Beauty

ສະບາຍດີສາວແຟນຂວັນໃຈ ໄລຍະນີ້ກໍເປັນໄລຍະທີ່ນ້ອງໆນັກສຶກສາ ໃນແຕ່ລະສະຖາບັນເລີ່ມທະຍອຍກັນຮັບໃບປະກາສະນີຍະບັດກັນແລ້ວ ສໍາລັບນ້ອງໆຄົນໃດທີ່ໄດ້ຮັບໄປແລ້ວແອັດພ້ອມດ້ວຍທີມງານກໍຂໍສະແດງຄວາມຍິນດີ ແລະ ດີໃຈກັບນ້ອງໆທີ່ປະສົບຜົນສໍາເລັດອີກຂັ້ນໜຶ່ງໄປແລ້ວ (ຂັ້ນຕໍ່ໄປຄືຊອກວຽກໃຫ້ໄດ້ 555) ແລະ ມື້ນີ້ແອັດກໍມີເລື່ອງພາກພູມໃຈທີ່ສຸດ ມານໍາສະເໜີໃຫ້ກັບແຟນໆຂວັນໃຈກໍຄືປະຊາຊົນລາວ ໃຫ້ໄດ້ຍິ້ມດ້ວຍຄວາມພາກພູມໃຈກັບເດັກນ້ອຍລາວເຮົາ ສໍາລັບເລື່ອງດີໆໃນມື້ນີ້ກໍຄື ເລື່ອງຂອງສາວນ້ອຍ ຈາກເມືອງມໍລະດົກໂລກທີ່ມີຊື່ວ່າ ລັກສະນີ ພົງພັນ (ນ້ອງກີ່) ທີ່ກໍາລັງຖືກເວົ້າເຖິງກັນທົ່ວບ້ານທົ່ວເມື່ອງໃນຕອນນີ້ ກໍຍ້ອນວ່າສາວນ້ອຍຄົນນີ້ເປັນຄົນທໍາອິດທີ່ໄດ້ຮັບປະກາສະນີຍະບັດແດງ (ກຽດນິຍົມອັນດັບໜຶ່ງ) ຂອງສາຂາວິຊາເຄມີທົ່ວໄປ. ໃນຕອນຮຽນນາງກໍເປັນຄົນໜຶ່ງທີ່ມີໂດດເດັ່ນທາງດ້ານການຮຽນ ຈົນເຮັດໃຫ້ນາງໄດ້ຮັບທຶນການສຶກສາຈາກປະເທດຍີປຸ່ນໃນລະຫວ່າງທີ່ສຶກສາຢູ່ໃນ ມຊ ນອກຈາກນັ້ນຍັງໄດ້ຖືກຄັດເລືອກໄປທັດສະນະ ແລະ ໄປແລກປ່ຽນບົດຮຽນທີ່ຕ່າງປະເທດນຳ. ແນວໃດກໍຕ້ອງຂໍຊົມເຊີຍນຳ ນາງ ລັກສະນີ ພົງພັນ ຕໍ່ກັບຄວາມດຸໝັ່ນໃນການສຶກສາຄົ້ນຄ້ວາຈົນຍາດໄດ້ປະກາສະນີຍະບັດແດງ ອ່ານແລ້ວກໍຢ່າລືມກົດ Like and Share ເພື່ອເປັນການສະແດງວ່າ ຄົນລາວເຮົາເກັ່ງ ເດັກນ້ອຍລາວກໍບໍ່ໄດ້ນ້ອຍໜ້າປະເທດ. ຍັງບໍ່ໝົດເດີ່ ລືມບອກເລື່ອງໜຶ່ງ ຄືວ່ານາງບໍ່ໄດ້ຈົບການສຶກສາແລ້ວໄດ້ໃບປະກາດແດງເທົ່ານັ້ນ ແຕ່ນາງຍັງໄດ້ຮັບທຶນການສຶກສາຈາກປະເທດຍີປຸ່ນ ເພື່ອໄປສຶກສາຕໍ່ ໃນລະດັບປະລິນຍາໂທ ສາຂາທີ່ນາງມັກອີກດ້ວຍ ແນວໃດກໍຢ່າລືມຕິດຕາມຜົນງານຂອງສາວນ້ອຍຄົນນີ້ໃນຕອນຕໍ່ໄປເດີ່… ສາວນ້ອຍຄົນເກັ່ງ ໃບປະກາສະນີຍະບັດແດງ …

ສະຈວດ ແລະ ສາວແອ ເປັນອາຊີບທີ່ຫຼາຍຄົນຢາກເປັນ ແລະ ກໍມີຫຼາຍຄົນທີ່ຝັນເປັນຈິງໄດ້ເຮັດອາຊີບທີ່ມັກ ດັ່ງທີ່ກ່ອນໜ້ານີ້ທີ່ເຮົາໄດ້ນໍາສະເໜີ ສາວລາວພຽງຄົນດຽວທີ່ເປັນສາວແອໃນສາຍການບິນ ກາຕາ (Qatar Airway) ເຊິ່ງທຸກຄົນກໍຮູ້ແລ້ວວ່າ ສາວລາວຄົນເກັ່ງຄົນນັ້ນກໍຄືສາວ ສຸມາໄລ ໂພທິສານ (ປຸ) ເຫັນວ່າຫຼາຍຄົນກໍໃຫ້ຄວາມສົນໃຈຫຼາຍ. ມື້ນີ້ ເຮົາກໍເລີຍຢາກຈະມາແນະນໍາໃຫ້ຮູ້ຈັກກັບບ່າວລາວພຽງຄົນດຽວໃນສາຍການບິນດຽວກັນນີ້ ນັ້ນກໍຄືບ່າວຄົນນີ້ “ລໍາພອນ ຫຼວງລາຊາ” ສະຈວດທີ່ເປັນບ່າວລາວພຽງຄົນດຽວໃນສາຍການບິນ ກາຕາ (Qatar Airway) ສາຍການບິນລະດັບ 5 ດາວ ເຊື່ອວ່າຫຼາຍຄົນທີ່ໄດ້ອ່ານບົດຄວາມແນະນໍາ ສາວປຸ ແລ້ວ ຄົງຈະຮູ້ຈັກກັນໄປແລ້ວກ່ຽວກັບສາຍການບິນນີ້ ແອັດເລີຍຈະບໍ່ແນະນໍາຄືນເດີ່! ແນວໃດກໍຕາມ ກໍຂໍຊົມເຊີຍໃນຄວາມຮູ້ ແລະ ຄວາມສາມາດຂອງຄົນລາວເຮົາ ທີ່ເຮັດໃຫ້ເຫັນວ່າ ຄົນລາວເຮົາກໍເກັ່ງບໍ່ໄດ້ດ້ອຍໄປກວ່າຊາດໃດໃນໂລກ! ອ້າວ ຈະຖ້າຫຍັງກໍຕົບມືຊົມເຊີຍລະແມ໋ະ! ແຕ່ຖ້າຕົບມືຢ້ານເພິ່ນບໍ່ຮູ້ກໍກົດ Like and Share ໃຫ້ຫຼາຍຄົນໄດ້ຮູ້ ເພາະເຊື່ອວ່າໃນປະເທດເຮົາຍັງມີອີກຫຼາຍຄົນທີ່ມີທັງຄວາມເກັ່ງ ແລະ ຄວາມສາມາດ …

ສາວໆ Fashions ຊົງຜົມນີ້ຊ່າງມີສະເໜ່ຢູ່ຕະຫຼອດທຸກມື້ ບໍ່ວ່າຈະເປັນເທຼນຊົງຜົມ ຜົມໜ້າມ້າ ຫຼືແມ່ນແຕ່ສີຜົມຕ່າງໆທີ່ອອກມາຫຼາຍຈົນບາງເທື່ອສາວໆ ກໍຮູ້ສຶກວ່ານໍາບໍ່ທັນ ແຕ່ມື້ນີ້ເຮົາມີເທຼນຜົມໜ້າມ້າ ທີ່ເພີ່ມຄວາມເກ໋ ຄວາມໜ້າຮັກໃຫ້ກັບສາວໆ ໄດ້ບໍ່ໜ້ອຍເລີຍ! ຢາກຮູ້ວ່າມີແບບໃດແດ່ເຮົາໄປເບິ່ງພ້ອມກັນເລີຍດີກວ່າ!!! ໝາຍເຫດ: ມັກຊົງໃດກໍໄປລອງເຮັດກັນເບິ່ງໄດ້ເດີ່ສາວໆ!!! ບໍ່ຫວງຈ໊າ ສາຍແບ້ວກໍາລັງມາ ໜ້າຮັກໃສໆໄວລຸ່ນມັກ ຮິບເຕີກໍ່ມາເດີ່ ແອບເຊັກຊີ່ ເບິ່ງຈາກຊົງ ຫວານໆ ອອກແນວໆ ເທ່ໆ ແບ້ວໄດ້ອີກ ໂກງອາຍຸໃຫ້ນ້ອຍລົງ ແບບນີ້ກະໂອ ໜ້າມ້າແບບໜາໆ ໜ້າມ້າໜາກັບຜົມດໍາກະຜ່ານ ຜົມສັ້ນກໍໄດ້ ດັດລອນເຮັດໃຫ້ເປັນຜູ້ໃຫຍ່ຂຶ້ນ ເບິ່ງໜ້າລຽວແຫຼມຂຶ້ນ ໜ້າມ້າກັບຜົມສີເທົາຜ່ານບໍ່?? ນ້ອງໝວຍກໍເຮັດ ມີຄວາມເຊັກຊີ່ ຫວານໆແບບຜູ້ໃຫຍ່ ໜ້າເດັກລົງໄດ້ອີກ ເຊີໆ Style ສາວຍີ່ປຸ່ນ By: BeautyGuru ຂອບໃຈຮູບຈາກ: Spice

ຄໍາກໍເຕ້ຍ ສອງຄໍາກໍເຕ້ຍ! ຈະຢິບຈະຈັບຫຍັງມາໃສ່ກໍຕັນໄປໝົດ ບໍ່ງາມ ບໍ່ໝັ້ນໃຈເລີຍ! ສາວໆຕົວນ້ອຍຄົງເຄີຍພົບບັນຫາໃນເລື່ອງຂອງການເລືອກເສື້ອຜ້າຢູ່ເປັນປະຈໍາເຊັ່ນ: ອັນທີ່ມັກພັດໃສ່ບໍ່ໄດ້ ອັນທີ່ໃສ່ໄດ້ກໍເປັນໄຊ້ຂອງເດັກນ້ອຍ! ມື້ນີ້ ຂວັນເພື່ອນຮູ້ໃຈຂອງສາວທັນສະໄໝເລີຍຢາກຈະມາເອົາໃສສາວຕົວບາງ ຮ່າງນ້ອຍທີ່ຢາກແຕ່ງຕົວໃຫ້ເບິ່ງເປັນສາວແບບໝັ້ນໆ, ຈ່ອຍໆ, ສູງໆ ໂດຍບໍ່ຕ້ອງງໍ້ສົ້ນສູງ ແລະ ມຸມກ້ອງ ລອງໄປເບິ່ງກັນເລີຍວ່າວ່າຕ້ອງແຕ່ງແນວໃດແດ່? ແຕ່ງຢີນໝົດຕົວ ແຖມດ້ວຍເກີບຜ້າສີຂາວ ຢີນຂາສັ້ນກັບເສື້ອຢືດສີຂາວ ແຖມດ້ວຍຢີນຕົວຍາວເພີມຄວາມສູງ ໃສ່ແບບຮັດໄປເລີຍ ໃຫ້ເຫັນຫູ່ນບາງໆພຽວໆ ແບ້ວໆ ດ້ວຍກະໂປງຊົງ A ເຮັດໃຫ້ເບິ່ງຂາຍາວ ແລະ ສູງຂຶ້ນ ຫຼືຈະເປັນສະເກິດຍາວແຍກຂາຈັກໜ້ອຍ ເພື່ອໃຫ້ເບິ່ງເຫັນຍາວຂາວໆ ຢີນຂາສັ້ນກັບເສື້ອຄອບແອວ ເຮັດໃຫ້ເບິ່ງເຫັນແອວງາມ ແລະ ຂາຍາວ ຢີນສີຈາງກັບເສື້ຶອສີດໍາເຂັ້ມເຂົ້າກັນ ໃຜກໍຮູ້!! ໜ້າຮັກໃສໆຕ້ອງແບບນີ້ ສູງຂຶ້ນໄດ້ອີກ ລຽບໆ ແຕ່ກະສູງຂຶ້ນ ເອົາລະແມະ! ເສື້ອຕົວໃຫຍ່ກັບຢີນຮັດຮູບຂາດຂາ ເທ່ໆ ເຊີໆ ສູງໆ ເອົາບໍ່? ກັບອ້ຽມແບບຂາຍາວພັບຂາຈັກໜ້ອຍ ກໍຊ່ວຍໄດ້ ອ້ຽມຂາສັ້ນບໍ່ໄດ້ເຮັດໃຫ້ຂາສັ້ນເຂົ້າເດີ່!! …

ສະບາຍດີສາວໆ ມື້ນີ້ມາພົບກັນແອັດຄົນຂີ້ລ້າຍຄົນເກົ່າ ມື້ນີ້ ກໍຈະບໍ່ຂໍເວົ້າຫຍັງຫຼາຍ ຂໍເຂົ້າເລື່ອງເລີຍກໍຄື ຢາກຈະມາແນະນໍາໃຫ້ຮູ້ຈັກກັບ “ບ່າວສະຈວດລາວ ໃນສາຍການບິນລະດັບໂລກ” ຄືດັ່ງຫົວຂໍ້ທີ່ກ່າວມາເລີຍເນາະ! ເຊິ່ງອ້າຍບ່າວຄົນທີ່ກໍາລັງຖືກເວົ້າເຖິງຢູ່ຄົນນັ້ນກໍຄື ບ່າວ “ອານັນ ສິງສະຫວ່າງ” ນັ້ນເອງ ບ່າວຄົນນີ້ເປັນຄົນລາວໂດຍກໍາເນີດ ແຕ່ກ່ອນກໍເຄີຍເຫັນຄຸ້ນໜ້າຄຸ້ນຕາກັນຢູ່ ໃນວົງການບັນເທີງບ້ານເຮົາກໍຄື ບົດບາດການເປັນ MC ນັ້ນເອງ ແຕ່ບໍ່ແນ່ໃຈວ່າປັດຈຸບັນບ່າວຄົນນີ້ຍັງເຮັດໜ້າທີ່ນີ້ເປັນງານອະດິເລກຢູ່ບໍ່? ແຕ່ກໍຊ່າງເນາະເພາະເຮົາບໍ່ໄດ້ເນັ້ນໜັກແຕ່ທີ່ເຮົາເນັ້ນກັນໃນມື້ນີ້ ກໍຄືອາຊີບຫຼັກຂອງທ້າວທີ່ວ່າໄດ້ສັງກັດເປັນສະຈວດຢູ່ໃນສາຍການບິນລະດັບໂລກ ແລະ ກໍຄາດວ່າໜ້າຈະເປັນຄົນລາວພຽງຄົນດຽວໃນຕອນນີ້ທີ່ສັງກັດຢູ່ສາຍການບິນດັ່ງກ່າວ ແລະ ສາຍການບິນທີ່ກ່າວເຖິງຢູ່ນີ້ກໍຄື Emirates Airway (ສາຍການບິນ ອາມິເຣດ) ເປັນສາຍການບິນຂອງ ສະຫະຣັດອາຣັບອາມິເຣດ ທີ່ໃຫ້ບໍລິການເຖິງ 87 ຈຸດ ໃນ 59 ປະເທດທົ່ວໂລກ (ເຊື່ອວ່າຫຼາຍຄົນຕ້ອງຮູ້ຈັກເປັນຢ່າງດີ ເພາະເປັນສາຍການບິນທີ່ໄດ້ຮັບການຍອມຮັບຈາກທົ່ວໂລກແລ້ວ) ນອກນັ້ນຍັງມີສະໜາມບິນຢູ່ທີ່ປະເທດ ດູໄບ ທີ່ໃຫ້ບໍລິການທາງດ້ານການຂົນສົ່ງສິນຄ້ານັ້ນເອງ. ແນວໃດກໍຕາມແຕ່ ເອົາເປັນວ່າເຮົາໄປເບິ່ງໜ້າເບິ່ງຕາຂອງ ອານັນ ກັນດີກວ່າ! ວ່າຈະມີໜ້າຕາອັນເຈົ້າຊູ້ ຫຼືມີແວວຄວາມສາມາດສູງຂະໜາດໃດ!!! …