ຖ້າຫາກສາວເຊຍເບຍ 1.000 ກວ່າຄົນ ຕ້ອງໄດ້ຢຸດເຮັດວຽກ ຊີວິດພວກເຂົາຈະເປັນແນວໃດ?

ປັດຈຸບັນ, ສາວເຊຍເບຍ ທົ່ວປະເທດລາວມີ 1.000 ກວ່າຄົນ, ໃນນັ້ນ ສະເພາະຂອງ ບໍລິສັດ ເບຍລາວ ມີປະມານ 800 ຄົນ ຊຶ່ງສ່ວນໃຫຍ່ແມ່ນນັກສຶກສາຢູ່ວິທະຍາໄລ ແລະ ມະຫາວິທະຍາໄລຕ່າງໆ. ໃນການປະຕິບັດໜ້າທີ່ ສາວເຊຍເບຍ ຂອງບໍລິສັດ ເບຍລາວ ແມ່ນມີລະບຽບຄຸ້ມຄອງຢ່າງເຂັ້ມງວດເຊັ່ນ: ມີລົດຮັບ-ສົ່ງລະຫວ່າງເຮືອນຫາຮ້ານ, ບໍ່ສາມາດນັ່ງນຳແຂກໄດ້, ບໍ່ສາມາດກິນເບຍໃນໂມງເຮັດວຽກໄດ້ ແລະ ເຮັດວຽກບໍ່ເກີນ 4 ຊົ່ວໂມງຕໍ່ມື້.

ສິ່ງນີ້ ເປັນການສ້າງວຽກເຮັດງານທໍາ ແລະ ຊ່ວຍປັບປຸງການດຳລົງຊີວິດຂອງປະຊາຊົນລາວໃຫ້ນັບມື້ນັບດີຂື້ນ, ຊຶ່ງຫລາຍຄົນໄດ້ນຳໃຊ້ເງິນຈາກການເຮັດວຽກນີ້ສົ່ງຕົນເອງຮຽນຈົນຈົບ ແລະ ມີວຽກເຮັດງານທຳທີ່ໝັ້ນຄົງ, ບາງຄອບຄົວກໍມີຊີວິດການເປັນຢູ່ດີຂຶ້ນ, ທັງເປັນການດຶງດູດນັກທ່ອງທ່ຽວໃຫ້ມາທ່ຽວບ້ານເຮົາຫລາຍຂຶ້ນ.

ທີ່ມາ: ປະເທດລາວ Pathedlao

ຂ່າວ: ຊາຍຄົນເດີມ