ສະບາຍດີສາວໆ ແຟນຂວັນໃຈມາພົບກັບ BeautyGuru ຄົນເກົ່າຄົນເດີມ ເພີ່ມເຕີມຄືສິ່ງດີໆທີ່ຈະເອົາມາຕ້ອນແຟນໆ (ວ່າຊັ້ນ) ຫຼັງຈາກທີ່ຫາຍໄປດົນ (ເກືອບອາທິດ) ກໍໄດ້ກັບມາປະຕິບັດໜ້າທີ່ສອດສ່ອງເລື່ອງຊາວບ້ານຄືເກົ່າ ມາປະຈໍາການບ່ອນເກົ່າເວລາເດີມ ມື້ນີ້ມາພົບພໍ້ກັນກໍແນ່ນອນ ວ່າຕ້ອງມີເລື່ອງດີໆມາຕ້ອນມາຝາກກັນແນ່ນອນ ສາວໆຄົງເຄີຍໄດ້ຍິນຄໍານີ້ເນາະ ເມືອງວິລະຊົນ ແນ່ນອນວ່າເຄີຍເພາະ ເມືອງວິລະຊົນນັ້ນ ເປັນດິນແດນບ້ານເກີດເມືອງນອນຂອງ ລຸງ ໄກສອນ ພົມວິຫານ ຜູ້ນໍາທີ່ແສນເຄົາລົບຮັກຂອງປະຊາຊົນລາວນັ້ນເອງ ແຕ່ທີ່ BeautyGru ມາເວົ້າມື້ນີ້ບໍ່ໄດ້ຈະມາເວົ້າເລື່ອງປະຫວັດສາດໃຫ້ສາວໆຟັງດອກ ແຕ່ໄດ້ຍິນເພີ່ນເວົ້າມາວ່າ ສາວແຫ່ງເມືອງວິລະຊົນນັ້ນມີແຕ່ຄົນງາມໆວ່າຊັ້ນ (ໃຜວ່າລະ) ແລ້ວໜຸ່ມໆສາວໆແຟນຂວັນໃຈວ່າຄືກັນກັບເພີ່ນບໍ່ລ່ະ ແຕ່ຖ້າຈະເວົ້າໄປເວົ້າເລື່ອງສາວງາມນັ້ນ ບໍ່ວ່າຢູ່ໃສກໍມີທັງຄົນງາມ ແລະ ບໍ່ງາມ ສະນັ້ນມື້ນີ້ແອດກໍໄດ້ຮວບຮວມເອົາຮູບພາບບັນດາສາວງາມແຫ່ງເມືອງວິລະຊົນມາໃຫ້ເບີ່ງ ແລະ ຕັດສິນນໍາກັນສ່ວນວ່າຈະງາມ ຫຼືບໍ່ນັ້ນເຮົາກໍໄປເບີ່ງນໍາກັນເລີຍ. ເປັນແນວໃດ ສາວໆຈາກເມືອງວິລະຊົນຂອງເຮົາ ງາມ ຫຼືແນວໃດກໍຢ່າລືມ ຄອມເມັ້ນ Like and Share ໃຫ້ແອດຮູ້ກັນນໍາເດີ້!!! By: BeautyGru ເຄຼດິດຮູບຈາກ: ສາວສະຫວັນ  

ຢູ່ທີ່ສະຖານທູດອັງກິດ ໃນຄືນຂອງວັນທີ 6 ມີນາ 2017 ເວລາ 20:30-22:30 ໄດ້ມີງານຄອນເສີດຂອງ Joss Stone ນັກຮ້ອງ, ນັກແຕ່ງເພງ ແລະ ລະຄອນຍິງຈາກປະເທດອັງກິດ ນາງໄດ້ເລີ່ມສ້າງ  Albums ເປັນຂອງຕົວເອງຕັ້ງແຕ່ປີ 2003 ແລະ ໄດ້ຮັບລາງວັນ ໃນປີ 2004 ຈົນມາຮອດທຸກມື້ນີ້ Joss Stone ໄດ້ມີຜົນງານອອກມາໃຫ້ແຟນໆໄດ້ຮັບຟັງ ແລະ ຕິດຕາມເຖິງ 5 Albums  ການມາລາວໃນຄັ້ງນີ້ ກໍເປັນການມາພົບປະແຟນໆເປັນຄັ້ງພິເສດຂອງ Joss Stone ໃນນັ້ນແຟນໆທັງຄົນລາວ ແລະ ຕ່າງປະເທດໄດ້ເຂົ້າຊົມ ແລະ ໃຫ້ກໍາລັງໃຈ Joss Stone ເປັນຈໍານວນຫຼວງຫຼາຍ Joss Stone ເອງກໍໄດ້ຂົນເອົາເພງທີ່ໂດ່ງດັງໃນແຕ່ລະ Albums ມາຕ້ອນແຟນໆຢ່າງເຕັມທີ່, ພ້ອມກັບບັນຍາກາດຄວາມເປັນກັນເອງຂອງ Joss Stone …

ໃນຕອນເຊົ້າຂອງວັນເສົາທີ 4 ມີນາ 2017 ໄດ້ມີພິທີເປີດຮ້ານ ລາວສຸດຍອດຢ່າງເປັນທາງການ ຢູ່ທີ່ຕໍ່ໜ້າ ໄອເຕັກຕຶກໃໝ່ ໂດຍການເປັນປະທານຂອງທ່ານ ນາງ ລັດສະໝີ ເວດສະພົງ ຜູ້ບໍລິຫານບໍລິສັດແມ່ຂອງຂາອອກ-ຂາເຂົ້າ ແລະ ຮ້ານລາວສຸດຍອດ ເປັນກຽດເຂົ້າຮ່ວມໃນງານດັ່ງກ່າວຍັງມີທ່ານ ດຣ ມາດາມ ອີນລາວັນ ແກ້ວບຸນພັນ ປະທານສູນກາງສະຫະພັນແມ່ຍິງລາວ, ບັນດາແຂກຈາກຫຼາຍພາກສ່ວນທັງໃນ ແລະ ຕ່າງປະເທດ ພ້ອມດ້ວຍສື່ມວນຊົນເຂົ້າຮ່ວມ ຈຸດປະສົງໃນການເປີດຮ້ານ Lao Best ຫຼືລາວສຸດຍອດນີ້ ທ່ານ ນາງ ລັດສະໝີ ເວດສະພົງ ຜູ້ບໍລິຫານ ບໍລິສັດແມ່ຂອງຂາອອກ-ຂາເຂົ້າ ແລະ ຮ້ານລາວສຸດຍອດກ່າວວ່າ: ຄົນລາວແມ່ນຄົນທີ່ມີຫົວຄິດປະດິດສ້າງມາແຕ່ດົນນານແລ້ວ, ຄົນລາວສາມາດປະດິດສິ່ງທີ່ເປັນເອກະລັກຂອງຄົນລາວທີ່ບໍ່ຄືຊາດໃດ ແລະ ສິ່ງປະດິດດັ່ງກ່າວກໍໄດ້ຮັບຄວາມຍົກຍ້ອງຈາກຊາວຕ່າງຊາດທີ່ເຂົ້າມາທ່ອງທ່ຽວໃນບ້ານເຮົາໄດ້ເປັນຢ່າງດີ, ແຕ່ສິ່ງປະດິດເຫຼົ່ານັ້ນຍັງບໍ່ສາມາດຕອບສະໜອງຂອງຕະຫຼາດໄດ້ດີເທົ່າທີ່ຄວນ. ດ້ວຍຄວາມທີ່ຂ້າພະເຈົ້າເຮັດວຽກກ່ຽວກັບການພົວພັນກັບຕ່າງປະເທດຫຼາຍ ຈຶ່ງໄດ້ຍິນເຂົ້າຫູເລື້ອຍໆວ່າ ປະເທດລາວເປັນປະເທດທີ່ມີເອກະລັກຫຼາຍຢ່າງບໍ່ວ່າຈະເປັນອາຫານ, ເຄື່ອງປະດິດຕ່າງກໍບໍ່ຄືຊາດໃດ ແຖມຍັງມິຄວາມງາມບໍ່ຄືຊາດໃດອີກ ແຕ່ຊອກຊື້ໄດ້ຍາກຫຼາຍ ເຮົາເລີຍມາຄິດວ່າຖ້າເຮົາມີ້ຮ້ານທີ່ເປັນຕົວແທນຈໍາໜ່າຍສິ່ງປະດິດເຫຼົ່ານັ້ນຄືຊິດີ ເພາະມັນເປັນວິທີໜຶ່ງທີ່ຈະດຶງດູດນັກທ່ອງທ່ຽວເຂົ້າມາໃນປະເທດເຮົາ …

ຮ້ານອາຫານ ແຊມບາໄຊໂຍ ໄດ້ຈັດພິທີເປີດຮ້ານຢ່າງເປັນທາງການ ໃນຕອນແລງຂອງວັນທີ 7 ມີນາ 2017 ໂດຍການເປັນປະທານຂອງ ທ່ານ ອິນທີ ເດືອນສະຫວັນ ປະທານໂຮງແຮມ ອີນທິຣາກຣຸບ, ຮ້ານອາຫານຂອບໃຈເດີ້, ຮ້ານອາຫານຊັນທາຣາ ແລະ ບໍລິສັດ ທ່ອງທ່ຽວ ກຣີນດິດໂຄເວີລີລາວ, ພ້ອມດ້ວຍບັນດາແຂກ ແລະ ສື່ມວນຊົນເຂົ້າຮ່ວມ ໃນພິທີດັ່ງກ່າວ ທ່ານ ອິນທີ ເດືອນສະຫວັນ ໄດ້ຊີ້ແຈງວ່າ ຮ້ານອາຫານໄຊໂຍ ໄດ້ຮ່ວມກັບ ຮ້ານອາຫານແຊມບາ ເຊິ່ງກໍ່ຕັ້ງໂດຍ ທ່ານ ເຊບັດສະຕຽນ ໂກ ເຊິ່ງເປັນຮ້ານບາບີຄິວ ທີ່ມີຕົ້ນກໍາເນີດຈາກປະເທດບຼາຊີລ ທີ່ມີສາຂາທີ່ປະເທດກໍາປູເຈຍ ເຖິງ 2 ສາຂາ ແລະ ປະເທດມາເລເຊຍ ເຊິ່ງທັງ 2 ຮ້ານຊ່ຽວຊານກ່ຽວກັບຊີ້ນ ຈຶ່ງໄດ້ຮວມຕົວກັນໃໝ່ຊື່ວ່າ: ຮ້ານອາຫານແຊມບາໄຊໂຍ. ແຊມບາໄຊໂຍ ຈະມາໃນຮູບແບບຸບເຟ້ຊີ້ນ ກິນແບບເຕັມອີ່ມ …

ໃນຕອນເຊົ້າຂອງວັນທີ 3 ມີນາ 2017 ຢູ່ທີ່ຮ້ານອາຫານລາວເດີມ ສະມາຄົມນັກທຸລະກິດແມ່ຍິງ ໄດ້ຈັດພິທີ ສະຫຼຸບການຈັດເທດສະການອາຫານລາວຄັ້ງທີ 12, ຮັບສະມາຊິກໃໝ່ ແລະ ສະເຫຼີມສະຫຼອງວັນແມ່ຍິງສາກົນທີ່ໃກ້ໆຈະມາເຖິງນີ້ ໂດຍການເປັນປະທານ ນາງ ຈັນທະຈອນ ວົງໄຊ ປະທານນັກທຸລະກິດແມ່ຍິງ ເຂົ້າຮ່ວມເປັນກຽດໃນພິທີໂດຍມີ ທ່ານ ນາງ ດຣ ອີນລາວັນ ແກ້ວບຸນພັນ ປະທານສູນກາງສະຫະພັນແມ່ຍິງລາວ, ທ່ານ ນາງ ສິຣິຄູນ ພູມລາວັນ ຮອງປະທານສະມາຄົມນັກທຸລະກິດແມ່ຍິງ, ທ່ານ ນາງ ມະໂນລາ ດາລາວອນ ຮອງປະທານສະມາຄົມນັກທຸລະກິດແມ່ຍິງ, ບັນດາສະມາຊິກນັກທຸລະກິດແມ່ຍິງທັງເກົ່າ ແລະ ໃໝ່ ພ້ອມດ້ວຍສື່ມວນຊົນເຂົ້າຮ່ວມ. ໃນງານຄັ້ງນີ້ເລີ່ມຕົ້ນຈາກການກ່າວບົດສະຫຼຸບ ຂອງການຈັດຕັ້ງງານ ເທສະການອາຫານລາວ ຄັ້ງທີ 12 ໂດຍແມ່ນ ທ່ານ ນາງ ຈັນທະຈອນ ວົງໄຊ ປະທານສະມາຄົມນັກທຸລະກິດແມ່ຍິງ ໃຫ້ກຽດກ່າວລາຍລະອຽດດັ່ງນີ້: …