Love & Sex

5 ວິທີມັດໃຈຄົນຮັກບໍ່ໃຫ້ນອກໃຈ

ບໍ່ຕ້ອງໂວຍວາຍ ບໍ່ຕ້ອງຫຶງ ບໍ່ຕ້ອງໃຈຮ້ອນທີ່ມັກໂວຍວາຍ ເພາະຈະເຮັດໃຫ້ເລື່ອງນ້ອຍກາຍເປັນເລື່ອງໃຫຍ່ ຄວນຄິດໃນແງ່ບວກໄວ້ແລ້ວຄ່ອຍໆແກ້ໄຂຈະດີກວ່າ. ບໍ່ຄວນໃຊ້ວິທີ່ຮຸນແຮງເດັດຂາດ ພະຍາຍາມເຮັດຕົວເປັນຄົນດີ ໃຈເຢັນຍີ້ມເຂົ້າໄວ້ ເພາະມັນຈະຊ່ວຍໃຫ້ສິ່ງຕ່າງໆດີຂຶ້ນ ແລ້ວສາມາດແກ້ໄຂບັນຫາທີ່ລຸກລາມໄດ້ ທ່ານຄືສິ່ງທີ່ດີທີ່ສຸດໃນຊີວິດ ທ່ານຕ້ອງສະແດງໃຫ້ເຂົາເຫັນວ່າ ເຮົາເປັນຜູ້ຍິງທີ່ມີຄຸນຄ່າ ແລະ ເໝາະສົມທີ່ຈະເປັນພັນລະຍາທີ່ດີທີ່ສຸດ ເພື່ອພິສູດວ່າທ່ານຮັບເຂົາໄດ້ທຸກເລື່ອງ ຢ່າມົວແຕ່ລະແວງການນອກໃຈ ທ່ານບໍ່ຄວນຊອກຈັບຜິດວ່າລາວໄປໃສ? ຢູ່ໃສ? ເພາະຈະເຮັດໃຫ້ເຂົາເບຶ່ອໜ່າຍ ພຽງແຕ່ສະແດງໃຫ້ເຂົາຮູ້ວ່າ ເຮົາປ່ອຍໃຫ້ເຂົາຮູ້ສຳນຶກເອງກໍພຽງພໍແລ້ວ ບໍ່ມີປະໂຫຍດ ຖ້າຍັງເວົ້າແຕ່ເລື່ອງເກົ່າໆ ຈື່ໄວ້ວ່າອີກຝ່າຍບໍ່ຢາກໃຫ້ຂຸດຄົ້ນເລື່ອງເກົ່າໆ ຈົນກາຍເປັນຂີ້ເຈຍຕໍ່ລຸກເປັນໄຟ ຂອງການຜິດກັນເຮັດໃຫ້ເກີດຄວາມສະແວງບໍ່ເຊື່ອໃຈ ແລະ ແຮງເຮັດໃຫ້ທ່ານຝັງໃຈກັບສິ່ງທີ່ເກີດຂຶ້ນນໍາອີກ  

Read More »

ເມື່ອຍແລ້ວ! ກັບການເລີ່ມຕົ້ນໃໝ່ອີກຄັ້ງ

ບໍ່ຢາກເລີ່ມຕົ້ນໃໝ່ກັບໃຜອີກແລ້ວ ປະໂຫຍກນີ້ດັງຢູ່ໃນໃຈຂອງໃຜຫຼາຍໆຄົນ ເພາະການເລີ່ມຕົ້ນໃໝ່ ຕ້ອງໄດ້ເລີ່ມຕົ້ນດ້ວຍການ ທັກທາຍ ຮູ້ຈັກຊື່, ຮຽນຮູ້ນິດໄສໃຈຄໍ ຕ້ອງໄດ້ເລີ່ມທໍາຄວາມເຂົ້າໃຈກັນໃໝ່ໝົດ ຕ້ອງສ້າງຄວາມເຊື່ອໃຈ ປັບຕົວໃຫ້ເຂົ້າກັນໃໝ່ ຕ້ອງເລີ່ມນັດພົບກັນຄັ້ງທຳອິດ, ຈູບກັນຄັ້ງທຳອິດ ຕ້ອງເລີ່ມງໍ້ກັນ, ຕ້ອງເລີ່ມຮຽນຮູ້ຂໍ້ດີ ແລະ ຍອມຮັບຂໍ້ບໍ່ດີກັນໃໝ່ອີກ ເປັນຕົວຂອງຕົວເອງໄດ້ບໍ່ເຕັມທີ ແລ້ວທຸກຢ່າງກໍເປັນເລື່ອງໃໝ່ ແລະສິ່ງທີ່ສຳຄັນທີ່ສຸດແມ່ນ ມັນຍາກບ່ອນທີ່ເຮົາບໍ່ສາມາດລົບລ້າງຄວາມຜູກພັນກັບຄົນເກົ່າໄດ້ ແລ້ວກໍຕ້ອງມານັ່ງຈົມປັກກັບຄວາມຮູ້ສຶກເກົ່າໆ ບໍ່ສາມາດເລີ່ມໃໝ່ກັບໃຜໄດ້ ພຽງແຕ່ຄິດຊໍານີ້ກໍເມື່ອຍແລ້ວ ທີ່ຈະຕ້ອງມາແບກຮັບສິ່ງເຫຼົ່ານີ້ ເພາະສະນັ້ນ ເຮົາຕ້ອງເບິ່ງແຍງດູແລກັນໃນມື້ນີ້ໃຫ້ດີທີ່ສຸດ ບໍ່ຖີ້ມກັນໃນເວລາທີ່ພົບກັບບັນຫາ ບັນຫາໃດທີ່ໜັກ-ເບົາ ກໍໃຫ້ອະໄພກັນ ຄົນທີ່ຈະເຂົ້າໃຈກັນນັ້ນ ພຽງແຕ່ເບິ່ງຕາກັນກໍຮູ້ສຶກໄດ້ເຖິງຄວາມຕ້ອງການຂອງອີກຝ່າຍ ວ່າຕ້ອງການຫຍັງ ແລະ ຄິດຫຍັງຢູ່ ມັນຊອກຍາກແທ້ໆຄົນແບບນີ້.

Read More »

ອົກຫັກມັນບໍ່ຕາຍດອກ ເລີ່ມຕົ້ນໃໝ່ໃຫ້ສົດໃສດີກວ່າ

ເມື່ອໃດທີ່ເຮົາສາມາດ ອອກຈາກເຮືອນໄດ້ ໂດຍອາລົມເບີກບານມ່ວນຊືື່ນແລ້ວ ສະແດງວ່າເຮົາພ້ອມທີ່ຈະເລີ່ມຕົ້ນຊີວິດໃໝ່ດ້ວຍຕົນເອງ ແລະ ເພື່ອບໍ່ຢາກໃຫ້ຕົນເອງ ຍັງມີຄວາມອາໄລອາວອນຢາກກັບໄປຫາແຟນເກົ່າ ເຮົາກໍຕ້ອງມີຄວາມຕັ້ງໃຈເຮັດໃຫ້ລື່ມດ້ວຍການ ອອກຈາກເຮືອນໄປພົບກັບຄົນທີ່ນິດໄສດີ, ພົບປະຄົນແປກໜ້າ, ສ້າງຄວາມຮູ້ຈັກກັບກຸ່ມຄົນໂສດ ໃຫ້ອາການດີຂຶ້ນມາຈັກໜ່ອຍ, ເມື່ອຮູ້ສຶກວ່າດີຂຶ້ນແລ້ວ ກໍລອງຄົບຫາຄົນໃໝ່ລອງເບິ່ງ. ແຕ່ຢ່າຄິດຊອກຫາຄົນມາຢາໃຈໃນລະຫວ່າງທີ່ກໍາລັງເຈັບຊໍ້າ ກັບຮັກທີ່ຫາກໍລົ້ມລະລາຍ ເພາະຊ່ວງນີ້ຄົນເຮົາຈະເບາະບາງຫຼາຍ ແລະ ມັກຈະຕັດສິນໃຈເຮັດສິ່ງທີ່ຜິດພາດ ເນື່ອງມາຈາກຄວາມຄຽດ ດັ່ງນັ້ນ ຄວນຮັກສາບາດແຜໃຈໃຫ້ຫາຍດີກ່ອນ ຈຶ່ງຈະເລີ່ມຕົ້ນໃໝ່ກັບຄົນອື່ນ ເພາະການຊອກຄົນອື່ນມາຢາໃຈຕົນເອງ ໃນຍາມເຈັບຢູ່ນີ້ ຜົນທີ່ອອກມາບໍ່ຄ່ອຍຈະດີປານໃດ.

Read More »

5 ວິທີ ທີ່ຈະເຮັດໃຫ້ຄູ່ຮັກຂອງທ່ານ ຮັກທ່ານຫຼາຍຂຶ້ນ

ການໃຫ້ອະໄພ ຈະສາມາດປະຄອງຄວາມຮັກ ໄປໄດ້ຕະຫຼອດຝັງ ແລ້ວຄວນຍົກໂທດໃຫ້ກັບຄົນທີ່ຮັກ ເພາະລາວເອງກໍເປັນພຽງຄົນທຳມະດາຄົນໜຶ່ງທີ່ເຮັດຜິດໄດ້ສະເໝີ ບໍ່ຄວນປະສົດຊີວິດ ການປະສົດຊີວິດດ້ວຍການລົມຄົນໃໝ່ເພື່ອເຮັດໃສ່ຄົນຮັກນັ້ນ ຈະເຮັດໃຫ້ລາວສາມາດເລືອກໄປຈາກເຮົາໄດ້ໄວທີ່ສຸດ ເພາະມັນໃຊ້ບໍ່ໄດ້ກັບຄວາມຮູ້ສຶກ ຂອງຄົນທີ່ຮັກທ່ານແທ້ ເອົາໃຈໃສ່ຕົວເອງຫຼາຍຂຶ້ນ ບໍ່ຄວນປ່ອຍຕົວ ຕ້ອງສ້າງຕົວເອງເຮັດໃຫ້ດູດີ ແລ້ວປ່ຽນມາເອົາໃຈໃສ່ໃນການແຕ່ງຕົວໃຫ້ງາມໆ ເພາະເຮົາບໍ່ແມ່ນຂອງຕາຍຂອງໃຜເນາະ! ປີ່ນໜ້າເຂົ້າຫາກັນ ສາເຫດຂອງການນອກໃຈ ອາດເກີດຂຶ້ນທັງສອງຝ່າຍ ເຊິ່ງທ່ານເອງກໍອາດຈະມີຂໍ້ບໍ່ດີໃນບາງສິ່ງ ຄວນປິ່ນໜ້າເຂົ້າຫາກັນ ແລ້ວລົມກັນດີໆ ເພື່ອປັບຄວາມຮູ້ສຶກກັບຄົນຮັກໃຫ້ຫຼາຍຂຶ້ນ ບໍ່ຄວນເອົາເລື່ອງນີ້ໄປເວົ້າວິຈານກັບຄົນອື່ນ ບັນຫານີ້ເປັນເລື່ອງຂອງຄົນສອງຄົນ ທີ່ຈະຕ້ອງແກ້ໄຂໄປນໍາກັນ ບໍ່ຄວນເອົາເລື່ອງທີ່ຜິດກັນໄປລົມໃຫ້ຄົນອື່ນຟັງ ເພາະຈະເຮັດໃຫ້ຄົນຮັກຂອງທ່ານເສຍໜ້າ ເບິ່ງໜ້າກັນບໍ່ໄດ້.

Read More »

ແຟນເກົ່າລາວຍັງມາວຸ້ນວາຍກັບແຟນເຮົາ ເຮົາຄວນເຮັດແບບໃດ?

ຄໍາວ່າ “ແຟນເກົ່າ” ກໍເຄີຍແມ່ນແຟນເໝືອນກັນ ຫາກທ່ານພົບກໍລະນີ້ທີວ່າ ຍັງເຫັນເບີໂທຂອງແຟນເກົ່າລາວໃນໂທລະສັບຂອງແຟນທ່ານ ແລະຍັງເຫັນເຂົາສອງຄົນເປັນໝູ່ກັນຢູ່ເຟດບຸກ ແລ້ວຍັງກົດໄລ໌ຮູບໃຫ້ກັນອີກ ເຮັດແບບນີ້ເບິ່ງຄືຂ້າກັນທາງອ້ອມແທ້ໆ! ແຕ່ທຸກສິ່ງທຸກຢ່າງ ກໍຕ້ອງໃຈເຢັນໆ ມີສະຕິໃຫ້ຫຼາຍທີ່ສຸດ ສິ່ງສໍາຄັນທີ່ສຸດຄືການຄິດບວກໄວ້ກ່ອນ ເຖິງວ່າ ເຂົາສອງຄົນ ຈະກົດໄລ໌ຮູບໃຫ້ກັນທາງເຟດບຸກ ຈົນເຮັດໃຫ້ໃຈເຮົາກະວົນກະວາຍກໍຕາມ ມັນເປັນພຽງສິ່ງທີ່ຮຽກຮ້ອງຄວາມສົນໃຈຈາກເຮົາໄປຊື່ໆ ເຮົາບໍ່ຈໍາເປັນຕ້ອງຫຶງ? ຫວງ? ຊັງ? ເພາະສິ່ງເຫຼົ່ານັ້ນ ຈະເຮັດໃຫ້ທ່ານເປັນຄົນທີ່ໜ້າລໍາຄານສຳລັບຜູ້ຊາຍຫຼືແຟນຂອງທ່ານເອງ… ເຮົາຕ້ອງສ້າງຕົນເອງໃຫ້ງາມໆ, ເບິ່ງແລ້ວ ແພງ ແລະ ມີຄຸນຄ່າທີ່ສຸດ ສ້າງຕົວເອງໃຫ້ຜູ້ຊາຍເກງໃຈເນາະ! ສາວໆ ສິ່ງທີ່ດີທີ່ສຸດກໍຄື ການສະຫງົບສະຕິອາລົມຂອງຕົນເອງ ແລ້ວມານັ່ງຄິດວ່າ ຈະໄປຄຽດເຮັດຫຍັງ ຫຶງຫວງເຮັດຫຍັງ ເປັນຫຍັງບໍ່ເຮັດໃຫ້ແຟນຮັກ, ແຟນຫຼົງ ເຮັດໃຫ້ຜູ້ຍິງຄົນອື່ນມາອິດສາບໍ່ດີກວ່າບໍ? ແລະ ສຳລັບຜູ້ຊາຍເອງ ກ່ອນຈະເຮັດຫຍັງລົງໄປ ກໍຂໍໃຫ້ຄໍານຶງວ່າ ຕອນນີ້ມີແຟນຢູ່ແລ້ວ ຄວນເບິ່ງແຍງດູແລຄວາມຮູ້ສຶກເຊິ່ງກັນ ແລະກັນແດ່! ໃຫ້ກຽດແຟນເໝືອນທີ່ເຂົາໃຫ້ກຽດເຮົາເຊັ່ນກັນ ລົມກັນໃຫ້ເຂົ້າໃຈ ຈະດີກວ່າເນາະ!

Read More »
error: ສະຫງວນລິຂະສິດ ຫ້າມນຳເອົາໄປເຜີຍແຜ່ຕໍ່ !!