ຄຳອ້າຍ ແສງພະຈັນ (ອ້າຍ) ອາຍຸ 24 ປີ ຈົບປະລິນຍາຕີຄະນະເສດຖະສາດ-ບໍລິຫານທຸລະກິດ ແລະ ກຳລັງຮຽນພາສາຈີນ ເພື່ອສຶກສາຕໍ່ປະລິນຍາໂທ ຢູ່ນະຄອນຫຼວງຊຽງໄຮ ປະເທດຈີນ. ຜົນງານທີ່ຜ່ານມາເຄີຍຖ່າຍແບບໃຫ້ກັບ ຮ້ານ ມູ ເວີ ມ໋ອງ ຮ້ານຕັດຊຸດສູດສຳລັບທ່ານຊາຍ. ສຳລັບ ກິລາທີ່ມັກແມ່ນຕີດອກປີກໄກ່ ແລະ ເຂົ້າຟິດເນັດເປັນປະຈຳເພື່ອຮັກສາສຸຂະພາບ. ສິ່ງທີ່ເຮັດໃຫ້ອ້າຍມີຄວາມສຸກແມ່ນການທີ່ໄດ້ຢູ່ກັບຄອບຄົວ, ຄົນທີ່ຮັກ ແລະ ໝູ່ເພື່ອນທີ່ຮູ້ໃຈ. ບໍ່ໄດ້ມັກຜູ້ຍິງທີ່ໜ້າຕາງາມ ແຕ່ມັກທີ່ຈິດໃຈຫຼາຍກວ່າ ເພາະຜູ້ຍິງທີ່ງາມໆ ແນ່ນອນຕ້ອງມີຄົນສົນໃຈ, ມາມັກ ມາຈີບຫຼາຍ ແລະ ອາດຈະເຮັດໃຫ້ເຮົາເສຍໃຈໃນອະນາຄົດ. ເພາະຄົນງາມ ອາດຈະເລືອກຄົນເຈົ້າຊູ້ກວ່າ, ຖານະດີກວ່າເຮົາກໍເປັນໄປໄດ້. ເພາະວ່າ ອ້າຍ ຖ້າຕົກລົງຄົບໃຜ ຮັກໃຜແລ້ວ ກໍຢາກຈິງຈັງຈິງໃຈຕໍ່ກັນຕະຫຼອດໄປ ບໍ່ຢາກເສຍເວລາກັບຄົນທີ່ບໍ່ຮັກຈິງ. ນິຍາມຄຳວ່າຮັກສຳລັບຕົນເອງໃຫ້ຮູ້ແນ່? ຄວາມຮັກແມ່ນຄວາມຮູ້ສຶກພາຍໃນທີ່ຈະສາມາດບົ່ງບອກວ່າ ເມື່ອເຮົາຢູ່ນຳກັນແລ້ວບໍ່ອຶດອັດ, ສາມາດເປັນໂຕຂອງຕົນເອງ, ຢູ່ແລ້ວມີຄວາມສຸກ …
Read More »Ms. Air Air
ວິທີທ້ອນເງິນ ແບບພະນັກງານເງິນເດືອນ
ການໃຊ້ຊີວິດໂດຍປາສະຈາກການວາງແຜນ ຖືເປັນຊີວິດທີ່ອ່າວສ່ຽງ ໂດຍສະເພາະໃນເລື່ອງການເງິນ ຖ້າບໍ່ມີການຈັດລະບົບກັນໃຫ້ດີ ເມື່ອຮູ້ຕົວກໍອາດຈະສວາຍເກີນໄປ ເພາະກຳລັງປະສົບກັບບັນຫາທາງການເງິນແບບຫຼີກບໍ່ໄດ້ ຕ້ອງຍອມຮັບວ່າ ຄົນເຮັດວຽກລໍຖ້າເງິນເດືອນນີ້ ສ່ວນໜຶ່ງຍັງບໍ່ສາມາດບໍລິຫານເງິນໄດ້ດີເທົ່າທີ່ຄວນ ແຕ່ເຊື່ອວ່າເຮົາສາມາດຮັບມືກັບມັນໄດ້ ຖ້າຮູ້ຈັກວາງແຜນ ແລະ ໃສ່ໃຈກັບອະນາຄົດທາງດ້ານການເງິນຂອງຕົນເອງໃຫ້ຫຼາຍຂຶ້ນ ເພາະໃນແຕ່ລະມື້ມີຄ່າໃຊ້ຈ່າຍເພີ່ມຂຶ້ນເລື້ອຍໆ ຈົນບໍ່ຮູ້ວ່າຈະເລີ່ມ ຈາກຈຸດໃດດີ ລອງມາອ່ານວິທີການວາງແຜນທ້ອນເງິນທີ່ບໍ່ຍາກເກີນ ຄວາມສາມາດຂອງທ່ານດອກເນາະ! ຫຼຸດຄ່າໃຊ້ຈ່າຍທີ່ບໍ່ຈຳເປັນ. ຄົນເຮັດວຽກທຸກຄົນອາດຈະຮູ້ສຶກວ່າ ທຸກສິ່ງທຸກຢ່າງທີ່ຢູ່ອ້ອມຕົວເຮົາ ມັນເປັນສິ່ງທີ່ຈຳເປັນທັງໝົດ ເຮັດໃຫ້ຕັດສິນໃຈໄດ້ຍາກ ແຕ່ເມື່ອຮອດເວລາຕ້ອງວາງແຜນການເງິນ ເຮົາກໍຈະເຫັນໂລດວ່າ ສິ່ງໃດຈຳເປັນທີ່ສຸດ ເຊັ່ນ: ອາຫານລາຄາແພງ, ຊື້ເຄື່ອງນຸ່ງທີ່ໃຊ້ພຽງເທື່ອດຽວ ຖ້າເຮົາສາມາດຄວບຄຸມຄ່າໃຊ້ຈ່າຍທີ່ບໍ່ຈຳເປັນໄດ້ ເຮົາກໍຈະເຫັນເງິນຢ່າງແນ່ນອນ. ທ້ອນກ່ອນ ຈຶ່ງຈ່າຍ ຫຼາຍຄົນເລືອກທີ່ຈະໃຊ້ຈ່າຍກ່ອນ ເຫຼືອເທົ່າໃດແລ້ວຈຶ່ງທ້ອນ ເຊິ່ງມັນອາດຈະບໍ່ແມ່ນວິທີທີ່ຖືກຕ້ອງປານໃດ ເຮົາຄວນປ່ຽນມາໃຊ້ວິທີທ້ອນກ່ອນແລ້ວຈຶ່ງຈ່າຍ ຈະເຮັດໃຫ້ເຮົາມີເງິນເຫຼືອຫຼາຍຂຶ້ນ ເພາະເຮົາໄດ້ເອົາເງິນສ່ວນໜຶ່ງອອກໄປແລ້ວ ເຮົາກໍຈະໃຊ້ເງິນໄດ້ແບບອຸ່ນໃຈຫຼາຍຂຶ້ນ ເຮົາອາດຈະໃຊ້ຮູບການເປີດບັນຊີເງິນຝາກປະຈຳຮ່ວມ ເພື່ອຊ່ວຍທ້ອນເງິນໂດຍບໍ່ເອົາເງິນສ່ວນນີ້ມາໃຊ້ຈ່າຍ ແລະເປັນການສ້າງນິດໄສການທ້ອນເງິນໃຫ້ກັບຕົນເອງ. ຕັ້ງເປົ້າໝາຍໃນການທ້ອນເງິນ ໃນໄລຍະທີ່ເຮົາເລີ່ມຕົ້ນທ້ອນເງິນ ໃຫ້ບັນທຶກລາຍຮັບ-ລາຍຈ່າຍນຳອີກ ເພື່ອໃຫ້ເຫັນວ່າ ໃນແຕ່ລະມື້ໄດ້ຈ່າຍເງິນໄປເທົ່າໃດແລ້ວໃຫ້ເລີ່ມຕັ້ງເປົ້າໃນການທ້ອນເງິນໃຫ້ກັບຕົວເອງວ່າ ເຮົາຈະເອົາເງິນໄປຊື້ລົດ, ຊື້ເຮືອນ …
Read More »ການຕັດໃຈຈາກຄົນຮັກ ມັນແສນຈະທໍລະມານ
ຄວາມໝົດຫວັງ, ຄວາມເສຍໃຈ ທຸກຄົນລ້ວນແລ້ວແຕ່ ເຄີຍປະສົບພົບພໍ້ກັນມາໝົດ ເພາະຊີວິດຂອງຄົນເຮົາທຸກຄົນ ບໍ່ມີໃຜດອກ ທີ່ຈະສົມຫວັງ 100% ແຕ່ເຮົາຈະສາມາດຮັບມືກັບສິ່ງເຫຼົ່ານັ້ນໄດ້ແບບໃດ ຖ້າສະໝອງຂອງເຮົາຍັງຈື່ຈໍາແຕ່ເລື່ອງທີ່ເຮັດໃຫ້ຈິດໃຈເຈັບຊໍ້າ ແລະການຕັດໃຈມັນກໍກາຍເປັນເລື່ອງທີ່ຕັດໃຈບາດດຽວບໍ່ໄດ້ ເພາະສະນັ້ນເຮົາຄວນຮຽນຮູ້ ທີ່ຈະໃຫ້ໂອກາດຕົວເອງ ປົດປ່ອຍເລື່ອງລາວ ແລະ ເລີ່ມຕົ້ນໃໝ່, ຮູ້ຈັກອອກໄປທ່ອງທ່ຽວກັບຄອບຄົວ ແລະ ໝູ່ເພື່ອນ, ສາມາດຮຽນຮູ້ສິ່ງໃໝ່ໆຢູ່ສະເໝີ, ອອກກໍາລັງກາຍ ເພາະຈະຊ່ວຍໃຫ່ສະໝອງເຮັດວຽກໄດ້ດີຂຶ້ນ, ໄປທ່ຽວໃນສະຖານທີ່ທີ່ບໍ່ເຄີຍໄປ ເພື່ອເປັນການເປີດໂອກາດໃຫ້ກັບຕົນເອງ ເມື່ອເຮົາຮູ້ວ່າເຈັບ ກໍຕ້ອງລະບາຍດ້ວຍການໄຫ້ອອກມາດັງໆ ເພາະການລະບາຍຄວາມເຈັບດ້ວຍການໄຫ້ ຈະເຮັດໃຫ້ເຮົາສະບາຍໃຈໃນເວລາຕໍ່ມາ ຫຼັງຈາກນັ້ນ ກໍໃຫ້ອະໄພຕົນເອງ ແລະ ໃຫ້ອະໄພກັບທຸກສິ່ງ ເພື່ອບໍ່ໃຫ້ຕົນເອງມີຄວາມທຸກໃຈ ແລ້ວກັບມາຕັ້ງໃຈເຮັດວຽກ ທຳໃຈໃຫ້ສະຫງົບເພາະຊີວິດຂອງເຮົາຕ້ອງດໍາເນີນຕໍ່ໄປຢ່າງເຂັ້ມແຂງ
Read More »ນັກສຶກສາຈົບໃໝ່ວ່າງງານ ເປັນຍ້ອນຫຍັງ
ປັດຈຸບັນຫຼາຍຄົນ ຍັງມີບັນຫາກ່ຽວກັບການວ່າງງານຢູ່ບໍ່ໜ້ອຍ ເພາະເນື່ອງມາຈາກ ເສດຖະກິດຜ່ອນຈັງຫວະການຂະຫຍາຍຕົວ ເລີຍສົ່ງຜົນເຮັດໃຫ້ມີການວ່າງງານເກີດຂຶ້ນ ນອກນັ້ນ, ຍັງມີບັນຫາຂອງນັກສຶກສາທີ່ຈົບໃໝ່ອີກດ້ວຍ ເຊິ່ງເປັນເຫດຜົນເຮັດໃຫ້ພວກເຂົາເຫຼົ່ານັ້ນຍັງວ່າງງານຢູ່ຍ້ອນວ່າ: ບໍ່ໄດ້ສຶກສາຄວາມຕ້ອງການຂອງຕະຫຼາດແຮງງານໃຫ້ລະອຽດ ແຕ່ລະໄລຍະຕະຫຼາດແຮງງານແຕ່ລະບ່ອນ ກໍຕ້ອງການຄົນເຮັດວຽກທີ່ແຕກຕ່າງກັນ. ສະນັ້ນ, ກ່ອນຈະຮຽນສາຂາໃດຕ້ອງສຶກສາຄວາມຕ້ອງການຂອງຕະຫຼາດແຮງງານກ່ອນ ເພາະຈະມີໂອກາດໃນການໄດ້ເຂົ້າເຮັດວຽກງ່າຍຂຶ້ນ. ເລືອກສາຍຮຽນຕາມກະແສຄວາມນິຍົມ ຄົນທີ່ຈົບໃໝ່ຫຼາຍຄົນມັກບໍ່ຮູ້ວ່າ ຕົນເອງມັກເຮັດວຽກຫຍັງ ເລີຍບໍ່ຮູ້ວ່າຈະຮຽນຄະນະໃດດີ ຈຶ່ງເລືອກຮຽນໄປຕາມກະແສ; ດັ່ງນັ້ນ, ໃຜທີ່ກຳລັງຈົບໃໝ່ຄວນຄົ້ນຫາຕົນເອງໃຫ້ໄດ້ວ່າມັກ ຫຼື ສົນໃຈກ່ຽວກັບຫຍັງ ໂດຍເບິ່ງຄວາມຕ້ອງການຂອງຕະຫຼາດເປັນຫຼັກ ໂອກາດທີ່ຈະໄດ້ວຽກກໍມີຫຼາຍຂຶ້ນ. ເລືອກວຽກທີ່ຈະເຮັດ ຕາມຄວາມມັກຂອງຕົນເອງຫຼາຍເກີນໄປ ຖ້າເລືອກໄດ້ ທຸກຄົນຕ່າງກໍຕ້ອງການເຮັດວຽກທີ່ຕົນເອງປາຖະໜາ ແຕ່ຄົນທີ່ຈົບໃໝ່ກໍຕ້ອງເຂົ້າໃຈຄວາມຈິງໃນໂລກຂອງການເຮັດວຽກມັນບໍ່ໄດ້ເໝືອນດັ່ງຄວາມຝັນ ໃຜທີ່ເຮັດວຽກຕາມທີ່ຕົນປາຖະໜາ ຕ້ອງຂຶ້ນຢູ່ກັບຄວາມສາມາດຂອງທ່ານເອງຕື່ມ ຖ້າຄຸນສົມບັດຂອງທ່ານບໍ່ກົງກັບຄວາມຕ້ອງການຂອງອົງກອນ ໂອກາດທີ່ທ່ານຈະໄດ້ເຮັດວຽກກໍຍາກ ເພາະສະນັ້ນເລືອກວຽກທີ່ເໝາະສົມກັບທ່ານ ແລະ ອົງກອນ ຕ້ອງເລືອກຕາມຄວາມຕ້ອງການ. ມີທັກສະທີ່ບໍ່ກົງກັບຕຳແໜ່ງທີ່ສົນໃຈ ສ່ວນຫຼາຍຄົນທີ່ປະສົບບັນຫານີ້ແມ່ນຄົນທີ່ມັກເລືອກຮຽນຕາມກະແສ ເພາະບໍ່ຮູ້ວ່າຕົນເອງຕ້ອງການຫຍັງ ແລະ ເລືອກສະໝັກວຽກຕາມຕໍາແໜ່ງທີ່ຕົນເອງສົນໃຈຫຼາຍກວ່າ ເຮັດໃຫ້ໂອກາດໃນການເຂົ້າເຮັດວຽກມີໜ້ອຍ ຖ້າໃຜທີ່ຕ້ອງການເຮັດວຽກໃນຕໍາແໜ່ງທີ່ສົນໃຈແມ່ນຕ້ອງໄປເຂົ້າຫລັກສູດຮຽນສະເພາະ ເພື່ອເພີ່ມທັກສະໃນການເຮັດວຽກຕາມຕໍາແໜ່ງທີ່ສົນໃຈ. ຂາດການກຽມຕົວທີ່ດີ ຖືວ່າເປັນບັນຫາທີ່ສຳຄັນສຳລັບຄົນຮຽນຈົບໃໝ່ ເພາະຄິດແຕ່ວ່າ ສະໝັກວຽກໃຫ້ຜ່ານກໍພໍແລ້ວ …
Read More »ຊີວິດສົດໃສ ໃນເກາະ Gili ອິນໂດເນເຊຍ
ຖ້າໃຜຄິດຢາກຈະໄປພັກຜ່ອນໃນບ່ອນງຽບສະຫງົບ, ຮົ່ມເຢັນ ພ້ອມທຳມະຊາດທາງທະເລທີ່ສວຍງາມ, ໄດ້ສະໜຸກສະໜານກັບຫາດຊາຍສີຂາວທີ່ລະອຽດ ແລະ ນໍ້າທະເລໃສ…ເຊິ່ງອາທິດນີ້ ຈະພາທ່ານຜູ້ອ່ານໄປຮູ້ຈັກກັບ ໝູ່ເກາະກີລີ Gili Islands ເປັນເກາະທີ່ນັກທ່ອງທ່ຽວຈາກທົ່ວໂລກນິຍົມໄປສຳພັດກັບບັນຍາກາດແຫ່ງນີ້ຫຼາຍທີ່ສຸດ ກ່ອນອື່ນໝົດ ມາຮູ້ຈັກເກາະກີລີກ່ອນເນາະ ! ເກາະກີລີ ຕັ້ງຢູ່ທາງພາກຕາເວັນອອກສຽງເໜືອຂອງເກາະ ລອມບອກ lombok ໃນປະເທດອິນໂດເນເຊຍ ໝູ່ເກາະກີລີ ລວມມີ 3 ເກາະຄື: Gili Trawangan, Gili Meno ແລະ Gili Air ໂດຍທັງໝົດຕັ້ງຮຽງກັນຕາມແຄມຝັ່ງຂອງເກາະ ອ້ອມຮອບໄປດ້ວຍທະເລສີຟ້າສົດໃສ ເຫັນພື້ນນໍ້າທະເລສີຟ້າ ຕອນກາງເວັນໝູ່ເກາະເຫຼົ່ານີ້ຈະງຽບສະຫງົບດີ ນັກທ່ອງທ່ຽວສ່ວນຫຼາຍມັກນອນພັກຜ່ອນ ແລະ ອາບແສງແດດຢູ່ຫາດຊາຍຂາວ ຫຼື ອອກໄປລອຍນໍ້າ ແລະ ດຳນໍ້າເບິ່ງປາກາລັງຕາມເກາະ. ສຳລັບເກາະທີ່ໃຫຍ່ກວ່າໝູ່ແມ່ນເກາະ Gili Trawangan ຫ່າງຈາກເກາະ Gili Meno 1 ກິໂລແມັດ ເຊິ່ງເປັນເກາະທີ່ຕັ້ງຢູ່ລະຫວ່າງກາງຂອງ …
Read More »