Kuanjai Life Stlye

  ອອກກໍາລັງກາຍຫຼຸດໜ້າທ້ອງ 3 ທ່າງ່າຍໆ ມື້ນີ້ ວາລະສານຂັວນໃຈ ໄດ້ນໍາເອົາວິທີການອອກກໍາລັງກາຍງ່າຍໆທີ່ສາມາດຫຼຸດໜ້າທ້ອງໄດ້ ສາວໆ ຫຼື ບ່າວໆທ່ານໃດທີ່ມີບັນຫາເລື່ອງໜ້າທ້ອງທີ່ເຮັດໃຫ້ສາວໆ ຫຼື ບາວໆບໍ່ໝັ້ນໃຈ ລອງເອົາວິທີງ່າຍໆນີ້ລອງໄປນໍາໃຊ້ ດັ່ງນີ້: ໄຊເບນ( Side Bends ). ເລິ່ມຕົ້ນດ້ວຍທ່າອອກກໍາລັງກາຍງ່າຍໆ ທີ່ສາມາດເຮັດໄດ້ແບບທີ່ມີອຸປະກອນ ຫຼື ບໍ່ມີກໍ່ໄດ້ ເປັນທ່າອອກກໍາລັງກາຍທີ່ເນັ້ນບໍລິເວນກ້າມຊີ້ນທ້ອງ ໃຜທີ່ຢາກຫຼຸດໜ້າທ້ອງທ່ານີ້ຖືວ່າເໝາະສົມຫຼາຍ ແລະ ຍັງສາມາດເຮັດຢູ່ໃສກໍ່ໄດ້ບໍ່ຈໍາເປັນຕ້ອງໃຊ້ພື້ນທີ່ຫຼາຍ. ວິທີເຝິກ: ຢືນອ້າຂາອອກໂດຍໃຫ້ຄວາມກ້ວາງລະຫວ່າງເທົ່າກັບບ່າໄຫຼ່ ມືຂ້າງໜຶ່ງຄໍ້າແອວ ມືອີກຂ້າງໜຶ່ງປ່ອຍວ່າງລົງ ຫຼື ຈະຖືDumbbell ກໍ່ໄດ້. ອຽງຕົວລົງໄປຫາຂ້າງທີ່ບໍ່ໄດ້ຄໍ້າແອວໄວ້ໃຫ້ໄດ້ຫຼາຍທີ່ສຸດ ໂດຍຕ້ອງໃຫ້ຕັ້ງແຕ່ພາກສ່ວນແອວລົງໄປຢູ່ບ່ອນເກົ່າ. ເຮັດສະລັບໄປມາທັງສອງຂ້າງຈົນຄົບ 100 ເທື່ອ. ສະແຕນດິ້ງທະວິດ( Standing Twist ). ທ່ານີ້ເປັນທ່າອອກກໍາລັງກາຍທີ່ສາມາດເວົ້າໄດ້ວ່າງ່າຍສຸດໆ ເພາະເປັນທ່າບິດແອວເທົ່ານັ້ນເອງ ແຕ່ຂໍບອກວ່າຖ້າເຮັດເປັນປະຈໍາໜ້າທ້ອງທີ່ມີຢູ່ກໍ່ສາມາດຫາຍໄປໄດ້ຄືກັນ ທ່ານີ້ສາມາດເຮັດໄດ້ທັງແບບທີ່ມີອຸປະກອນ ຫຼື ບໍ່ມີອຸປະກອນ. ວິທີເຝິກ: ຢືນອ້າຂາອອກໂດຍໃຫ້ຄວາມກ້ວາງລະຫວ່າງເທົ່າກັບບ່າໄຫຼ່ …

ລອງເຂົ້າໄປຈອບເບິ່ງຢູ່ໃນ Facebook ຄົນໆນັ້ນກ່ອນ ຍຸກນີ້ກໍເປັນຍຸກໄອທີແລ້ວ ໃຜໆກໍມັກຫຼິ້ນ Facebook ມັນເປັນເປັນສິ່ງທີ່ດີຫຼາຍຖ້າເຮົາ ສາມາດໄປຮູ້ຊື່ Facebook ຂອງຄົນທີ່ເຮົາຫຼົງມັກ ແລ້ວເຂົ້າໄປຊ່ອງເບິ່ງວ່າ ລາວແມ່ນໃຜ ເປັນແນວໃດ ແລະ ໝູ່ໆລາວມີໃຜແດ່ ເພາະບາງເທື່ອເຮົາອາດຈະຮູ້ຂໍ້ມູນອື່ນໆຕື່ມອີກ. ຮູບທີ່ເຮົາເຫັນ ບໍ່ສາມາດບອກທຸກສິ່ງ ເຮົາບໍ່ສາມາດຮູ້ໄດ້ວ່າຮູບທີ່ເຮົາເຫັນ ບໍ່ວ່າໃນ Facebook ຫຼື ທີ່ຄົນໆນັ້ນສົ່ງມາໃຫ້ແມ່ນສິ່ງທີ່ລາວກຳລັງເຮັດຢູ່ ເພາະບາງຄັ້ງລາວອາດຈະຖ່າຍເອົາໄວ້ດົນແລ້ວກໍເປັນໄດ້, ສະນັ້ນ ໂທຫາລາວເລີຍຈະດີກວ່າ ພະຍາຍາມຮູ້ຈັກສັງຄົມ ຂອງຄົນໆນັ້ນຢູ່ ຢ່າງໃດກໍຕາມ ຖ້າວ່າໄດ້ລົມກັນແລ້ວ ເຮົາຈຳເປັນຕ້ອງໄດ້ຮູ້ຈັກສັງຄົມ ແລະ ຄົນອ້ອມຂ້າງລາວໃຫ້ໄດ້ ເພາະມັນອາດຈະມີບາງສິ່ງບາງຢ່າງສະກິດໃຈໃຫ້ເຮົາຮູ້ວ່າ ຄົນໆນັ້ນມີແຟນແລ້ວຫຼືຍັງ? ຢ່າເຊື່ອໃຈຈົນເກີນໄປ ຍ້ອນວ່າບາງຄົນ ຮັກໃຜຮັກແທ້ ແລະ ຈິງຈັງທີ່ສຸດ, ເພາະສະນັ້ນ ແບ່ງໃຈໄວ້ກ່ອນກໍດີ ເພື່ອບາງທີມັນບໍ່ໄດ້ເປັນແບບທີ່ເຮົາຄິດ ຈິ່ງຈະບໍ່ຕ້ອງມານັ່ງເສຍໃຈພາຍຫຼັງ ໂທຫາມັກບໍ່ຮັບສາຍ ຄົນບາງຄົນບໍ່ມັກຮັບສາຍຕອນກາງຄືນ ໃຫ້ລະວັງໄວ້ໃຫ້ດີ ເພາະບາງທີ ລາວອາດຈະຢູ່ນຳແຟນຕົວຈິງກໍອາດຈະເປັນໄດ້ ລະວັງຄຳຫວານໆ ທີ່ຄົນໆນັ້ນຢອດມາ ຖ້າວ່າເຈິຄົນປາກຫວານ …

ຫຼາຍຄົນມັກຈະຄິດວ່າ ເງິນທີ່ເຮົາໄດ້ມາຈາກນໍ້າເຫື່ອນໍ້າແຮງນັ້ນ ຄວນເອົາໄປໃຊ້ໃນສິ່ງທີ່ເຮົາຕ້ອງການ ໃຊ້ເງິນແບບຄຸ້ມຄ່າກັບການຊອກມາ ຖ້າຄິດແນວນັ້ນກໍບໍ່ຜິດ ແຕ່ໝັ້ນໃຈແລ້ວຫຼືບໍ່ວ່າ ການໃຊ້ເງິນຂອງທ່ານນັ້ນຄຸ້ມຄ່າທີ່ສຸດ ລອງມາອ່ານວິທີການຈ່າຍເງິນແບບບໍ່ຈຳເປັນມາຝາກ ເພື່ອບໍ່ຕ້ອງມີໜີ້ໃນສິ່ງທີ່ບໍ່ຈຳເປັນ ແລະ ຍັງມີເງິນທ້ອນອີກ 1. ອຸປະກອນເອເລັກໂຕຼນິກ ເຖິງວ່າສະໄໝນີ້ ອຸປະກອນເອເລັກໂຕຼນິກຫຼາຍໆຊະນິດ ຈະມີຄວາມຈຳເປັນຕໍ່ຊີວິດປະຈໍາວັນກໍຕາມ ແຕ່ກໍບໍ່ໄດ້ໝາຍຄວາມວ່າ ທ່ານຈະຕ້ອງໃຊ້ຈ່າຍເງິນໄປກັບການ ຊອກຊື້ອຸປະກອນລຸ້ນໃໝ່ຢູ່ຕະຫຼອດເວລາ ສິ່ງທີ່ທ່ານຊື້ມາໃນມື້ນີ້ ອາດຈະເປັນລຸ້ນໃໝ່ກໍຕາມ ແຕ່ເມື່ອຮອດປີໜ້າ ລຸ້ນໃໝ່ກວ່າປີນີ້ ກໍຈະອອກມາຄືກັນ ແລະ ລຸ້ນໃໝ່ທີ່ເຮົາຊື້ກໍຈະເປັນລຸ້ນເກົ່າ ຖ້າເຮົາຍັງຊື້ເຄື່ອງໄປຕາມກະແສ ຂອງການເວລາແນວນີ້ທຸກໆປີ ເຮົາກໍຈະບໍ່ມີເງິນໄວ້ໃນຖົງເລີຍ ແຖມຍັງໃຊ້ເຄື່ອງບໍ່ຄຸ້ມອີກ ເພາະຫາກໍຊື້ແຕ່ກໍຕ້ອງຊື້ໃໝ່ອີກແລ້ວ 2. ເຄື່ອງຕົກແຕ່ງເຮືອນ ໃຜທີ່ມັກຕົກແຕ່ງເຮືອນດ້ວຍການຊື້ເຄື່ອງ ຫຼື ສິ່ງຂອງມະຍ໋ອກມະແຍ໋ກ ມາປະດັບປະດາເຮືອນ ຂໍບອກເລີຍວ່າ ໃຫ້ຢຸດ ເຖິງວ່າເຄື່ອງເຫຼົ່ານັ້ນຈະຊ່ວຍໃຫ້ເຮືອນແນມເບິ່ງແລ້ວງາມຕາຂຶ້ນກໍຕາມ ແຕ່ຖ້າເຮົາຊື້ຫຼາຍ ເຮົາກໍເປືອງເງິນຫຼາຍເທົ່ານັ້ນ ລອງຊອກວິທີທີ່ປະຢັດກວ່າຄື ເຟີນີເຈີ້ ບາດດຽວເລີຍ ນອກຈາກຈະ ປະຢັດເງິນແລ້ວ ກໍຍັງມີຄວາມພູມໃຈກັບສິ່ງນັ້ນອີກດ້ວຍ. 3. ລົດ …

ຖໍ້າ “ຟິງກັດ” ປະເທດສະກ໊ອດແລນ ຖໍ້າຟິງກັດ (Fingal), ປະເທດສະກ໊ອດແລນ (Fingal’s Cave, Scotland) ມີຄວາມໜ້າອັດສະຈັນຂອງຖໍ້າທີ່ປະກອບດ້ວຍ ຫີນນ້ອຍໃຫຍ່ທີ່ລຽງກັນສະຫລັບສັບຊ້ອນເປັນບ໊ອກໆ ຄ້າຍຄືມີຊ່າງຜູ້ປານີດບັນຈົງນຳໄປເນລະມິດວາງໄວ້ໂດຍສີມືຂອງມະນຸດທີ່ຊຳນິຊຳນານ ແຕ່ໃນຄວາມຈິງແລ້ວ ມັນເກີດຈາກລາວາທີ່ແຂງຕົວ ເຊິ່ງມັນເປັນຈຸດທີ່ໜ້າສົນໃຈວ່າ ເປັນຫຍັງ ? ມັນຈຶ່ງມີຮູບຊົງງົດງາມແບບນີ້ ຫຼາຍໆຄົນອາດບໍ່ຢາກໄປສຳພັດກັບຖໍ້າເພາະວ່າຖໍ້ານີ້ຢູ່ໃນໃຈກາງຂອງທະເລ ແຕ່ວ່ານັກທ່ອງທ່ຽວບາງຄົນທີ່ມັກໃນການຜະຈົນໄພຄົງຈະຕ້ອງຖືກໃຈບໍ່ຫຼາຍກໍໜ້ອຍເລີຍ. ຈະເຫັນໄດ້ວ່າແຕ່ລະປະເທດບໍ່ພຽງແຕ່ມີສະຖານທີ່ດັງໆມີຊື່ສຽງທີ່ເຮົາຮູ້ຈັກເທົ່ານັ້ນ ເພາະຖ້າລອງສຶກສາຂໍ້ມູນເບິ່ງດີໆແລ້ວ ເຮົາຈະພົບວ່າ ຍັງມີບ່ອນທີ່ເຮົາຈະໄປທ່ອງທ່ຽວອີກຫຼາຍໆບ່ອນ ທີ່ລໍຖ້າໃຫ້ເຮົາໄດ້ໄປສຳພັດ ແລະ ສິ່ງສຳຄັນ ມັນຍັງເປັນສະຖານທີ່ທີ່ງົດງາມເໜືອຈິນຕະນາການທີ່ເຮັດໃຫ້ເຮົາຢາກໄປພົບ ແລະ ສຳພັດຢູ່ຕະຫຼອດ ສຳລັບຄົນໃດທີ່ໄດ້ໄປແລ້ວ ຄວາມງົດງາມເຫລົ່ານີ້ ກໍຍັງຕິດຕາຝັງໃຈຈົນເຮັດໃຫ້ເຮົາຢາກໄປອີກຢູ່ສະເໝີ ອີກຢ່າງໜຶ່ງຫຼາຍຄົນທີ່ໄດ້ໄປເຫັນກັບຕານັ້ນ ລ້ວນອອກປາກຊົມວ່າ ຖໍ້າ Fingal ມີບ່ອນທີ່ຄ້າຍຄືກັບສາກຫຼັງໃນຮູບເງົາທີ່ສ້າງຊື່ສຽງກ້ອງໂລກ “ແຮ່ຣີ່ ພອດເຕີ” ຕອນເຈົ້າຊາຍເລືອດປະສົມ ນັ້ນເອງ.        

ຫົວໃຈມໍລະກົດ ເພັດນໍ້າງາມເທິງເກາະ Cocks comb ເກາະ Cocks comb ເປັນເກາະທີ່ຢູ່ທະເລອັນດາມັນ ປະເທດມຽນມ້າ ເຊິ່ງເກາະແຫ່ງນີ້ມີລັກສະນະເປັນເກາະຫີນປູນ ບໍ່ມີຊາຍຫາດ ກາງເກາະຈະເປັນອ່າງກວ້າງ ຄືກັບອ່າງພູເຂົ້າໄຟ ມີຮູນ້ອຍໆອ້ອມອ່າງເພື່ອໃຫ້ນໍ້າທະເລເຂົ້າໄປໄດ້ ຖ້າເບິ່ງຈາກບ່ອນສູງຈະເຫັນວ່າ ໃຈກາງຂອງເກາະຄ້າຍຄືກັບຮູບກາຫົວໃຈ ເມື່ອມີນໍ້າທະເລເຂົ້າໄປໃນ ອ້ອມຮອບແຕ່ລະປ່ອງດ້ວຍຕົ້ນໄມ້ສີຂຽວ ມັນຈະເຮັດໃຫ້ເຮົາເຫັນຮູບກາຫົວໃຈທີ່ໂດດເດັ່ນທີ່ສຸດຈົນໄດ້ຕັ້ງສາຍາຈາກຄົນທີ່ທ່ຽວຊົມວ່າ ເປັນ ເກາະຫົວໃຈມໍລະກົດ ເຊິ່ງຄົນຕ່າງປະເທດຈະຮູ້ດີໃນນາມ Hidden Lagoon. ນອກຈາກຄວາມມະຫັດສະຈັນ ໃນໃຈກາງຂອງເກາະທີ່ເປັນຮູບກາຫົວໃຈແລ້ວ ເກາະ Cocks comb ຍັງເປັນຈຸດທີ່ນັກດໍານໍ້ານິຍົມຊົມຊອບພາກັນມາດໍານໍ້າຕື່ມອີກ ຍ້ອນບໍລິເວນອ້ອມຮອບຂອງເກາະເຕັມໄປດ້ວຍປະກາລັງຫຼາກຫຼາຍຊະນິດທີ່ມີສີສັນສົດໃສສວຍງາມ ລວມທັງສັດໃນພື້ນນໍ້າທະເລ ເຊິ່ງຈະພົບເຫັນ ປານີໂມ ໄດ້ແບບງ່າຍໆ ນໍ້າບໍລິເວນນີ້ຈະມີສີຟ້າໃສຄ້າຍຄືກັບ ຄຼີດຕັ້ນ ທີ່ງົດງາມ ບໍ່ວ່າຈະລອຍໄປທາງໃດກໍສາມາດສໍາພັດໄດ້ເຖິງຄວາມສວຍງາມຂອງນໍ້າທະເລ ແລະ ໂລກໃນພື້ນທະເລ ເຊິ່ງສິ່ງທີ່ບໍ່ຄວນພາດທີ່ສຸດເມື່ອໄດ້ມາຢ້ຽມຢາມເກາະ ແຫ່ງນີ້ກໍຄື: ການລອຍຜ່ານຮູນໍ້າລອດ ເພື່ອເຂົ້າໄປໃນປາກປ່ອງຮູບກາຫົວໃຈ ເຊິ່ງນັກທ່ອງທ່ຽວຈະໄດ້ພົບເຫັນຄວາມສວຍງາມອີກຮູບແບບໜຶ່ງຂອງເກາະແຫ່ງນີ້ ກັບໜ້າຜາຫີນປູນທີ່ມີຄວາມສູງທີ່ໂດດເດັ່ນອ້ອມຮອບ ພ້ອມທັງມີຕົ້ນໄມ້ເຕີບໂຕໃຫຍ່ຂຶ້ນກັບໜ້າຜາເຫຼົ່ານັ້ນຈົນລາມລົງມາໃນນໍ້າທະເລ ໄລຍະທີ່ເລິກທີ່ສຸດຂອງລາກູນແຫ່ງນີ້ປະມານ 12-13 …