Travel

ເຊື່ອວ່າໝູ່ເພື່ອນຫຼາຍຄົນກໍ່ກຳລັງວາງແຜນໄປທ່ອງທ່ຽວສະຖານທີ່ໃນຝັນກັນຢູ່ແມ່ນບໍ່? ແນ່ນອນວ່າການທ່ອງທ່ຽວມີຫຼາຍຮູບແບບ ມີແບບທີ່ທ່ອງທ່ຽວດ້ວຍຕົວເອງ ແລະ ແບບທີ່ທ່ອງທ່ຽວແບບຈອງທົວ, ດັ່ງນັ້ນ ຂວັນໃຈ ເຮົາຈຶ່ງໄດ້ໄປຊອກເອົາຂໍ້ມູນຄວາມແຕກຕ່າງທັງສອງແບບມາຝາກແຟນໆ ມາເບິ່ງກັນ ໃຜມັກແບບໃດກໍ່ຈັດເລີຍເດີ້… ທ່ອງທ່ຽວດ້ວຍຕົວເຮົາເອງ ມີອິດສະລະໃນການຕັດສິນໃຈ ຈັດສັນເວລາທ່ຽວເອງໄດ້ ຢາກໄປໃສກໍ່ໄປ ຢາກຢຸດຖ່າຍຮູບຕາມສະຖານທີ່ໆເຮົາມັກ ບໍ່ກົດດັນ ແຕ່ກໍ່ຕ້ອງແລກມາດ້ວຍຄວາມເມື່ອຍ ເພາະຕ້ອງວາງແຜນ ແລະ ສຶກສາເສັ້ນທາງເອງທັງໝົດ 2. ບໍ່ຕ້ອງເສຍເວລາຖ້າຄົນອື່ນ ບໍ່ຕ້ອງທ່ຽວຕາມໂປແກຣມ ໄປໄດ້ຫຼາຍບ່ອນ ທ່ຽວບ່ອນນີ້ແລ້ວ ກໍ່ໄປຕໍ່ບ່ອນອື່ນໄດ້ທັນທີ 3. ມີໂອກາດເຈິໝູ່ໃໝ່ລະຫວ່າງທາງ 4. ມ່ວນກັບການຜະຈົນໄພໃນແບບທີ່ເຮົາມັກ ໄດ້ອາລົມຂອງການທ່ອງທ່ຽວທີ່ແທ້ຈິງ 5. ບາງຈຸດບໍ່ແມ່ນສະຖານທີ່ທ່ຽວຍອດນິຍົມ ແຕ່ເຮົາຄືຜຸ້ບຸກເບີກສະຖານທີ່ໃໝ່ໆ 6. ອາດຫຼົງທາງແດ່ ຂຶ້ນລົດຜິດສາຍແດ່ ລົງສະຖານນີຜິດສາຍແດ່ ແຕ່ກໍ່ເປັນອີກໜຶ່ງປະສົບການທີ່ມ່ວນ ແລະ ທ້າທາຍ 7. ໄດ້ກິນອາຫານຫຼາກຫຼາຍຢ່າງທີ່ຢາກລອງ ແລະ ລິ້ມລອງອາຫານແນວ Street food ກໍ່ cool ໄປອີກແບບ …

​ເບື່ອແລ້ວແມ່ນບໍ່ກັບຊີວິດໃນເມືອງໃຫຍ່ ໂດຍສະເພາະແມ່ນນະຄອນຫລວງ ທີ່ຕ້ອງລຸກແຕ່ເຊົ້າ ຟ້າວຟັ່ງໄປເຮັດວຽກ ໄປໃສກໍຍາກ ຍ້ອນລົດຕິດ ທ້າຍອາທິດຜູ້ຄົນແອອັດ ແລະ ວຸ້ນວາຍຕາມສະຖານທີ່ຕ່າງໆ ສະນັ້ນ ມື້ນີ້ ຈະພາທຸກຄົນມາຮູ້ຈັກກັບ ເມືອງທີ່ກົງກັນຂ້າມກັບສິ່ງທີ່ເວົ້າມາຂ້າງເທິງ ນັ້ນກໍຄືເມືອງທ່າແຂກ ແຂວງຄຳມ່ວນນັ້ນເອງ. ເມືອງທ່າແຂກເປັນເມືອງເອກຂອງແຂວງຄຳມ່ວນ ເຊິ່ງຕັ້ງຢູ່ແຄມແມ່ນ້ຳຂອງ ກົງກັນຂ້າມກັບຈັງຫວັດນະຄອນພະນົມ ປະເທດໄທຫ່າງຈາກນະຄອນຫລວງວຽງຈັນພຽງ 335 ກິໂລແມັດເທົ່ານັ້ນ ໃຊ້ເວລາເດີນທາງ ທາງລົດປະມານ 4-5 ຊົ່ວໂມງກໍ່ຮອດແລ້ວ. ເທື່ອນີ້ເຮົາມີເວລາຂ້ອນຂ້າງຈຳກັດ ຄື 2 ມື້ 1 ຄືນ ເລີຍຈະພາທ່ຽວຊົມສະເພາະຕົວເມືອງເກົ່າສະໄໝຝຮັ່ງປົກຄອງ. ພວກເຮົາເລີ່ມອອກເດີນທາງຈາກນະຄອນຫລວງ ມຸ່ງໜ້າລົງໃຕ້ແຕ່ເຊົ້າ ຖ້າໃຜສະດວກນັ່ງລົດເມໄປກໍງ່າຍດີ ພຽງແຕ່ໄປຂຶ້ນລົດຢູ່ຄິວສາຍໃຕ້ ແລ້ວຫາເຊົ່າລົດຈັກຢູ່ທ່າແຂກ ເພິ່ນກໍມີບໍລິການໃຫ້ເຊົ່າລົດຢູ່ ຫຼືຈະຂັບລົດໃຫຍ່ມາເອງກໍຍິ່ງສະດວກຂຶ້ນໄປອີກ. ເມື່ອກ້າວເຂົ້າເຂດແຂວງຄໍາມ່ວນ ເຮົາຈະພົບເຫັນພູພາສະຫຼັບຊັບຊ້ອນໄກໆ ກ່ອນຈະເຂົ້າສູ່ຕົວເມືອງທ່າແຂກ ເບື້ອງຂວາມືເຮົາຈະຜ່ານຂົວຂ້າມແມ່ນ້ຳຂອງແຫ່ງທີ່ສາມຂອງລາວ ສາມາດແວ່ເຂົ້າເບິ່ງ ແລະທ່ຽວຊົມໄດ້ ພໍອອກຈາກຂົວຂີ່ລົດຕໍ່ມີອີກປະມານ 20 ນາທີ ແຍກໄປທາງຂວາກໍຮອດຕົວເມືອງ ພວກເຮົາເລືອຫາບ່ອນພັກກ່ອນເລີຍ …

Hello ໝູ່ເພື່ອນຊ່ວງນີ້ເຫັນຫຼາຍຄົນຈົ່ມວ່າ ເຊັງ ຄຽດຈາກວຽກ-ການຮຽນ ແຟນຖິ້ມ ອົກຫັກ ໝູ່ບໍ່ຫຼິ້ນນໍາ (ເອົ້າໆໆ! ງານດຣ່າມ່າກໍ່ມາ 555) ຢ່າເດີ້!!! ເຂດນີ້ເປັນເຂດງົດເລື່ອງດຣ່າມ່າ ເພາະເປັນເຂດທີ່ມີແຕ່ຄວາມສະບາຍ ງົດເລື່ອງວຽກ-ເລື່ອງຮຽນ ໃຜທີ່ອົກຮັກແຟນບໍ່ຮັກກໍ່ບໍ່ຕ້ອງເສົ້າເພາະ ຂວັນໃຈ ເຮົາຈະພາໄປທ່ຽວທີ່ ເມືອງ ວັງວຽງ ແຂວງ ວຽງຈັນ ເປັນດິນແດນສວຍງາມ ສະຖານທີ່ທ່ອງທ່ຽວຍອດຮິດ ແລະ ສຳຄັນຂອງປະເທດລາວ. ຫຼັງຈາກທີ່ເມື່ອຍຈາກການເຮັດວຽກຫຼືການຮຽນອັນຕຶງຄຽດ ແຕ່ບໍ່ຢາກເດີນທາງໄກ ບໍ່ຢາກໃຊ້ເວລາຫຼາຍມື້ ຢາກທ່ຽວທຳມະຊາດ ແລະ ໂດດນໍ້າໄປພ້ອມໃນເວລາດຽວກັນ ຂວັນໃຈ Travel ເລີຍຂໍເອົາໃຈໝູ່ເພື່ອນທີ່ກຳລັງວາງແຜນທີ່ຈະທ່ຽວ ມີຄວາມຢາກໄປທ່ຽວພັກໃຈ ພັກກາຍແຕ່ມີວັນພັກກໍ່ດັນມີແບບຈຳກັດເຫຼືອເກີນ, ດັ່ງນັ້ນ ແນະນຳເລີຍ ວັງວຽງ ອອກເດີນທາງຕອນແລງວັນສຸກ ກັບມາຕອນແລງວັນອາທິດ ໃຊ້ເວລາເດີນທາງດ້ວຍລົດສ່ວນຕົວປະມານ 2 ຊົ່ວໂມງປາຍກໍຮອດແລ້ວ ແຕ່ຖ້າເປັນລົດໂດຍສານກໍເກີນ 3-4 ຊົ່ວໂມງແນ່ນອນ ແຖມມີກິດຈະກຳຜະຈົນໄພ ແລະ ມີແຫຼ່ງທ່ອງຫຼາຍແຫ່ງໃຫ້ຫຼິ້ນຈົນບາງເທື່ອອາດຈະລືມມື້ກັບພຸ້ນໄດ໋… …

ອົກຫັກ ແຟນຖິ້ມ ຜິດກັບໝູ່ ບໍ່ມີໝູ່ຄົບ ວຸ້ນວາຍໃຈເລື່ອງວຽກ-ເລື່ອງຮຽນ ມາໆ…ມາທາງນີ້ພີ້ເດີ້ຊຸມເຈົ້າ ໃນມື້ນີ້ ຂວັນໃຈ ພາທ່ຽວຈະພາໄປພັກຜ່ອນຢ່ອນໃຈ ຢ່າງເຂົ້າປ່າຈັກບຶດ 2ບຶດ, ເລີ່ມກ້າວເຂົ້າສູ່ລະດູຝົນແລ້ວເດີ້ ໄລຍະນີ້ແນມໄປທາງໃດກໍເຫັນແຕ່ຕົ້ນໄມ້ສີຂຽວເຕັມໄປໝົດ ນໍ້າຕົກຕາດຫຼາຍແຫ່ງເລີ່ມມີຊີວິດຊີວາ ແລະ ກັບມາສວຍງາມອີກເທື່ອໜຶ່ງ ເປັນໄລຍະທີ່ເໝາະແກ່ການໄປທ່ຽວ ເອົາຮ່າງກາຍໄປປະທະກັບອາຍຝົນ ແລະອາຍໝອກ, Trip  ຂໍເອົາໃຈໝູ່ເພື່ອນຂາລຸຍທີ່ຮັກໃນການທ່ອງທ່ຽວ ແລະ ຮັກໃນທຳມະຊາດທັງຫຼາຍ ມາສ່ອງທຳມະຊາດທີ່ສວຍສົດ ງົດງາມ ອາກາດດີໆ ຕົ້ນໄມ້ສີຂຽວອຸ່ມທຸ່ມ ທີ່ເມືອງປາກຊ່ອງ ແຂວງຈຳປາສັກ ພາກໃຕ້ຂອງລາວເຮົານີ້ເດີ້ ທຳມະຊາດບ້ານເຮົາໃຜວ່າດ້ອຍໜ້າປະເທດອື່ນ ຈຸຈຸ ຫ້າມເວົ້າເດີ້… (ໃຜຖຽງດຽວ ຊະນີIndy ອິຕີປາກໃຫ້ເນ່ໆໆໆໆ 555 ) ເປັນທີ່ຮູ້ກັນດີວ່າ ປາກຊ່ອງບໍລະເວນ ເປັນເມືອງແຫ່ງກາເຟທີ່ປູກຈາກດິນພູເຂົາໄຟ ເຊິ່ງມີຄວາມອຸດົມສົມບູນຫຼາຍໆຢ່າງ ພູເຂົາສະຫຼັບຊັບຊ້ອນ ແລະ ອຸດົມສົມບູນໄປດ້ວຍແຫຼ່ງທ່ອງທ່ຽວຫຼາຍແຫ່ງ ທີ່ໂດດເດັ່ນອີກໜຶ່ງຢ່າງນັ້ນກໍຄືນໍ້າຕົກຕາດເຊິ່ງຢັ່ງຢາຍກັນຢູ່ຫຼາຍບ່ອນ ແຕ່ມື້ນີ້ເຮົາພິເສດແດ່ ເພາະຈະພາໄປເລາະພັກຜ່ອນແຖວ ນໍ້າຕົກຕາດອີ່ຕູ້. ແຕ່ກ່ອນອື່ນທີ່ເຮົາຈະໄປຫາປາຍທາງ ນໍ້າຕົ້ກຕາດອີ່ຕູ້ ເຮົາກໍ່ຕ້ອງໄດ້ຜ່ານເສັ້ນທາງ ໃນລະຫວ່າງທາງກ່ອນຈະຮອດເປົ້າໝາຍ …

ເປັນຫຍັງເມື່ອເຮົາໄດ້ເງິນມາ ເຮົາມັກເລືອກທີ່ຈະໄປຊື້ເຄື່ອງ ຈັບຈ່າຍໃຊ້ສອຍ ປາຕີ້ແບບຟຸມເຟືອຍ ທັງທີ່ມັນກໍເປັນຄວາມສຸກພຽງຊົ່ວຄາວເທົ່ານັ້ນ ເພາະນອກຈາກຈະເປັນຄວາມສຸກພຽງໄລຍະສັ້ນແລ້ວ ຍັງຜານເງິນແບບບໍ່ຈົບສິ້ນອີກດ້ວຍ, ດັ່ງນັ້ນ ງານວິໄຈເຜີຍອອກມາແລ້ວວ່າ ການໃຊ້ເງິນໄປກັບການທ່ອງທ່ຽວ ຈະເຮັດໃຫ້ເຮົາມີຄວາມສຸກກວ່າການເອົາເງິນໄປຊື້ເຄື່ອງ… ເຄີຍລອງສັງເກດບໍ່ວ່າ ເວລາຊື້ເຄື່ອງທີ່ເຮົາຢາກໄດ້ນັ້ນ ເມື່ອເຮົາໄດ້ເຄື່ອງນັ້ນໆມາໃນຕອນທຳອິດ ເຮົາຈະຮູ້ສຶກມີຄວາມສຸກ ແລະ ຕື່ນເຕັ້ນ ແຕ່ເມື່ອເວລາຜ່ານໄປ ມັນຈະກາຍເປັນຄວາມຮູ້ສຶກທຳມະດາ ແລະບໍ່ຕື່ນເຕັ້ນຄືແຕ່ກ່ອນ ແຕ່ເມື່ອໄດ້ຂອງໃໝ່ອື່ນໆອີກຄວາມສຸກເຫຼົ່ານັ້ນກໍຈະກັບມາອີກຄັ້ງ ແນວໃດກໍຕາມ ຜົນການວິໄຈຂອງວິທະຍາໄລຄໍເນວ ໄດ້ຄົ້ນພົບວິທີຢຸດພຶດຕິກຳເລົ່ານີ້ ໂດຍສາດສະດາຈານດ້ານຈິດວິທະຍາ ໄດ້ເປີດເຜີຍວ່າ ການໃຊ້ເງິນຊື້ເຄື່ອງນັ້ນ ຈະເຮັດໃຫ້ລະດັບຄວາມສຸກຫຼຸດຕໍ່າລົງຕາມຊ່ວງເວລາທີ່ຜ່ານໄປ ເຊິ່ງຕ່າງຈາກຄວາມຊົງຈຳຈາການທ່ອງທ່ຽວ ຫຼຶປະສົບການໃໝ່ໆ ທີ່ສາມາດຄົງຮໍໂມນແຫ່ງຄວາມສຸກໃຫ້ໄດ້ຢ່າງຍືນຍາວຫຼາຍກວ່າ ເພາະສະນັ້ນການໃຊ້ເງິນໄປກັບການທ່ອງທ່ຽວ ໄປໃນສະຖານທີ່ແປກໃໝ່ ການອອກເດີນທາງ ຮຽນຮູ້ສິ່ງໃໝ່ ຫຼິ້ນກິລາເອັກຕີມ ສິ່ງເຫຼົ່ານີ້ລ້ວນແຕ່ສ້າງຄວາມສຸກ ແລະ ປະສົບການໃຫ້ກັບເຮົາ ແລະ ຍັງຄົງຄວາມສຸກທີ່ຍາວນານຫຼາຍກວ່າການຊື້ສິ່ງຂອງເຊັ່ນ ກະເປົ໋າ ເກີບ ແລະ ລົດຄັນແພງໆ ເພາະທຸກຢ່າງທີ່ໃໝ່ໃນມື້ນີ້ ໃນມື້ອື່ນມັນກໍກາຍເປັນຂອງເກົ່າ ແລະ ຄວາມສຸກ ຄວາມຕື່ນເຕັ້ນກໍຈະຫຼຸດລົງໄປຕາມການເວລາ …