ບັນດາທ່ານຜູ້ອ່ານທີ່ໜ້າຮັກ ມື້ນີ້ເຮົາໄປທ່ຽວ ແຂວງຫົວພັນ ໄປຫຼິ້ນຕາດນໍ້ານົ່ວ ເຊິ່ງຕາດແຫ່ງນີ້ຕັ້ງຢູ່ ເຂດບ້ານສາມັກຄີໄຊ ຂຶ້ນກັບເມືອງວຽງໄຊ ເຊິ່ງຢູ່ລະຫວ່າງກິໂລແມັດທີ 22 ເທິງເສັ້ນທາງແຕ່ ເມືອງ ຊໍາເໜືອຫາເມືອງວຽງໄຊ. ນໍ້າຕົກຕາດນໍ້ານົ່ວມີຄວາມພິເສດກວ່າຕາດອື່ນ ເນື່ອງຈາກວ່າ ມັນຕັ້ງຢູ່ໃຈກາງພູຜາປ່າດົງທີ່ເຕັມໄປດ້ວຍສຽງຮ້ອງຂອງສັດສາວາສິ່ງອ້ອຍອິ່ນມາຕາມສາຍລົມ ເມື່ອໄດ້ຟັງແລ້ວກໍ່ຈະຮູ້ສຶກຫຼົງໄຫຼໄປກັບທິວທັດທໍາມະຊາດອັນຂຽວສົດງົດງາມ. ນອກຈາກການລົງຫຼິ້ນນໍ້າແລ້ວ ທ່ານຍັງສາມາດຍ່າງປ່າ ເພື່ອເລາະຊົມບໍລິເວນອ້ອມແອ້ມຕາດນໍ້ານົ່ວ ຫຼື ຈະນັ່ງພັກຜ່ອນ ກິນເຂົ້າປ່າພ້ອມທັງສໍາຜັດກັບອາກາດສົດຊື່ນຢູ່ແຄມຕາດກໍ່ໄດ້. ເຄຼດິດຮູບພາບ: google.com ຂໍ້ມູນຈາກ: ກົມໂຄສະນາການທ່ອງທ່ຽວ

ໃນຕອນແລງ ຂອງວັນ 27 ມີນາ 2017 ທີ່ສູນການຄ້າວຽງຈັນເຊັເຕີ ໄດ້ມີພິທີເປີດຖະແຫຼງຂ່າວຢ່າງເປັນທາງການ ກ່ຽວກັບການສາຍຮູບເງົາເລື່ອງ “ວັນຄົບຮອບ” (The Anniversary) ຈາກຝີມືການກໍາກັບຂອງຄົນລາວ ໂດຍການໃຫ້ກຽດເຂົ້າຮ່ວມຂອງ ທ່ານ ວິທູນ ສູນດາລາ ວ່າການຫົວໜ້າກົມຮູບເງົາ ກະຊວງຖະແຫຼງຂ່າວ ວັດທະນະທໍາ ແລະ ທ່ອງທ່ຽວ, ທ່ານ ຈິລະສັກ ສາຍສະໜິດ (Jojo Miracle) ຜູ້ກໍາກັບຮູບເງົາ ວັນຄົບຮອບ, ທ່ານສົມບັດ ສິລິພອນວິທະຍາ ອໍານວຍການສູນການຄ້າວຽງຈັນ ເຊັນເຕີ ພ້ອມດ້ວຍ ພະເອກ-ນາງເອກ, ແຂກທີ່ມີກຽດ ແລະ ສື່ມວນຊົນເຂົ້າຮ່ວມ. ຮູບເງົາເລື່ອງ “ວັນຄົບຮອບ” ເປັນຮູບເງົາຄຸນນະພາບຈາກຝີມືການກໍາກັບຂອງຄົນລາວ 100% ແລະ ເປັນເລື່ອງທໍາອິດຂອງ ທ່ານ ຈິລະສັກ ສາຍສະໜິດ (Jojo Miracle) ທີ່ວາງໄມມາກໍາກັບຮູບເງົາ ເຊີ່ງເລື່ອງດັ່ງກ່າວນີ້ …

ມື້ນີ້ຈະພາໄປທ່ຽວແຂວງຊຽງຂວາງ ໄປແຊ່ນໍ້າອຸ່ນນໍ້າກັນ ບໍ່ນໍ້າຮ້ອນເກີດຂຶ້ນຢູ່ຫຼາຍແຫ່ງໃນແຂວງຊຽງຂວາງ ແຕ່ຫຼາຍກວ່າໝູ່ແມ່ນຢູ່ໃນເມືອງຄໍາ ແລະ ໜຶ່ງໃນບັນດາບໍ່ນໍ້າຮ້ອນທີ່ໂດດເດັ່ນຢູ່ໃນເມືອງຄໍາ ກໍ່ແມ່ນບໍ່ນໍາຮ້ອນບ້ານນາທອງນັ້ນເອງ. ບໍ່ນໍ້າຮ້ອນບ້ານນາທອງນີ້ ຕັ້ງຢູ່ຫ່າງຈາກເທສະບານເມືອງຄໍາພຽງແຕ່ 800 ແມັດ ແລະ ເປັນບໍ່ນໍ້າຮ້ອນທີ່ເກີດຈາກຫຼືບຫີນ ເຊິ່ງບໍ່ນໍ້າຮ້ອນແຫ່ງນີ້ມີນໍ້າໃສສະອາດ ແລະ ໄຫຼຕະຫຼອດປີ. ບໍ່ນໍ້າຮ້ອນແຫ່ງນີ້ມີອຸນຫະພູມປະມານ 45 – 50 ອົງສາ ແລະ ປັດຈຸບັນ ປະຊາຊົນໄດ້ສ້າງເປັນອ່າງ ເພື່ອເປັນບ່ອນອາບນໍ້າໃນລະດູໜາວ ເຊິ່ງເໝາະສົມທີ່ສຸດໃນການພັກຜ່ອນຢ່ອນໃຈ ໂດຍການລົງແຊ່ບໍ່ນໍ້າຮ້ອນໃຫ້ເຊົາອິດເມື່ອຍ ແລະ ເປັນການສ້າງຄວາມສົດຊື່ນໃຫ້ຮ່າງກາຍ ແລະ ຈິດໃຈອີກດ້ວຍ ຖ້າທ່ານໃດຢ່າກໄປພັກຜ່ອນກໍ່ສາມາດໄປໄດ້ ເຊິ່ງເພິ່ນເປີດໃຫ້ບໍລິການທຸກມື້. ຂໍ້ມູນຈາກ: ກົມໂຄສະນາການທ່ອງທ່ຽວ ເຄຼດິດຮູບພາບ: google.com

ແຟນໆຂວັນໃຈ ທີ່ໜ້າຮັກທັງຫຼາຍ ມື້ນີ້ຮູ້ສຶກບໍວ່າ ຮ້ອນຫຼາຍໆໆໆໆ ອາກາດຮ້ອນແນວນີ້ ໄປຫຼິ້ນນໍ້າຄືຊິເຢັນໆໆ ມື້ນີ້ໄປຫຼິ້ນນໍ້າຢູ່ ນໍ້າຕາດແຊພະ ນໍາກັນ. ນໍ້າຕົກຕາດແຊພະ ຕັ້ງຢູ່ ຕັ້ງຢູ່ເຂດເຊປຽນ ບ້ານໃຫມ່ຫີນລາດ ເມືອງສະໜາມໄຊ ແຂວອັດຕະປື ຫ່າງຈາກເທສະເມືອງໄປປະມານ 23 ກິໂລແມັດ, ນໍ້າຕົກຕາດແຊພະ ຕັ້ງຢູ່ຕາມລໍາເຊນໍ້າປຽນ, ເປັນນໍ້າຕົກຕາດທີ່ມີຄວາມງົດງາມ ສູງປະມານ 23 ແມັດ, ກວ້າງ 120 ແມັດ ແລະ ມີເນື້ອທີ່ກວ້າງ 120 ແມັດ ແລະ ມີເນື້ອທີ່ກວ່າ 100 ເຮັກຕາ ອ້ອມຮອບດ້ວຍທໍາມະຊາດອັນຂຽວສົດງົດງາມ. ຕາມຕໍານານໄດ້ເລົ່າຂານກັນວ່າ ໃນເມື່ອກ່ອນບໍລິເວນນີ້ມີຖໍ້າແຫ່ງໜຶ່ງ ເຊິ່ງໃນຖໍ້າມີພະສັກສິດ ທີ່ສາມາດສະເດັດໄປມາໄດ້ທຸກຫົນແຫ່ງ. ນອກນັ້ນໃນຖໍ້າກໍ່ຍັງມີແກ້ວແຫວນເງິນຄໍາ ແລະ ເພັດນິນຈິນດາຕ່າງໆ ເຊິ່ງປະຊາຊົນໃນສະໄໝບູຮານ ເວລາມີບຸນມີງານ ກໍ່ໄປຢືມເຄື່ອງປະດັບຢູ່ໃນຖໍ້ານີ້ມາເອ້ ແລ້ວກໍ່ເອົາກັບໄປສົ່ງຄືນບ່ອນເກົ່າ. ຕໍ່ມາມີກຸ່ມຄົນບໍ່ດີ ທີ່ເຂົ້າໄປລັກເອົາເຄື່ອງຂອງມີຄ່າ ແລະ …

ສະບາຍດີ ບັນດາທີ່ຜູ້ອ່ານທີ່ໜ້າຮັກທັງຫຼາຍຂອງເວັບໄຊ໌ ຂວັນໃຈ ອາກາດຮ້ອນໆແນວນີ້ ຫຼາຍໆທ່ານກໍຢາກໄປລອຍນໍ້າ, ຢາກໄປຫຼິ້ນຕາດ ແລະ ທີມງານ ເວັບໄຊ໌ຂວັນໃຈ ກໍໄດ້ນໍາເອົາສະຖານທີ່ຫຼິ້ນນໍ້າມາໃຫ້ ແຟນໆຂວັນໃຈໄດ້ໄປຫຼິ້ນນໍ້າໃນມື້ອາກາດຮ້ອນແນວນີ້ນັ້ນເອງ ຕາດມູນ – ຕາດປ່າໄລ່ – ຕາດວັງນອງ ແລະ ຕາດວັງນໍ້າເຜີ້ງ ຕັ້ງຢູ່ຫ່າງບໍ່ຈາກກັນຫຼາຍ ເຊິ່ງຢູ່ໃນບໍລິເວນບ້ານວຽງຄໍາ – ຈໍາປາ, ຫ່າງຈາກເສັ້ນທາງເລກທີ 13 ເໜືອເຂົ້າໄປທາງແຍກບ້ານໜອງແຕ່ງປະມານ 15 ນາທີ. ຕາດເຫຼົ່ານີ້ເປັນສະຖານທີ່ທ່ອງທ່ຽວ ທີ່ນິຍົມສໍາລັບການພັກຜ່ອນຢ່ອນໃຈ ຂອງຊາວເມືອງວຽງຈັນ ແລະ ແຂກທີ່ມາຈາກທ້ອງຖິ່ນໃກ້ຄຽງ ເນື່ອງຈາກວ່າຢູ່ບໍ່ໄກຈາກຕົວເມືອງຫຼາຍ. ຢູ່ບໍລິເວນຕາດມີນໍ້າໃສໄຫຼເຢັນ ແລະ ອ້ອມຮອບໄປດ້ວຍຕົ້ນໄມ້ ແລະ ທໍາມະຊາດອັນຂຽວງາມເໝາະແກ່ການຊຸມແຊວ – ກິນເຂົ້າປ່າ ແລະ ລົງຫຼິ້ນນໍ້າເຢັນສະບາຍກັບຄອບຄົວ ແລະ ໝູ່ເພື່ອນໃນມື້ພັກທ້າຍອາທິດ ຫຼື ມື້ພັກຜ່ອນ  ຕາດເຫຼົ່ານີ້ເປີດບໍລິການແກ່ທຸກທ່ານທຸກມື້ ຕັ້ງແຕ່ເວລາ 08:00 – …