 ກວ່າປີ ແລະ ຮັກກັນມາດົນກວ່າ 4 ປີແລ້ວ ຊູຊີເກີດທີ ໄຕຫວັນ ເລີ່ມຕົ້ນຈາກອາຊີບນາງແບບ ແລະ ຍ້າຍມາຢູ່ຮອງກົງເພື່ອເປັນນັກສະແດງ ສ່ວນຝົງ ເຕີຫຼຸນ ເລີ່ມຕົ້ນຈາກການເປັນນັກສະແດງ ແລະ ນັກຮ້ອງໃນຮອງກົງ ປະສົບຄວາມສຳເລັດພໍສົມຄວນ ກ່ອນທີ່ຈະປ່ຽນມາເຮັດງານເບື້ອງຫຼັງ ເປັນຜູ້ກໍາກັບຜົນງານຮູບເງົາເລື່ອງ ໄທເກັກ ຫມັດນ້ອຍ ເລັກຕັນໃນປີ 2012 ແລະພາກຕໍ່ນໍາອີກ ຊູຊີພົບຝົງ …

ໄລຍະແຫ່ງການຜັນປ່ຽນລະດູການ ຈາກລະດູຝົນເລີ່ມເຂົ້າສູ່ລະດູໜາວ ອາກາດກໍເລີ່ມເຢັນໆມາໜ້ອຍໜຶ່ງແລ້ວ ຖ້າໄດ້ກາເຟຮ້ອນຈັກຈອກ ແລະ ເຂົ້າຈີ່ແຊບໆຈັກອັນ ມານັ່ງຊຸມກັນເພື່ອຜ່ອນຄາຍບັນຍາກາດໜາວໆເຢັນໆແບບນີ້ຄົງຈະດີຂຶ້ນຢ່າງແນ່ນອນ. ຊັ້ນຈະຊັກຊ້າໄປເຮັດຫຍັງ ມາຮູ້ຈັກກັບ ຮ້ານເຂົ້າຈີ່-ກາເຟ ກັນດີກວ່າ ຂວັນໃຈ ຂໍແນະນໍາຮ້ານກາເຟ ທີ່ກຳລັງໄດ້ຮັບຄວາມນິຍົມຫລາຍທີ່ສຸດໃນກຸ່ມຄົນຍຸກໃໝ່ ທີ່ຕ້ອງແລ່ນນຳເວລາ ເພື່ອຮັບປະທານອາຫານທີ່ສະດວກສະບາຍ, ລົດຊາດແຊບ, ບໍລິການປະທັບໃຈ ແລະ ວ່ອງໄວທັນໃຈກັນດີກວ່າ. ຮ້ານດັ່ງກ່າວມີຊື່ວ່າ: ຮ້ານເຂົ້າຈີ່-ກາເຟ ຕັ້ງຢູ່ຂ້າງສໍານັກງານນາຍົກ ລັດຖະມົນຕີ ແລະ ຢູ່ດ້ານຫຼັງໂຮງຮຽນອຸດົມສຶກສາວຽງຈັນ ໃນຕຶກບໍລິສັດ ເຄ&ຊີ ເຊິ່ງບໍລິການອາຫານປະເພດເຂົ້າຈີ່ທຸກຊະນິດ, ກາເຟທີ່ເປັນແບບລາວແທ້ ແລະ ເຄື່ອງດື່ມທົ່ວໄປ ທີ່ໃຫ້ລົດຊາດຖືກໃຈແກ່ບັນດານັກຊິມທັງຫຼາຍໄດ້ເປັນຢ່າງດີ. ເມື່ອເວົ້າເຖິງເຂົ້າຈີ່ ແລະ ກາເຟ ຫຼາຍທ່ານອາດຈະຮູ້ດີວ່າ: ເປັນອາຫານທີ່ຊອກຫາກິນງ່າຍ ທັງໃຫ້ຄວາມສະດວກສະບາຍຫລາຍທີ່ສຸດໃນຍາມຫິວທີ່ຟ້າວຟັ່ງ ແລະ ຮີບດ່ວນ ເໝາະສົມສໍາລັບຄົນເຮັດວຽກໃນຍຸກປັດຈຸບັນ ທີ່ຕ້ອງປະຕິບັດໂມງເວລາຢ່າງເຂັ້ມງວດ ເຂົ້າຈີ່ຍັງສາມາດຕອບໂຈດໃນຝັນຂອງການກິນອາຫານໃນຕອນເຊົ້າ ຊື້ອອກໄປກິນເອງໄດ້ ຫຼື ບາງທ່ານທີ່ຕ້ອງການນັ່ງກິນຢູ່ພາຍໃນຮ້ານ ທາງຮ້ານກໍມີບ່ອນນັດພົບປະສັງສັນທີ່ມີບັນຍາກາດແບບເປັນກັນເອງ, ອົບອຸ່ນ, ມີມູມໂລແມນຕິກ, …

ຖ້າທ່ານ ສາມາດບໍລິຫານ ສະເໜ່ຂອງທ່ານໃຫ້ ໝັ້ນໃຈໄດ້ວ່າຊາຍໜຸ່ມຫຼາຍຄົນຕ້ອງປ່ຽນມຸມມອງ ມາສົນໃຈທ່ານຢ່າງແນ່ນອນ ເຮັດຕົວເອງໃຫ້ສວຍງາມ ແລະ ມີຄ່າ ບໍ່ວ່າຜູ້ຍິງ ຫຼືຜູ້ຊາຍ ເຫັນກັນຄັ້ງທຳອິດ ກໍຕ້ອງເບິ່ງກັນທີ່ພາຍນອກ ເພາະມັນເປັນສິ່ງທີ່ເຫັນແລ້ວປະທັບໃຈໃນຄັ້ງທຳອິດ ເຮົາຈະສາມາດຮູ້ໄດ້ເລີຍວ່າຄົນໆນັ້ນເປັນແບບໃດຈາກການແຕ່ງຕົວ. ຍີ້ມໃຫ້ຫຼາຍໆ ຄົນທີ່ເບິ່ງແລ້ວ ມີຊີວິດຊີວາ ໃຜໆກໍຢາກຢູ່ໃກ້ ຜູ້ຍິງທີ່ມີຮອຍຍີ້ມສົດໃສ ຈະເປັນສິ່ງດຶງດູດໃຈໜຸ່ມໆສະເໝີ ເພາະຈະຊ່ວຍໃຫ້ເຂົາຮູ້ສຶກເຖິງຄວາມເປັນກັນເອງ ແລະ ຍັງມີຮ້ອຍຍີ້ມງາມໆ ທີ່ຊ່ວນໃຫ້ຊົມ ກິ່ນກາຍເປັນສິ່ງທີ່ສໍາຄັນ ເຖິງວ່າໜ້າຕາ, ຊົງຜົມ, ການແຕ່ງຕົວຈະງາມພຽງໃດກໍຕາມ ແຕ່ຖ້າຮ່າງກາຍ ມີກິ່ນທີ່ບໍ່ປາຖາໜາໃນຕົວທ່ານແລ້ວ ແບບນີ້ກໍຕ້ອງຂໍລາດີກວ່າ ຜູ້ຍິງທີ່ມີຄວາມໝັ້ນໃຈ ຜູ້ຍິງທີ່ເບິ່ງມີຄວາມໝັ້ນໃຈ ມັນສາມາດເຮັດໃຫ້ຜູ້ຊາຍຮູ້ສຶກເຊື່ອໃຈຫຼາຍຂຶ້ນ ເພາະທ່ານເບິ່ງເປັນຄົນທີ່ບໍ່ຈໍາເປັນຕ້ອງເພິ່ງໃຜ ແຕ່ກໍບໍ່ຄວນໝັ້ນໃຈຫຼາຍເກີນໄປ ຈົນບໍ່ຟັງຄວາມຄິດຂອງຄົນອື່ນ ເພາະອາດຈະເຮັດໃຫ້ເຂົາຮູ້ສຶກວ່າທ່ານເປັນຜູ້ຍິງທີ່ໜ້າເບື່ອ. ຮູ້ຈັກເອົາໃຈຄົນອື່ນ ຜູ້ຊາຍເປັນເພດທີ່ມີຄວາມໝັ້ນໃຈໃນຕົວເອງຫຼາຍທີ່ສຸດ ແລະ ຕ້ອງການ ການສະໜັບ ສະໜູນຕະຫຼອດເວລາ ທ່ານຄວນເຮັດໃຫ້ເຂົາຮູ້ສຶກດີໃຈ ທີ່ທ່ານຢູ່ຄຽງຂ້າງໃຫ້ຄວາມເຂົ້າໃຈ ເປັນທີ່ປຶກສາໄດ້. ມີຄວາມເປັນກັນເອງ ບາງຄັ້ງຜູ້ຍິງຄືເຮົາ ກໍເບິ່ງຄືຈະເຂົ້າຫາຍາກ …

ໃນບໍໍ່ພໍເທົ່າໃດຊົ່ວໂມງທີ່ຜ່ານມານີ້ ບໍລິສັດ Sumsung ໄດ້ມີການຢຸດເຊົາ ການຜະລິດອຸປະກອນຕ່າງໆທີ່ກ່ຽວກັບສະມາດໂຟນ Galaxy Note 7. ເນື່ອງຈາກ, ມີຄວາມກັງວົນກ່ຽວກັບ ການແຜ່ກະຈາຍຂອງລຸ້ນ ທີ່ໄດ້ເອົາໄປ ປ່ຽນແທນນັ້ນ ອາດເຮັດໃຫ້ສາມາດເກີດລະເບີດລຸກເປັນໄຟໄດ້. ອີງຕາມຜູ້ຊ່ຽວຊານໃນເລື່ອງນີ້ ໄດ້ລາຍງານໃຫ້ແກ່ສຳນັກຂ່າວ CNN ໃນວັນ ຈັນທີ່ຜ່ານມາວ່າ: ໄດ້ມີການລະງັບ, ຢຸດເຊົາການຜະລິດສະມາດໂຟນ ລຸ້ນນີ້ ໄວ້ຊົ່ວຄາວ. ສຳລັບສະມາດໂຟນ ລຸ້ນ Galaxy Note 7 ໜຶ່ງໃນລຸ້ນທີ່ເປັນສິນຄ້າຫຼັກຂອງ ບໍລິສັດ. ມັນເກີດຂື້ນພາຍຫຼັງທີ່ ຜູ້ໃຫ້ບໍລິການໂທລະສັບ ທີ່ ປະເທດສະຫະລັດ ອາເມລິກາ ແລະ ປະເທດ ອົດສະຕາລີ, ໄດ້ອອກມາກ່າວວ່າ: ພວກເຂົາຈະຢຸດຕິການນຳສະເໜີການປ່ຽນ ສະມາດໂຟນລຸ້ນ Note 7 ຄືນ, ຍ້ອນສາເຫດທີ່ວ່າ: ພວກເຂົາມີຄວາມກັງວົນ ກ່ຽວກັບສະມາດໂຟນລຸ້ນນີ້ ມັນບໍ່ມີຄວາມປອດໄພ ຈາກຄວາມສ່ຽງໃນການເກີດໄຟໄໝ້. ວ່າງມໍ່ໆທີ່ຜ່ານມານີ້ …