ສະບາຍດີແຟນເພສ ຂວັນໃຈ ທີ່ໜ້າຮັກທຸກໆຄົນ ມື້ນີ້ ຊະນີIndy ມີນາງແບບໜ້າໃໝ່ຢາກມາແນະນຳໃຫ້ທຸກໆຄົນໄດ້ຮູ້ຈັກເປັນສາວງາມທີ່ມີຄວາມໝັ້ນໃຈສູງ ເປັນສາວລາວລຸກອິນເຕີເພາະນາງມີຜິວສີນໍ້າເຜິ້ງ (ຜິວແທນ) ມາຈາກແຂວງ ສາລະວັນ ນັ້ນກໍຄື: ລັດຕະນາ ໝັ້ນວິໄລ (ແດງ) ລອງມາຟັງບົດສຳພາດສາວຄົນນີ້ກັນລອງເບິ່ງເດີ້ ແລ້ວແຟນໆຈະຫຼົງຮັກໃນຄວາມໜ້າຮັກ ແລະ ນໍ້າສຽງທີ່ມີເອກະລັກຂອງນາງ… ຂວັນໃຈ: ແນະນຳຕົວເອງໃຫ້ແຟນໆໄດ້ຮູ້ຈັກແດ່… ແດງ: ສະບາຍດີນ້ອງຊື່ ລັດຕະນາ ໝັ້ນວິໄລ (ແດງ) ອາຍຸ 23 ປີ ຕອນນີ້ກຳລັງສຶກສາຢູ່ທີ່ມະຫາວິທະຍາໄລແຫ່ງຊາດ ຄະນະສະຖາປັດຕະຍະກຳ ປີທີ 5 ຢູ່ທີ່ສະຖາປັດມີພາກວິຊາໜຶ່ງທີ່ຕ້ອງຮຽນຫຼັກສູດ 5 ປີ ກໍຄືພາກວິຊາສະຖາປັດຕະຍະກຳ ເປັນສາວໃຕ້ໃຈດີເດີ້ ມາຈາກແຂວງສາລະວັນ ປັດຈຸບັນຢູ່ບ້ານດົງໂດກ ຍິນດີທີ່ໄດ້ຮູ້ຈັກທຸກຄົນເດີ້.. ຂວັນໃຈ: ໂອ…ເປັນສາວໃຕ້ ຍ້ອນຫຍັງນໍຈຶ່ງຂຶ້ນມາຢູ່ນະຄອນຫຼວງວຽງຈັນ? ແດງ:  ໂດຍ…ແດງມາຢູ່ນະຄອນຫຼວງວຽງຈັນຕັ້ງແຕ່ຢູ່ມັດທະຍົມປາຍ ຮຽນ ມ4 ຕອນນັ້ນແດງຮຽນຢູ່ທີ່ ມສ ວຽງຈັນ …

ຕອນແລງວັນທີ 5 ກໍລະກົດ ທີ່ຜ່ານມາທາງເພສລາຍການ “TAKE ME OUT THAILAND” ໄດ້ເປີດໂອກາດໃຫ້ຄູ່ຮັກທີ່ກຳລັງເປັນກະແສຮືຮາກັນທີ່ສຸດໃນຕອນນີ້ຈະເປັນໃຜບໍ່ໄດ້ເລີຍນັ້ນກໍຄື ນູ່ນີ່ ກຸມພົນພັກດີ ແລະ ອ໋ອບ ລາຍພາງ ໄດ້ມີໂອກາດມາ Live ສົດເພື່ອເປີດໃຈ ແລະ ຕອບຄຳຖາມຂອງເຫຼົ່າບັນດາແຟນຄລັບ, ການ Live ສົດຂອງທັງສອງໃນເທື່ອນີ້ເຕັມໄປດ້ວຍຄວາມຫວານ Live ໄປຍິ້ມໄປ ເບິ່ງຕາກັນໄປ…ຍິ່ງເຮັດໃຫ້ແຟນຄລັບເຂົ້າໄປຕິດຕາມ ແລະ ກົດໄລ້ກົດແຊຣກັນ, ແລະ ທີ່ເຮັດໃຫ້ຖືກໃຈແຟນຄລັບຫຼາຍທີ່ສຸດນັ້ນກໍຄື ໜຸ່ມ ອ໋ອບ ຫວານໃຈນູ່ນີ່ໄດ້ປະກາດອອກທາງ Live ສົດໃນຄັ້ງນີ້ເລີຍວ່າຕົນເອງນັ້ນຂໍເວົ້າ ແລະ ຍືດເອິກຮັບແບບລູກຜູ້ຊາຍເລີຍວ່າທີ່ຕົນມາໃນລາຍການໃນເທື່ອນີ້ແມ່ນຕ້ອງການມາເລືອກນູ່ນີ່ ແລະ ກໍໂຊກດີທີ່ນູ່ນີ່ນັ້ນຍັງເປີດໄຟຈົນເຮັດໃຫ້ມີໂອກາດໄດ້ໄປເດດກັນ ແລະ ເລີ່ມຕົ້ນສຳພັນທີ່ດີ (ສົມກັບເປັນລູກຜູ້ຊາຍແທ້ໆ…ສຸດຍອດ) ແລະ ນອກຈາກນີ້ທັງ ນູ່ນີ່ ແລະ ອ໋ອບ ຍັງໄດ້ຕອບບັນຫາຄາໃຈຂອງແຟນໆຫຼາຍຢ່າງບໍ່ວ່າຈະເປັນຂ່າວເລື່ອງທີ່ນູ່ນີ່ສັນຍະກຳ, ບອກແຟນໆເຖິງເລື່ອງລາຍການເທັກມີເອົ້າວ່າບໍ່ໄດ້ມີສະຄລິບຄືທີ່ທຸກຄົນຄິດ ແລະ ສຸດທ້າຍທັງສອງກໍຍັງຂອບໃຈແຟນຄລັບທຸກຄົນທີ່ຕິດຕາມອີກດ້ວຍ. ມີຄລິບມາຝາກ: มาคุยกันต่อ #Takemeoutthailand #นุนี …

ກຽມພົບກັບຮູບເງົາສັ້ນເລື່ອງ “ພັກຕັບ ງົດເຫຼົ້າເຂົ້າພັນສາ” ເພື່ອຕ້ອງການເຊີນຊວນໃຫ້ທຸກຄົນຫັນມາໃສ່ໃຈສຸຂະພາບໃນໄລຍະເຂົ້າພັນສາທີ່ຈະມາເຖິງນີ້ ເຊິ່ງຮູບເງົາເລື່ອງດັ່ງກ່າວສ້າງຈາກຝີມືຄົນລາວ ສ້າງຂຶ້ນໂດຍທີມງານ ຕັກກະແຕນ ເຈົ້າຂອງຜົນງານຮູບເງົາສັ້ນເລື່ອງ “ເລືອດແປງເປັດ”  ແລະ ເຈົ້າຂອງຄລິບເພງ “ໃສວ່າຊິເຊົາຊື້ເລກເຕົ່າ” ທີ່ໂດ່ງດັງມາໃນຊ່ວງປີກ່ອນໆ, ແນະໆ…ເວົ້າແບບນີ້ ຊະນີIndy ເຊື່ອວ່າແຟນເພສ ຂວັນໃຈ ເຮົາທຸກຄົນຄົງຈະຢາກເບິ່ງຮູບເງົາສັ້ນເລື່ອງ “ພັກຕັບ ງົດເຫຼົ້າເຂົ້າພັນສາ” ກັນແລ້ວແມ່ນບໍ່? ແຕ່ຂໍໃຫ້ແຟນໆອົດໃຈລໍກັນກ່ອນເດີ້ເພາະຮູບເງົາເລື່ອງນີ້ຈະປ່ອຍໃນມື້ອື່ນ ວັນທີ 6 ກໍລະກົດ 2017 ນີ້, ຢ່າລືມຕິດຕາມກັນເດີ້ ຈະມີມາຝາກແຟນໆທຸກໆຄົນແນ່ນອນ!!! #ແຊຣໄປເພື່ອເຊີນຊວນໃຫ້ຄົນທີ່ເຮົາຮັກມາພັກຕັບໃນຊ່ວງເຂົ້າພັນສານີ້ ມີຮູບພາບເບື້ອງຫຼັງຮູບເງົາສັ້ນ “ພັກຕັບ ງົດເຫຼົ້າເຂົ້າພັນສາ” ມາຝາກ ສ່ວນຄລິບເຕັມສາມາດຕິດຕາມໄດ້ໃນມື້ອື່ນ. ຂໍຂອບໃຈຂໍ້ມູນຈາກ: ຕັກກະແຕນ

ໃນວັນທີ 5 ກໍລະກົດ 2017 ນັກສະແດງຊື່ດັງ ຊົງຈຸງກິ ອາຍຸ 32 ປີ ແລະ ຊົງເຮຄຽວ ອາຍຸ 36 ປີ ນາງເອກ-ພະເອກຊີ່ຣີ່ເກົາຫລີເລື່ອງດັງ “Descendants of the sun” ທີ່ສ້າງປະກົດການໂດ່ງດັງໄປທົ່ວອາຊີ ໄດ້ເຊີໄພ້ແຟນໆເພາະທັງສອງໄດ້ປະກາດແຕ່ງງານກັນໃນ ເດືອນ ຕຸລາ ທີ່ຈະມາຮອດນີ້ ແລະ ຕົ້ນສັງກັດຂອງທັງສອງກໍອອກມາປະກາດເປັນທີ່ຮຽບຮ້ອຍແລ້ວວ່າ ຊົງຈຸງກິ ແລະ ຊົງເຮຄຽວ ຈະເຂົ້າພິທີແຕ່ງດອງກັນໃນວັນທີ 31 ຕຸລາ 2017 ນີ້. ສຳລັບເສັ້ນທາງຄວາມຮັກຂອງ  ຊົງຈຸງກິ ແລະ ຊົງເຮຄຽວ ນັ້ນນັກສະແດງທັງສອງໄດ້ເລີ່ມຄວາມສຳພັນກັນແບບໝູ່ ເພາະຢູ່ໃນກຸ່ມໝູ່ດຽວກັນ, ຈົນພັດທະນາມາເລື້ອຍໆເຖິງຂັ້ນປະກາດແຕ່ງດອງກັນໃນທີ່ສຸດ… ບອກເລີຍວ່າງານນີ້ແຟນຄລັບຂອງທັງສອງຕ່າງພາກັນສະແດງຄວາມດີໃຈກັນຢ່າງຫຼວງຫຼາຍ ເພາະຈະໄດ້ເຫັນພະເອກ ແລະ ນາງເອກໃນຊີ່ຣີ່ທີ່ທຸກຄົນມັກໄດ້ມາແຕ່ງດອງກັນແທ້ໃນຊີວິດຈິງ.    

ເປັນກະແສໃນສັງຄົມອອນລາຍໃນຄໍ່າຄືນທີ່ຜ່ານມາກັບນັກກິລາຟຸດຊໍຈາກລາວເຮົານັ້ນກໍຄື ເສກສັນ ໄຊຊະນະ (ຟຸກ) ອາຍຸ 21 ປີ ນັກກິລາສຸດເຈົ້າຊູ້ທີ່ສາວໆທັງໃນລາວ ແລະ ປະເທດເພື່ອນບ້ານກົດໄລ້ໃຫ້ແບບລົວໆ, ເພາະວ່າຫຼ້າສຸດໜຸ່ມ ຟຸກ ພ້ອມທີມຟຸດຊໍນະຄອນຫຼວງໄດ້ໄປແຂ່ງຂັນ ຟຸດຊໍສະໂມສອນອາຊຽນ ທີ່ບາງກອກ ປະເທດໄທ, ຈົນມີຊ່າງພາບຕາດີໄປຈັບພາບໜຸ່ມ ຟຸກ ຄົນນີ້ແລ້ວໂພສລົງໃນສັງຄົມອອນລາຍຈົນເຮັດໃຫ້ເກີດກະແສສາວໆທັງສາວແທ້ ສາວທຽມ ແຫ່ກົດໄລ້ກົດແຊຣຮູບພາບຂອງໜຸ່ມຄົນນີ້ຢ່າງຫຼວງຫຼາຍ, ແຖມບາງຄົນຍັງຄອມເມັ້ນສະແດງຄວາມຄິດເຫັນວ່າໜຸ່ມຟຸກ ທັງເຈົ້າຊູ້ ແຖມເປັນນັກກິລາ ໜ້າຕາກໍອອກໄປທາງເກົາຫລີ ປານໂອບປ້າຂະໜາດນີ້ຈະບໍ່ໃຫ້ສາວໆໃຈລະລາຍໄດ້ແນວໃດ. ສຳລັບ ໜຸ່ມ ຟຸກ ເສກສັນ ໄຊຊະນະ ເພິ່ນບໍ່ໄດ້ເປັນພຽງແຕ່ນັກກິລາຟຸດຊໍແຕ່ເທົ່ານັ້ນເດີ້ ເພາະເປັນຄົນທີ່ມີຄວາມສາມາດຫຼາຍດ້ານ ຟຸກຍັງເປັນນາຍແບບເຄີຍຜ່ານງານໃນວົງການບັນເທິງມາແລ້ວທັງຖ່າຍແບບໃຫ້ວາລະສານດັງຫຼາຍເລ່ມ ລວມທັງວາລະສານ ຂວັນໃຈ ເຮົາກໍເຄີຍມາແລ້ວ, ແລະ ໜຸ່ມຄົນນີເພິ່ນກໍຍັງເຄີຍໃຫ້ສຳພາດວ່າເພິ່ນເປັນຄົນມີຄວາມຝັນທີ່ຢາກເຮັດໃຫ້ສຳເລັດນັ້ນກໍຄືຢາກເປັນ ກັບຕັນຍົນ ນັ້ນເອງ (ວ້າວໆ…ຖ້າໄດ້ເປັນກັບຕັນຍົນແຫ່ງຈະເຈົ້າຊູ້ໄປອີກແບບວ່າເບາະ ອິອິ) ຢ່າງໃດກໍຂໍເປັນກຳລັງໃຈໃຫ້ຂໍຈົ່ງເຮັດຄວາມຝັນໃຫ້ເປັນຈິງເດີ້ໜຸ່ມຟຸກ ຊະນີIndy ແລະ ແຟນເພສ ຂວັນໃຈ ທຸກຄົນເປັນກຳລັງໃຈໃຫ້ ສູ້ສູ້. …