ເພື່ອເຮັດໃຫ້ຄົນພິເສດຂອງທ່ານ ຮູ້ສຶກວ່າທຸກມື້ຄືວັນພິເສດ ດ້ວຍ ວິທີງ່າຍໆ ແຕ່ໄດ້ຜົນສະເໝີ ດ້ວຍການສະແດງອອກດັ່ງລຸ່ມນີ້: ທີ່ຈະເຮັດໃຫຄົນ ທີ່ທ່ານຮັກພໍໃຈ ແລະ ຮັບຮູ້ໄດ້ວ່າ ເຂົາຄືຄົນພິເສດຂອງທ່ານຕະຫຼອດເວລາ.
- ວາງແຜນກິນເຂົາແລງຢູ່ເຮືອນ
ການກິນເຂົ້າຕອນແລງນຳກັນສອງຕໍ່ສອງ ດ້ວຍບັນຍາກາດທີ່ມີແສງທຽນ, ສຽງເພງມ່ວນໆ ເປັນສິ່ງທີ່ສະແດງ ໃຫ້ເຫັນເຖິງຄວາມຮັກ, ຄວາມເອົາໃຈໃສ່ໄດ້ດີທີ່ສຸດ
- ພາໄປທ່ຽວຫາດຊາຍ ແຄມຂອງ, ຫາດຊາຍ ທະເລ ຫຼື ຫາດຊາຍອື່ນໆ
ລອງພາຄົນຮັກຂອງທ່ານໄປຍ່າງຫຼີ້ນ ຫາດຊາຍ ທີ່ຫງຽບສະຫງົບ ນັ່ງເບິ່ງດວງຕາເວັນຕົກດິນນໍາກັນ ແລະ ມອບຂອງຂວັນສຸດພິເສດໃຫ້ຄົນທີ່ທ່ານຮັກ.
- ສ້າງຄວາມປະທັບໃຈໃນວັນທີ່ພິເສດ
ຊື້ເຄື່ອງທີ່ພິເສດ ສຳລັບຄົນຮັກຂອງທ່ານ ໂດຍບໍ່ໃຫ້ຮູ້ຕົວເຊັ່ນ: ດອກໄມ້, ຊຸດໃໝ່ ຫຼື ຂະໜົມທີ່ຄົນຮັກຂອງທ່ານມັກກິນ ນອກຈາກວັນທີ່ພິເສດແລ້ວ ການມອບຂອງຂວັນທີ່ສໍາຄັນ ໃນມືທຳມະດາ ກໍຈະເຮັດໃຫ້ຄົນຮັກຂອງທ່ານປະທັບໃຈຫຼາຍຍິ່ງຂຶ້ນ.
- ພຽງຄໍາເວົ້າ ກໍເຮັດໃຫ້ໃຈອ່ອນແລ້ວ
ບາງຄັ້ງຄໍາເວົ້າ ກໍສື່ສານຄວາມໝາຍທຸກຢ່າງ ຈົ່ງໝັ່ນບອກຄວາມໃນໃຈຂອງທ່ານໃຫ້ຄູ່ຂອງທ່ານໄດ້ຮັບຮູ້ ແຕ່ຖ້າເຂີນ ຫຼື ອາຍກໍລອງບອກຜ່ານຂໍ້ຄວາມ ຫຼື່ ອາດຈະສົ່ງເພງຫວານໆ ໃຫ້ຟັງແທນຄວາມໃນໃຈທີ່ຢາກຈະບອກ.
- ວາງແຜນທ້າຍອາທິດ
ລອງພາຄົນຄົນຮັກຂອງທ່ານໄປເພີ່ມຄວາມຫວານ ປ່ຽນສະຖານທີ່ໃໝ່ໆ ທ່ານສາມາດໃຊ້ເວລາຮ່ວມກັນແບບສອງຕໍ່ສອງຢ່າງມີຄວາມສຸກ ຫຼື ຊອກກິດຈະກຳໃໝ່ໆ ທີ່ທ່ານທັງສອງບໍ່ເຄີຍເຮັດກ່ອນ