Kuanjai Life Stlye

ປະຈຸບັນ ໃຜໆກໍມັກຈະໃຊ້ຄໍາວ່າ ສະສົມປະສົບການ ໃນການເຮັດວຽກຫຼາຍດ້ານ ຫຼື ເຮັດວຽກຫຼາຍບ່ອນ ທີ່ສົ່ງຜົນເຮັດໃຫ້ຄົນຜູ້ນັ້ນໄດ້ຮຽນຮູ້ປະສົບການໃນການເຮັດວຽກຫຼາຍຂຶ້ນ ໂດຍບໍ່ຈໍາເປັນຕ້ອງຮຽນຈົບຫຍັງ ຂໍພຽງແຕ່ໃຈມັກ ແລະ ຕັ້ງໃຈກັບວຽກນັ້ນ ຄືກັບ ນາງ ບຸບຜາມະນີ ຈຸນລະມະນີ ອາຍຸ 35 ປີ ຜູ້ຈັດການຝ່າຍການຕະຫຼາດ ແລະ ປະຊາສຳພັນ ທະນາຄານກຸງສີ ປະຈຳ ສປປ ລາວ. ບຸບຜາມະນີ ຮຽນຈົບດ້ານໄອທີ ລະບົບເວ໊ບໄຊ ຈາກອົດສຕາລີ ຫລັງຈາກນັ້ນ ກໍໄດ້ໄປສອນພາສາອັງກິດໃຫ້ກັບໂຮງຮຽນເດັກນ້ອຍ ຢູ່ປະເທດຢີ່ປຸ່ນ ເປັນເວລາ 5 ປີ ຈຶ່ງກັບມາເຮັດວຽກໃນບ້ານເກີດ ເລີ່ມທໍາອິດແມ່ນໄດ້ເປັນ ທີ່ປຶກສາ ຢູ່ໂຮງຮຽນອະນຸບານ ເມື່ອເຮັດໄປບໍ່ດົນ ກໍປ່ຽນມາເຮັດວຽກຢູ່ສູນການແພດ ປະຈຸບັນ ໄດ້ມາເຮັດວຽກຢູ່ທະນາຄານກຸງສີ ເປັນຜູ້ຈັດການຝ່າຍການຕະຫຼາດ ແລະ ປະຊາສຳພັນ. ຫາກທ່ານໃດສົນໃຈອ່ານຕໍ່ ສາມາດຕິດຕາມໄດ້ທີ່ ວາລະສານຂວັນໃຈສະບັບເດືອນ ຕຸລາ …

ຖ້າຫາກທ່ານຢາກໄດ້ວຽກທີ່ທ່ານມັກ ທ່ານຄວນຈະປະຕິບັດຕົວ ໃນເວລາຖືກສໍາພາດດັ່ງລຸ່ມນີ້: 1 ບໍ່ຄວນນັດສຳພາດຫຼາຍບໍລິສັດໃນມື້ດຽວກັນ ຄວນນັດຕອນເຊົ້າ 1 ບໍລິສັດ ແລະ ຕອນບ່າຍ 1 ບໍລິສັດກໍພຽງພໍແລ້ວ 2 ບໍ່ຄວນຍາດເວົ້າ ຫຼື ຖາມຄຳຖາມກັບຜູ້ສຳພາດຫຼາຍເກີນໄປ 3 ບໍ່ຄວນຖາມກ່ຽວກັບມື້ພັກ, ການມາວຽກສວາຍ ຫຼື ການກັບກ່ອນ ເພາະເປັນການສ້າງພາບ ວ່າທ່ານອາດຈະບໍ່ມັກເຮັດວຽກຫຼາຍ 4 ບໍ່ຄວນຕື່ນເຕັ້ນຈົນເກີນໄປ ຫຼື ເຂົ້າໄປຕັ້ງຫຼັກຢູ່ຫ້ອງນ້ຳກ່ອນອອກມາໃຫ້ສຳພາດ 5 ບໍ່ຄວນເວົ້າສິ່ງທີ່ບໍ່ແມ່ນຄວາມຈິງ ຖ້າສິ່ງໃດບໍ່ໝັ້ນໃຈກໍບໍ່ຄວນເວົ້າຕໍ່ ເພາະຈະເຮັດໃຫ້ຂາດຄວາມໜ້າເຊື່ອຖື 6 ບໍ່ຄວນເວົ້າວ່າ ບໍ່ຮູ້ ! ຖ້າໝົດຫົນທາງທີ່ຈະຕອບແທ້ໆ ຄວນຕອບວ່າແລ້ວນ້ອງຈະໄປສຶກສາໃຫ້ລະອຽດຕື່ມ 7 ບໍ່ຄວນຖາມເລື່ອງເງິນ ຈົນກວ່າຜູ້ສຳພາດຈະພໍໃຈໃນຕົວເຮົາ ໃຫ້ຜູ້ສຳພາດສະເໜີ ເງິນແຮງງານໃຫ້ເຮົາກ່ອນ ຫຼັງຈາກນັ້ນຈັ່ງຕົກລົງກັນ 8 ບໍ່ຄວນເວົ້າຂວັນເຈົ້ານາຍເກົ່າ  ເພາະເຈົ້ານາຍໃໝ່ກໍຈະບໍ່ເຊື່ອໝັ້ນທ່ານ ເພາະຄິດວ່າຕໍ່ໄປທ່ານກໍຈະເວົ້າຂວັນເຈົ້ານາຍໃໝ່ເຊັ່ນກັນ 9 ບໍ່ຄວນພາຄອບຄົວ ຫຼື …

ການສ້າງຖານະທີ່ໝັ້ນຄົງກໍຄືການບໍລິຫານເງິນທີ່ມີປະສິດທິພາບນັ້ນເອງ ສະບັບນີ້ວາລະສານຂວັນໃຈ ຂໍຍົກເອົາວິທີການບໍລິຫານເງິນແບບງ່າຍໆ ທີ່ທຸກຄົນສາມາດເຮັດໄດ້ມາຝາກ ໂດຍແບ່ງລາຍຮັບທັງໝົດອອກເປັນ 6 ສ່ວນ ດັ່ງນີ້ : ເງິນສຳລັບໃຊ້ຈ່າຍທີ່ຈຳເປັນໃນຊີວິດປະຈຳວັນ ( Necessity Account ) 55% ຂອງລາຍໄດ້ທັງໝົດ ເງິນໃນສ່ວນນີ້ ເປັນເງິນທີ່ຖືກແບ່ງໄວ້ເພື່ອໃຊ້ຈ່າຍເປັນ ຄ່າອາຫານ, ເຄື່ອງນຸ່ງ, ການເດີນທາງ, ສິນຄ້າອຸປະໂພກ-ບໍລິໂພກ ຫຼື ຈ່າຍຄ່ານ້ຳ, ຄ່າໄຟ, ຄ່ານ້ຳມັນລົດ ແລະ ໜີ້ສິນຕ່າງໆ ເງິນສຳລັບໃຊ້ຈ່າຍສ່ວນຕົວຕາມໃຈມັກ ( Play Account ) : 10% ຂອງລາຍໄດ້ທັງໝົດ 10% ໃນສ່ວນນີ້ ຖືເປັນລາງວັນສຳລັບຄວາມອິດເມື່ອຍໃນການເຮັດວຽກຂອງແຕ່ລະເດືອນ ເປັນເງິນທີ່ເຮົາສາມາດໃຊ້ໄດ້ຢ່າງອິດສະລະ ໂດຍບໍ່ຕ້ອງຫ່ວງໜ້າຫ່ວງຫຼັງ ເງິນສຳລັບການລົງທຶນ ( Financial Freedom Account ) : 10% ຂອງລາຍໄດ້ທັງໝົດ …

ເມື່ອເວົ້າເຖິງ ເລື່ອງຖ້ຳ ຫຼາຍທ່ານຄືສິເຄີຍໄດ້ຍິນ ແລະ ເຄີຍໄດ້ໄປສຳພັດທ່ຽວຊົມມາຫຼາຍບ່ອນແລ້ວ ເພາະວ່າຢູ່ເມືອງລາວເຮົາແມ່ນອຸດົມຮັ່ງມີດ້ວຍຊັບພະຍາກອນທຳມະຊາດ ຄວາມຫຼາກຫຼາຍດ້ານວັດທະນະທຳ ແລະ ມີມູນເຊື້ອປະຫວັດສາດທີ່ພິລະອາດຫານມາຢ່າງຍາວນານ. ສຳລັບສະບັບນີ້ ຂໍແນະນຳແຫຼ່ງທ່ອງທ່ຽວທີ່ພວມໄດ້ຮັບຄວາມນິຍົມ ແລະ ມີຊື່ສຽງຫລາຍທີ່ສຸດ ທີ່ທ່ານຕ້ອງຕົກຕະລຶງ, ຕື່ນຕາຕື່ນໃຈ ແລະ ໜ້າງຶດງໍ້ອັດສະຈັນ ກັບຄວາມງົດງາມມະຫັດສະ ຈັນຂອງຖ້ຳ ຊຶ່ງທຳມະຊາດໄດ້ສ້າງສັນປັ້ນແຕ່ງຂຶ້ນ ນັ້ນຄື “ຖ້ຳນ້ຳລອດເຊບັ້ງໄຟ” ເຊິ່ງຖ້ຳແຫ່ງນີ້ ໄດ້ຖືກສຳຫຼວດໂດຍນັກສຳຫຼວດຊາວຝຣັ່ງໃນຊຸມ ປີ 2006 – 2008 ສັນນິຖານວ່າ ເປັນຖ້ຳທີ່ມີຄວາມຍາວ ແລະ ກວ້າງຕິດອັນດັບໂລກ. ຫາກທ່ານໃດສົນໃຈອ່ານຕໍ່ ສາມາດຕິດຕາມໄດ້ທີ່ ວາລະສານຂວັນໃຈສະບັບເດືອນ ຕຸລາ 2016 ໃນເອັມພອຍທຸກສາຂາ (ຮູບໜ້າປົກ ວາລະສານຂວັນໃຈ ສະບັບເດືອນ ຕຸລາ 2016)

ປະສິດທິພາບຂອງການບໍລິຫານເວລາໃນແຕ່ລະອົງກອນນັ້ນ ຖືວ່າເປັນເລື່ອງສຳຄັນທີ່ສຸດ ທີ່ຈະສາມາດຕັດສິນຄວາມສຳເລັດຂອງທຸລະກິດໄດ້. ເລືອກເປົ້າໝາຍທີ່ສຳຄັນທີ່ສຸດໃນອາທິດ: ຖ້າມີເວລາຈຳກັດກໍຄວນເລືອກເປົ້າໝາຍທີ່ມີຄວາມສຳຄັນ ແລະ ເປົ້າໝາຍນັ້ນຕ້ອງເກີດປະໂຫຍດ ຫຼາຍທີ່ສຸດກ່ອນ ແລ້ວຈຶ່ງໃຊ້ເວລາໃນສ່ວນທີ່ເຫຼືອເອົາໄປຈັດການກັບວຽກອື່ນໆຕາມລຳດັບຕໍ່ໄປ. ໃຊ້ເວລາໃຫ້ເປັນປະໂຫຍດ: ທຳອິດທີ່ຕ້ອງເຮັດໃນຕອນເຊົ້າຄື ກວດເບິ່ງຂໍ້ຄວາມຂາເຂົ້າ-ຂາອອກແບບຜ່ານໆ ແລະເບິ່ງສະເພາະລາຍຊື່ກັບຫົວຂໍ້ທີ່ສຳຄັນ ພ້ອມທັງຈັດການກັບວຽກສ່ວນນັ້ນໃຫ້ຮຽບຮ້ອຍເປັນອັນດັບທຳອິດ. ຫຼີກລ້ຽງການນັດພົບ: ຖ້າວ່າບໍ່ມີປະເດັນທີ່ຕ້ອງຊອກ ຫຼື ສໍາຄັນຫຼາຍ ການປະຕິເສດນັດພົບກໍອາດຈະຊ່ວຍໃຫ້ເຮົາມີເວລາໃນການເຮັດວຽກທີ່ສຳຄັນຫຼາຍກວ່າ. ຮູ້ຂີດຈຳກັດຂອງຕົນເອງ: ການກຳນົດໄລຍະເວລາໃນການເຮັດວຽກ ແຍກອອກຈາກເວລາພັກຜ່ອນແບບຊັດເຈນ ຈຶ່ງເປັນສິ່ງສຳຄັນຫຼາຍ ເພື່ອໃຫ້ສາມາດເຮັດວຽກເຕັມທີ່ໄດ້ໃນເວລາເຮັດວຽກ ແລະ ໄດ້ພັກຜ່ອນເຕັມທີ່ເພື່ອຟື້ນຟູພະລັງງານຂຶ້ນອີກ.