Kuanjai Life Stlye

  ຜູ້ຈັດການຍິງຍຸກໃໝ່ ທີ່ເອົາໃຈໃສ່ໃນທຸກເລື່ອງ ຮູ້ຈັກການບໍລິຫານຈັດການຕະຫຼອດເວລາ ທັງວຽກບໍລິສັດ ແລະ ວຽກຄອບຄົວ ກໍບໍ່ຫວັ່ນເຮັດໃຫ້ເກີດແນວຄິດສ້າງສັນໃໝ່ໆກັບຊີວິດຄົນເມືອງຫຼວງຂອງຍຸກດີຈີຕອນ ລວບລວມປະສົບການຈາກຫຼາຍບ່ອນ ໃຫ້ເປັນໜຶ່ງດຽວ ບໍ່ວ່າຈະເປັນປະສົບການດ້ານການ ບໍລິການ, ສື່ໂຄສະນາ ແລະ ການບໍລິຫານແລະວາງແຜນ ເພື່ອໃຫ້ກ້າວໄປເປັນຜູ້ບໍລິຫານທີ່ດີລະດັບມືອາຊີບ. ເຮັດວຽກເກັ່ງ ແລ້ວຍັງມີແນວຄິດທີ່ສ້າງສັນໃນແບບແຜນການບໍລິຫານທີ່ດີ ນາງ ວິໄລວັນ ຈັນເທລີ ຜູ້ຈັດການ ໄວ 33 ປີ ອາດຈະໄດ້ຄວາມເກັ່ງນັ້ນມາຈາກປະສົບການ ການເຮັດວຽກຈາກຫຼາຍບ່ອນ ລວມທັງໄດ້ປະສົບການ ການບໍລິຫານທຸລະກິດຄອບຄົວທີ່ຜ່ານມາ ເອີ້ນວ່າ ເປັນນັກວາງແຜນດ້ານການຕະຫຼາດ-ການຄ້າທີ່ດີຄົນຫນື່ງຈາກທັງວຽກອົງກອນ ແລະ ສ່ວນຕົວ ນາງເລີ່ມຈາກວຽກການບໍລິການ, ວຽກສື່ໂຄສະນາຕ່າງໆ ແລະ ເປັນຜູ້ຈັດການຝ່າຍຍີ່ຫໍ້ຜະລິດຕະພັນ ຈາກປະສົບການດັ່ງກ່າວ ສ້າງໃຫ້ ວິໄລວັນ ເປັນຄົນເກັ່ງຂຶ້ນເລື້ອຍໆ ຈຶ່ງບໍ່ແມ່ນເລື່ອງແປກທີ່ລາວໄດ້ຫັນບົດບາດຕົນເອງມາເປັນ ຜູ້ຈັດການຝ່າຍການຕະຫຼາດ-ການຄ້າ ທີ່ສາມາດ ຄິດວິເຄາະ ແລະ ວາງແຜນການຕະຫລາດໃຫມ່ໆອອກມາ ປະສົບການເຮັດວຽກທີ່ຜ່ານມາໄດ້ຫຍັງແດ່ ? “ປະສົບການທີ່ໄດ້ມາແມ່ນ …

ການເຮັດວຽກມື້ທຳອິດມີຄວາມສຳຄັນທັງຕໍ່ຜູ້ເຮັດວຽກ ແລະ ອົງກອນ ຖ້າວ່າມື້ທຳອິດຂອງການເຮັດວຽກພົບກັບສິ້ງທີ່ດີໆ ຫຼື ເລື່ອງທີ່ໜ້າປະທັບໃຈ ກໍຈະເຮັດໃຫ້ມີກຳລັງໃຈຫຼາຍຂຶ້ນໃນການເຮັດວຽກ ເຊິ່ງວາລະສານຂວັນໃຈກໍໄດ້ນຳເອົາສິ່ງໆໃນການກຽມພ້ອມກັບການເຮັດວຽກມື້ທຳອິດມາຝາກດັ່ງລຸ່ມນີ້: ກຽມເຄື່ອງນຸ່ງ ແຕ່ງກາຍໄປເຮັດວຽກ: ແຕ່ລະຄົນແຕ່ງຕົວບໍ່ຄືກັນ ແຕ່ມັນກໍຂຶ້ນຢູ່ກັບບ່ອນເຮັດວຽກ ແລະ ລັກສະນະຂອງວຽກທີ່ທ່ານນຸ່ງແລ້ວ ສະດວກກັບການເຮັດວຽກຕ້ອງເບິ່ງວ່າຄົນໃນຫ້ອງການນັ້ນແຕ່ງແນວໃດ ແລ້ວຕໍ່ໄປຈຶ່ງຄ່ອຍໆປັບຕົວ ຖ້າແຕ່ງຕົວເດັ່ນເກີນໄປອາດຈະຖືກຄົນໃນຫ້ອງການເວົ້າໃຫ້ ແຕ່ຖ້າແຕ່ງແບບເໝາະສົມກໍອາດຈະຖືກຍ້ອງແລ້ວກໍມັກເລີຍໄປເລີຍກໍໄດ້. ຮຽນຮູ້ວຽກທີ່ຈະເຮັດ: ເມື່ອໄດ້ເຂົ້າເຮັດວຽກຕ້ອງເບິ່ງວ່າທ່ານມີໜ້າທີ່ຮັບຜິດຊອບຫຍັງແດ່ ແຕ່ຖ້າບໍ່ເຂົ້າໃຈກໍໃຫ້ຖາມຫົວໜ້າ ແລະເມື່ອຮູ້ແລ້ວກໍຕ້ອງເຂົ້າໃຈວຽກໃຫ້ດີ, ລະອຽດ ແລະ ຈົດບັນທຶກໄວ້ເຕືອນຄວາມຈຳ. ສ້າງມິດຕະພາບທີ່ດີ: ການເຮັດວຽກ ຕ້ອງໄດ້ມີການປະສານງານກັບຜູ້ອື່ນ ຈຶ່ງຈະເຮັດໄດ້ສຳເລັດ ຫຼື ມີຄວາມສະດວກຫຼາຍຂຶ້ນ ບໍ່ວ່າຈະເປັນໃນແງ່ເພືອນຮ່ວມງານ ຫຼື ເພືອນສະນິດ ກໍຈະເຮັດໃຫ້ວຽກມີປະສິດທິພາບຫຼາຍຂຶ້ນ ທ່ານມັກຍີ້ມ ສະແດງຄວາມມີນ້ຳໃຈກັບເພືອນຮ່ວມງານ ມີຄວາມຮູ້ສຶກທີ່ດີຕໍ່ກັນ ຈຶ່ງເຮັດວຽກໄດ້ຢ່າງມີຄວາມສຸກ. ບັນທຶກການເຮັດວຽກ: ເພື່ອເປັນຂໍ້ມູນວ່າ ຕົວທ່ານມີຜົນງານຫຍັງແດ່ ໃນວຽກແຕ່ລະຢ່າງ ຫຼື ມີຂໍ້ຜິດພາດ ແລະຄວນແກ້ໄຂແນວໃດຕໍ່ໄປ ຄວາມກ້າວໜ້າຂອງຝີມືມີເພີ່ມຂຶ້ນແນວໃດ ທ່ານອາດໄດ້ຮັບຜົນດີຕອບແທບ ເຊັ່ນໄດ້ເລື່ອນຂັ້ນ ເງິນເດືອນຂຶ້ນ …

ສາວໆຄົນໃດ ທີ່ຍັງບໍ່ໄດ້ວາງແຜນໃນການອອກເດີນທາງໄປທ່ອງທ່ຽວຕ່າງປະເທດໃນປີຜ່ານມາ , ໃນປີນີ້ລອງຂຶ້ນແຜນໄປທ່ອງທ່ຽວ ເມືອງ “ມຸມໄບ” ເຊິ່ງເປັນເມືອງຍອດນິຍົມ ທີ່ສຸດໃນໂລກ ທາງດ້ານການທ່ອງທ່ຽວ ສຳລັບປີ 2016. ຂໍແນະນໍາສະຖານທີ່ທ່ອງທ່ຽວໃນເມືອງມຸມໄບ ຂອງປະເທດອິນເດຍ ໃຫ້ຮູ້ຈັກໜ່ອຍໜຶ່ງເນາະ!  ກ່ອນອື່ນຕ້ອງໃຫ້ຮູ້ວ່າ: ເມືອງມຸມໄບ ເປັນເມືອງທີ່ມີຄວາມສໍາຄັນອີກເມືອງໜຶ່ງ ຂອງປະເທດອິນເດຍ ຕັ້ງຢູ່ແຄມທະເລ ອາຣັບ ເປັນເມືອງແຫ່ງສາຍນ້ຳ ແລະ ເປັນສູນກາງທາງເສດຖະກິດ, ການຄ້າ, ການສຶກສາ, ການທ່ອງທ່ຽວ ພ້ອມທັງເປັນເມືອງທີ່ມີຄວາມບັນເທີງໃນທຸກຮູບແບບ ສິ່ງເຫຼົ່ານີ້ຫຼະ ທີ່ເຮັດໃຫ້ນັກທ່ອງທ່ຽວມັກມາຢ້ຽມຢາມ “ມຸມໄບ” ແບບບໍ່ຂາດໄລຍະ ເພາະໄດ້ຮັບຄວາມມ່ວນຊື່ນເພີດເພີນ ບໍ່ຊໍ້າກັນ ເປັນປະສົບການທີ່ແຕກຕ່າງ ແລະ ແປກໃໝ່. ສະຖານທີ່ທ່ອງທ່ຽວສຳຄັນມີຄື: ພິພິທະພັນ (Prince of Wales Museum) ຖືວ່າເປັນພິພິທະພັນດີທີ່ສຸດແຫ່ງໜຶ່ງຂອງອິນເດຍ ທີ່ຈັດສະແດງເຄື່ອງວັດຖຸບູຮານຕ່າງໆ , ປະຕູໄຊ ອິນເດຍ (Gateway of India) …

ເລື່ອງເລັບ ເລື່ອງນ້ອຍ…! ຫຼາຍຄົນມີບັນຫາກັບການທາເລັບເວົ້າໄດ້ວ່າຄວາມຢາກງາມຕ້ອງຍອມເສຍເງິນເຂົ້າຮ້ານເຮັດເລັບແພງໆ ບໍ່ກ້າທີ່ຈະແຕ່ງເລັບທາເລັບດ້ວຍຕົນເອງ ແຕ່ອັນທີ່ແທ້ແລ້ວການທາລັບເປັນເລື່ອງທີ່ງ່າຍສຸດໆ ພຽງແຕ່ຕ້ອງມີເຕັກນິກການທາເລັບໜ້ອຍໜຶ່ງ ມາເບິ່ງກັນເລີຍ.     1.  ເຕັກນິກການທາເລັບ   ບີບນໍ້າໝາກນາວ ຫຼື ນໍ້າສົ້ມສາຍຊູລົງໃນອ່າງນໍ້າ ປະໄວ້ບຶດໜຶ່ງແລ້ວນໍາມືລົງໄປແຊ່ຈະຊ່ວຍໃຫ້ເລັບອ່ອນນຸ່ມຂຶ້ນ. ໃຊ້ນໍາຢາຮອງພື້ນທາເລັບໃນຂັ້ນທໍາອິດ ເພື່ອເປັນການເບິ່ງແຍງເລັບຂັ້ນຕົ້ນ ເພາະຖ້າຫາກເຮົາທາເລັບສີຈັດຈະເຮັດໃຫ້ເລັບເຫຼືອງໄດ້. ການລົງສີທາເລັບບໍ່ຄວນປ້ານເກີນ 3 ເທື່ອເພາະສີຈະຈັບເປັນກ້ອນບໍ່ລຽບສະເໝີກັນ ແລະ ຢ່າລົງສີເລັບເກີນ 2 ຊັ້ນເພາະຈະເບິ່ງໜາຈົນເກີນໄປ. ຫຼັງຈາກລົງສີທາເລັບຮຽບຮ້ອຍແລ້ວຄວນປິດທ້າຍດ້ວຍການທານໍ້າຢາເຄືອບເລັບເພາະຈະຊ່ວຍເພິ່ມຄວາມເງົາງາມ, ວິບວັບໃຫ້ກັບເລັບ ແລະ ຍັງປ້ອງກັນສີເລັບຈາງຈາກແສງແດດໄດ້. 2.  ວິທີການເກັບມ້ຽນສີເລັບ ການເກັບມ້ຽນນໍ້າຢາທາເລັບທີ່ດີໃຫ້ຢູ່ກັບເຮົາໄດ້ດົນໆຈະຕ້ອງປິດຝາໃຫ້ແໜ້ນ ແລະ ເກັບໄວ້ໃນບ່ອນເຢັນ, ຫ່າງໄກແສງແດດເຊັ່ນ: ບ່ອນນ້ອຍໆໃນຕູ້ເຢັນ ການເລືອກຢາທາເລັບຄວນເບິ່ງສ່ວນປະສົມຄື: ຢາທາເລັບທີ່ດີບໍ່ຄວນມີແອວກໍຮໍ ເພາະວ່າແອວກໍຮໍຈະເປັນຕົວເຮັດໃຫ້ເລັບແຫ້ງ ແລະ ຈີກງ່າຍ.    3. ການເລືອກສີຢາທາເລັບໃຫ້ເໝາະສົມກັບສີຜິວພັນ ສາວຜິວພັນຂາວອົມເຫຼືອງ: ເໝາະສົມກັບຢາທາເລັບສີບົວອົມສົ້ມ, ສີນໍ້າຕານທອງແຈ້ງ ຫຼື ສີສົດໆ.ສາວຜົວພັນຂາວອົມບົວ: ເໝາະສົມກັບຢາທາເລັບສີບົວນໍ້າຕານ, …

ຫຼາຍຄົນອາດຄິດຄືກັນວ່າ ກ່ອນຈະ “ ຮັ່ງມີ ” ຕ້ອງມີເງິນມູນມາກ່ອນ ເຊິ່ງມັນກໍ່ບໍ່ແມ່ນເລື່ອງທີ່ຜິດ ແລະ ຄົນທີ່ຮັ່ງມີບາງຈຳນວນ ພວກເຂົາກໍບໍ່ໄດ້ເລິ່ມຈາກການມີເງິນ ແຕ່ພວກເຂົາໄດ້ເລີ່ມຈາກສອງມື ທຸ້ມເຫື່ອເທແຮງຊອກຫາດ້ວຍຕົວເອງ ແລະ ວາລະສານຂວັນໃຈສະບັບນີ້ ກໍມີວິທີມາແນະນຳ ເຊິ່ງວິທີເຫຼົ່ານີ້ກໍ່ເປັນວິທີງ່າຍໆທີ່ໃຜກໍ່ສາມາດ “ສ້າງ” ໃຫ້ເກີດກັບຕົວເອງໄດ້. ເຮັດໃຈໃຫ້ໃຫຍ່ໂດຍບໍ່ຕ້ອງໃຊ້ເງິນ ສິ່ງທໍາອິດທີ່ຄວນເຮັດ ແມ່ນເຮັດຕົວເອງໃຫ້ມີຄວາມສຸກຈາກພາຍໃນ ເຮັດໃຫ້ຕົວເອງມີຄວາມສຸກ ເພາະຕົວເຮົາເອງເປັນປັດໄຈ ບໍ່ຕ້ອງເອົາໄປຍຶດຕິດໄວ້ກັບສິ່ງຂອງ ຫຼື ການຕອບສະໜອງຂອງຄົນອື່ນ. ມີລະບຽບວິໄນຕໍ່ຕົນເອງ; ການມີລະບຽບວິໄນກັບຕົນເອງໃນເລື່ອງອື່ນໆ ຈະຊ່ວຍໃຫ້ເຮົາມີລະບຽບວິໄນເລື່ອງການເງິນເພິ່ມຂຶ້ນ ຖ້າເຮົາຮັກສາສັນຍາທີ່ໃຫ້ໄວ້ກັບຕົນເອງ ແລະ ຄົນອື່ນໄດ້ ບໍ່ວ່າຈະເປັນເລື່ອງນ້ອຍໆ ເຊັ່ນ: ຕື່ນເຊົ້າທຸກມື້, ໄປຕາມນັດໃຫ້ຖືກເວລາ ບໍ່ຊັກຊ້າ ກໍ່ມີຄວາມເປັນໄປໄດ້ສູງທີ່ເຮົາຈະມີລະບຽບ ວິໄນໃນເລື່ອງການເງິນເພາະເຮົາຊື່ສັດຕໍ່ຕົນເອງ. ຕັ້ງເປົ້າໝາຍ; ຄົນທີ່ທ້ອນເງິນໄດ້ຫຼາຍລ້ານ ຫລື ຄົນທີ່ມີທຸລະກິດເປັນຮ້ອຍລ້ານໃນຊ່ວງທີ່ອາຍຸຍັງນ້ອຍ ສ່ວນໃຫຍ່ທຸກຄົນມີ “ ເປົ້າໝາຍ ” ເພາະການຕັ້ງເປົ້າໝາຍຈະເຮັດໃຫ້ເຮົາສາມາດວາງແຜນອອກມາໄດ້ຢ່າງຈະແຈ້ງ. ບໍ່ມີ ບໍ່ຢືມ …