ຂ່າວບັນເທີງໃນປະເທດ

ຮືຮາກັນອີກແລ້ວ ກະແສດີບໍ່ມີຕົກອີ່ຫລີສຳລັບສາວງາມຄົນນີ້ ນູ່ນີ່ ກຸມພົນພັກດີ  ເຊິ່ງຫຼ້າສຸດລາຍການເລືອກຄູ່ຊື່ດັງ “Take Me Out Thailad” ກໍໄດ້ປ່ອຍພາບຕົວຢ່າງຂອງລາຍການໃນອາທິດໜ້າເຜີຍເປັນໃນໆໃຫ້ຮູ້ວ່າ ນູ່ນີ່ ຄົນງາມຂວັນໃຈແຟນຄລັບຫຼາຍໆຄົນກຳລັງຈະໄດ້ໜຸ່ມໄປເດດແລ້ວເດີ້, ແລະ ຄ້າຍກັບຈະແມ່ນຄວາມຈິງເພາະເຟສບຸກຂອງນູ່ນີ່ເອງກໍໄດ້ໂພສເປັນປິດສະໜາເຊັ່ນກັນ, ດັ່ງນັ້ນໃນວັນ ເສົາ ວັນທີ 1 ກໍລະກົດ 2017 ເວລາບ່າຍ 2 ໂມງທີ່ຈະມາເຖິງນີ້ຢ່າລືມຕິດຕາມກັນເບິ່ງ ເພື່ອຈະໄດ້ຮູ້ກັນວ່າໜຸ່ມຄູ່ເດດຂອງ ນູ່ນີ່ ກຸມພົນພັກດີ ຄົນນີ້ຈະເປັນໃຜ??? ຢ່າງໃດກໍຂໍສະແດງຄວາມຍິນດີກັບສາວ ນູ່ນີ່ ລ່ວງໜ້າເລີຍເດີ້ (ອິອິ) #ຢ່າລືມແຊຣໄປໃຫ້ໝູ່ຮູ້ນຳແດ່ ມີຄລິບຕົວຢ່າງລາຍມາຝາກນໍາເດີ້!!! ຮູບພາບຈາກ: Noony Koumphonphakdee ຄລິບ: Take Me Out Thailand

ວັນຈັນຕົ້ນອາທິດແບບນີ້ແຟນເພສທຸກຄົນຄົງຈະວຸ້ນໆກັບວຽກງານ ແຕ່ບໍ່ຕ້ອງຊີລຽດໄປເດີ້ ເພາະມື້ນີ້ ຊະນີIndy ມີແນວສວຍໆງາມໆ ເຊັກຊີ່ໆ ມາຝາກເປັນໃຜບໍ່ໄດ້ເລີຍເດີ້ນັ້ນກໍຄື ຈີຈີ່ ພອຍໄພລິນ ສີວິໄລ ເນັດໄອດໍ້ຕະຫຼອດການຂອງລາວເຮົາທີ່ນັບມື້ນາງຍິ່ງງາມ ເຊັກຊີ່  ແລະ ມີສະເໜ່ຈົນໃຜໆກໍອາດທຽບບໍ່ຕິດກັນເລີຍ, ຫຼ້າສຸດ ຈີຈີ່ ກໍໄດ້ໂພສຮູບພາບໃນອິນສະຕາແກຼມ ໃນແບບສະບາຍໆ ແຕ່ແອບແຝງໄປດ້ວຍຄວາມງາມ ແລະ ເຊັກຊີ່ຫຼາຍ. #ແຊຣໄປໃຫ້ໂລກຮູ້ວ່າສາວລາວງາມຫຼາຍ ຂໍຂອບໃຈຮູບພາບຈາກ: chichisvl

ຄຣິດຕິນ້າ ອາກີ່ຣ່າ ຫຼື “Queen Of Dance” ດາລາ-ນັກຮ້ອງຊື່ດັງຂອງປະເທດເພື່ອນບ້ານ ໄດ້ເດີນທາງມາທີ່ປະເທດລາວເພື່ອມາຄອນເສີດຢູ່ທີ່ສະຖານບັນເທິງຊື່ດັງແຫ່ງໜຶ່ງໃນວັນທີ 24 ມິຖຸນາ ທີ່ຜ່ານມາ, ນັກຮ້ອງຊື່ດັງຕະຫຼອດການຄົນນີ້ຍັງໄດ້ໂພສຜ່ານອິນສະຕາແກຼມອີກວ່າ ດີໃຈຫຼາຍທີ່ໄດ້ມາປະເທດລາວ ພ້ອມເດີນທາງໄປຍັງສະຖານທີ່ສັກສິດຂອງລາວເຮົາເຊັ່ນ: ພະທາດຫຼວງວຽງຈັນ ເພື່ອກຼາບໄຫ້ວ ພະເຈົ້າໄຊຍະເສດຖາທິລາດ, ໄປຖ່າຍຮູບເຊັກອິນທີ່ ປະຕູໄຊ ເຊິ່ງເປັນສະຖານທີ່ແລນມາກຂອງລາວເຮົາ ແລະ ຍັງໄປອີກໜຶ່ງສະຖານທີ່ສັກສິດຂອງລາວເຮົາກໍຄື ວັດສີເມືອງ ພ້ອມທັງຂໍພອນເຈົ້າແມ່ສີເມືອງ ແລະ ມັດຂໍ່ຕໍ່ແຂນເພື່ອຂໍໂຊກລາບກ່ອນການເດີນທາງກັບໃນຄັ້ງນີ້ດ້ວຍ!!! ສຳລັບ ຄຣິດຕິນ້າ ອາກີ່ຣ່າ  ເປັນນັກຮ້ອງທີ່ມີຊື່ສຽງໂດ່ງດັງ ຄົນທີ່ເກີດຍຸກ 90’s  ຄົງຈະບໍ່ມີໃຜທີ່ບໍ່ຮູ້ຈັກ ເພາະຜົນງານເພງຂອງເພິ່ນມີຫຼາຍບົດເພງທີ່ໂດ່ງດັງເຊັ່ນ: ພູດອີກທີ, ພິກລ໋ອກ, ຄົນແພ້ບໍ່ມີທີ່ໄປ, ໄປດ້ວຍກັນນະ ແລະ ຍັງມີອີກຫຼາຍໆບົດເພງທີ່ໂດ່ງດັງ, ປັດຈຸບັນ ຄຣິດຕິນ້າ ອາກີ່ຣ່າ ອາຍຸ 50 ແລ້ວແຕ່ຍັງງາມຫຼາຍ!!! #ແຊຣໄປໃຫ້ໂລກຮູ້ນິແຫຼະປະເທດລາວໃຜໆກໍຢາກມາ ຂໍຂອບໃຈຮູບພາບຈາກ: c_aguilar

ເປັນຕາຮັກ ເປັນຕາແພງສຸດໆກັບວ່າທີ່ເຈົ້າສາວ ແອັບເປີ້ນ ສີສະຫງຽນ ສີຫາລາດ ທີ່ແຕ່ງໂຕແຟນຊີໃນວັນເກີດຂອງໝູ່ ງານນີ້ແອັບເປີ້ນມາໃນລຸກຂອງ “Buttercup” ໝຶ່ງໃນຕົວລະຄອນຂອງກະຕູນດັງ “Power Puff girls” ແອັບເປີ້ນແຕ່ງອອກມາແລ້ວມີຄວາມຄ້າຍຄື ແລະ ໜ້າຮັກຫຼາຍ, ຊະນີIndy ເລີຍອົດບໍ່ໄດ້ທີ່ຈະນຳເອົາຮູບພາບໜ້າຮັກຂອງວ່າທີ່ເຈົ້າສາວຄົນນີ້ມາຝາກ ນອກຈາກນັ້ນຍັງມີຮູບພາບຂອງບັນດາໜູ່ເພື່ອນຂອງ ແອັບເປີ້ນ ທີ່ແຕ່ງຕົວໃນລຸກຂອງກະຕູນດັງ ແລະ ບັນດາເຫຼົ່າຍອດມະນຸດຕ່າງໆ ແຟນໆລອງມາເບິ່ງເອງເລີຍ ຫຼື ແຟນເພສຄົນໃດມັກແລະຍາກຈັດວັນເກີດແນວຄັກໆແບບນີ້ກໍລອງເກັບໄວ້ເປັນໄອເດຍໄດ້ເລີຍ!!! #ຂ່າວຄັກໆແບບນີ້ໜູ່ເຈົ້າຮູ້ແລ້ວຫວາແຊຣໄປໃຫ້ໝູ່ຮູ້ນຳແດ່ ຮູບພາບຈາກ: Appleple Sihalath

ຈະເອ໋…ມື້ພັກແບບນີ້ ຊະນີIndy ມີຈະເຄີຍພັກ ຮັ່ນແນ່ ເວົ້າແບບນີ້ແນ່ນອນເລີຍວ່າຕ້ອງມີເລື່ອງມາເມົ້າກັບແຟນໆແນ່ນອນ ເປັນເລື່ອງຂອງສາວ ສຸດາ ວັນທອງທິບ ຮອງອັນດັບ 2 ນາງສາວ ນະຄອນຫຼວງວຽງຈັນ ແລະ ລາງວັນຂວັນໃຈມະຫາຊົນ 2017, ທີ່ດຽວນີ້ເພິ່ນກຳລັງມາແຮງແຊງທາງໂຄ້ງກັນເລີຍ ບໍ່ວ່າຈະເປັນເລື່ອງຜົນງານທັງຖ່າຍແບບ ຖ່າຍລາຍການ ຫຼິ້ນເອັມວີ ແລະ ໃນໄວໆນີ້ເພິ່ນກໍຈະມີຜົນງານເປັນການສະແດງຮູບເງົາເປັນຊີ່ຣີ່ອີກໄດ໋… ວ້າວໆໆ ມີວຽກຫຼາຍປານນີ້ເອົາເວລາໄດ໋ພັກຜ່ອນນໍສາວສຸດາ (ອິອິ) ແຕ່ທີ່ ຊະນີIndy ຈະມາເມົ້າ ມາເວົ້າ ມາຝອຍ (ໂອ້ຍ…ຄືວ່າຢາກຫຼາຍເນາະ 555 ) ເຂົ້າເລື່ອງກັນເລີຍ ກໍຄືວ່າສາວ ສຸດາ ວັນທອງທິບ ສາວລາວຄົນງາມຂອງເຮົາເພິ່ນມີຮອຍຍິ້ມທີ່ງາມໆ ບາດຕາບາດໃຈ ຍິ້ມຫວານໆພໍກັບນໍ້າເຜິ້ງພຸ້ນລະ ໃຜໆທີ່ໄດ້ເຫັນເປັນຕ້ອງຫຼົງໄຫຼໃນຮອຍຍິ້ມຂອງນາງ, ເວົ້າໄປດຽວສິຫາວ່າ ຊະນີIndy ຍ້ອງ ສຸດາ ເກີນໜ້າເກີນຕາ ດັ່ງນັ້ນຖ້າບໍ່ເຊື່ອກໍລອງມາເບິ່ງກັນເອົາເອງເລີຍວ່າຈະງາມ ໜ້າຮັກ ຍິ້ມຫວານແທ້ບໍ່? #ແຊຣໄປໃຫ້ໂລກຮູ້ສາວລາວຍິ້ມຫວານ ຮູບພາບຈາກ: Souda Vanthongthip