Check ດ່ວນ! 5 ເຫດຜົນທີ່ຈະບອກວ່າ ເຈົ້າເໝາະທີ່ຈະເປັນ “ສາວໂສດ” ຫຼາຍກວ່າມີແຟນ!!!
Hello ສາວໆທຸກຄົນເດີ້! ກ່ອນອື່ນຂໍຖາມກ່ອນເລີຍວ່າ ພວກເຈົ້າເຄີຍຖາມຕົວເອງບໍ່ວ່າ ຕົກລົງຂ້ອຍເໝາະສົມທີ່ຈະຢູ່ເປັນໂສດຫຼາຍກວ່າ ເປັນຫຍັງມີແຟນແລ້ວມັນບໍ່ມີຄວາມສຸກ ຂ້ອຍກໍາລັງສູນເສຍຄວາມເປັນຕົວຂອງຕົວເອງໄປ ຫຼືບໍ່? ແລະອີກຫຼາກຫຼາຍຄໍາຖາມຕ່າງໆນາໆ ຖ້າຖາມແອັດນ່າ ບອກເລີຍວ່າເຄີຍຖາມຕົວເອງຕະຫຼອດດດ ຖ້າສາວໆເປັນຄືກັນ ຊັ້ນເຮົາລອງມາເບິ່ງເຫດຜົນ 5 ຂໍ້ທີ່ຈະໄຂຂໍ້ຂ້ອງໃຈກັນດີກວ່າ!!!
- ບໍ່ອິນກັບຄໍາຫວານໆ ຮູ້ສຶກປວດຮາກດ້ວຍຊໍ້າ
ໃຜກະໄດ້ຊ່ວຍໄປເວົ້າຄໍາຫວານໆໄກໆຂ້ອຍແດ່ ໄດ້ຍິນຮູ້ສຶກເຈັບຫົວ ຄື້ນໄສ້ ຄືຊິຮາກແຕກ! ຫາກສາວໆກໍາລັງປະສົບບັນຫາເຫຼົ່ານີ້ຢູ່ ແອັດຂໍຄອນເຟີມເລີຍວ່າ ສາວໆເປັນຄົນຮັກສຸຂະພາບ (ເພາະບໍ່ນິຍົມກິນຂອງຫວານ555) ບໍ່ແມ່ນລ່ະ ແຕ່ສາວໆກໍາລັງຮັກຊີວິດຕົວເອງຕ່າງຫາກ ປະມານວ່າຢູ່ແບບນີ້ຂ້ອຍກໍມີຄວາມສຸກດີ ບໍ່ຈໍາເປັນຕ້ອງຊອກໃຜມາເພີ່ມຄວາມຫວານໃຫ້ກັບຊີວິດ ພົບໃຜມາຢອດຄໍາຫວານຈັກໜ້ອຍກໍຮູ້ສຶກຂົນລຸກ ຂວັນສະຫຍອງໄປໝົດ!!!
- ໂລກນີ້ມີແຕ່ຂ້ອຍ ບໍ່ຢາກຫັນໄປເບິ່ງໃຜ
ບໍ່ໄດ້ຈະບອກວ່າສາວໆມີຄວາມເຫັນແກ່ຕົວເດີ່ ແຕ່ໝາຍເຖິງສາວໆມີໂລກສ່ວນຕົວສູງຕ່າງຫາກລ່ະ! ສາວໆຮັກການຢູ່ຄົນດຽວ ແລະຢາກຈະທຸ່ມເທເວລາໃຫ້ຕົວເອງ ຫຼາຍກວ່າແບ່ງເວລາສ່ວນຕົວໄປໃຫ້ຄົນອື່ນ ເຊິ່ງແນ່ນອນວ່າການມີແຟນຈະເຮັດໃຫ້ເວລາເຄິ່ງໜຶ່ງຂອງສາວໆຫາຍໄປ ສູນເສຍຄວາມເປັນສ່ວນຕົວ ສູນເສຍຄວາມເປັນຕົວເອງ ກໍວ່າລະເນາະ! ຊີວິດຂ້ອຍມີຫຍັງໃຫ້ເຮົາອີກຫຼາກຫຼາຍ ຖ້າໃຜຈະມາເປັນແຟນກໍຕ້ອງຍອມຮັບໃນຈຸດນີ້ໃຫ້ໄດ້ ບໍ່ຊັ້ນກະທາງໃຜທາງມັນ!
- ຕອນນີ້ກໍມີຄວາມສຸກ ບໍ່ຢາກທຸກດ້ວຍການມີແຟນ
ຖ້າສາວໆເບິ່ງວ່າຕອນນີ້ຂ້ອຍມີຄວາມສຸກດີ ບໍ່ຮູ້ສຶກຂາດ ຫຼືຕ້ອງການໃຜມາຕຶ່ມເຕັມຊີວິດ ນີ້ກໍເປັນອີກເຫດຜົນໜຶ່ງທີ່ບົ່ງບອກວ່າເຈົ້າເໝາະສົມທີ່ຈະຢູ່ເປັນ ໂສດ ຫຼາຍກວ່າມີແຟນ ເພາະມັນກໍບອກຢ່າງຊັດເຈນແລ້ວວ່າ ສາວໆສາມາດເບິ່ງແຍງຕົວເອງ ແລະໃຊ້ຊີວິດຢູ່ຄົນດຽວໄດ້ ບໍ່ເດືອດຮ້ອນຫຍັງ ແຖມຍັງມ່ວນກັບການໄດ້ເຮັດສິ່ງທີ່ຮັກ ແລະເປັນຕົວຂອງຕົວເອງແບບສຸດໆ ແມ່ນຫຍັງກໍມາຢຸດຂ້ອຍບໍ່ໄດ້!
- ເບື່ອຄົນມີຄູ່ບໍ່ຮູ້ເປັນຫຍັງ
ຄໍາວ່າ ເບື່ອ ກັບ ອິດສາ ມັນຕ່າງກັນເດີ້ສາວໆ ລອງພິຈາລະນາເບິ່ງດີໆວ່າເຈົ້າເປັນແບບໃດ? ແຕ່ຖ້າສາວໆເກີດມີຄວາມຮູ້ສຶກເບື່ອຄົນມີຄູ່ ເຫັນໃຜ Sweet ກັນກໍຕ້ອງຈົ່ມ ແລະຖອນຫາຍໃຈທຸກເທື່ອ ນັ້ນສະແດງວ່າເຈົ້າບໍ່ໄດ້ຢາກມີແຟນ!! ນາງເບິ່ງວ່າການມີແຟນມັນເປັນຫຍັງທີ່ໄຮ້ສາລະ ຕ້ອງຈູງມືກັນ ປ້ອນເຂົ້າ ເຊັດປາກ ເຊັດເຫື່ອ ໂອ໊ຍຍຍ!!! ຈໍາເປັນຫຼາຍບໍ່? ດັ່ງນັ້ນ! ການຢູ່ເປັນໂສດຈຶ່ງເປັນຫຍັງທີ່ເໝາະກັບພວກເຈົ້າ ເພາະຖ້າມີແຟນຈະເຮັດໃຫ້ລໍາຄານເອົາຊື່ໆ ທີ່ຕ້ອງມີຄົນມາຄອຍວຸ້ນວາຍໃນສິ່ງທີ່ນາງສາມາດເຮັດໄດ້ດີແລ້ວ!
- ຮັກອິດສະຫຼະ ຊະນະໃຈຕົວເອງພໍ
ທັງໝົດທັງມວນທີ່ກ່າວມາ ຈະມາກອງກັນຢູ່ທີ່ຂໍ້ນີ້! ເພາະຖ້າສາວໆເປັນຄົນຮັກອິດສະຫຼະ ບອກເລີຍວ່າການມີແຟນນັ້ນບໍ່ເໝາະສົມກັບນາງແນ່ນອນ! ຄົນທີ່ຮັກອິດສະຫຼະຈະມີຄວາມດື້ໃນຕົວສູງ ມັກຢູ່ຄົນດຽວ ໄປໃສມາໃດຄົນດຽວ ຮັກທີ່ຈະເຮັດໃນສິ່ງທີ່ຕົວເອງມັກແບບບໍ່ມີຂໍ້ຈໍາກັດ ເຊິ່ງແນ່ນອນວ່າການມີແຟນຈະມາຂັດຂວາງທຸກສິ່ງທຸກຢ່າງທີ່ກ່າວມາ ເນື່ອງຈາກພໍມີແຟນນາງກໍຕ້ອງແບ່ງເວລາໃຫ້ກັບແຟນ ໄປໃສກໍຕ້ອງໄປກັບແຟນ ຈະເຮັດຫຍັງກໍຕ້ອງໄດ້ຮັບການອະນຸມັດ ຫຼືຄິດເຖິງຄວາມຮູ້ສຶກຂອງແຟນຕະຫຼອດເຊິ່ງນັ້ນບໍ່ແມ່ນ Style ຂອງນາງ ການຖືກຈໍາກັດທັງທາງຄວາມຄິດ ແລະການກະທໍາ ຈະສົ່ງຜົນໃຫ້ນາງສູນເສຍຄວາມເປັນຕົວເອງ ການຢູ່ເປັນໂສດຈຶ່ງເປັນຄໍາຕອບທີ່ດີທີ່ສຸດຂອງນາງ!!!