Kuanjai Magazine
ປັດຈຸບັນ ພະຍາດ ລະບາດ Covid-19 ນັບມື້ນັບຮຸນແຮງຂຶ້ນ ແລະ ສົ່ງຜົນກະທົບຫຼາຍຢ່າງໄປທົ່ວທຸກມຸມໂລກ ທັງເຮັດໃຫ້ຈໍານວນຄົນຕິດເຊື້ອເພີ່ມຂຶ້ນຢ່າງຕໍ່ເນື່ອງ ພ້ອມທັງສົ່ງຜົນກະທົບຕໍ່ເສດຖະກິດຫຼາຍໆປະເທດ… ເຊິ່ງຫຼ້າສຸດ Breaking news ! ອົງການອະນາໄມໂລກ ຫຼື WHO ໄດ້ຖະແຫຼງການໃນວັນທີ 11 ມີນາ 2020 ວ່າ ການລະບາດຂອງໄວຣັສສາຍພັນໃໝ່ ທີ່ເຮັດໃຫ້ເກີດໂລກ Covid-19 ທີ່ເປັນໂລກລະບາດທີ່ແຜ່ກະຈາຍໄປທົ່ວໂລກແລ້ວ (Pandemic) ໂດຍເຊື້ອໄວຣັສ Covid-19 ມີຕົ້ນກຳເນີດຈາກເມືອງອູ່ຮັ່ນໃນຈີນ ໃນຂະນະນີ້ໄດ້ແຜ່ກະຈາຍໄປໃນຫຼາຍພື້ນທີ່ຂອງໂລກ ໂດຍກ່ອນໜ້ານີ້ມີ ການລະບາດໃຫຍ່ ເກີດຂຶ້ນກັບໂລກຂອງເຮົາ ບໍ່ວ່າຈະເປັນ ໄຂ້ຫວັດໃຫຍ່ ສະເປນ (Spanish flu), ໄຂ້ຫວັດອາຊີ, ໄຂ້ຫວັດໝູ, ລວມໄປເຖິງ ກ່ຽວກັບການລະບາດຂອງເຊື້ອໄວຣັສ Covid-19 ເປັນລະດັບ ແຜ່ລະບາດຮຸນແຮງລະດັບໂລກ ຫຼື “Pandemic” ເຊັ່ນກັນ.
ທ່ານ Tedros Adhanom Ghebreyesus ຫົວໜ້າ ອົງການອະນາໄມໂລກ ໄດ້ກ່າວວ່າ: “We are deeply concerned both by the alarming levels of spread and severity” ພວກເຮົາມີຄວາມເປັນຫ່ວງ ເປັນໄຍ ທີ່ສຸດ ເຖິງລະດັບການເຕືອນ ການແຜ່ລະບາດ ທີ່ມີຄວາມໄວ ແລະ ຄວາມຮຸນແຮງນີ້.
ການຍົກລະດັບຄວາມຮຸນແຮງຂຶ້ນເປັນ Pandemic ນີ້ ມີຂຶ້ນ ໃນວັນທີ 11/03/2020 ໂດຍຍອດຜູ້ຕິດເຊື້ອ ໄດ້ເພີ່ມຂຶ້ນເປັນ 120,000 ຄົນ ໃນທົ່ວໂລກ.
ທ່ານ Anthony Fauci ຫົວໜ້າສະຖາບັນແຫ່ງຊາດ National Institute of Allergy and Infection Diseases ຂອງອາເມລິກາ ກ່າວຕື່ມວ່າ: “ສະຖານະການການແຜ່ລະບາດນີ້ ແມ່ນຍັງຈະມີແນວໂນ້ມ ໜັກລົງໄປກ່ວາເກົ່າ.
ຂອບໃຈຂໍ້ມູນຈາກ: Lao Youth Radio FM 90.0 Mhz
ທີ່ມາ: Washingtonpost
