ຄໍລໍາ: Chic Working Women ສໍາລັບສາວຄົນໃດທີ່ຍັງບໍ່ໝັ້ນໃຈຕົວເອງ ຄິດມາຕະຫຼອດວ່າຕົວເອງຕ້ອງເຮັດບໍ່ໄດ້ ຫຼືບໍ່ໄດ້ດີ ລອງມາອ່ານກ່ຽວກັບເລື່ອງລາວຂອງສາວຄົນນີ້ ທິບພາວັນ ມະນີພູໃສ (ນູນີ່) ຜູ້ຊ່ຽວຊານລະບົບນິເວດນໍ້າຈືດ ໄດ້ບອກໄວ້ວ່າ: “ຄົນເຮົາທຸກຄົນຈະເປັນດັ່ງເຮົາເຊື່ອ ຫາກເຮົາເຊື່ອວ່າເຮົາຄວນເກັ່ງກວ່ານີ້ ເຮົາກໍຈະຊອກວິທີທີ່ເຮັດໃຫ້ເຮົາເກັ່ງຂຶ້ນ ແຕ່ຖ້າເຮົາບໍ່ເຊື່ອຕັ້ງແຕ່ຕົ້ນເຮົາກໍຈະຢຸດຢູ່ບ່ອນເກົ່າຕະຫຼອດໄປ” ສໍາລັບສາວຄົນໃດທີ່ຢາກຮູ້ເລື່ອງລາວ ແລະ ຂໍ້ຄິດດີໆຈາກສາວຄົນນີ້ເພີມຕື່ມສາມາດຕິດຕາມໄດ້ຈາກ ວາລະສານຂວັນໃຈສະບັບ 115 ເດືອນແຫ່ງຄວາມຮັກ (ກຸມພາ) 2017 ຕາມ U Express M Point Mart ແລະ Jeffy Mart ທຸກສາຂາ.

ສະບາຍດີຕອນເຊົ້າວັນຈັນ ມື້ເລີ່ມຕົ້ນຂອງອາທິດໃໝ່ເດີ້ສາວໆ ແຟນໆຂວັນໃຈ ມື້ນີ້ມາພົບກັບ BeautyGuru ຄົນຜູ້ຮ້າຍໃຫຍ່ຄົນເກົ່າຄົນເດີມ ທີ່ມາພ້ອມກັບເລື່ອງຄວາມສວຍຄວາມງາມທີ່ບໍ່ເປັນຮອງໃຜ (ຂອງຄົນອື່ນ) ແລະ ມື້ນີ້ແອດຈະມານໍາສະເໜີ ບັນດາສາວໆກູ້ໄພ ໃຈກ້າ ແລະ ທີ່ສໍາຄັນມີຄວາມງາມ ບາງຄົນງາມທຽບເທົ່າກັບ ດາລານັກສະແດງພຸ້ນລະ ອັນນີ້ແອດບໍ່ໄດ້ເວົ້າໄປຊື່ໆເດີ້ ເພາະແອດມີຮູບພາບມາຢັ້ງຢືນພ້ອມ ສາວໆແຟນໆຂວັນໃຈຈຶ່ງເວົ້າໃຫ້ແອດບໍ່ໄດ້ວ່າມົ່ວແນວໃດລ່ະ ເພາະໂດຍສ່ວນຕົວແອດມີຄວາມສົນໃຈອາສາກູ້ໄພຢູ່ແລ້ວ ເພາະເຂົາເຈົ້າມີຄວາມເສຍສະຫຼະສູງທີ່ສຸດ ເພາະພວກເຂົາຕ້ອງອົດຫຼັບອົດນອນ ເພື່ອຊ່ວຍເຫຼືອຄົນເຈັບໃນຍາມກາງຄໍ່າ ກາງຄືນ ນີ້ຄືນໍ້າໃຈຮັກຊາດໂດຍແທ້ຈິງ ເວົ້າມາລະຢາກເຫັນກັນແລ້ວແມ່ນບໍ່ວ່າສາວໆກູ້ໄພ ຄົນເກັ່ງທີ່ແອດເອົາມາຕ້ອນຈະງາມສົມກັບທີ່ແອດໂມ້ໄວ້ ຫຼືບໍ່ ໃຜຢາກຮູ້ກໍນໍາກັນມາເບີ່ງກັນເລີຍ!!   By: BeautyGuru ຂໍຂອບໃຈຮູບຈາກ: ຕິດຕາມບ່າວຫຼໍ່-ສາວງາມອາກູ້ຊີບ&ກູ້ໄພ ສປປ ລາວ

Delicous Guide ສະບາຍດີ! ສາວໆ ເພື່ອນໆຜູ້ອ່ານ ແລະ ຕິດຕາມ Delicious Guide ທຸກໆຄົນ ມາພົບພໍ້ກັນອີກແລ້ວ ກັບ ຄໍລຳ (Column) ທີ່ຈະມາແນະນຳຮ້ານທັງເກົ່າ ແລະໃໝ່ ທີ່ອາຫານແຊບໆ ບັນຍາກາດດີໆ ໄດ້ຮັບຄວາມນິຍົມ ທັງຢູ່ໃນນະຄອນຫຼວງວຽງຈັນ ແລະ ຮ້ານອາຫານຈາກແຂວງອື່ນໆທົ່ວປະເທດລາວມາໃຫ້ເພື່ອນໆ ສາວໆຂວັນໃຈໄດ້ຮູ້ຈັກກັນ.  ຜູ້ຂຽນ ຂໍແນະນຳຮ້ານທີ່ຕັ້ງຢູ່ໃຈກາງນະຄອນຫຼວງວຽງຈັນ ໃກ້ກັບປະຕູໄຊຫຼັງສຳນັກງານນາຍົກເລີຍ ເຊິ່ງນີ້ກໍເປັນທີ່ມາຂອງຊື່ຮ້ານ The City Coffee & Restaurant ແຖມ Logo ເພິ່ນຍັງເປັນຮູບປະຕູໄຊນໍາອີກ.   ຮ້ານນີ້ເປີດໃຫ້ບໍລິການເມື່ອ 2 ປີກ່ອນ ສັງເກດໄດ້ວ່າ ເປັນຮ້ານທີ່ມີລູກຄ້າຂ້ອນຂ້າງໜ້າແໜ້ນແຕ່ເຊົ້າຮອດຄ່ຳນັບແຕ່ນັກສຶກສາ, ພະນັກງານຫ້ອງການ, ຊ່ຽວຊານຕ່າງປະເທດ ແລະບຸກຄົນທົ່ວໄປ ແວ່ວຽນມາອຸດໜູນບໍ່ຂາດສາຍ ດ້ວຍຈຸດພິເສດຂອງຮ້ານທີ່ໄດ້ຮວບຮວມເມນູອາຫານ ແລະ ເຄື່ອງດື່ມຫຼາກຫຼາຍປະເພດ ທັງຄາວຫວານແບບນາໆຊາດເຂົ້າມາລວມກັນຢູ່ໃນຮ້ານດຽວ ບໍ່ວ່າຈະເປັນອາຫານລາວ, ໄທ, ຝຣັ່ງ, ເຢຍລະມັນ, ອີຕາລີ…ອາຫານ Fusion Food ເບິ່ງແລ້ວ ຄ້າຍໆເປັນຮ້ານອາຫານຕາມສັ່ງເລີຍ. ເມນູອາຫານຫຼັກໆກໍມີທັງ: ລາບ, ສະເຕັກ (steak), ສະລັດ, ແຊນວິດ (Sandwich), ເຂົ້າຈີ່, ແຮມເບີເກີ້ (Hamburger), ສະປາເກັດຕີ້ …

16 ວິທີເຮັດບຸນໂດຍບໍ່ຕ້ອງໄປວັດ ສະບາຍດີສາວໆມາພົບພໍ້ກັນໃນບັນຍາກາດຍາມເຊົ້າແບບນີ້ ມື້ນີ້ຮູ້ສຶກວ່າອາກາດດີເປັນພິເສດ ເພາະເຫັນວ່າມີຝົນຕົກລົງມາໃນຕອນເຊົ້ານີ້ນໍາອີກ (ບັນຍາກາດແບບນີ້ເໝາະແກ່ການນອນຫົ່ມຜ້າເປັນທີ່ສຸດ) ແລະ ຕອນເຊົ້າແບບນີ້ບໍ່ວ່າແດດຈະອອກ ຝົນຈະຕົກ BeautyGuru ກໍຕ້ອງມາເພື່ອສົ່ງຕໍ່ສິ່ງດີໆໃຫ້ແກ່ສາວໆ ແຟນໆຂວັນໃຈເປັນປະຈໍາທຸກມື້ ແລະ ມື້ນີ້ກໍເຊັ່ນເຄີຍມາພົບພໍ້ກັນກໍຕ້ອງມີເລື່ອງດີໆມານໍາສະເໜີ ສ່ວນສາລະຈະມີຫຼາຍ ຫຼືໜ້ອຍພຽງໃດນັ້ນກໍພິຈາລະນາໄປພ້ອມກັນ ສິ່ງທີ່ເອົາມາຕ້ອນກັນໃນມື້ນີ້ກໍຄື ການເຮັດບຸນສໍາລັບສາວຄົນໃດ ແຟນຂວັນໃຈຄົນໃດທີ່ບໍ່ຄ່ອຍມີເວລາເຂົ້າວັດເພາະວຽກຫຼາຍ ມື້ນີ້ເຮົາມີວິທີດີໆທີ່ສາມາດເຮັດບຸນໂດຍທີ່ບໍ່ຕ້ອງເຂົ້າວັດ ສະນັ້ນຕໍ່ໄປນີ້ສາວໆກໍໝັ້ນໃຈໄດ້ເລີຍວ່າໃນແຕ່ລະມື້ສາວໆ ກໍໄດ້ເຮັດບຸນມາແລ້ວ ເຖິງຈະບໍ່ໄດ້ເຂົ້າວັດກໍຕາມ ວ່າແລ້ວໄປເບິ່ງກັນເລີຍວ່າມີວິທີໃດແດ່ ເບີ່ງແຍງພໍ່ແມ່ ປູ່ຍ່າຕາຍາຍ ທີ່ຢູ່ໃນເຮືອນໃຫ້ພວກເຂົາມີຄວາມສຸກ ບໍ່ເຮັດໃຫ້ພວກເຂົາເດືອດຮ້ອນໃຈ ຫຼືທຸກ ໃສ່ບາດຕອນເຊົ້າກ່ອນຈະໄປເຮັດວຽກ ແມ່ນການເຮັດບຸນທີ່ດີທີ່ສຸດ ສູດມົນມື້ລະ 1 ບົດ ເປັນການສ້າງຕົວເອງໃຫ້ຢູ່ເທິງພື້ນຖານຂອງຄວາມຖືກຕ້ອງ ຈະເຮັດຫຍັງໃຫ້ຄໍານຶງເຖິງຄໍາວ່າ: ບາບ, ບຸນ, ຄຸນ ແລະ ໂທດນັ້ນເອງ ຖວາຍນໍ້າດື່ມ, ອາຫານຄາວຫວານ ຫຼືດອກໄມ້ພວງມາໄລ ໃຫ້ແກ່ພຣະພຸດທະຮູບທີ່ຢູ່ໃນເຮືອນ ຫຼືຫິ້ງພຣະທີ່ຢູ່ໃນເຮືອນແທນພໍ່ແມ່ ຫຼືປູ່ຍ່າທີ່ເຄີຍເຮັດປົກກະຕິລອງເບິ່ງ ນັ່ງສະມາທິ 5 ນາທີ …

ສະບາຍດີສາວໆແຟນໆຂວັນໃຈ ຮູ້ສຶກວ່າຈະໃກ້ໆບຸນປີໃໝ່ເຂົ້າມາແລ້ວເນາະ ບຸນປີໃໝ໋ຖືວ່າເປັນປະເພນີອັນສໍາຄັນຂອງຄົນລາວເຮົາເລີຍລະ ໂດຍສະເພາະພີ່ນ້ອງທາງຫຼວງພະບາງ ເພາະນອກຈາກຈະມີການລີ້ນບຸນປີໃໝ່ດ້ວຍການຫົດສົງນໍ້າພະຕ່າງໆຄືກັບຢູ່ບ່ອນອື່ນແລ້ວ ຢູ່ທາງຫຼວງພະບາງເພີ່ນຍັງໄດ້ມີການຈັດການປະກວດ ນາງສັງຂານ ນໍາອີກ ການຈັດການປະກວດນີ້ແມ່ນໄດ້ປະຕິບັດກັນມາແຕ່ດົນມາແລ້ວ ແລະ ກໍໄດ້ຈັດຂຶ້ນທຸກໆປີ ແລະ ປີນີ້ກໍເຫັນວ່າປະກາດຮັບສະມັກໄປແລ້ວ ຖ້າສາວຄົນໃດທີ່ມີຄວາມໝັ້ນໃຈໃນຕົວເອງກໍຢ່າລືມໄປສະມັກກັນເດີ້ ສ່ວນແອດນີ້ຄາດວ່າອາຍຸຈະກາຍຕາມກະຕິກາຂອງເພີ່ນແລ້ວ555 ດັ່ງທີ່ບອກກັນໄປວ່າ ການປະກວດນາງສັງຂານ ນັ້ນເພີ່ນໄດ້ຈັດຂຶ້ໜທຸກໆປີແຕ່ດົນມາແລ້ວແຕ່ແອດກໍບໍ່ແນ່ໃຈວ່າແຕ່ປີໃດມານັ້ນ ແຕ່ມື້ນີ້ BeautyGuru ແອດຄົນນີ້ຈະພາສາວໆແຟນໆຂວັນໃຈໄປເບີ່ງຄວາມງາມຂອງບັນດາ ນາງສັງຂານ ແຕ່ອະດີດຈົນຮອດປັດຈຸບັນກັນ ວ່າຈະງາມສົມກັບຄໍາລໍ່າລື ວ່າເປັນສາວງາມແຫ່ງເມືອງ ມໍລະດົກໂລກກັນ ຫຼືບໍ່ນັ້ນ ເຮົາກໍໄປເບີ່ງພ້ອມກັນເລີຍ ນາງສັງຂານປີ 1993 ນາງສັງຂານປີ 1995 ນາງສັງຂານປີ 2001 ນາງສັງຂານປີ 2004 ນາງສັງຂານປີ 2006 ນາງສັງຂານປີ 2009 ນາງສັງຂານປີ 2010 ນາງສັງຂານປີ 2012 ນາງສັງຂານປີ 2014 ນາງສັງຂານປີ 2015 ນາງສັງຂານປີ 2016 …