Breaking News

ໜ້າຮັກໄປອີກ! ທັນວາ ນັກສະແດງຊື່ດັງບອກແບບນີ້…ຫຼັງພົບພໍ້ແຟນຄລັບໃນລາວ!!!

ແບ່ງປັນ

ເປັນອີກໜຶ່ງໜຸ່ມຫຼໍ່ຫຼາກຫຼາຍຄວາມສາມາດ ທັນວາ ສຸລິຍະຈັກ ຈາກນະຄອນປາກເຊ ແຂວງ ຈຳປາສັກ ປະເທດລາວ ທີ່ແຟນໆຈະຄຸ້ນໜ້າຄຸ້ນຕາດີ ເພາະໄປໂດ່ງດັງໄກ ໄດ້ເປັນພະເອກລະຄອນ ແລະ ຮູບເງົາ ທີ່ປະເທດໄທ.

ເຊິ່ງເມື່ອບໍ່ດົນມານີ້ ທັນວາ ສຸລິຍະຈັກ ກໍໄດ້ເດີນທາງມາພົບພໍ້ກັບແຟນໆຊາວລາວ ແລະ ໄດ້ຮັບການຕ້ອນຮັບຢ່າງອົບອຸ່ນ ຈົນເຮັດໃຫ້ ໜຸ່ມ ທັນວາ  ເກີດອາການດີໃຈ ຈົນອົດໃຈບໍ່ໄດ້ທີ່ຈະໂພສຮູບພາບ ແລະ ແຄັບຊັ່ນໃນອິນສະຕຣາແກຣມສ່ວນຕົວ ເພື່ອຂອບໃຈແຟນໆຊາວລາວ…

(ມີພາບບັນຍາກາດທີ່ ທັນວາ ສຸລິຍະຈັກ ໄດ້ໂພສລົງໃນອິນສະຕາແກຣມ ພ້ອມທັງຂອບໃຈແຟນໆຊາວລາວທີິ່ໃຫ້ການຕ້ອນຮັບຢ່າງອົບອຸ່ນ)

ສຳລັບ ທັນວາ ສຸລິຍະຈັກ ອາຍຸ 27 ປີ ເປັນຄົນ ນະຄອນປາກເຊ ແຂວງ ຈຳປາສັກ, ຈົບການສຶກສາລະດັບປະລິນຍາຕີ ຈາກຄະນະນິເທດສາດມະຫາວິທະຍາໄລຣັງສິດ (ປະເທດໄທ), ມີຜົນງານການສະແດງລະຄອນ ແລະ ຮູບເງົາຫຼາຍຕໍ່ຫຼາຍເລື່ອງຂອງປະເທດເພື່ອນບ້ານເຊັ່ນ: ມົນຮັກແມ່ນໍ້າມູນ, ອະສູນນ້ອຍໃນຕະກຽງແກ້ວ, ລູກຜູ້ຊາຍໄມ້ຕະພົດ, ລີລາວະດີເພິງ, ແຫວນສະຫວາດ, ຄູ່ປັບສະລັບຫົວໃຈ, ໄຟຮັກເກມຮ້ອນ, ທະເລໃຈ, ຮັກນະສາລະຄາມ, ເລີບຊໍເມີ ຮັກຕະລອນ ອອນເດິບຣີດ ແລະ ອີກຫຼາຍໆເລື່ອງທີ່ໝຸ່ມຄົນນີ້ທີ່ໄດ້ສະແດງ ແລະ ໄດ້ຮັບຄວາມນິຍົມ ຈົນມີແຟນຄລັບຕິດຕາມເປັນຈຳນວນຫຼວງຫຼາຍ.

ເຫັນແລ້ວກໍໜ້າຮັກຫຼາຍໆລະຫວ່າງບັນດາແຟນຄລັບ ແລະ ທັນວາ ສຸລິຍະຈັກ ທີ່ພົບພໍ້ ແລະ ໄດ້ຮ່ວມເຮັດກິດຈະກຳກັນໃນປະເທດລາວ. 

ຮູບພາບ: IG/thanwa_than

Story: ຊະນີIndy

ແບ່ງປັນ