Make Up

ສາວໆຄົນໃດທີ່ກໍາລັງເຮັດ 10 ພຶດຕິກໍານີ້ ຄວນຫຼີກລ່ຽງດ່ວນ ບໍ່ດັ່ງນັ້ນອາດຈະເຮັດໃຫ້ຜິວພັນງາມໆຫ່ຽວຍານລົງໄດ້ ສະນັ້ນເຮົາຄວນມາເບິ່ງແຍງຜິວພັນຂອງເຮົາແບບຖືກວິທີກັນເທາະ. 1. ລືມທາກັນແດດກ່ອນອອກຈາກບ້ານ 2. ອາບນໍ້າຮ້ອນດົນຈົນເກີນໄປ 3. ຂັດຜິວຕະຫຼອດ ກໍບໍ່ດີເດີ້ 4. ນອນພັກຜ່ອນບໍ່ພຽງພໍ 5. ນອນຫຼັບໂດຍທີ່ຍັງບໍ່ໄດ້ລ້າງໜ້າ 6. ບີບ, ແກະ, ເກົາເທິງໃບໜ້າ 7. ບໍ່ທໍາຄວາມສະອາດອຸປະກອນແຕ່ງໜ້າ 8. ໃຊ້ຜະລິດຕະພັນບໍາລຸງຜິວຫຼາຍຊະນິດພ້ອມກັນ 9. ບໍ່ຮູ້ຈັກຜິວໜ້າຂອງຕົວເອງ 10. ເຮັດຜິວສີແທນສ່ຽງພະຍາດມະເຮັງ ສາວໆຄົນໃດທີ່ຮູ້ສຶກວ່າຕົນເອງມັກເຮັດ 10 ຂໍ້ທີ່ກ່າວມາຂ້າງເທິງນີ້ ຮີບປ່ຽນພຶດຕິກໍາດ່ວນເລີຍເດີ້ ຖ້າບໍ່ຢາກໃຫ້ຜິວພັນຫ່ຽວແຫ້ງແຕກລາຍ.  

ວິທີເຮັດໃຫ້ໜ້າຂາວໃສແບບສາວເກົາຫລີ ວິທີເຮັດໃຫ້ໜ້າຂາວຄືສາວເກົາຫລີທີ່ເບິ່ງແນວໃດກໍ່ໜ້າຮັກສົດໃສ ມື້ນີ້ເຮົາມີວິທີໃນການເບິ່ງແຍງຜິວໜ້າຂອງທ່ານໃຫ້ຂາວ ແລະ ງາມຄືກັບສາວເກົາຫລີມາຝາກ ເຊິ່ງວິທີເຮັດໃຫ້ໜ້າຂາວນັ້ນບໍ່ຍາກ ຖ້າໃຜຍາກມີໜ້າຂາວໃສ ນັ້ນມາເບິ່ງວິທີກັນເລີຍ. ວິທີເຮັດໃຫ້ໜ້າໃສໂດຍການນອນຫຼັບພັກຜ່ອນໃຫ້ພຽງພໍ. ຢ່າງນ້ອຍມື້ລະ 8 ຊົ່ວໂມງ ເພາະໃນຊ່ວງເວລາພັກຜ່ອນເປັນຊ່ວງທີ່ຮ່າງກາຍສ້ອມແປງພາກສ່ວນທີ່ຊຸດໂຊມໂດຍສະເພາະຊ່ວງເວລາ 11 ໂມງກາງຄືນຫາ 4 ໂມງເຊົ້າຈະເປັນເວລາຂອງຜິວພັນຢ່າງແທ້ຈິງ. ວິທີເຮັດໃຫ້ໜ້າໃສ ໂດຍການຮັບປະທານຜັກໝາກໄມ້ສົດທີ່ຫຼາກຫຼາຍ. ໂດຍສະເພາະໃນກຸ່ມທີ່ອຸດົມໄປດ້ວຍໄຟເບີ ເພາະບໍ່ພຽງແຕ່ໄດ້ຮັບວິຕາມິນທີ່ຈໍາເປັນຕໍ່ຜິວພັນແລ້ວຍັງຊ່ວຍໃຫ້ລະບົບການຂັບຖ່າຍເປັນປົກກະຕິ ແຕ່ຖ້າເປັນຜັກ, ໝາກໄມ້ທີ່ມີວິຕາມິນເອ, ວິຕາມິນຊີ, ວິຕາມິນອີ ແລະ ແຄໂລທີນຍິ່ງຈະຊ່ວຍສົ່ງເສີມການເບິ່ງແຍງຜິວພັນ, ປົກປ້ອງຜິວພັນຈາກອະນຸມູນອິດສະລະໄດ້ອີກດ້ວຍ. ວິທີເຮັດໃຫ້ໜ້າໃສ ໂດຍການດື່ມນໍ້າມື້ລະປະມານ 1.5-2 ລິດ. ເພື່ອເປັນການລ້າງຂອງເສຍອອກຈາກພາຍໃນ ເພື່ອຜິວພັນຂາວໃສສູ່ພາຍນອກເຊິ່ງວິທີດື່ມນໍ້າທີ່ຖືກວິທີເຮົາຕ້ອງຈິບເລື່ອຍໆບໍ່ແມ່ນຈະດື່ມເທື່ອລະຈອກໃຫຍ່ໆ ແລະ ບໍ່ຄວນດື່ມນໍ້າສະເພາະເວລາທີ່ຮູ້ສຶກຢາກດື່ມເທົ່ານັ້ນ ໂດຍສະເພາະຜູ້ທີ່ເຮັດວຽກໃນຫ້ອງແອ ເພາະຜິວພັນຈະເສຍນໍ້າ ແລະ ຄວາມຊຸ່ມໄປໂດຍບໍ່ຮູ້ຕົວ. ວິທີເຮັດໃຫ້ໜ້າໃສ ໂດຍຫຼີກລ້ຽງແສງແດດ ແລະ ໃຊ້ຄີມກັນແດດເປັນປະຈໍາ. ການໃຊ້ຄີມກັນແດດທີ່ດີບໍ່ຈໍາເປັນຕ້ອງເລືອກຄີມກັນແດດທີ່ມີຄ່າ SPF ສູງຈົນເກີນໄປເພາະຖ້າ SPF ສູງສານເຄມີກໍ່ຫຼາຍ ຄ່າ …

7 ນິໄສເລື່ອງຄວາມງາມ ທີ່ຫ້າມເຮັດເດັດຂາດ!!! ໃຊ້ຄວາມຮ້ອນກັບເສັ້ນຜົມຕອນເສັ້ນຜົມປຽກ. ບາງທ່ານຢາກຫຼຸດເວລາທີ່ຈະເຮັດໃຫ້ເສັ້ນຜົມແຫ້ງໄວຂຶ້ນໂດຍການໃຊ້ເຄື່ອງລີດຜົມ, ໄດລີດຜົມເພື່ອຫວັງວ່າຄວາມຮ້ອນຈະຊ່ວຍໃຫ້ເສັ້ນຜົມແຫ້ງໄດ້ໄວຂຶ້ນ ແລະ ຈັດຊົງໄປໃນຕົວ ແຕ່ທ່ານຮູ້ບໍ່ວ່າເສັ້ນຜົມຂອງເຮົານັ້ນອ່ອນແອທີ່ສຸດໃນເວລາທີ່ມັນກໍາລັງປຽກ ແລະ ຖ້ານໍາເອົາຄວາມຮ້ອນໄປກະທົບໃສ່ກັບໂມເລກຸນຂອງນໍ້າຈະເຮັດໃຫ້ນໍ້າຮ້ອນຂຶ້ນລະເຫີຍອອກໄປ ແລະ ນໍາພາຄວາມຊຸ່ມຊື່ນອອກຈາກເສັ້ນຜົມໄປນໍາເສັ້ນຜົມຈຶ່ງແຫ້ງເສຍແຕກປາຍງ່າຍຂຶ້ນ. ແຖຂົນເທິງໃບໜ້າ. ໃຜທີ່ຄິດຈະແຖຂົນໜ້າຕົນເອງດ້ວຍການໃຊ້ມີດແຖນັ້ນໃຫ້ຢຸດຄິດໄດ້ເລີຍ ແມ່ນຢູ່ວ່າການໃຊ້ມີດແຖຂົນນັ້ນມັນອາດຈະໄວ ແລະ ສະດວກສະບາຍແຕ່ໃຫ້ຍົກເວັ້ນການແຖຂົນໃບໜ້າການແຖຂົນເທິງໃບໜ້າຈະເຮັດໃຫ້ຂົນທີ່ຂຶ້ນມາໃໝ່ກາຍເປັນສ້ຽນນ້ອຍໆ ແລະ ສ່ຽງຕໍ່ການເປັນບາດແຜເພາະຖືກມີດແຖບາດ. ບີບສິວ. ຖ້າທ່ານໃດຄິດທີ່ຈະກໍາຈັດສິວດ້ວຍການບີບມັນອອກມາ ທ່ານຮູ້ບໍວ່າຈະເຮັດໃຫ້ເກີດຮອຍດຳ ແລະ ຮອຍແຜເປັນທີ່ປິ່ນປົວໄດ້ຍາກກວ່າເກົ່າ. ບໍ່ເຮັດຄວາມສະອາດອຸປະກອນແຕ່ງໜ້າ. ທ່ານຮູ້ບໍວ່າຖ້າຫາກທ່ານບໍ່ເຮັດຄວາມສະອາດອຸປະກອນແຕ່ງໜ້າເລີຍນັ້ນມັນຈະກາຍເປັນແຫຼ່ງຕົກຄ້າງຂອງເຄື່ອງສໍາອາງເມື່ອປະສົມກັບຄວາມມັນ ແລະ ເຊວຜິວໜັງທີ່ຕາຍແລ້ວຈາກຜິວໜ້າຈະຖືກສະສົມຢູ່ເທິງອຸປະກອນແຕ່ງໜ້າມັນອາດຈະກາຍເປັນແຫຼ່ງສະສົມຂອງເຊື້ອພະຍາດ ແລະ ອາດເປັນສາເຫດໜຶ່ງທີ່ເຮັດໃຫ້ສິວເກີດຂຶ້ນໄດ້. ນອນທັງທີ່ຍັງແຕ່ງໜ້າ. ບາງຄົນຫຼັງຈາກໄປທ່ຽວກັບມາກໍເຂົ້ານອນເລີຍໂດຍທີ່ບໍ່ໄດ້ລ້າງເຄື່ອງສໍາອາງອອກ ເພາະອາດຈະຄິດວ່າການໄດ້ພັກຜ່ອນໃຫ້ພຽງພໍນອນຫຼັບໃຫ້ເຕັມອີ່ມພຽງເທົ່ານີ້ກໍຈະເຮັດໃຫ້ຜິວໜ້າສົດໃສໜ້າຕາສົດຊື່ນໄດ້ແລ້ວ ແຕ່ທ່ານຮູ້ບໍ່ວ່າການລ້າງເຄື່ອງສໍາອາງນີ້ກໍເປັນເລື່ອງທີ່ສໍາຄັນເຖິງແມ່ນວ່າທ່ານຈະໄດ້ພັກຜ່ອນໄດ້ນອນເຕັມອີ່ມປານໃດ  ແຕ່ຖ້ານອນຫຼັບທັງທີ່ມີເຄື່ອງສໍາອາງຢູ່ນັ້ນມັນມີໂອກາດທີ່ຈະເຮັດໃຫ້ຜິວໜ້າໝອງຄໍ້າ ແລະ ສິວກໍອາດຈະເກີດຂຶ້ນມາອີກດ້ວຍ. ແຕ່ງໜ້າທັບລົງໃບໜ້າທີ່ມີ Make-up ຢູ່ແລ້ວ. ການແຕ່ງໜ້າທັບລົງໃບໜ້າທີ່ມີ Make-up ຢູ່ແລ້ວນັ້ນໃຊ້ໄດ້ຖ້າເປັນການແຕ່ງແບບເພີ່ມເລັກໆນ້ອຍໆເຊັ່ນ: ການເພີ່ມສີໜ້າ, ເພີ່ມຄິ້ວ, ເພີ່ມສີປາກ, ເພີ່ມສີຂອບຕາ ແຕ່ຖ້າເປັນການແຕ່ງແບບທາຄຣີມຮອງພື້ນ, ທາແປ້ງເພີ່ມນັ້ນຈະເຮັດໃຫ້ຜິວໜ້າຂອງທ່ານນັ້ນໝອງຄໍ້າ …

    ແຕ່ງໜ້າໃຫ້ຖ່າຍຮູບພາບງາມ ປັດຈຸບັນນີ້ ເຮົາຢູ່ໃນໂລກຂອງການຖ່າຍຮູບພາບບໍ່ວ່າຈະໄປໃສ ຫຼື ເຮັດຫຍັງເຮົາກໍຖ່າຍຮູບພາບເຖິງແມ່ນວ່າເຮົາບໍ່ຖ່າຍໝູ່ເພື່ອນກໍຖ່າຍແຕ່ເມື່ອຖ່າຍອອກມາແລ້ວມັນອາດຈະບໍ່ງາມ ແລະ ມື້ນີ້ເວັບໄຊ້ ວາລະສານ ຂັວນໃຈ ໄດ້ນໍາເອົາວິທີໃນການແຕ່ງໜ້າແນວໃດເພື່ອເວລາຖ່າຍຮູບພາບອອກມາແລ້ວງາມມາຝາກ. ເຮັດໃຫ້ດວງຕາສົດໃສ: ການເຮັດໃຫ້ດວງຕາສົດໃສ ບໍ່ອິດເມື່ອຍ ຫຼື ດວງຕາຂຸ້ນມົວ ເປັນຫົວໃຈສໍາຄັນຂອງການຖ່າຍຮູບພາບ ເພາະຖ້າດວງຕາສົດໃສພາກສ່ວນອື່ນໆຂອງໃບໜ້າກໍງາມຄືກັນ ວິທີສ້າງຄວາມສົດໃສໃຫ້ດວງຕາກໍຄື ຢອດນໍ້າຢາຢອດຕາເຢັນໆລົງໄປປະມານຢອດໜຶ່ງສອງຢອດກ່ອນເລີ່ມແຕ່ງໜ້າ. ກຽມຜິວພັນໃຫ້ນຸ້ມນຽນ ບໍ່ແຫ້ງ: ດ້ວຍການລ້າງໜ້າໃຫ້ສະອາດ ແລະ ມາດສ໌ໜ້າປະມານ 10-15 ນາທີ ເພື່ອຄວາມພ້ອມ ຫຼື ອາດຈະໃຊ້ຄີມບໍາລຸງຜິວພັນເພີ່ມຄວາມຊຸ່ມໃຫ້ກັບໃບໜ້າກໍ່ໄດ້. ເລືອກຮອງພື້ນໃຫ້ເໝາະສົມກັບສະພາບຜິວພັນ ແລະ ສີຜິວພັນ: ຢ່າໃຊ້ສີທີ່ຈາງເກີນໄປ ແລະ ບໍ່ເຂັ້ມຈົນເກີນໄປເລືອກສູດທີ່ເໝາະສົມກັບສະພາບຜິວພັນຢ່າໃຫ້ມັນ ຫຼື ສະທ້ອນແສງຫຼາຍເກີນໄປ. ທາຄອນຊີເລີ (Concealer) ໃນຈຸດທີ່ຕ້ອງການເນັ້ນໃຫ້ເດັ່ນ: ໃຊ້ໃນປະລິມານພຽງເລັກໜ້ອຍກໍ່ພໍ ແລະ ຕ້ອງໃຫ້ເຂົ້າກັບສີຜິວທໍາມະຊາດ ທາໃຫ້ສະໝໍ່າສະເໝີຢ່າໃຫ້ເຫັນເປັນຈຸດ. Highlights ໃນຈຸດສໍາຄັນ ເຊັ່ນ: ບໍລິເວນແກ້ມ, …

ເຄັດລັບເບິ່ງແຍງໜ້າໃສກ່ອນນອນ ເຄັດລັບໜ້າໃສມີຢູ່ຫຼາຍຮູບແບບ ຕັ້ງແຕ່ສະໝຸນໄພບູຮານທີ່ຊອກຫາໄດ້ງ່າຍໃນຫ້ອງຄົວ ຄີມບໍາລຸງສູດຕ່າງໆ, ເຄື່ອງສໍາອາງແຕ້ມສີສັນເທິງໜ້າໄປຈົນເຖິງນະວັດຕະກໍາທຣີດເມ້ນຜິວໜ້າໃຫ້ງາມສົດໃສ, ແຕ່ຫຼາຍທ່ານຄົງຈະລືມໄປວ່າ ການເບິ່ງແຍງຜິວພັນໜ້າໃຫ້ໃສນັ້ນບໍ່ແມ່ນພຽງແຕ່ບໍາລຸງຢ່າງດຽວ ຄວນໄດ້ຮັບການພັກຜ່ອນເບິ່ງແຍງຮັກສາຄວາມສະອາດເຊິ່ງຖືວ່າເປັນສິ່ງທີ່ສໍາຄັນທີ່ບໍ່ແພ້ການເບິ່ງແຍງຜິວພັນແບບອື່ນໆ ໂດຍສະເພາະກ່ອນນອນທ່ານໄດ້ເບິ່ງແຍງຜິວພັນໜ້າທ່ານເປັນຢ່າງດີແລ້ວ ຫຼື ຍັງ ເຮົາມີເຄັດລັບການເບິ່ງແຍງເຮັດຄວາມສະອາດຜິວພັນໜ້າຢ່າງຖືກວິທີມາແນະນໍາ ເພື່ອທີ່ຈະໄດ້ມີໃບໜ້າທີ່ງາມໃສບໍ່ມີໃຫ້ຮິ້ວຮອຍ. ເຄັດລັບໜ້າຂາວໃສ: ຂັ້ນຕອນທີ 1: ການບໍາລຸງຜິວໜ້າຂຶ້ນຢູ່ກັບການເລືອກຜະລິດຕະພັນທີ່ເໝາະສົມກັບຜິວໜ້າຂອງແຕ່ລະຄົນ. ຂໍ້ແນະນໍາເພີ່ມເຕີມສໍາລັບຄົນທີ່ມີຜິວໜ້າແຫ້ງ ຫຼື ຜິວພັນທີ່ແພ້ງ່າຍໃຫ້ເລືອກໃຊ້ຜະລິດຕະພັນທີ່ມີສ່ວນປະສົມຂອງນໍ້ານົມເປັນຫຼັກ ເພາະຈະຊ່ວຍເຮັດຄວາມສະອາດ ແລະ ເພິ່ມຄວາມຊຸ່ມໃຫ້ກັບຜິວເຮົາອີກດ້ວຍ ສໍາລັບຄົນຜິວໜ້າມັນໃຫ້ເລືອກໃຊ້ຜະລິດຕະພັນທີ່ມີສ່ວນປະສົມຂອງນໍ້າເຜິ້ງເປັນຫຼັກ ຈະຊ່ວຍຄວບຄຸມຄວາມມັນເທິງໃບໜ້າໄດ້ອີກດ້ວຍ. ຂັ້ນຕອນທີ 2: ການເຮັດຄວາມສະອາດໃບໜ້າມີເລື່ອງທີ່ຕ້ອງໃສ່ໃຈຢູ່ 2 ເລື່ອງຄື: ການໃຊ້ Cleansing ໃຫ້ນວດທາປະໄວ້ 30 ວິນາທີ – 60 ວິນາທີ ເພື່ອໃຫ້ເນື້ອຄີມລະລາຍສິ່ງເປິະເປື້ອນເຄື່ອງສໍາອາງ, ຄາບໄຂມັນອຸດຕັນ. ການລ້າງໜ້າ ຄວນລ້າງໜ້າຄ່ອຍທີ່ສຸດ, ບໍ່ຂັດຖູແຮງເພາະຈະເຮັດໃຫ້ເກີດຮິ້ວຮອຍໄດ້ງ່າຍ ຢ່າໃຊ້ນິ້ວຊີ້ກັບນິ້ວໂປ້ເພາະຈະມີແຮງເນັ້ນຫຼາຍ ອັນເປັນສາເຫດຂອງຮິວຮອຍໃຊ້ພຽງນິ້ວກາງ ແລະ ນິ້ວນາງໂດຍເລິ່ມໝຸນນິ້ວມືອອກເປັນວົງອ້ອມ ເລີ່ມຈາກບໍລິເວນຄາງນວດຄ່ອຍໆໄລ່ຂຶ້ນໄປຕາມແກ້ມໄລ່ຈາກບໍລິເວນຈຸດກາງໄປຕາມລາຍກ້າມຊີ້ນອອກໄປທາງດ້ານຂ້າງໄລ່ໄປທີ່ໜ້າຜາກເປັນການຕ້ານແຮງໂນ້ມອາດຈະເນັ້ນບໍລິເວນຮ່ອງດັງເພື່ອປ້ອງກັນການເກີດສິວສ້ຽນ ສ່ວນວິທີການລ້າງອອກນັ້ນໃຫ້ກອບເອົານໍ້າແປະຜິວໜ້າລູບຄ່ອຍໆຫ້າມຖູເພາະຈະເຮັດໃຫ້ເກີດຮິ້ວຮອຍເຊັ່ນກັນ. ຈາກນັ້ນປ່ອຍໃຫ້ຜິວໜ້າເຮົາໄດ້ພັກຜ່ອນດ້ວຍການເຂົ້ານອນແຕ່ຫົວຄໍ່າເພື່ອໃຫ້ຮ່າງກາຍໄດ້ຟື້ນຟູສະພາບຜິວພັນ …