Career Advice

ສໍາລັບສາວໆຜູ້ທີ່ມີນິໄສມັກເກັບຕົວ ຫຼືມີບັນຫາໃນການສື່ສານກັບຄົນອື່ນ ຍິນດີນໍາເດີ້… ເຈົ້າມີຄວາມຫວັງແລ້ວ!! ສະເໜ່ບໍ່ແມ່ນຄຸນສົມບັດທີ່ຕິດຕົວຄົນເຮົາມາຕັ້ງແຕ່ເກີດ ແຕ່ມັນເປັນຜົນລັບຈາກພຶດຕິກໍາການຮຽນຮູ້ຕ່າງຫາກ ແລະ ນີ້ຄື 9 ວິທີສ້າງສະເໜ່ໃຫ້ເຈົ້າຕົວເອງຈ່າາາາ ໃຊ້ຄໍາເວົ້າທີ່ຄົນອື່ນໆສາມາດເຂົ້າໃຈໄດ້: ການສື່ສານທີ່ມີປະສິດທິພາບສູງສຸດຄື ການໃຊ້ພາສາທີ່ຊັດເຈນ ເຂົ້າໃຈງ່າຍ ແທນທີ່ຈະເປັນພາສາທີ່ຄຸມເຄືອ ສະແດງຄວາມຮູ້ສຶກຂອງຕົວເອງ: ຜູ້ທີ່ມີສະເໜຈະສະແດງຄວາມຮູ້ສຶກຂອງຕົວເອງອອກມາຢ່າງເປັນທໍາມະຊາດ ແລະ ຈິງໃຈ ເຊິ່ງຈະສົ່ງຜົນຕໍ່ອາລົມ ແລະ ຄວາມຮູ້ສຶກຂອງອີກຝ່າຍນໍາ ນີ້ຄືການແຜ່ລະບາດທາງອາລົມ ຫຼື ການຮຽນແບບ ແລະ ເຊື່ອມຕໍ່ອາລົມ ດັ່ງນັ້ນ ຖ້າເຈົ້າຮູ້ສຶກຕື່ນເຕັ້ນຄົນອື່ນກໍຈະຮູ້ສຶກຕື່ນເຕັ້ນໄປນໍາ ເວົ້າເຖິງສັກກາຍະພາບຂອງເຈົ້າ ເພາະມັນໜ້າປະທັບໃຈກວ່າຄວາມສໍາເລັດທີ່ເຈົ້າສະສົມມາ: ຄວາມສໍາເລັດບໍ່ແມ່ນສິ່ງທີ່ດຶງດູດຄວາມສົນໃຈຂອງຄົນອື່ນ ແຕ່ເປັນຄວາມສາມາດຂອງເຈົ້າຕ່າງຫາກ ເບິ່ງຄືວ່າຄວາມບໍ່ແນ່ນອນທີ່ມາພ້ອມກັບໂອກາດ ຈະໜ້າສົນໃຈກວ່າການສະທ້ອນເຖິງຄວາມເປັນຈິງທີ່ມີຢູ່ແລ້ວ ຮຽນແບບຄົນທີ່ກໍາລັງໂອ້ລົມຢູ່ນໍາ: ກຸ່ມນັກຈິດຕະວິທະຍາພົບວ່າ ເມື່ອຄົນສອງຄົນກໍາລັງໂອ້ລົມກັນໄດ້ແບບເຂົ້າຂາກັນດີ ພວກເຂົາຈະເລີ່ມຮຽນແບບທ່າທາງຂອງອີກຝ່າຍ ເຊິ່ງເປັນສັນຍານບົ່ງບອກເຖິງຄວາມເຊື່ອໃຈ ຖ້າອີກຝ່າຍນັ່ງໄຂວ່ຂາ ເຈົ້າກໍຈະນັ່ງໄຂ່ວຂາຄືກັນ ຫຼືຖ້າເຈົ້າຈິບນໍ້າດື່ມອີກຝ່າຍກໍຈະຈິບນໍ້າຄືກັນ ແລະ ຖ້າຕ້ອງການປະສົບຄວາມສໍາເລັດໃນການເຈລະຈາ ງານວິໄຈໄດ້ບອກໄວ້ວ່າ ເຈົ້າຄວນຮຽນແບບພຶດຕິກໍາຂອງຝ່າຍກົງກັນຂ້າມ ອ້າແຂນກວ້າງເພື່ອສົ່ງສັນຍານວ່າເຈົາຍິນດີຕ້ອນຮັບ: ຜູ້ຊ່ຽວຊານດ້ານພາສາກາຍເຫັນດີນໍາວ່າ ການສະແດງທ່າທາງຍ່ອມເຫັນໄດ້ຊັດເຈນກວ່າຄໍາເວົ້າ ການເອົາມືລ້ວງກະເປົາ ແລະ ຫໍ່ບ່າໄຫຼ່ ຄືການສົ່ງສັນຍານວ່າ ເຈົາບໍ່ສົນໃຈ ແຕ່ການອ້າແຂນກວ້າງຈະເປັນການສື່ວ່າ ເຈົາພ້ອມແລ້ວ …

ໃນໂລກຂອງການເຮັດວຽກ ເຮົາຄວນຕັ້ງເປົ້າໝາຍ ກຳນົດທິດທາງໃນການເຮັດວຽກ ເພື່ອໃຫ້ໄປເຖິງຈຸດໝາຍໄດ້ໃນເວລາທີ່ກຳນົດ ຜູ້ທີ່ປະສົບຄວາມສຳເລັດໃນການເຮັດວຽກນັ້ນ ມີວິທີການປະຕິບັດຕົວດັ່ງຕໍ່ໄປນີ້: ທ່ານຈະເຮັດວຽກໄດ້ດີຄື ຕ້ອງມ່ວນຊື່ນໄປກັບວຽກທີ່ເຮັດ ເມື່ອທ່ານເຮັດວຽກດ້ວຍຄວາມມ່ວນຊື່ນ ທ່ານຈະມີແຮງຂັບເຄື່ອນ ໃນຄວາມພະຍາຍາມ. ຕ້ອງໃສ່ຄວາມຈິງຈັງມຸ່ງໝັ້ນສູ່ຄວາມສຳເລັດລົງໄປດ້ວຍຄວາມພາກພຽນພະຍາຍາມ ຈະນຳພາທ່ານໄປພົບກັບຄວາມສຳເລັດໃນທີ່ສຸດ. ຄວາມເຊື່ອໝັ້ນໃນຕົນເອງຕ້ອງມີຢູ່ສະເໝີ ເພາະນັ້ນຈະເຮັດໃຫ້ທ່ານກ້າຄິດກ້າທຳ ແລະ ກ້າຮັບຜິດຊອບ ເຊິ່ງຈະເຮັດໃຫ້ທ່ານໄດປຽບກວ່າຄົນອື່ນໆ. ມີຄວາມຄິດສ້າງສັນ ປະດິດ ຫຼື ສ້າງນະວັດຕະກຳໃໝ່ໆຂຶ້ນ ຖ້າທ່ານເປັນນັກຄິດຮັບຮອງໄດ້ວ່າຈະສຳເລັດ. ການປັບຕົວໄດ້ໄວວາ ເພາະຄົນຈາກຫຼາກຫຼາຍສັງຄົມມາຢູ່ລວມກັນໃນສັງຄົມໃໝ່. ເປັນຄົນທີ່ຄິດບວກ ແລະ ສະແດງທ່າທີໃນທາງບວກ ບໍ່ຫຍໍ້ທໍ້ຕໍ່ອຸປະສັກ ມີມະນຸດສຳພັນດີ ເປັນທີ່ຮັກ ແລະ ຊື່ນຊົມຂອງຄົນອ້ອມຂ້າງ. ມີລະບຽບວິໄນເຊັ່ນ: ຕ້ອງມາເຮັດວຽກໃຫ້ກົງເວລາ, ສົ່ງວຽກກົງເວລາ, ປະຕິບັດຕາມກົດບໍລິສັດຢ່າງເຄັ່ງຄັດ. ມີຄວາມຊື່ສັດ ແລະ ຊ່ວຍເຫຼືອຜູ້ອື່ນໃຫ້ປະສົບຄວາມສຳເລັດ ຄົນດີມີນ້ຳໃຈ ຢູ່ໃສກະມີແຕ່ຄົນຮັກເອັນດູ ແລະ ຄອຍສະໜັບສະໜູນ. ກ້າຫານທີ່ຈະສ່ຽງ ແນ່ນອນວ່າບໍ່ມີວຽກໃດຈະລຽບງ່າຍໄປໝົດທຸກວຽກ ເມື່ອພົບພໍ້ກັບອຸປະສັກ ທ່ານຕ້ອງກ້າພໍທີ່ຈະສ່ຽງ. ທ່ານຄວນພັດທະນາການຕໍ່ການສື່ສານກັບຜູ້ອື່ນຢູ່ສະເໝີ ເພື່ອໃຫ້ທ່ານສາມາດຖ່າຍທອດແນວຄິດຕ່າງໆເຂົ້າເຖິງທຸກຄົນໄດ້ຢ່າງຖືກຕ້ອງ.

“ຢ່າເບິ່ງແຕ່ຈຳນວນເງິນເປັນເປົ້າໝາຍ ແຕ່ຈົ່ງຂະຫຍາຍມັນດ້ວຍຄວາມສຸກ” ເງິນບໍ່ສຳຄັນກັບຂ້ອຍຂະໜາດນັ້ນ ຄົນມັກຈະເວົ້າວ່າ “ມັນກໍເປັນພຽງແຕ່ເງິນ ແລະ “ຂ້ອຍບໍ່ໄດ້ເຮັດເພື່ອເງິນ” ຖ້າມັນເປັນແບບນັ້ນແທ້ເປັນຫຍັງຕ້ອງມານັ່ງທົນທຸກເຮັດວຽກງົກໆ ແລະ ເປັນຫຍັງຄືບໍ່ປະຕິເສດເວລາທີ່ໄດ້ຮັບເງິນເປັນຄ່າຕອບແທນ, ສະນັ້ນ ຢ່າກ່າວອ້າງຂໍ້ນີ້ເພື່ອປະຕິເສດເງິນ ເມື່ອມີໂອກາດຮັບມັນ ທ້າຍທີ່ສຸດແລ້ວມະນຸດເກີດມາຍາກທີ່ຈະຫຼີກລ່ຽງການໃຊ້ຊີວິດໂດຍປະສະຈາກເງິນໄດ້. ວິທີແກ້ໄຂ:ຢ່າດູຖູກເງິນ ແລະ ຢ່າໃຫ້ເງິນດູຖູກຕົວເຈົ້າເອງ ຂ້ອຍເຮັດວຽກໜັກເພື່ອເງິນ ສ່ວນໃຫຍ່ຄິດວ່າເຮັດວຽກໜັກເພື່ອໃຫ້ໄດ້ເງິນ ແລະ ມັກມີຄຳເວົ້າຕິດປາກເຫຼົ່ານີ້ສະເໝີ ຂອບເຂດຄວາມຄິດນີ້ ເຮັດໃຫ້ການເຮັດວຽກເປັນແບບ ໃຊ້ແຮງກາຍແລກເງິນ ຫຼາຍກວ່າການໃຊ້ຄວາມຄິດສ້າງສັນເພື່ອແລກເງິນ ທີ່ຈິງແລ້ວຄົນເຮົາບໍ່ຈຳເປັນຕ້ອງເຮັດວຽກຢ່າງໜັກເພື່ອແລກເງິນ ແຕ່ເຈົ້າຄວນໃຫ້ຄວາມສຳຄັນໃນການພັດທະນາຕົນເອງ ເພື່ອໃຫ້ເງິນເຮັດວຽກຫາລາຍຮັບໃຫ້ເຈົ້າ ເງິນມັກມາຕາມແຮງດຶງດູດຕາມຄຸນຄ່າຂອງສິ່ງນັ້ນສະເໝີ ວິທີແກ້ໄຂ:ຢ່າມົວແຕ່ຫາລາຍຮັບຈາກແຮງກາຍ ແຕ່ຄວນເນັ້ນລາຍຮັບທີ່ມາຈາກການໃຊ້ຄວາມຄິດສ້າງສັນ ເພື່ອແລກເງິນດີກວ່າ ວຽກປະຈຳຢ່າງດຽວກໍໝົດເວລາແລ້ວ ຄົນສ່ວນຫຼາຍຄິດວ່າ ໄດ້ເງິນມາຈາກແຫຼ່ງດຽວກໍພຽງພໍແລ້ວ ເຊິ່ງເປັນຄວາມຄິດທີ່ຜິດພາດໃນການເຮັດວຽກ ເຮົາຄວນປ່ຽນຄວາມຄິດຕອນນີ້ເລີຍເດີ້ສາວໆ, ຂໍໃຫ້ສາວໆຈົ່ງເຊື່ອວ່າ ຊ່ອງທາງສ້າງລາຍຮັບ ຫຼື ທີ່ມາຂອງລາຍຮັບທີ່ຫຼາກຫຼາຍ ຍ່ອມດີກວ່າຊ່ອງທາງດຽວ ຢ່າຢ້ານທີ່ຈະຊອກຫາຊ່ອງທາງລາຍຮັບອື່ນ ລຳພັງແຮງກາຍເຮົາຄົງບໍ່ພໍ ຕ້ອງຮູ້ຈັກຫາວິທີໃຫ້ເງິນເຮັດວຽກແທນເຈົ້າ ເຈົ້າຄວນໃຫ້ຄວາມສຳຄັນສິ່ງເຫຼົ່ານີ້ນຳ, ດັ່ງນັ້ນ ຢຸດກ່າວຄຳເວົ້າຕິດປາກແບບນີ້ໄປໄດ້ເລີຍເດີ້ ວິທີແກ້ໄຂ:ຢ່າປິດກັ້ນລາຍຮັບປະຈຳຊ່ອງທາງດຽວ ຄວນສ້າງຊ່ອງທາງລາຍຮັບທີ່ເປັນໄປໄດ້ຈາກທຸກທິດທຸກທາງ ບໍ່ກ້າຕັດສິນໃຈຍ້ອນຄິດວ່າຈ່າຍບໍ່ໄຫວ ຫາກຕ້ອງຕັດສິນໃຈຊື້ຊັບສິນທີ່ມີລາຄາສູງເກີນເອື້ອມຈົນເຈົ້າຮູ້ສຶກຢ້ານ ເມື່ອວິເຄາະແລ້ວວ່າບໍ່ແມ່ນຊັບສິນໄຮ້ສາລະ …

ພະນັກງານ Office ທັງຫຼາຍເອີຍ! ການເຮັດວຽກເພີ່ມໂມງ ຫຼື Overtime (OT) ເປັນສິ່ງທີ່ເກີດຂຶ້ນໄດ້ໃນທຸກໆບໍລິສັດ ແລະອົງການຈັດຕັ້ງ ສະນັ້ນ  ເງື່ອນໄຂ ແລະຂອບເຂດຂອງການເຮັດວຽກເພີ່ມໂມງ ທີ່ຖືກຕ້ອງຕາມ ກົດໝາຍວ່າດ້ວຍແຮງງານ ສະບັບປັບປຸງ (2014) ຂອງບ້ານເຮົາ ຈຶ່ງເປັນສິ່ງທີ່ເຮົາຄວນຮູ້ ແລະ ເຂົ້າໃຈໄວ້ ເພື່ອປ້ອງກັນການຖືກເອົາປຽບ ຫຼືຖືກໃຊ້ເຮັດວຽກເກີນຂອບເຂດທີ່ກົດໝາຍເພິ່ນກຳນົດໄວ້ ລາຍລະອຽດຈະມີແນວໃດ ໄປເບິ່ງພ້ອມກັນເລີຍ:   ມາດຕາ 53. ການເຮັດວຽກເພີ່ມໂມງ: ໃນກໍລະນີ ມີຄວາມຈຳເປັນ ຜູ້ໃຊ້ແຮງງານ ສາມາດຮຽກຮ້ອງໃຫ້ຜູ້ອອກແຮງງານ ເຮັດວຽກເພີ່ມໂມງ ແຕ່ຕ້ອງໄດ້ຮັບຄວາມເຫັນດີຈາກໜ່ວຍກຳມະບານ ຫຼືຜູ້ຕາງໜ້າຜູ້ອອກແຮງງານ ຫຼືຜູ້ອອກແຮງງານສ່ວນຫຼາຍເສຍກ່ອນ. ຊົ່ວໂມງເຮັດວຽກເພີ່ມ ໃນເດືອນໜຶ່ງ ບໍ່ໃຫ້ເກີນ 45 ຊົ່ວໂມງ ຫຼື ວັນໜຶ່ງ ບໍ່ໃຫ້ເກີນ 3 ຊົ່ວໂມງ, ແຕ່ບໍ່ໃຫ້ເຮັດວຽກເພີ່ມໂມງເກີນ 4 ວັນ ຕິດຕໍ່ກັນ ເວັ້ນເສຍແຕ່ ໃນກໍລະນີທີ່ມີເຫດສຸກເສີນເກີດຂຶ້ນ ເຊັ່ນ: ໄພພິບັດ ຫຼື …

ຄຳແນະນຳຈາກຄົນທີ່ປະສົບການມາກ່ອນ: ຖ້າໝູ່ເພື່ອນມີບຸກຄົນທີ່ເປັນແບບຢ່າງ ທັງຮູ້ສຶກປະທັບໃຈໃນການເປັນນັກທຸລະກິດ ກໍຄືພະນັກງານທີ່ດີເດັ່ນ ດັ້ງນັ້ນບໍ່ຕ້ອງເກງໃຈທີ່ຈະເຂົ້າໄປຂໍຄຳແນະນຳຈາກຄົນໆນັ້ນເດີ້ ຮຽນຮູ້ການເຮັດວຽກຂອງຫົວໜ້າ: ພະຍາຍາມເບິ່ງຜົນງານທີ່ດີຂອງຫົວໜ້າ ເພື່ອໃຫ້ຮຽນຮູ້ດວຽກໄດ້ຢ່າງມີປະສິດທິພາບ ແບບຫົວໜ້າຂອງເຮົາ ເມື່ອໃດທີ່ຫົວໜ້າທ່ານບໍ່ສະບາຍ ຫຼື ລາພັກ ກໍເປັນໂອກາດທີ່ເຮົາຈະໄດ້ສະແດງສີມື ວ່າສາມາດເຮັດວຽກແທນເພິ່ນໄດ້ ຖືວ່າໄດ້ຊ່ວຍຫົວໜ້າຂອງເຮົາ ແລະ ຍັງເຮັດໃຫ້ມີຄວາມແຕກຕ່າງກວ່າເພື່ອນຮ່ວມງານຄົນອື່ນໆອີກ. ໝັ່ນຊ່ວຍວຽກຕ່າງໆບໍ່ວ່າວຽກນ້ອຍ ຫຼື ໃຫຍ່: ການທີ່ຈະເຂົ້າໄປມີບົດບາດໃນເລື່ອງວຽກງານ ຫຼື ກິດຈະກຳຕ່າງໆ ເຖິງວ່າຈະເປັນພຽງເລື່ອງນ້ອຍໆກໍຕາມ ຄວນເຄື່ອນໄຫວຢູ່ໃນສາຍຕາຂອງຜູ້ບໍລິຫານຫຼາຍຂຶ້ນ ຈຶ່ງຈະຖືກຈົດຈໍາໂດຍອັດຕະໂນມັດ ເມື່ອມີເລື່ອງໃຫ້ຊ່ວຍເຫຼືອ ຊື່ຂອງເຮົາກໍຈະຂຶ້ນມາຢູ່ໃນຄວາມຄິດຂອງຫົວໜ້າທັນທີ. ຮັກສາສາຍພົວພັນທີ່ດີກັບລູກຄ້າ ຫຼື ແຂກທຸກຄົນ: ບໍ່ວ່າຈະເປັນແຂກຜູ້ນ້ອຍ ຫຼື ແຂກຜູ້ໃຫຍ່ກໍຕາມ ບໍ່ຄວນຂາດການຕິດຕໍ່ກັບເຂົາເຈົ້າ ເພາະບໍ່ມີທາງຮູ້ດອກວ່າ ມື້ໜຶ່ງພວກເຂົາອາດມີຄວາມສຳຄັນຕໍ່ຊີວິດ ຫຼືໂອກາດທາງວຽກງານໃນອະນາຄົດ. ພັດທະນາທັກສະໃນການເວົ້າຢູ່ສະຖານທີ່ສາທາລະນະ ແລະ ທັກສະການນຳສະເໜີວຽກ: ຄົນສ່ວນຫຼາຍມັກຢ້ານເວລາເວົ້າຢູ່ຕໍ່ໜ້າຄົນອື່ນ ເຊິ່ງມີຄົນທີ່ເຮົາບໍ່ຮູ້ຈັກເປັນຈຳນວນຫຼາຍ ດັ່ງນັ້ນຄວນຄິດວ່າໂອກາດທີ່ຢູ່ບ່ອນຄົນຫຼາຍ ເປັນໂອກາດດີທີ່ຈະເຮັດໃຫ້ໝັ້ນໃຈ ແບບເຮົາເປັນຕົວແທນໃນການສະແດງອອກ ເພື່ອພັດທະນາໃນທາງທີ່ດີຂອງຕົວເຮົາເອງ. ເປັນມິດທີ່ດີກັບທຸກຄົນ: ຄວນເປັນມິດກັບທຸກຄົນ ບໍ່ວ່າຈະໃນເວລາອາລົມກຳລັງເຄັ່ງຕຶງກັບວຽກງານກໍຕາມ ຄວາມກົດດັນ, ຄວາມຫງຸດຫງິດ ຄວນເກັບເອົາໄວ້ໃນໃຈ ຢ່າສະແດງອອກເດັດຂາດ ເພາະການຄວບຄຸມອາລົມໄດ້ດີ ຍິ້ມແຍ້ມແຈ່ມໃສຢູ່ຕະຫຼອດ …