Travel

 ເວລາທີ່ເຮົາຕ້ອງຂີ່ຍົນເປັນເວລາດົນໆ ຫຼາຍຊົ່ວໂມງ ຫຼື ຂ້າມມື້ ຂ້າມຄືນ ບາງຄົນອາດຈະເກີດອາການເມົາ, ບໍ່ສະບາຍຕົວ, ນອນບໍ່ຫຼັບເປັນຕົ້ນ ຈົນເຮັດໃຫ້ຫຼາຍໆຄົນ ຄິດນັກກ່ອນຈະເດີນທາງທຸກຄັ້ງ ມື້ນີ້ ຂວັນໃຈເລີຍຢາກຈະມາແນະນໍາເຄັດລັບດີໆ ກຽມຕົວໃຫ້ພ້ອມ! ເມື່ອຕ້ອງຂີ່ຍົນເປັນເວລາດົນໆ ຈະຕ້ອງເຮັດແນວໃດ? ແລະ ບໍ່ສະເພາະແຕ່ການຂີ່ຍົນຢ່າງດຽວ ສາວໆສາມາດນໍາໄປໃຊ້ກັບການເດີນທາງໃນຮູບແບບອື່ນກໍໄດ້… 1. ແຕ່ງຕົວໃຫ້ສະບາຍ: ນຸ່ງເຄື່ອງທີ່ຫຼົມ ແລະ ຖ້າເປັນຜ້າຝ້າຍຈະຍິ່ງດີ ເພາະເຮົາຕ້ອງນັ່ງຢູ່ກັບທີ່ເປັນເວລາດົນກວ່າປົກກະຕິໃນສະຖານທີ່ຈໍາກັດ ອຸນຫະພູມທີ່ປ່ຽນແປງຈາກຮ້ອນເປັນໜາວ ສະນັ້ນ ເຮົາຄວນຈະໄດ້ນັ່ງຢ່າງສະບາຍຈະດີທີ່ສຸດ. ເກີບກໍຄວນໃສ່ເກີບທີ່ບໍ່ຄັບ ຮູ້ສຶກຢູ່ສະບາຍ. 2. ດຶ່ມນໍ້າໃຫ້ຫຼາຍ: ກ່ອນຍົນຈະຂຶ້ນ ແລະ ລະຫວ່າງທີ່ຢູ່ໃນຍົນອາກາດຈະແຫ້ງຫຼາຍຂຶ້ນ ແລະ ນໍ້າຈະລະເຫີຍອອກໄປ ພະຍາຍາມງົດເວັ້ນການດື່ມເຄື່ອງດື່ມທີ່ມີທາດເຫຼົ້າ ແລະ ເຄື່ອງດື່ມທີ່ເຮັດໃຫ້ປັດສະວະຫຼາຍ ເພາະຈະເຮັດໃຫ້ຮ່າງກາຍຂອງທ່ານສູນເສຍນໍ້າຫຼາຍຂຶ້ນ. 3. ພົກພາສິ່ງທີ່ຕ້ອງໃຊ້ຕິດຕົວ: ເຊັ່ນໂລຊັ່ນທີ່ໃຫ້ຄວາມຊຸ່ມຊື່ນແກ່ຜິວ ລິບມັນ ແລະ ຢາຢອດບໍ່ໃຫ້ຕາແຫ້ງ Mask ໃຫ້ຄວາມຊຸ່ມຊື່ນແກ່ຜິວໜ້າເວລານອນ ເປັນສິ່ງທີ່ໄດ້ຮັບຄວາມນິຍົມສໍາລັບກຸ່ມທີ່ເດີນທາງຕະຫຼອດ. 4. …

ສໍາລັບຄົນມັກທ່ອງທ່ຽວທໍາມະຊາດ… ເມື່ອເວົ້າເຖິງ “ແຊປ້ອງໄລ” ກໍອາດຈະເຮັດໃຫ້ຫຼາຍຄົນຢາກໄປສໍາພັດກັບທໍາມະຊາດ ໂດຍສະເພາະລະດູຝົນແບບນີ້ ຍິ່ງຈະເຮັດໃຫ້ສາວໆໄດ້ສໍາພັດກັບບັນຍາກາດຂອງທໍາມະຊາດ, ພູຜາປ່າໄມ້ທີ່ຂຽວສົດ ແລະ ນໍ້າຕົກຕາດທີ່ຍາກຈະພັນລະນາໄດ້ ເຊິ່ງຄັ້ງໜຶ່ງຈະຕ້ອງໄປສໍາພັດໃຫ້ໄດ້ດ້ວຍຕົນເອງ… ແຕ່ຖ້າໃຜທີ່ຍັງບໍ່ມີໂອກາດໄດ້ໄປ ເພາະວຽກ ຫຼືຫຍັງກໍຕາມ ກໍລອງມາເບິ່ງເອົາໄວ້ເປັນຄວາມຮູ້ເພື່ອວ່າໄປແລ້ວຈະບໍ່ໄດ້ພາດ ຈຸດຖ່າຍຮູບ, ຊົມວິວງາມໆໃນສະຖານທີ່ງາມໆແຫ່ງນີ້!!! ນໍ້າຕົກຕາດແຊປ້ອງໄລ ເປັນນໍ້າຕົກທີ່ເກີດຈາກສາຍນໍ້າເຊປຽນ ມີຄວາມກວ້າງປະມານ 130 ແມັດ, ແບ່ງເປັນສອງສາຍ ດ້ານຊ້າຍສູງປະມານ 20 ແມັດ ແລະ ດ້ານຂວາສູງປະມານ 30-40 ແມັດ. ເປັນນໍ້າຕົກທີ່ມີຄວາມງົດງາມຫຼາຍ ແລະ ສາມາດດຶງດູດນັກທ່ອງໄດ້ເປັນຢ່າງດີ ເພາະນັກທ່ອງທ່ຽວສາມາດລົງໄປຫຼິ້ນນໍ້າສໍາພັດນໍ້າເຢັນໆແບບທໍາມະຊາດ ໃນສະຖານທີ່ແຫ່ງນີ້ໄດ້ ແຕ່ສໍາລັບລະດູຝົນແມ່ນບໍ່ສາມາດລົງຫຼິ້ນນໍ້າໄດ້້ເນື່ອງຈາກກະແສນໍ້າໄຫຼແຮງຫຼາຍ ແຕ່ກໍເປັນລະດູທີ່ທໍາມະຊາດ ແລະ ນໍ້າຕົກງົດງາມທີ່ສຸດ. – ສໍາລັບການເດີນທາງໄປແຊປ້ອງໄລແມ່ນສາມາດໄປໄດ້ 3 ທາງຄື: 1. ເດີນທາງຈາກເມືອງປະທຸມພອນ: ຈາກທາງເລກ 13 ໃຕ້ ທີ່ຫຼັກ 48 ເມືອງປະທຸມພອນ …

ດິນແດນແຫ່ງຄວາມສະຫງົບ, ສີສັນລະດູໃບໄມ້ແດງ… ມື້ນີ້ ຂວັນໃຈ ຂໍມາເອົາໃຈສາວໆສາຍທ່ຽວພະຈົນໄພຂາລຸຍຈັກໜ້ອຍ ເພາະຈະມາຊວນຍ່າງເຂົ້າປ່າໄປເບິ່ງເສືອ ເອີ່ຍ! ເບິ່ງຄວາມງາມຂອງ ໃບໄມ້ທີ່ກໍາລັງປ່ຽນສີ, ທ່ອງທ່ຽວທະເລຊາຍອັນກວ້າງໃຫຍ່ໄພສານ ແລະ ຢຸດພັກກາຍພັກໃຈ ເພື່ອເພີ່ມພະລັງໃຫ້ກັບຊີວິດທີ່ຈອມພູສູງ… “ມົງໂກລີ” ເປັນປະເທດທີ່ຂຶ້ນຊື່ວ່າຕັ້ງຢູ່ເທິງຫຼັງຄາໂລກ, ມີຄວາມສະຫງົບ ແລະ ງົດງາມ, ສີສັນຂອງລະດູໃບໄມ້ແດງ, ເປັນປະເທດໜຶ່ງທີ່ມີປະຊາກອນໜ້ອຍທີ່ສຸດໃນທະວີບອາຊີ ຈຶ່ງເຮັດໃຫ້ຍັງມີເນື້ອທີ່ອັນກວ້າງຂວາງ ໃນນັ້ນກໍມີສະຖານທີ່ທ່ອງທ່ຽວຫຼາຍແຫ່ງທີ່ມີຄວາມງາມບໍ່ດ້ອຍໄປກວ່າບັນດາເມືອງໃນເບື້ອງຕາເວັນຕົກເລີຍ ແລະ ຍັງງົດງາມ ໃຫ້ຄວາມຮູ້ສຶກເບີກບານໃນການທ່ຽວຊົມນໍາອີກ ແຕ່ຂຶ້ນຢູ່ກັບຜູ້ທີ່ໄປທ່ຽວຊົມແດ່ວ່າ ມັກໃນການພະຈົນໄພຂະໜາດໃດ ການໄປທ່ອງທ່ຽວມົງໂກລີນັ້ນ ສາວໆຈະໄດ້ສໍາຜັດກັບລົດຊາດຂອງການເດີນທາງແບບຄົບຮູບແບບ ທັງທ່ຽວຊົມວັດທະນະທໍາຊົນເຜົ່າພື້ນເມືອງທີ່ຍັງຖືກຮັກສາໄວ້ເຖິງຄວາມເປັນເອກະລັກ ນໍ້າໃຈໄມຕີອັນດີຂອງຊາວເມືອງອາຄາ ສະຖາປັດຕະຍະກໍາແບບດັ້ງເດີມ ການເດີນທາງທ່າມກາງທະເລຊາຍ ລຽບຕາມໜ່ວຍພູ ແລະ ແມ່ນໍ້າ ເອີ້ນໄດ້ວ່າ Trip ນີ້ ສາວໆ ແລະ ທໍາມະຊາດຈະໄດ້ສໍາຜັດເຊິ່ງກັນ ແລະ ກັນເປັນອັນໜຶ່ງອັນດຽວ. ສະຖານທີ່ທ່ອງທ່ຽວທີ່ແນະນໍາໄດ້ແກ່: – ປ່າຫູຢັງ: ເປັນປ່າທີ່ກວ້າງໃຫຍ່ໄພສານ ມີເນື້ອທີ່ 160.000 ໄຮ່ …

ທ່ານ ຄັດຊຶຈິ ໂຍຊິດະ (Katsuji Yoshida) ເປັນໜຶ່ງໃນນັກສຳຫຼວດຖ້ຳ ທີ່ມີຊື່ສຽງໂດ່ງດັງຂອງໂລກ ເຄີຍສຳຫຼວດຖ້ຳມາແລ້ວຫຼາຍບ່ອນ ແລະ ໄດ້ຄົ້ນພົບຖ້ຳແຫ່ງໃໝ່ໃນໂລກມາແລ້ວ 6 ແຫ່ງ ຫຼັງຈາກ ທີ່ໄດ້ສຶກສາກ່ຽວກັບຖ້ຳມາດົນ ຈຶ່ງຕັ້ງສົມມຸດຖານຂຶ້ນມາວ່າ ຢູ່ລາວອາດມີຖ້ຳທີ່ໃຫຍ່ທີ່ສຸດໃນໂລກກໍເປັນໄດ້ ສະນັ້ນ ຈຶ່ງໄດ້ເລີ່ມການວິໄຈແລະ ສຳຫຼວດ ຖ້ຳຢູ່ລາວເປັນເວລາເຖິງ 2 ປີ. ທີມງານສຳຫຼວດ (ມີ 6 ຄົນ) ໄດ້ໃຊ້ເວລາສຳຫຼວດຖ້ຳຢູ່ລາວ ທີ່ຍັງບໍ່ທັນເຄີຍມີການສຳຫຼວດມາກ່ອນ (ຫຼັງຈາກທີ່ໄດ້ຮັບຂໍ້ມູນຈາກຊາວບ້ານ) ໂດຍເລີ່ມສໍາຫຼວດຖໍ້າຢູ່ ເມືອງ ແມດ ແຂວງວຽງຈັນ ບາງຄົນອາດຮູ້ຈັກ ແລະ ເຄີຍໄປມາແລ້ວ ແຕ່ຖໍ້າແຫ່ງນີ້ ຍັງບໍ່ທັນເຄີຍມີນັກສຳຫຼວດກຸ່ມໃດ ເຂົ້າໄປສຳຫຼວດຢູ່ຂ້າງໃນມາກ່ອນ. ທີມງານສຳຫຼວດຕັ້ງຄ້າຍຢູ່ຈຸດນີ້ເປັນເວລາໜຶ່ງເດືອນ ຈົນຄົ້ນພົບວ່າ ຢູ່ໃນຖ້ຳ ມີຫີນຍ້ອຍ, ມີຄວາມມືດ ແລະ ໜາວຫຼາຍເມື່ອເຂົ້າໄປໃນຖໍ້າ ທີມສຳຫຼວດກ່າວວ່າ ຫີນຍ້ອຍນີ້ມີສີຂາວກວ່າບ່ອນອື່ນໆທີ່ເຄີຍພົບມາ ສະພາບອາກາດໃນຖ້ຳ ມີຄວາມສົດຫຼາຍ …

“ທິເບດ” ຫຼື ທີ່ມັກເອີ້ນກັນວ່າ “ດິນແດນຫຼັງຄາໂລກ” ມີເມືອງເອກຊື່ວ່າ: ລາຊາ (Lhasa) ແລະ ໄດ້ຂຶ້ນລາຍຊື່ 50 ເມືອງ ທີ່ໜ້າໄປຢ້ຽມຊົມທີ່ໃນສຸດໂລກ ເວົ້າໄດ້ວ່າເປັນສູນກາງຂອງສາດສະໜາຂອງທິເບດ ແລະ ສໍາຜັດກັບສະຖາປັດຕະຍະກໍາທີ່ງົດງາມ. ທິເບດມີເນື້ອທີ່ 1.228.400 ກມ2, ປະຊາກອນກວ່າ 6 ລ້ານຄົນ. ສະນັ້ນ, ຖ້າຄິດໄປຢ້ຽມຊົມ ສາມາດໄປໄດ້ຫຼາຍເສັ້ນທາງ ເຊັ່ນ: ທາງອາກາດ ເພາະມີສາຍການບິນ Lao Airlines ວຽງຈັນ-ຄຸນໜິງ ແລ້ວຕໍ່ເຄື່ອງຈາກຄຸນໝິງໄປເມືອງລາຊາ ເມືອງຫຼວງຂອງທິເບດເລີຍ ຫຼື ຈະໄປດ້ວຍລົດເມ ວຽງຈັນ-ຄຸນໝິງກໍໄດ້ ແຕ່ທາງນີ້ຈະໃຊ້ເວລາເດີນທາງຫຼາຍມື້ສົມຄວນ. ເວັບໄຊ Tripdeedee.com ບອກວ່າ: ການຂໍວີຊາ ເຂົ້າທິເບດຕ້ອງຂໍຜ່ານຈີນເທົ່ານັ້ນ ແລ້ວສົ່ງ Visa ແລະ ໜ້າ Passport ໃຫ້ຕົວແທນເຮັດ Visa ໃນທິເບດ ອາດໃຊ້ເວລາປະມານ …