ໄວໜຸ່ມ

ພິກກີ້ ພິລາລັກ ສີຫາລາດ ສາວງາມຜູ້ມີສະເຫນ່ນ້ອງສາວຫຼ້າຫນ້າຫວານຂອງ ແອັບເປີ້ນ ສີສະຫງຽນ ສີຫາລາດ. ສໍາຫລັບສາວ ພິກກີ້ ຄົນນີ້ຕ້ອງບອກເລີຍວ່ານອກຈາກໜ້າຕາດີ ແລະ ເຊັກຊີແລ້ວ ຍັງພຽບພ້ອມໄປດ້ວຍຄວາມສາມາດ, ເຮັດວຽກເກັ່ງ ເຊິ່ງຈະເຫັນໄດ້ວ່າພິກກີ້ນັ້ນໄດ້ຮັບວຽກເປັນພຣີເຊັນເຕີໂຄສະນາ ແລະ ໂຊທັງຄວາມສາມາດໃນການຮ້ອງເພງອອກມາໃຫ້ຟັງຢູ່ເລື້ອຍໆທາງຢູທູບ ແນ່ນອນເຮັດວຽກມາເມື່ອຍໆ…!! ກໍຕ້ອງໄດ້ໃຫ້ຂອງຂວັນຕົວເອງແດ່ອີຫຍັງແດ່ແຫລະເນາະສາວພິກກີ້! ໂດຍເຊິ່ງຫຼ້າສຸດ ມື້ວັນທີ 22 ຕຸລາ 2020 ເປັນມື້ງາມຍາມດີ ສາວພິກກີ້ກໍໄດ້ຖອຍລົດໃຫມ່ປ້າຍແດງ ເຊິ່ງເປັນເງິນທີ່ຫາມາໄດ້ດ້ວຍເຫື່ອແຮງຂອງຕົວເອງ. ດ້ວຍຄວາມພູມໃຈ ງານນີ້ທາງສາວແອັບເປີ້ນຜູ້ເປັນເອື້ອຍກໍໄດ້ໂພສເຖິງນ້ອງສາວຄົນເກັ່ງວ່າ: “ຖອຍລົດແລ້ວນ້ອງສາວເອື້ອຍ, ເທື່ອນີ້ຖອຍເອງ, ເລືອກເອງ, ອອກເງິນເອງ ພູມໃຈຕະຫຼອດທຸກເທື່ອທີ່ເຫັນນ້ອງໄດ້ເງິນ ຕື່ນເຊົ້າອອກຈາກບ້ານ ບາງເທື່ອເອື້ອຍຍັງບໍ່ທັນຕື່ນຊໍ້ານ້ອງໄປເຮັດວຽກແລ້ວ, ຕັ້ງແຕ່ປີ້ນຖືພາ ຜ່ານມາກໍາລັງຈະ 2 ປີ ບໍ່ຢາກຈະເຊື່ອວ່າມີແຕ່ພິກກີ້ໄປຈັດການທຸກຢ່າງ ພະນັກງານເກືອບ 60 ຊີວິດ ນາງຄຸມໝົດ ກັບມາເຮືອນຍັງມີເຮັດກິນໃຫ້ ຈູນີ່ (ຫຼານ), ແຕ່ລະເດືອນຍັງໃຫ້ເງິນເດືອນແມ່ອີກ ແລະ …

ປັດຈຸບັນໝາກຍໍແມ່ນຖືກແປຮູບໃຫ້ເປັນອາຫານເສີມດ້ວຍຫຼາຍຮູບແບບ ຍ້ອນວ່າມັນມີສັບພະຄຸນຕໍ່ຮ່າງກາຍມະນຸດຢ່າງຫຼາກຫຼາຍ ເຊິ່ງໂດຍສ່ວນໃຫຍ່ຈະເຫັນໃນຮູບແບບຂອງເຄຶ່ອງດື່ມ ແລະ ລາຄານັ້ນກໍຂ້ອນຂ້າງວ່າແພງ ແຕ່ຄວາມຈິງແລ້ວເຮົາກໍສາມາດຊອກເອົາໝາກຍໍໜ້າບ້ານມາເຮັດກິນເອງແບບສົດໆໄດ້ເຊັ່ນດຽວກັນ ຫຼືຈະຄັ້ນເອົານໍ້າໝາກຍໍສຸກກໍໄດ້ບໍ່ຍາກ ເຊິ່ງສັບພະຄຸນທາງການຢາກໍບໍ່ໄດ້ນ້ອຍໄປກວ່ານໍ້າໝາກຍໍສໍາເລັດຮູບເລີຍ ແລະ ທີ່ສໍາຄັນເຮົາກໍບໍ່ຕ້ອງໄປຊື້ໃຫ້ເສຍເງິນ!! ແນ່ນອນມື້ນີ້ ຂວັນໃຈກໍໄດ້ນໍາເອົາສູດການເຮັດນໍ້າໝາກຍໍເພື່ອສຸຂະພາບດື່ມເອງມາຟາກມາຕອນແມ່ຍິງທີ່ຮັກສຸຂະພາບທັງຫຼາຍ ແລະ ສາວໆກໍສາມາດເຮັດຕາມໄດ້ເດີ!! ໄປເບິ່ງຂັ້ນຕອນຕ່າງນໍາກັນ…. ສ່ວນປະສົມທີ່ສໍາຄັນ1. ໝາກຍໍສຸກໃຫຍ່ໆຈັກ 2 ໝາກ2. ນໍ້າດື່ມສະອາດ 1 ລິດ3. ນໍ້າຕານຊາຍ 4 – 6 ບ່ວງແກງ4. ນໍ້າເຜີ້ງ 4 – 6 ບ່ວງແກງ5. ເກືອ 2 ບ່ວງກາເຟ ຂັ້ນຕອນການເຮັດນໍ້າໝາກຍໍລ້າງໝາກຍໍດ້ວຍນໍາສະອາດ ແລ້ວເອົາໄປຕົ້ມຈົນກວ່າໝາກຍໍຈະເປື່ອຍ ແລ້ວເອົາອອກຈາກໝໍ້ຖີ້ມໄວ້ໃຫ້ເຢັນ ຫຼັງຈາກນັ້ນໃຫ້ຄັ້ນເອົາແກ່ນໝາກຍໍອອກ ແລ້ວກໍຕອງດ້ວຍຜ້າຂາວສະອາດເພື່ອເອົາເສດເນື້ອໝາກຍໍອອກ ເພາະເຮົາຕ້ອງການເອົາສະເພາະນໍ້າໝາກຍໍ ຫຼັງຈາກນັ້ນໃຫ້ເອົານໍ້າໝາກຍໍທີ່ໄດ້ໄປຕົ້ມອີກເທື່ອໜຶ່ງ (ໃຊ້ໄຟອ່ອນ) ແລ້ວຄ່ອຍໆເຕີມນໍ້າເຜີ້ງ, ນໍ້າຕານ ແລະ ເກືອ ທີ່ເຮົາກຽມໄວ້ມາຄົນໃຫ້ເຂົ້າກັນລະອຽດດີ ແລ້ວກໍສາມາດເອົາໝໍ້ອອກຈາກໄຟໄດ້ ຈາກນັ້ນໃຫ້ຊີມເບິ່ງລົດຊາດ …

ເກດມະນີ ວົງຄໍາຈັນ ໜຶ່ງໃນຜູ້ເຂົ້າປະກວດ Miss Laos 2020 ເປັນອີກໜຶ່ງສາວທີ່ບໍ່ທໍາມະດາເລີຍ ທັງງາມ ແລະ ມີຄວາມສາມາດໃນການເປົ່າແຄນ ເຊິ່ງມັນເປັນເອກະລັກ ແລະ ສະເຫນ່ອັນໂດດເດັ່ນຈົນເຮັດໃຫ້ແຟນໆຫຼາຍຄົນນັ້ນຕິດຕາມ ແລະ ເຊຍສາວຄົນນີ້ຈົນກາຍເປັນໂຕເກັງທີ່ສຸດໃນຕອນນີ້ກໍວ່າໄດ້. ເກດມະນີ ອາຍຸ 20 ປີ ເປັນຄົນແຂວງບໍ່ແກ້ວ ເຊິ່ງການປະກວດ Miss Laos 2020 ແມ່ນເປັນເວທີທໍາອິດ ແລະ ແຮງບັນດານໃຈໃນການເຂົ້າປະກວດດເທື່ອນີ້ ສາວເກດມະນີໄດ້ໃຫ້ສໍາພາດກັບທີມຂ່າວຂອງ Muan.la ວ່າ “ເຂົ້າປະກວດເວລທີນີ້ເພາະເປັນເວທີຊົງກຽດ ແລະ ເປັນເວທີທີ່ສະແດງໃຫ້ຄົນລາວທຸກຄົນໄດ້ເຫັນວ່າ ແມ່ຍິງລາວກໍມີຄວາມສາມາດ ແລະ ມີຄວາມງາມບໍ່ແພ້ຊາດໃດໃນໂລກ ແລະ ຕົນເອງກໍເປັນຄົນທີ່ມັກໃນເສັ້ນທາງສາຍນີ້ຢູ່ແລ້ວ ຈຶ່ງເລືອກທີ່ຈະສະໝັກ ແລະ ເດີນຕາມຝັນ ພ້ອມທັງຖືວ່າເວທີນີ້ເປັນເວທີເປິດປະສົບການໃນຫຼາຍໆດ້ານໃຫ້ເຮົານໍາ” ເຫດຜົນທີ່ເລືອກເອົາເຄື່ອງດົນຕີພື້ນເມືອງລາວມາໂຊ ເຊັ່ນ ການເປົ່າແຄນ ກໍເພາະວ່າ ສຽງແຄນລາວໄດ້ຮັບຮ້ອງເປັນມໍລະດົກໂລກທາງວັດທະນະທໍາ ແລະ ກໍຍັງມີສຽງທີ່ມ່ວນອ່ອນຊ້ອຍ ເຊິ່ງຕາມບູຮານໄດ້ບອກເລົ່າກັນວ່າ …

 ຢຸ້ຍ ຫຼື ຢຸ້ຍ ສັນທະນີ Miss Supranational Laos 2018 ນາງງາມທີ່ມີຄວາມ strong ລະດັບ 10 ເຕັມ 10 ແທ້ໆ ບໍ່ວ່າຈະເປັນວຽກງານດ້ານວົງການບັນເທິງ ຫຼືການສ້າງແຮງຈຸງໃຈ ລວມໄປເຖິ່ງເລື່ອງລາວຕ່າງໆມາອັບເດດໃຫ້ແຟນໆໄດ້ຕິດຕາມກົດໄລກົດໃຈໃຫ້ຕະຫຼອດ ເຊິ່ງຫລ້າສຸດຢຸ້ຍກໍອອກມາໂພສ໌ຂໍ້ຄວາມທາງເຟສ໌ບຸກສ່ວນຕົວ ເພື່ອເປັນການໃຫ້ກໍາລັງໃຈ ແລະ ປຸກພະລັງໃຫ້ກັບຄົນທີ່ມີເປົ້າໝາຍໃນຊີວິດໄດ້ລຸກສູ້ເພື່ອໄປໃຫ້ຮອດຝັງຝັນ ແຖມຍັງຖີ້ມທ້າຍດ້ວຍຄໍາຄົມເດັດໆອີກດ້ວຍ ບອກເລີຍວ່າຖ້າສາວໆຄົນໃດບໍ່ໄດ້ອ່ານຖືວ່າພາດ…..ມີຫຍັງແດ່ນັ້ນໄປອ່ານໄດ້ເລີຍ…. “ໂພດນີ້ບໍ່ໄດ້ໂພດອວດລວຍ ວ່າໂຊເກັ່ງສິຊື້ລົດໃຫມ່!!! ແຕ່​ເປັນ​ການໂພດເພື່ອໃຫ້ກຳລັງໃຈ ປຸກພະລັງໃນໂຕເອງຕ້ອງມີເປົ້າຫມາຍ ຕ້ອງສູ້ຊົນ ຕ້ອງຜ່ານມັນໄປໃຫ້ໄດ້ ສິທຸກສິຍາກສິເມື່ອຍກະຕ້ອງຜ່ານ.​ ກ່ອນຈະສຸກສະບາຍກະຕ້ອງໄດ້ທຸກ ກ່ອນຈະເປັນນາຍຄົນທີ່ສົມໃຫ້ຄົນນັບຖືກະຕ້ອງເປັນຕົວຢ່າງພາເຮັດພາສ້າງ,​ ບໍ່ແມ່ນມືບໍ່ພາຍເອົາຕີນລານຳ້ໃຫ້ເພິ່ນພາຍເຮືອເມື່ອຍຜູ້ດຽວໂຕເອງກິນແຮງສະເຫວີຍສຸກ,​ ໃຊ້ແຕ່ປາກສັ່ງງານເຂົາບໍ່ຈັບບໍ່ບາຍບໍ່ເຮັດບໍ່ສ້າງຍັງມາຫາແຕ່ແນວຕິ.​ລົງມືເອງທຸກຢ່າງຈັ່ງຮູ້ໄດ້ບັນຫາຂໍ້ຫຍຸ້ງຍາກຂໍ້ສະດວກ(ປະຫຍັດເງິນ​ພ້ອມເຂົ້າໃຈເນາະ)ຢຸ້ຍ ສູ້ເດີອີ່ຂີ້ດື້ ທ້າຍປີ2020-ຕົ້ນປີ2021 ບໍ່ໄດ້ກະບະ ກະສິເອົາຮຸ່ນໃດ ບໍ່ໄຫວອີ່ໂຕນລົດ ແມ່ເສືອສາວດາວຢົ້ວ Jaguar ປານຕຸກໆກະບໍ່ປານ ແຕ່ກະສົມຊື້ມາລາຄາແພງໃຊ້ໃຫ້ມັນຄຸ້ມ ບໍ່ແມ່ນສິເອົາມາຂີ່ຂັບອວດຄົນເຮັດໂຕໂກ້ຫຼູ ໄຮໂຊກະໂປ໊ະແຕກ ຫາປະໂຫຍດບໍ່ໄດ້.​(ໃຫ້ສົມກູຊື້ມາ89,​###$ ປານນັ້ນໄດ້ລາຄາພິເສດ ຈາກ98,​000​$ ສົງໃສແພງພິເສດ555555 …

ສາວໆຫຼາຍໆຄົນເຄີຍເປັນບໍ່ ຕື່ນຂຶ້ນມາຂອບຕາດໍາ? ແຕ່ງໜ້າບໍ່ງາມ ແຍງແວ່ນຍາມໃດປານເປັນໝີແພນດ້າເອົາໂລດ!! ເສຍຄວາມໝັ້ນໃຈຍາມແຕ່ງໜ້າອອກໄປນອກ ຖ້າສາວໆຄົນໃດກໍາລັງພົບບັນຫານີ້ ບໍ່ຟ້າວນ້ອຍໃຈ, ຢ່າຟ້າວຜິດຫວັງ!! ລຸກຂຶ້ນມາເບິ່ງແຍງຕົວເອງ ໂດຍການຮັກສາຂອບຕາໃຫ້ເຊົາເປັນຫມີແພນດ້າໄດ້ແລ້ວ ດ້ວຍ 6 ວິທີງ່າຍໆແຕ່ເຫັນຜົນແທ້ ແລະ ສາວໆສາມາດເຮັດເອງໄດ້ທີ່ເຮືອນແບບສະບາຍ ມາປ່ຽນຂອບຕາດໍາໃຫ້ກາຍເປັນຕາງາມເດັ່ນ ດ້ວຍວິທີຕໍ່ໄປນີ້…. ພອກເປືອກຕາດ້ວຍໝາກແອັບເປີ້ນ: ເອົາແອັບເປີ້ນສົດມາຟານບາງ ແລ້ວເອົາມາພອກເປືອກຕາຖີ້ມໄວ້ປະມານ 15 ນາທີ ເຮັດມື້ລະເທື່ອ ປະມານອາທິດໜຶ່ງຮັບຮອງວ່າເຫັນຜົນແທ້ ເຊິ່ງຮອຍດໍາມັນຈະຄ່ອຍໆຈາງລົງໄປຢ່າງເຫັນໄດ້ຊັດເຈນ!! ໄຂ່ຕົ້ມ: ໄຂ່ຕົ້ມສຸກປອກເປືອກອອກໃນຂະນະທີ່ໄຂ່ຍັງອຸ່ນໆຢູ່ ແມ່ນໃຫ້ເອົາຜ້າມົນນ້ອຍໆທີ່ສະອາດມາຫໍ່ໄຂ່ ແລ້ວນໍາໄປນວດບໍລິເວນໃຕ້ດວງຕາຄ່ອຍໆ ການເຮັດແບບນີ້ແມ່ນຈະຊ່ວຍໃຫ້ເລືອດມີການໄຫຼວຽນດີ ຖ້າເຮັດເປັນຈໍາຂອບຕາດໍາກໍຈະໝົດໄປ.ໝາກແຕ່ງກວາ: ວິທີນີ້ເປັນວິທີທີ່ໄດ້ຮັບຄວາມນິຍົມທີ່ສຸດ ເອົາໝາກແຕງກວາມາຊອຍເປັນອັນນ້ອຍໆບາງໆ ແລ້ວເອົາໄປແຊ່ຕູ້ເຢັນໄວ້ປະມານ 30 ນາທີ ຈາກນັ້ນເອົາມາວາງໃສ່ເປືອກຕາທັງສອງຂ້າງ ແລ້ວປະໄວ້ປະມານ 10-15 ນາທີ ພຽງເທົ່ານີ້ຂອບຕາເຮົາກໍຈະເປັ່ງປັ່ງ ແລະ ສົດຊື່ນຂຶ້ນ.ຖົງຊາ: ສາວໆຄົນໃດທີ່ມັກດື່ມນໍາຊາຢູ່ແລ້ວກໍສາມາດໃຊ້ປະໂຫຍດຕໍ່ໄດ້ເລີຍ ໂດຍນໍາເອົາຖົງຊາທີ່ຊົງແລ້ວ ໄປແຊ່ຕູ້ເຢັນບໍ່ມານ 30 ນາທີ ຈາກນັ້ນໃຫ້ເອົາມາປົກໄວ້ທີ່ເປືອກຕາ ແລະ …