ງານແຂ່ງຂັນຮູບເງົາສັ້ນ ວຽງຈັນນານ (Vientianale)ກັບມາແລ້ວ! ເຊີນທຸກໆຄົນເຂົ້າມາຮ່ວມແຂ່ງຂັນຮູບເງົາສັ້ນນຳກັນຫຼາຍໆ
ຮັບສະໝັກລົງທະບຽນ
ການແຂ່ງຂັນດັ່ງກ່າວ ເປີດໃຫ້ ທຸກໆຄົນທີ່ດຳລົງຊີວີດຢູ່ໃນ ສປປ.ລາວ, ໂດຍບໍ່ຈໍາແນກສັນຊາດ ແລະຄວາມສາມາດປະສົບການໃນການຜະລິດຮູບເງົາ.
ການແຂ່ງຂັນ ປີນີ້ ບໍ່ມີຫົວຂໍ້, ດັ່ງນັ້ນ ພວກເຮົາຈື່ງເຊີນຊວນໃຫ້ທຸກຄົນນໍາໃຊ້ຈິນຕະນາການຂອງຕົນເອງເຕັມທີ່.
ຄະນະກຳມະການອິດສະຫຼະ ຈະເປັນຜູ້ເລືອກ ຮູບເງົາສັ້ນທີ່ດີທີ່ສຸດ 3 ເລື່ອງໂດຍມີລາງວັນດັ່ງລຸ່ມນີ້:
ລາງວັນທີ່ 1: 8,000,000 ກີບ
ລາງວັນທີ່ 2: 5,000,000 ກີບ
ລາງວັນທີ່ 3: 3,000,000 ກີບ
ຮູບເງົາທີ່ສົ່ງເຂົ້າປະກວດຈະໄດ້ຮັບການສາຍໃນ ມື້ສຸດທ້າຍຂອງ ງານເທດສະການຮູບເງົາ ວຽງຈັນນານ. ເຊິ່ງໃນມື້ນັ້ນ, ຜູ້ທີ່ເຂົ້າຊົມກໍ່ສາມາດເລືອກໃຫ້ຄະແນນຮູບເງົາທີ່ມັກ ແລະ ສົນໃຈ ເພື່ອໃຫ້ ລາງວັນຮູບເງົາຂັວນໃຈຜູ້ຊົມ.
ປິດຮັບສະໝັກ: ວັນສຸກ ທີ່ 31 ມັງກອນ 2017
ຮູບເງົາທີ່ສົ່ງເຂົ້າປະກວດຈະຕ້ອງປະຕິບັດຕາມເງື່ອນໄຂ ດັ່ງລຸ່ມນີ້:
- ຮູບເງົາຕ້ອງບໍ່ເກີນ 7 ນາທີ່ (ລວມເອົາທັງຊື່ເລື່ອງ ຈົນຮອດລາຍຊື່ ຂອງຜູ້ຜະລິດແລະຜູ້ທີ່ມີສ່ວນຮ່ວມ)
- ຜູ້ກຳກັບຮູບເງົາ ຕ້ອງອາໄສ ແລະ ດໍາລົງຊີວິດໃນ ສປປ. ລາວ.
- ຮູບເງົາພາສາລາວ ຕ້ອງມີຄໍາບັນລະຍາຍທາງກ້ອງ ເປັນພາສາອັງກິດ. ຖ້າວ່າເລື່ອງມີການສົນທະນາເປັນພາສາອັງກິດ ຕ້ອງມີຄໍາບັນລະຍາຍທາງກ້ອງ ເປັນພາສາລາວ.
- ຮູບພາບ ແລະ ສຽງຕ່າງໆ ທີ່ໃຊ້ໃນການຜະລິດຮູບເງົາ ຕ້ອງບໍ່ລະເມີດລິຂະສິດປະການໃດ.
- ເມື່ອຜະລິດສຳເລັດແລ້ວ ຕ້ອງສົ່ງຜົນງານດັ່ງກ່າວ ໃນຮູບແບບ ດີວິດີ MPEG4, AVI, WMV, H264 ຫຼື MOV ພ້ອມກັບເອກກະສານລົງທະບຽນ.
- ຮູບເງົາດັ່ງກ່າວ ຕ້ອງເປັນ ເລື່ອງສັ້ນ ທີ່ສ້າງຂື້ນສໍາລັບ ການແຂ່ງຂັນຮູບເງົາສັ້ນ ວຽງຈັນນານ 2017 ໂດຍສະເພາະ ແລະ ບໍ່ເຄີຍໄດ້ຮັບການສາຍ ຫຼື ເຂົ້າຮ່ວມແຂ່ງຂັນບ່ອນອື່ນ ມາກ່ອນ.
ເອກກະສານລົງທະບຽນ ສາມາດເອົາໄດ້ ທີ່ http://www.vientianale.org/
ຕິດຕໍ່:
ອີເມລ: [email protected]
www.facebook.com/Vientianale
ມືຖື: 030 50 29 814 (ພາສາລາວ), 020 58 89 14 65 (ພາສາອັງກິດ/ລາວ)
ຂ່າວຈາກ: ເຟສບຸກ Vientianale