ຖ້າພວກເຮົາຕິດຕາມຫາງສຽງໃນສື່ອອນລາຍເຫັນວ່າ ສັງຄົມ ສ່ວນຫຼາຍໄດ້ ສະໜັບສະໜູນແນວທາງນະໂຍບາຍຂອງພັກ-ລັດຖະບານໃນການສ້າງຄວາມເປັນແບບຢ່າງນຳໜ້າໃຫ້ແກ່ສັງຄົມໃນການຕ້ານການຟຸມເຟືອຍ ຊຶ່ງເປັນການສ້າງລາຍຮັບໃຫ້ແກ່ງົບປະມານຂອງຊາດເຂົ້າໃນການພັດທະນາເສດຖະກິດ-ສັງຄົມ ໃຫ້ມີຄວາມໝັ້ນຄົງກ້າວໜ້າຢ່າງຕໍ່ເນື່ອງ. ປັດຈຸບັນ, ແນວທາງຂອງພັກ-ລັດຖະບານໃນການຕ້າການຟຸມເຟືອຍປາກົດວ່າ ສັງຄົມສ່ວນຫຼາຍ ຕ່າງພາກັນຊື່ນຊົມ, ຍ້ອງຍໍ, ຍິນດີທີ່ລັດຖະບານເອົາໃຈໃສ່ແກ້ໄຂບັນຫາເສດຖະກິດຂອງຊາດເຮົາໃຫ້ດີຂຶ້ນ ໂດຍສະເພາະ ເລື່ອງທີ່ທ່ານນາຍົກ ທ່ານ ທອງລຸນ ໄດ້ອອກດຳລັດເລກທີ 15 ວ່າດ້ວຍການປະກອບ ແລະ ຄຸ້ມຄອງລົດປະຕໍາແໜງຂອງພະນັກງານຂອງພະນັກງານການນໍາຂັ້ນສູງໃນວັນທີ 5 ມັງກອນ 2017  ນີ້ກໍແມ່ນ ວຽກງານໜຶ່ງທີ່ສຳຄັນກ່ຽວກັບການຈັດຕັ້ງປະຕິບັດນະໂຍບາການປະຢັດ ແລະ ຕ້ານການຟຸມເຟືອຍຂອງພັກ ແລະ ລັດ. ແນ່ໃສ່ປະກອບລົດປະຈຳຕໍາແໜງພະນັກງານການນຳຂັ້ນສູງປະເພດຕ່າງໃຫ້ສອດຄ່ອງ ກັບສະພາບຕົວຈິງທາງດ້ານເສດຖະກິດ-ສັງຄົມຂອງປະເທດເຮົາ, ສະກັດກັ້ນ ແລະ ຕ້ານການຟຸມເຟືອຍໃນການນຳໃຊ້ງົບປະມານຂອງລັດສ້າງຄວາມເປັນແບບຢ່າງນຳໜ້າໃຫ້ສັງຄົມ. ດັ່ງນັ້ນ, ຈຶ່ງຢາກຮຽກຮ້ອງໃຫ້ພາກສ່ວນຕ່າງໆທັງອົງການລັດ, ເອກະຊົນ ລວມເຖິງພໍ່ແມ່ປະຊາຊົນ ກໍຕ້ອງມີມາດຕະການໃດໜຶ່ງຂອງຕົນເອງທີ່ຈະອອກມາຕ້ານການຟຸມເຟືອຍເພາະດຽວນີ້ ການນຳເພິນກໍໄດ້ເປັນແບບຢ່າງໃຫ້ພວກເຮົາແລ້ວ ສະນັ້ນ, ພວກເຮົາທຸກຄົນກໍຕ້ອງມີການປະຕິບັດພ້ອມໆກັນ.

ຄົນຮັກໝາພາກັນນໍາໝາທີ່ລ້ຽງ ແລະ ໜ້າຮັກ, ແສນຮູ້ຂອງຕົນເກືອບ 3.000 ໂຕເຂົ້າຮ່ວມງານສະແດງ ໃນຄັ້ງທີ 141 ທີ່ມະຫານະຄອນນິວຍອກ. ຊຶ່ງງານນີ້ຈັດຂຶ້ນໃນວັນທີ 13-14 ກຸມພາ ໂດຍມື້ທໍາອິດຂອງງານແມ່ນການປະກວດໂຕໝາທີ່ແຕ່ງຕົວສວຍງາມ ຊຶ່ງຂະນະກໍາມະການຕ້ອງເລືອກໝາພັນລະ 1 ໂຕ ຈາກທັງໝົດເກືອບ 200 ພັນເພື່ອໄປປະກວດຕໍ່ທີ່ ເມດີສັນ ສະແຄ ກາເດັ່ນ. ແລະ ງານໃນປີນີ້ມີໝາເຂົ້າຮ່ວມເກືອບ 2.800 ໂຕ ມາຈາກ 49 ລັດ ແລະ ອີກ 16 ປະເທດ.

ຊະນີIndy ມາແລ້ວໆໆໆ ມື້ນີ້ຈະມາຊອ໋ກແຊກມາເວົ້າມາຝອຍເລື່ອງໃນວົງການບັນເທິງບ້ານເຮົາ ໃນວັນທີ 14 ກຸມພາ 2017 ທີ່ຜ່ານມາໄດ້ເກີດກະແສທີ່ບັນດາ ສາວລາວ-ບ່າວລາວ ໄປອອກລາຍການດັງເຖິງປະເທດເພື່ອນບ້ານລາຍການນັ້ນກໍຄື “ເລື່ອງເລົ່າເຊົ້ານີ້” ເຊິ່ງບ່າວລາວ-ສາວລາວ ທີ່ວ່ານີ້ພວກເຂົາກໍໄປໃນນາມລາຍການເລືອກຄູ່ຊື່ດັງ “Take me out Thailand” ນັ້ນເອງ ແລະ ມື້ນີ້ ຊະນີIndy ຈະບໍ່ຝອຍຍາວເດີ້ເພາະຈະນຳເອົາຮູບພາບງາມໆຂອງສາວລາວອີກໜຶ່ງທ່ານທີ່ສາມາດໄປຮ່ວມເລືອກຄູ່ໃນລາຍການດັ່ງກ່າວນັ້ນກໍຄື Noony Koumphonphakdee ເຊິ່ງທາງທີມງານເຮົາເອງກໍໄດ້ໄປຄົ້ນຫານາງແລ້ວກໍພົບວ່າສາວຄົນນີ້ມີດີກຼີເປັນເຖິງນາງແບບ ຜົນງານຂອງເພິ່ນກໍແມ່ນຖ່າຍແບບປະຕິທິນຕ່າງໆ ແຖມຈະເບິ່ງນາງມຸມໃດກໍງາມຫຼາຍ ແລະ ເຮົາກໍບໍ່ໄດ້ໄປເບິ່ງລ້າໆໃດ ແຕ່ຍັງໄດ້ນຳເອົາຮູບພາບງາມໆຂອງສາວ ນູ່ນີ່ ມາຝາກນຳ ຈະມີຄວາມງາມຢາດຍ້ອຍພຽງໃດມາເບິ່ງໃຫ້ເຫັນຢ່າງຈະແຈ້ງກັນເລີຍ! #ແຊຣໄປໃຫ້ໂລກຮູ້ວ່າສາວລາວງາມຫຼາຍ   ຂໍຂອບໃຈຮູບພາບງາມໆຈາກ: Noony Koumphonphakdee

ໃນວັນທີ 14 ກຸມພາ 2017 ຜ່ານມາ ທີ່ຕະຫຼາດເຊົ້າມໍຊັ້ນ 1 ໄດ້ມີພິທີຖະແຫຼງຂ່າວເປີດ “ໂຄງການ ຄຳພູວົງ ລຸ້ນໂຊກຕະຫຼອດປີ 2017” ໃຫ້ກຽດເປີດພິທີໂດຍ ທ່ານ ພູວົງ ພະມີສິດ ແລະ ແຂກທີ່ມີກຽດ ພ້ອມກັບສື່ມວນຊົນເຂົ້າຮ່ວມເປັນຈໍານວນຫຼວງຫຼາຍ, ພາຍໃນງານນອກຈາກການຖະແຫຼງຂ່າວແລ້ວຍັງມີການຮ້ອງເພງຈາກສີລະປິນ ນວນ ນໍ້າເຕົ້າ ແລະ ການເຕັ້ນໂຊເພື່ອເປີດງານໃນເທື່ອນີ້ອີກດ້ວຍ. ເພື່ອເປັນການຕອບສະໜອງຕາມຄວາມຮຽກຮ້ອງຕ້ອງການຂອງລູກຄ້າ ແລະ ທີ່ສະເຫຼີມສະຫຼອງ ຮ້ານຄໍາພູວົງ ຄົບຮອບ 33 ປີ, ບວກກັບຄວາມສໍາເລັດທີ່ຜ່ານມາ ຮ້ານ ຄໍາພູວົງ ຈຶ່ງໄດ້ສືບຕໍ່ຈັດກິດຈະກໍາ ຄໍາພູວົງລຸ້ນໂຊກປີ 2 ຂຶ້ນ ກັບກິດຈະກໍາທີ່ມີຊື່ວ່າ: “ຄໍາພູວົງ ລຸ້ນໂຊກຕະຫຼອດປີ 2017” ແລະ ຍັງເປັນປີທີ 34 ຂອງຮ້ານ ລາງວັນໃຫຍ່ປະຈໍາປີນີ້ ແມ່ນຊຸດຄໍາອອກງານຍິງ-ຊາຍ ນໍ້າໜັກ 34 ບາດ …

ຮືຮາຂ້າມປະເທດອີກແລ້ວໆໆ!!! ເມື່ອມີສາວລາວຄົນທີສອງໄປເລືອກຄູ່ໃນລາຍການ “Take me out Thailand” ວັນທີ 14 ກຸມພາ   ທີ່ຜ່ານມາເຊິ່ງກົງກັບວັນແຫ່ງຄວາມຮັກຂອງຄົນທົ່ວໂລກ ລາຍການດັງໃນປະເທດເພື່ອນບ້ານ “ເລື່ອງເລົ່າເຊົ້ານີ້” ໄດ້ເຊີນ ສາວໂສດ-ໝຸ່ມໂສດ ຈາກລາຍການ “Take me out Thailand” ໄປເປັນແຂກຮັບເຊີນ  ແລະ ໜຶ່ງໃນນັ້ນກໍມີສາວລາວໜຸ່ມລາວທີ່ໄປເລືອກຄູ່ແລ້ວກ່ອນໜ້ານີ້ ກິຕ້າ ພັດທະສອນ ມະນີດາລັດ,​ຈ່ອນນີ່ ສິຣິວັນ ໄຊຍະສານ ແລະ ທີ່ Surprise ທີ່ສຸດກໍຄືຍັງມີສາວລາວອີກໜຶ່ງຄົນທີ່ສາມາດໄປຮ່ວມກັບລາຍການເລືອກຄູ່ດັງລາຍການນີ້ ເຊິ່ງສາວຄົນນີ້ເທົ່າທີ່ ຊະນີIndy ໄປສືບມານັ້ນມີນາມວ່າ ນູ່ນີ່ ແຕ່ສາວຄົນນີ້ຍັງບໍ່ໄດ້ອອກອາກ່າດໃນລາຍການ “Take me out Thailand” ເທື່ອເດີ້ ຄາດວ່າໜ້າຈະໄວໆນີ້, ແຕ່ນາງໄດ້ມີສ່ວນຮ່ວມໄປເປັນແຂກຮັບເຊີນຮ່ວມກັບ ສາວໂສດ-ໜຸ່ມໂສດ ເທົ່ານັ້ນ, ແຕ່ເທົ່າທີ່ເບິ່ງໃນຄຣິບທີ່ພິທີກອນດັງຈາກຝັ່ງໄທໄດ້ສຳພາດ ນູ່ນີ່ ນັ້ນນາງກໍເວົ້າຈາດີ ເວົ້າທັກທາຍໃນສຳນຽງແບບລາວ ແຖມຍັງນຸ່ງສິ້ນໄໝ ເບິ່ງແລ້ວງາມຫຼາຍ. ສ່ວນວ່າມື້ໃດທີ່ສາວ ນູ່ນີ່ …