Hello ເຮັດວຽກ ຫຼື ຮຽນໃນມື້ນີ້ເປັນແນວໃດແດ່ ເມື່ອຍບໍ່?ມາພັກຜ່ອນສະໝອງກັບຂ່າວສານຄົນດັງວົງການບັນເທີງ ຫຼ້າສຸດ ນຸ້ຍ ສຸພາພອນ ສົມວິຈິດ Miss Universe Laos 2017 ກໍໄດ້ເດີນທາງໄປຮ່ວມງານປະກາດຜົນລາງວັນ “Dara Daily Awards 8” ທີ່ບາງກອກ ປະເທດໄທ ເຊິ່ງ ນຸ້ຍ ສຸພາພອນ ໃນຖານະ ນາງງາມ/ນັກສະແດງ/ນາງແບບຈາກປະເທດລາວ ກໍມີໂອກາດໄດ້ຮ່ວມເດີນພົມແດງ ຮ່ວມກັບດາລາ ສິລະປິນ ແລະ ຄົນດັງຫຼາຍທ່ານທີ່ເດີນທາງມາຮ່ວມໃນງານດັ່ງກ່າວ ແລະ ຍັງບໍ່ໝົດພຽງແຕ່ເທົ່ານັ້ນ ເພາະ ນຸ້ຍ ສຸພາພອນ ສົມວິຈິດ Miss Universe Laos 2017 ກໍເປັນອີກໜຶ່ງ ແມ່ຍິງລາວ ທີ່ໄປສ້າງຊື່ສຽງໃຫ້ກັບປະເທດ ເພາະຫຼັງຈາກທີ່ນາງໄດ້ເດີນທາງໄປເປັນຕົວແທນຂອງແມ່ຍິງລາວໃນເວທີ ນາງງາມຈັກກະວານ (Miss Universe) ທີ່ USA ໃນປິ 2017, ຫຼັງຈາກນັ້ນນາງກໍມີຜົນງານທາງວົງການບັນເທີງເລື້ອຍໆ …

ຄວາມຮັກເປັນສິ່ງທີ່ງົດງາມສະເໝີ ໂດຍສະເພາະຄວາມຮັກທີ່ສົມບູນແບບ “ພໍ່-ແມ່-ລູກ”, ຕາຮັກ ຕາແພງຫຼາຍໆ ເປັນຄູ່ຮັກທີ່ຫຼາຍຄົນເປັນແຟນຄລັບມາຕັ້ງແຕ່ຕອນເປັນແຟນ ຈົນແຕ່ງດອງ ແລະ ຫຼ້າສຸດ ແອັບເປີ້ນ ສີສະຫງຽນ ແລະ ຟຣຸກ ຈິຣະ ຄູ່ຮັກສາວລາວ-ບ່າວໄທ ຂວັນໃຈແຟນໆ ກໍກຳລັງມີຂ່າວດີ ເຊິ່ງປັດຈຸບັນ ແອັບເປີ້ນ ກຳລັງຖືພາມີລູກນ້ອຍໄດ້ປະມານ 4ເດືອນແລ້ວ. ຫຼ້າສຸດ ທັງສອງກໍຄວງກັນເດີນທາງທ່ອງທ່ຽວ ສ.ເກົາຫລີ ແຖມຍັງມີໂມເມັ້ນໜ້າໆມາໃຫ້ແຟນໆໄດ້ອັບເດດກັນເຊັ່ນເຄີຍ ເບິ່ງແລ້ວເປັນຕາຮັກ ຕາແພງສຸດໆເລີຍວ່າບໍ່ແຟນໆ, ຢ່າງໃດກໍຂໍສະແດງຄວາມຍິນດີກັບ ແອັບເປີ້ນ ສີສະຫງຽນ ແລະ ຟຣຸກ ຈິຣະ ທີ່ກຳລັງຈະມີ Baby ໂຕນ້ອຍໆ ເອີ້ນໄດ້ວ່າທັງສອງກຳລັງກຽມເປັນພໍ່ແມ່ຄົນກັນແລ້ວເດີ້. ຮູບພາບ: Appleminiberry , Fluke Jira

ບໍ່ເວົ້າເຖິງຄົງຈະບໍ່ໄດ້ເລີຍ ສຳລັບເຍົາວະຊົນລາວຄົນເກັ່ງມີນາມວ່າ ນ້ອງ ນໍ້າຝົນ ຈັນທະວົງ ອາຍຸ 10 ປີ ທີ່ໄປແຂ່ງຂັນຮ້ອງເພງໃນລາຍການດັງ “ໄມທອງຄຳເດັກ” ທີ່ ປະເທດໄທ ຈົນມີກະແສຮືຮາ ແລະ ເກີດປະກົດການມີຜູ້ຄົນໃຫ້ຄວາມສົນໃຈ ກົດໄລ້ ກົດແຊຣ ແລະເຂົ້າໄປເບິ່ງຄລິບທີ່ນ້ອງໄປຮ້ອງເພງໃນລາຍການດັ່ງກ່າວເປັນຈຳນວນຫຼາຍລ້ານຄົນໄປແລ້ວໃນເວລານີ້… (ມີຄລິບ ນ້ອງ ນໍ້າຝົນ ໃນລາຍການ “ໄມທອງຄຳເດັກ”) ไมค์ทองคำเด็ก สาวน้อยเสียงดีจาก "สปป.ลาว" "น้องน้ำฝน" #ไมค์ทองคำเด็ก #Workpoint23 Posted by ไมค์ทองคำเด็ก on Sunday, May 26, 2019   ເປັນແນວໃດແດ່ໄດ້ເຫັນຄວາມສາມາດຂອງເຍົາວະຊົນລາວເຮົາແລ້ວຮູ້ສຶກ Wow ເລີຍແມ່ນບໍ່? ໃນເວລານີ້ ນ້ອງ ນໍ້າຝົນ ກໍສາມາດຜ່ານເຂົ້າໄປໃນຮອບຕໍ່ໄປດ້ວຍຄະແນນຈາກກຳມະການທີ່ໃຫ້ຜ່ານເຖິງ 3 ຜ່ານ, ເອົາເປັນວ່າຝາກເປັນກຳລັງໃຈໃຫ້ເຍົາວະຊົນລາວຄົນນີ້ກັນຫຼາຍໆເລີຍເດີ້ແຟນໆ. #ແຊຣໄປໃຫ້ໂລກຮູ້ເດັກລາວເກັ່ງຫຼາຍ ຄລິບຈາກ: ไมค์ทองคำเด็ก

ຖ້ານອນຫຼັບພຽງ 5-6 ຊົ່ວໂມງ ໃນມື້ທຳມະດາ ແຕ່ພໍຮອດວັນພັກກໍນອນຍາວໝົດມື້ ຂໍບອກເລີຍວ່ານີ້ຄືໄພງຽບ ທຳລາຍສຸຂະພາບແບບບໍ່ຮູ້ຕົວ ນອກຈາກຄວາມຜິດປົກກະຕິຂອງການນອນຫຼັບແລ້ວ ກໍຍັງເປັນການເພີ່ມຄວາມສ່ຽງໃນການເປັນພະຍາດຕ່າງໆເຊັ່ນ ພະຍາດເບົາຫວານ, ພະຍາດຫຼອດເລືອດຫົວໃຈ, ໂຣກອ້ວນ, ພະຍາດລະບົບຍ່ອຍອາຫານຜິດປົກກະຕິ, ເຈັບຫົວ ແລະ ສະມາທິສັ້ນ ຜົນການສຶກສາຂອງ Northwestern Medicine ແລະ ມະຫາວິທະຍາໄລ Surrey ໄດ້ມີການສຶກສາພົບວ່າ ຄົນທີ່ມັກນອນເດິກ ມັກມີບັນຫາບໍ່ຍອມລຸກຈາກຕຽງໃນຕອນເຊົ້າຈະມີຄວາມສ່ຽງທີ່ຈະເສຍຊີວິດໄວກວ່າຄົນທີ່ນອນໄວ ແລະ ຕື່ນນອນໃນຕອນເຊົ້າ ການສຶກສາໃນເທື່ອນີ້ມີຜູ້ເຂົ້າຮ່ວມວິໄຈກວ່າເຄິ່ງລ້ານຄົນ ໂດຍໃຊ້ໄລຍະໃນການເກັບກຳຂໍ້ມູນດົນເຖິງ 6 ປິເຄິ່ງ ຊຶ່ງການວິໄຈກ່ອນໜ້ານີ້ມຸ່ງເນັ້ນໄປທີ່ອັດຕາການເຜົາຜານຂອງຮ່າງກາຍ ພະຍາດຫົວໃຈ ແລະ ຫຼອດເລືອດ ແຕ່ນີ້ເປັນຄັ້ງທຳອິດທີ່ໄດ້ສຶກສາວິໄຈເຖິງຄວາມສ່ຽງໃນການເສຍຊີວິດ ບົດຄວາມວິໄຈໄດ້ຖືກຕີພິມເຜຍແຜ່ໃນວາລະສານ Chronobiology International ນັກວິທະຍາສາດພົບວ່າຄົນທີ່ນອນເດິກ ຕື່ນສວາຍ ຈະມີຄວາມສ່ຽງໃນການເສຍຊີວິດສູງເຖິງ 10% ອາດເປັນໄປໄດ້ວ່າຄົນນອນເດິກຕື່ນສວາຍມັກຈະນອນຊ້າຈຶ່ງເປັນສາເຫດເຮັດໃຫ້ຕື່ນຍາກໃນຊ່ວງເຊົ້າຈະໄປຕື່ນໃນຕອນບ່າຍ ຈຶ່ງເຮັດໃຫ້ໂມງຊີວິດ (biological clock) ຜິດດ່ຽງໄປ ສົ່ງຜົນກະທົບໃຫ້ຮ່າງກາຍບໍ່ສາມາດເຮັດວຽກໄດ້ຕາມທຳມະຊາດ ກໍ່ໃຫ້ເກີດຄວາມຄຽດຊຶ່ງເກີດຈາກປັດໄຈຕ່າງໆ ທັງການກິນອາຫານຜິດເວລາ, ການອອກກຳລັງກາຍບໍ່ພຽງພໍ, ການນອນຫຼັບບໍ່ພຽງພໍ, ກາງຄືນຕາໃສແຈ້ງນອນບໍ່ຫຼັບ …

ຄຶກຄຶ້ນ ຄືກຄັກຕັ້ງແຕ່ກາງປີ 2019 ສຳລັບການປະກວດນາງງາມ ຫຼ້າສຸດກໍປະກາດຜົນແບບສົດໆຮ້ອນໆສຳລັບ Miss Universe Philippines 2019 ເຊິ່ງສາວງາມທີ່ມີຄວາມເໝາະສົມ ຄວ້າມົງກຸດໄປຄອງໄດ້ແກ່  Gazini Ganados ເປັນສາວງາມທີ່ມີຄວາມງາມ ພ້ອມຄວາມສາມາດ ເໝາະສົມກັບຕຳແໜ່ງສຸດໆ (ຂໍສະແດງຄວາມຍິນດີ) ສຳລັບ Gazini Ganados ອາຍຸ 23 ປີ ມີລວງສູງ 173 ຊັງຕີແມັດ ເວົ້າໄດ້ເລີຍວ່ານາງເປັນຄົນໜຶ່ງທີ່ມີຊື່ສຽງໃນ ປະເທດ ຟິລິປິນ ເພາະແຟນໆຄຸ້ນໜ້າຄຸ້ນຕານາງດີໃນຖານະນາງແບບແຖວໜ້າຂອງ ປະເທດ ຟິລິປິນ, ກ່ອນໜ້ານີ້ນາງກໍເຄີຍຜ່ານເວທີປະກວດມາຫຼາຍເວທີແລ້ວເຊັ່ນ Miss World Philippines 2014 semifinalist , Miss Cesafi 2016 , Miss Prisaa 2017 ແລະ ຫຼ້າສຸດສາວງາມຄົນນີ້ກໍສາມາດຄວ້າມົງກຸດ Miss Universe Philippines 2019 ແບບສົດໆຮ້ອນໆ (ລອງມາເບິ່ງແຕ່ລະຊ໋ອດຂອງ Gazini Ganados ໃນເວທີ Miss Universe Philippines …