ສະບາຍດີ ສາວໆທີ່ໜ້າຮັກທັງຫຼາຍ ກັບມາພົບກັນອີກແລ້ວ ໄລຍະນີ້ແອັດເຫັນວ່າຫຼາຍຄົນມັກໄປທ່ຽວຕາດ, ມັກໄປຫຼີ້ນນໍ້າເຢັນໆ ມື້ນີ້ແອັດກໍ່ເລີຍຈະມາແນະນໍາອີກບ່ອນໜຶ່ງໄວ້ໃຫ້ ສາວໆໄດ້ໄປທ່ຽວໃນມື້ພັກຜ່ອນ ແລະ ສະຖານທີ່ນັ້ນກໍຄື: “ ຕາດຖໍ້າພະ ”.  ຕາດຖໍ້າພະ ຕັ້ງຢູ່ເຂດບ້ານ ເວີນກະເບົາ ເມືອງ ປາກງື່ມ ນະຄອນຫຼວງວຽງຈັນ ເຊິ່ງເປັນແຫຼ່ງທ່ອງທ່ຽວແຫ່ງໃໝ່ຂອງ ເມືອງປາກງື່ມ ນັ້ນເອງ. ສໍາລັບ ເສັ້ນທາງແມ່ນໄປຕາມທາງ 13 ໃຕ້ໄລຍະທາງປະມານ 60 ກິໂລແມັດ ແລ້ວລ້ຽວຊ້າຍເຂົ້າໄປທາງຕາດວັງຫຼວງ ແລະ ກ່ອນທີ່ຈະຮອດຕາດວັງຫຼວງປະມານ 3 ກິໂລແມັດຈະມີປ້າຍລ້ຽວຂວາເຂົ້າໄປ 800 ແມັດ ກໍ່ຈະເຖິງຕາດຖໍ້າພະແລ້ວ. ເມື່ອໄປເຖິງຈຸດໝາຍແລ້ວ ຮັບຮອງໄດ້ເລີຍວ່າສາວໆຈະຮູ້ສຶກສົດຊື່ນຢ່າງແນ່ນອນ ເພາະບັນຍາກາດດີໆ, ນໍ້າເຢັນໆເໝາະແກ່ກັບການໄປພັກຜ່ອນ. ຕາດຖໍ້າພະແຫ່ງນີ້ຍັງມີ ອາຫານພື້ນບ້ານ, ອາຫານຕາມສັ່ງ ແລະ ເຄື່ອງດື່ມແບບຄົບຄັນໄວ້ຄອຍບໍລິການ. ນອກຈາກນີ້ຍັງມີຕູບນ້ອຍ – ໃຫຍ່ຫຼາຍກວ່າ 20 ຕູບໄວ້ຄອຍບໍລິການ. ມີຫ້ອງນໍ້າ …

ບໍລິສັດໄຟຟ້ານໍ້າເທີນ 2 ໄດ້ລົງນາມເຊັນສັນຍາຮ່ວມມືກັບ ສະຖານທູດຝຣັ່ງປະຈໍາລາວ ເພື່ອໃຫ້ທຶນການສຶກສາໃຫ້ແກ່ນ້ອງນັກຮຽນ ຈໍານວນ 3 ທຶນສໍາລັບປີ 2017 ເພື່ອໄປຮຽນຕໍ່ທີ່ປະເທດຝຣັ່ງເປັນເວລາ 2 ປີ ໂດຍການຄັດເລືອກເອົານັກຮຽນທີ່ເວົ້າພາສາຝຣັ່ງໄດ້ນັ້ນເອງ ຈຸດປະສົງກະເພື່ອແນ່ໃສ່ສ້າງຄວາມເຂັ້ມແຂງດ້ານບຸກຄະລາກອນ ແລະ ຕອບສະໜອງຕາມຄວາມຕ້ອງການຂອງອຸດສາຫະກໍາພະລັງງານ ໂຄງການໃຫ້ທຶນການສຶກສາ ນີ້ແມ່ນເລີ່ມຈັດຕັ້ງມາແຕ່ປີ 2015 ຈົນຮອດປັດຈຸບັນ ເຊິ່ງຜ່ານການຄັດເລືອກມີນັກຮຽນທີ່ໄດ້ຮັບທຶນດັ່ງກ່າວ 3 ຄົນຄື: ທ້າວ ເພັດທະສອນ ມານີປະກອນ ຈາກໂຮງຮຽນມັດທະຍົມຝຣັ່ງ, ທ້າວ ອາລິຍະເດດ ທໍາມະວົງ ແລະ ນາງ ດາຣານີ ສໍລາງກຸນ ຈາກໂຮງຮຽນມັດທະຍົມສົມບູນວຽງຈັນ. ນ້ອງນັກຮຽນທັງ 3 ຄົນນີ້ຈະໄດ້ໄປສຶກສາທີ່ມະຫາວິທະຍາໄລ ດ້ານເຕັກໂນໂລຊີ ທີ່ມີຊື່ສຽງຕັ້ງພາກຕາເວັນອອກສຽງໃຕ້ຂອງປະເທດຝຣັ່ງ ແລະ ນ້ອງນັກຮຽນທັງ 3 ຈະເດີນທາງໃນວັນທີ 21 ກໍລະກົດ ນີ້. ຫຼັງຈາກທີ່ນ້ອງສໍາເລັດການສຶກສາແລ້ວ ກໍຈະກັບຄືນມາບ້ານເກີດ ເພື່ອຈະເລີ່ມຕົ້ນເຮັດວຽກຢູ່ທີ …

ມີມາອີກແລ້ວນັກສຶກສາລາວເຮົາ ທີ່ໄປຮຽນຢູ່ນະຄອນຫຼວງປັກກິ່ງ ສປ ຈີນ. ນາງ​ຫອມ​ມະ​ນີ ໄຊ​ຍະ​ເລີດ ນັກ​ສຶກ​ສາ​ລາວ​ຮຽນ​ຢູ່​ ຄະ​ນະ​ການ​ເງິນ​ ແລະ​ ການ​ທະ​ນາ​ຄານ ​ມະ​ຫາ​ວິ​ທະ​ຍາ​ໄລ ​ເສດ​ຖະ​ກິດ​ການ​ຄ້າ​ສາ​ກົນ ​ທີີ່​ນະ​ຄອນ​ຫຼວງ​ປັກ​ກິ່ງ ສ​ປ ຈີນ​ເປັນ​ເວ​ລາ 5 ປີຈຶ່ງ​ໄດ້​ສຳ​ເລັດ​ການ​ສຶກ​ສາ​ ລະ​ດັບ​ປະ​ລິນ​ຍາ​ຕີ ໃນ​ສົກ​ປີ 2016-2017 ແລະ ​ເປັນ​ໜຶ່ງ​ດຽວ​ຂອງ​ນັກ​ສຶກ​ສາ​ລາວ ໃນ​ສົກ​ຮຽນ​ນີ້ທີ່​ໄດ້​ຮັບ​ໃບ​ປະ​ກາດ​ສະ​ນິ​ຍະ​ບັດ​ກຽດ​ນິ​ຍົມ​ອັນ​ດັບ​ໜຶ່ງ ​ໃນ​ຈຳ​ນວນ​ນັກ​ສຶກ​ສາ​ຕ່າງ​ປະ​ເທດ​ທັງ​ໝົດ 54 ຄົນ, ເຊິ່ງ​ໄດ້​ຮັບ​ການ​ຍ້ອງ​ຍໍ​ຊົມ​ເຊີຍ​ຈາກ​ຄູ​ອາ​ຈານ, ພໍ່​ແມ່ນ​ຍາດ​ຕິ​ພີ່​ນ້ອງ​ກໍ​ຄື​ໝູ່​ເພື່ອນ​ນັກ​ສຶກ​ສາ​ລາວ ​ແລະ ​ຕ່າງ​ປະ​ເທດ​ຢ່າງ​ຫຼວງ​ຫຼາຍ. ໃນສົກຮຽນໜ້ານີ້ ສາວຫອມມະນີ ກໍ່ຈະສືບຕໍ່ສຶກສາຮໍ່າຮຽນ ໃນ​ລະ​ດັບ​ປະ​ລິນ​ຍາ​ໂທ​ ສາ​ຂາ​ການ​ເງິນ​ທີ່​ ມະ​ຫາ​ວິ​ທະ​ຍາ​ໄລ ​ເສດ​ຖະ​ກິດ​ການ​ຄ້າ​ສາ​ກົນ​ ນະ​ຄອນ​ຫຼວງ​ປັກ​ກິ່ງ​ຕື່ມ​ອີກ. ທີ່ມາ: CRI

ສະບາຍດີ ສາວໆທີ່ໜ້າຮັກທັງຫຼາຍ ມື້ນີ້ແອັດມີນຈະພາໄປທ່ຽວເມືອງມໍລະດົກໂລກ ສາວໆຄົງຈະຮູ້ແລ້ວເນາະວ່າແມ່ນແຂວງໃດ. ແຂວງຫຼວງພະບາງນັ້ນຄືດັ່ງທີ່ເຮົາຮູ້ກັນຢູ່ແລ້ວວ່າ ມີແຫຼ່ງທ່ອງທ່ຽວທີ່ຫຼາກຫຼາຍບໍ່ວ່າຈະເປັນທາງດ້ານທໍາມະຊາດ, ປະຫວັດສາດ ແຕ່ມື້ນີ້ແອັດຈະພາໄປທ່ຽວສະຖານທີ່ທ່ອງທ່ຽວແຫ່ງໃໝ່ ນັ້ນກໍຄືສວນນໍ້າດົງ Nahmdong Park ຕັ້ງຢູ່ບ້ານ ຊຽງມວກ ເມືອງຫຼວງພະບາງ ແຂວງຫຼວງພະບາງ ເຊິ່ງເປັນແຫຼ່ງທ່ອງທ່ຽວໃນຮູບແບບອະນຸລັກທໍາມະຊາດ ແບບຄົບວົງຈອນເປັນດິນແດນທີ່ອຸດົມສົມບູນ ຫ່ງຈາກຕົວເມືອງຫຼວງພະບາງພຽງ 10 ກິໂລແມັດ. ຢູ່ໃນສວນແຫ່ງນີ້ຍັງມີ ກິດຈະກໍາໄວ້ໃຫ້ນັກທ່ອງທ່ຽວໄດ້ຫຼິ້ນໄດ້ຊົມເຊັ່ນ: ມີຂີ່ສະລິງ, ໄຕ່ເຊືອກ, ຫຼິ້ນນໍ້າ ແລະ ມີສວນສັດຂະໜາດນ້ອຍ, ສວນລ້ຽງເຜິ້ງ, ເຮືອນຕົ້ນໄມ້ ນອກຈາກນີ້ ຍັງມີສະຖານທີ່ຕັ້ງແຄັມສໍາລັບນັກທ່ອງທ່ຽວທີ່ຕ້ອງການຕັ້ງແຄັມໃນເວລາກາງຄືນ ຖ້າສາວໆຄົນໃດມີໂອກາດໄດ້ໄປທ່ຽວເມືອງມໍລະດົກໂລກຢ່າລືມລອງໄປສໍາຜັດເບິ່ງເດີ້. ຮູບພາບຈາກ: ສວນນໍ້າດົງ

ມື້ນີ້ແອດໄດ້ນໍາເອົາຄວາມໜ້າຮັກໜ້າຮັກ ຂອງຄູ່ແຝດຄົນນ້ອຍ ລູກຊາຍທີ່ໜ້າຮັກຂອງອ້າຍ ສັກ ວົງເຊວ ນັກຮ້ອງລຸ້ນໃຫຍ່ຂອງລາວເຮົາ ມາຝາກໃຫ້ແຟນໄດ້ເບິ່ງຄວາມຫຼໍ່, ຄວາມໜ້າຮັກຂອງນ້ອງໆ. ຄູ່ແຝດ 2 ຄົນນ້ອຍນີ້ມີຊື່ວ່າ: ທ້າວ ໄມຕີ້ ແລະ ທ້າວ ແມັຕຊີ້ ເຊິ່ງເປັນຄູ່ແຝດທີ່ມີໜ້າຕາຄ້າຍຄືກັນສຸດໆ ຈົນແຍກບໍ່ອອກຄົນໃດຊື່ ໄມຕີ້ ແລະ ຄົນໃດຊື່ ແມັຕຊີ້ ( ໂອ້ຍໆໆໆ…ທັງຫຼໍ່ທັງໜັາຮັກແຕ່ນ້ອຍແທ້ເດ ) ເຊິ່ງຈະຫຼໍ່ ແລະ ມີຄວາມໜ້າຮັກປານໃດນັ້ນ ໄປເບິ່ງຮູບພາບຄວາມໜ້າຮັກຄວາມສົດໃສຂອງນ້ອງໆເລີຍ!! ຮູບພາບ: Sack Cells