Breaking News

ໄວໜຸ່ມ

ມາເບິ່ງ 5 ກົນລະຍຸດທາງລັດລົງ “ຄານ” ໃຜຢາກຖີ້ມຄວາມໂສດ ລອງໄດ້!!

ໂສດມາດົນຢາກມີຄວາມຮັກເຮັດແນວໃດດີ? ຫຼາຍໆຄົນອາດມີສາເຫດຂອງການບໍ່ຍ້ອມມີແຟນທີ່ແຕກຕ່າງກັນໄປ ເຊິງມັນອາດຈະມາຈາກຫຼາກຫຼາຍປັດໃຈ ເຊັ່ນວ່າ ຍັງບໍ່ພ້ອມມີຄວາມຮັກ, ຍັງເຂັດຫຼາບຈາກຄວາມຮັກເກົ່າໃນອາດິດ, ຍັງບໍ່ທັນມີໃຜທີ່ເຂົ້າຕາ ຫຼືມີແລ້ວແຕ່ເຂົາຄົນນັ້ນພັດວ່າມີແຟນປະແລ້ວ ລວມໄປເຖິງບາງຄົນກໍຢາກມີຄວາມຮັກແຕ່ບໍ່ກ້າ….ເລີຍເປັນເຫດເຮັດໃຫ້ຫຼາຍຄົນບໍ່ມີໂອກາດແກວ່ງຄວາມໂສດຖີ້ມຈັກເທື່ອ!! ບັນດາໜຸ່ມໆສາວໆທີ່ຍັງບໍ່ທັນມີແຟນທັງຫຼາຍຢ່າຟ້າວນ້ອຍໃຈເດີ!! ມື້ນີ້ ຂວັນໃຈຂໍເອົາໃຈໄວໂສດໂດຍການມາເວົ້າເຖິງເລື່ອງແນວທາງໄອເດຍດີໆທີ່ຈະເຮັດໃຫ້ຄົນໂສດທັງຫຼາຍນັ້ນສົມຫວັງໃນເລື່ອງຄວາມຮັກ ລວມມີ 5 ຂໍ້ ກົນລະຍຸດນໍາກັນ ເຊິ່ງຈະມີຫຍັງແດ່ນັ້ນໄປອ່ານນໍາກັນເລີຍ!! ເບິ່ງແຍງຕົນເອງກ່ອນເປັນອັນດັບທໍາອິດ ກົດແຮງດືງດູດມັກດືງດູດຄົນທີ່ຄືກັນເຂົ້າມາຫາກັນ ສະນັ້ນ ຖ້າເຮົາຕັ້ງເປົ້າໝາຍວ່າຢາກໄດ້ຄົນແນວໃດ ເຮົາກໍຕ້ອງສ້າງຕົນເອງໃຫ້ເປັນແບບນັ້ນຄືກັນ ແລະ ທີ່ສໍາຄັນແຫ່ງເຮົາຮູ້ຮັກຮູ້ເບິ່ງແຍງດູແລຕົນເອງໄດ້ດີເທົ່າໃດ ກໍແຫ່ງມີແນວໂນ້ມຈະພົບຄົນຮັກທີ່ຄ້າຍຄືກັບເຮົາຫຼາຍຂຶ້ນ. ຕັດຄວາມຜູກພັນຈາກຄົນໃນອາດິດ ພະຍາຍາມຈິນຕະນາການຄວາມສໍາພັນໃນແບບທີ່ເຮົາຕ້ອງການ ຈາກນັ້ນກໍໃຫ້ຄືດເຖິງຄົນທີ່ມີຄວາມຜູກພັນໃນອາດິດວ່າ ພວກເຂົາສາມາດໃຫ້ຄວາມສໍາພັນແບບທີ່ເຮົາຕ້ອງການໄດ້ ຫຼືບໍ່ໄດ້ ຖ້າຄໍາຕອບຄື “ບໍ່ໄດ້” ກໍຢ່າໄປຢ້ານທີ່ຈະຕັດຄວາມສໍາພັນ ເພາະເຂົາເຈົ້າຈະເຮັດໃນສິ່ງທີ່ເຮົາຕ້ອງການບໍ່ໄດ້ ເຊິ່ງມັນເປັນການເຮັດໃຫ້ເຮົາເສຍເວລາໃນການເປິດໂອກາດໃຫ້ຄົນໃຫມ່ເຂົ້າມາຫາເຮົານັ້ນເອງ. ເປິດໃຈເວົ້າວ່າ “ແມ່ນ” ໃຫ້ຫຼາຍຂຶ້ນ ໝາຍເຖິງການເປິດໃຈບໍ່ປະຕິເສດຄົນທີ່ເຂົ້າມາລົມ ຫຼືການໄດ້ຮູ້ຈັກກັບຄົນໃຫມ່ໆ ເພາະມັນເປັນການຊ່ວຍເປິດໂອກາດໃຫ້ໄດ້ຮູ້ຈັກກັນຫຼາຍຂຶ້ນ ຍ້ອນວ່າເຮົາຈະບໍ່ມີທາງຮູ້ໄດ້ທັນທີວ່າໃຜຄືຄົນທີ່ແມ່ນ, ຈະຊອກໄດ້ຢູ່ໃສ ແລະ ຕອນໃດ ຖ້າເຮົາບໍ່ລອງເປິດໃຈເຮົາກໍຈະບໍ່ຮູ້ແບບນີ້ໄປເລື້ອຍໆ. ພະຍາຍາມອອກໄປເຮັດກິດຈະກໍາໃຫມ່ໆ ພົບຄົນໃຫມ່ໆ ຈາກທີ່ເມົາມົວຢູ່ກັບສິ່ງເກົ່າໆເດີມໆ ຫຼືອາດຈະປ່ຽນຈາກການຢູ່ເຮືອນໄປທ່ຽວນໍາຫມູ່, ຊອກບ່ອນຮຽນພາສາທີ່ຕົນສົນໃຈ, ໄປອອກກໍາລັງກາຍ ຫຼືຮ່ວມກິດຈະກໍາຕ່າງທາງສັງຄົມໃຫ້ຫຼາຍຂຶ້ນ ເພາະສິ່ງເລັກໆນ້ອຍໆໃນຊີວິດປະຈໍາວັນເຫຼົ່ານີ້ອາດຊ່ວຍໃຫ້ເຮົາພົບກັບຄົນໃຫມ່ໆໄດ້ໄວຂຶ້ນ. …

Read More »

ພາສ່ອງ!!!ຜູ້ກໍາກັບໝຸ່ມໜ້າຕາດີຄົນນີ້…

ວິນາທີນີ້!!! ບໍ່ມີໃຜບໍ່ຮູ້ຈັກກັບ ໝຸ່ມຄົນນີ້ແລ້ວ ຊານົນ ມະນິພົນ ໝຸ່ມມາດເຂັ້ມທີ່ຫຼາກຫຼາຍຄວາມສາມາດ ທີ່ມີຜົນງານການສະແດງເລື່ອງ ສຽງສຸດທ້າຍ ຮັບບົດເປັນພະເອກ ເຊິ່ງໝຸ່ມຄົນນີ້ກໍຢູ່ໃນວົງການບັນເທີງບໍ່ວ່າຈະເປັນນັກສະແດງ, ນາຍແບບ, ນັກຮ້ອງ… ຫຼ້າສຸດກໍ່ຈະກາຍມາເປັນຜູ້ກໍາກັບໝຸ່ມໜ້າຕາດີ ທີ່ມີຄົນຈັບຕາເບິ່ງຢູ່ຕອນນີ້….ມື້ນີ້ຂວັນໃຈຈະພາທຸກຄົນໄປສ່ອງຜົົນງານຂອງໝຸ່ມຄົນນີ້ ວ່າຈະເປັນແນວໃດ!!! ເຮົາໄປເບິ່ງນໍາກັນເລີຍ… ຂະໜາດຕອນຮ້າຍຍັງຫຼໍ່ ຄົນສິຫຼໍ່ເຮັດຫຍັງກະຫຼໍ່… ຝາກຕິດຕາມຜົນງານ ຂອງໝຸ່ມຄົນນີ້ແນ່ເດີ ວ່າຈະມີຜົນງານຫຍັງອອກມາ ຖ້າຕິດຕາມເບິ່ງນໍາກັນເດີ… ໂອຍ….ຫຼໍ່ຈົນໃຈແອັດລະລາຍໝົດເແລ້ວ!!! ຂອບໃຈຮູບພາບ: Nonh sanonh Maniphonh

Read More »

ຈັດໄປ! 7 ເຫດຜົນທີ່ສາວໆຄວນກິນໂຢເກິດ (Yoghurt) ດີຕໍ່ໃຈ-ລໍາໄສບໍ່ປ່ວຍ

ໂຢເກິດ(Yoghurt) ກໍຈັດວ່າເປັນອີກໜຶ່ງອາຫານທີ່ໄດ້ຮັບຄວາມນິຍົມຈາກສາວໆທີ່ກໍາລັງຄຸມນໍ້າໜັກ ແຕ່ບາງທີກັບສາວໆບາງຄົນກໍອາດຈະຮູ້ສຶກວ່າບໍ່ຄ່ອຍຈະຖືກປາກປານໃດ ເພາະລົດຊາດກະເປັນປະແລ່ມ! ປະແລ່ມ! ແດ່ຈັກໜ້ອຍ ວ່າບໍ່? ແຕ່ວ່າ….ໂຢເກິດນັ້ນພັດເປັນໜຶ່ງໃນອາຫານທີ່ມີປະໂຫຍດທີ່ສຸດເດີສາວໆ ແລະ ແນ່ນອນ Kuanjai ຈະພາມາຮູ້ຈັກກັບ 7 ເຫດຜົນທີ່ດີຕໍ່ໃຈ-ລໍາໄສບໍ່ປ່ວຍ! ແລ້ວລອງພາກັນເປິດໃຈດວງນ້ອຍໆ…ໃຫ້ກວ້າງໆ….ມາກິນລອງເບິ່ງເດີ…. 1 ເປັນແຫຼ່ງໂປຣຕິນຊັ້ນດີ ເຊິ່ງວ່າໂຢເກິດນັ້ນມີໂປຣຕິນຫຼາຍກວ່ານົມເຖິງ 20% ເພາະໂຢເກິດ 200 ກຣາມ ແມ່ນໃຫ້ໂປຣຕິນສູງເຖິງ 12 ກຣາມ ແລະ ໂປຣຕິນຈາກໂຢເກິດບໍ່ໄດ້ເຮັດໃຫ້ທ້ອງອືດຄືໂປຣຕິນທີ່ໄດ້ຈາກນົມອື່ນໆອີກ. 2. ເພີ່ມພູມຄຸ້ມກັນໃຫ້ຮ່າງກາຍ ສໍາຫຼັບໃຜທີ່ປ່ວຍງ່າຍແນະນໍາໃຫ້ກິນໂຢເກິດທຸກໆມື້ລອງເບິ່ງ ໂພຣໄບໂອຕິກສໃນໂຢເກິດຈະຊ່ວຍປ້ອງກັນການຕິດເຊື້ອໄດ້ ແລະ ມີຜົນວິໄຈພົບວ່າ ໂພຣໄບໂອຕິກສໃນໂຢເກິດຍັງຊ່ວຍໃຫ້ອາການເປັນຫວັດດີໄວຂຶ້ນອີກ. ນອກຈາກນີ້ ໂຢເກິດຍັງອຸດົມໄປດ້ວຍແຫ່ທາດຕ່າງໆ ເຊັ່ນວ່າ: ເມັກນີຊຽມ, ຊີຣີນຽມ ແລະ ຊິງ ທີ່ມີສ່ວນຊ່ວຍກະຕຸ້ນພູມຄຸ້ມກັນໄດ້ເປັນຢ່າງດີ. 3. ດີຕໍ່ໃຈ ໂຢເກິດອຸດົມໄປດ້ວຍໄຂມັນ HDL ທີ່ຊ່ວຍຫຼຸດໄຂມັນທີ່ບໍ່ດີ, ໄຂມັນທີ່ອຸດຕັນໃນເສັ້ນເລືອດ ແລະ ຍັງຊ່ວຍຫຼຸດຄວາມສ່ຽງທີ່ຈະເກີດໂລກຫົວໃຈໄດ້ເປັນຢ່າງດີ. …

Read More »

ລັດດາພອນ Miss Crystal Angel International 2019 ນາງງາມໃຈບຸນຮ່ວມບໍລິຈາກ ແລະ ຊ່ວຍເຫຼືອສັງຄົມ

ລັດດາພອນ ຫຼືລັດ ນາງງາມທີ່ສ້າງປະຫວັດສາດໃຫ້ກັບປະເທດລາວ ກັບການຄວ້າມຸງກຸດຈາກນາງງາມໂລກ ເປັນມຸງກຸດທໍາອິດຂອງລາວໃນການປະກວດ Miss Crystal Angel International 2019 ໃນເວທີ ຕ້ານ ແລະ ສະກັດກັ້ນຄວາມຮຸນແຮງຕໍ່ແມ່ຍິງ ແລະ ເດັກນ້ອຍ ທີ່ຈັດຂຶ້ນໃນປະເທດມຽນມາ ສາວລັດ ເປັນອີກໜຶ່ງສາວງາມທີ່ງາມທັງກາຍ ແລະ ງາມທັງໃຈອິຫລີ, ຖ້າໃຜທີ່ຕິດຕາມສາວລັດຄົນນີ້ ກໍຈະຮູ້ດີວ່າຊ່ວງນີ້ແມ່ນລັດຈະເດີນໜ້າຊ່ວຍເຫຼືອສັງຄົມແບບຖີ່ໆກັນເລີຍ! ໂດຍຫຼ້າສຸດ ມື້ວານນີ້ (29 ຕຸລາ) ສາວລັດ ກໍໄດ້ໄປບໍລິຈາກເລືອດເພື່ອເປັນການຊ່ວຍເຫຼືອ, ຕໍ່ຊີວິດໃຫ້ຄົນອື່ນ ແລະ ກໍໄດ້ໂພສເຟສບຸກສ່ວນຕົວເປັນຄໍາເວົ້າສັ້ນໆແຕ່ມີຄວາມໝາຍວ່າ “ມີຄວາມສຸກ ທຸກເທື່ອທີ່ໄດ້ແບ່ງປັນ” ນອກຈາກ ຈະບໍລິຈາກເລືອດມື້ວານນີ້ແລ້ວ ມາມື້ນີ້ (30 ຕຸລາ) ສາວລັດ ກໍໄດ້ຮ່ວມບໍລິຈາກສົມທົບທຶນສ່ວນຕົວຊ່ວຍເຫຼືອພີ່ນ້ອງຊາວເຊໂປນຜູ້ປະສົບໄພນໍ້າຖວມນໍາອີກ ໂດຍເຈົ້າໂຕກໍໄດ້ອັບເດດທາງເຟສສ່ວນຕົວວ່າ “ສົມທົບທຶນສ່ວນຕົວ ບໍລິຈາກເຂົ້າສານ 100 ຖົງໃຫ້ແກ່ປະຊາຊົນເມືອງເຊໂປນ ຂໍໃຫ້ທຸກຄົນຜ່ານພົ້ນວິກິດຄັ້ງນີ້ໄປດ້ວຍດີ ມື້ອື່ນພົບກັນ ສະຫວັນນະເຂດ ເມືອງເຊໂປນ” …

Read More »

ມາເບິ່ງ! ແຮງຈູງໃຈໃນການອອກກໍາລັງກາຍຕອນເຊົ້າ ເຮັດແນວໃດໃຫ້ໜ້າສົນໃຈ ແລະ ບໍ່ໜ້າເບື່ອ…..

ສາວໆຮູ້ ຫຼືບໍ່ວ່າການຕື່ນຂຶ້ນມາອອກກຳລັງກາຍນັ້ນມີປະໂຫຍດຢ່າງຫຼວງຫຼາຍ ນອກຈາກຈະຊ່ວຍໃນເລື່ອງສຸຂະພາບທີ່ແຂງແຮງແລ້ວ ຍັງຊ່ວຍໃຫ້ຈະເລີນອາຫານ, ດັ່ງນັ້ນ ຖ້າສາວໆກຳລັງຫາວິທີໃຫ້ຕົນເອງລຸກຂຶ້ນມາອອກກຳລັງກາຍໃນຕອນເຊົ້າ ມື້ນີ້ທາງ Kuanjai ເຮົາໄດ້ຊອກເອົາເຄັດລັບດີໆມາຝາກທຸກຄົນດັ່ງຕໍ່ໄປນີ້: ຈັດກຽມເສື້ອຜ້າອອກກຳລັງກາຍໄວ້: ເພື່ອຕື່ນມາຈະບໍ່ໄດ້ເສີຍເວລາຢ່ານອນເດິກ: ເພາະຈະເຮັດໃຫ້ຮູ້ສຶກບໍ່ມີແຮງ ທາງທີ່ດີຄວນປັບປ່ຽນພຶດຕິກໍາການນອນ ພະຍາຍາມນອນໃຫ້ຄົບ 8 ຊົ່ວໂມງຕັ້ງເປົ້າໝາຍ: ເພື່ອເປັນການສ້າງແຮງຈູງໃຈໃຫ້ກັບໂຕເອງໃນການລຸກມາອອກກຳລັງກາຍແຕ່ເຊົ້າ ແນະນຳໃຫ້ຂຽນເປົ້າໝາຍໄວ້ເຊັ່ນ: ເພື່ອສຸຂະພາບທີ່ແຂງແຮງປາສະຈາກພະຍາດມາບຽດບຽນ ຫຼືຫຼຸດນໍ້າໜັກ ຫຼືເພື່ອຄວາມຝັນທີ່ຢາກມີຮູບຮ່າງທີ່ງາມ ແລະ ໃສ່ເສື້ອຜ້າຢ່າງດູດີ ເຮົາຕ້ອງຕັ້ງເປົ້າໄວ້ເລີຍແລ້ວເຮັດໃຫ້ໄດ້ໂມງປຸກ: ແນະນຳໃຫ້ວາງໄວ້ໄກໆຈາກໂຕແດ່ ເພາະຈະບໍ່ສາມາດເອົາມືໄປປິດໂມງປຸກໄດ້ ແຕ່ກໍຕ້ອງໃຫ້ຢູ່ໃນໄລຍະທີ່ໄດ້ຍິນດີລ້າງໜ້າ: ຕອນເຊົ້າດ້ວຍນ້ຳເຢັນເພື່ອຄວາມສົດຊື່ນກາແຟ: ແນະນໍາໃຫ້ດື່ມກ່ອນອອກກໍາລັງເຄິ່ງຊົ່ວໂມງ ເພາະຈະຊ່ວຍເພີ່ມພະລັງໃຫ້ອອກກຳລັງກາຍໄດ້ດີຂຶ້ນ ແລະ ກາເຟຍັງຊ່ວຍກະຕຸ້ນລະບົບເຜົາຜານໄດ້ດີອີກດ້ວຍເພງ: ການສ້າງບັນຍາກາດໃຫ້ກັບເຮົາເອງ ເປັນໂຕກະຕຸ້ນທີ່ເຮັດໃຫ້ອອກກຳລັງກາຍໄດ້ ດົນຂຶ້ນ ແລະ ບໍ່ຮູ້ສຶກເບື່ອໜ່າຍຄ່ອຍໆອອກກຳລັງກາຍແບບຄ່ອຍເປັນຄ່ອຍໄປ: ສໍາລັບຄົນໃດທີ່ບໍ່ເຄີຍຕື່ນມາອອກກໍາລັງກາຍໃນຍາມເຊົ້າ ແນະນຳໃຫ້ອອກກຳລັງກາຍແບບເບົາໆເທື່ອລະໜ້ອຍໄປກ່ອນ ຈາກນັ້ນ ເມື່ອຮ່າງກາຍເຮົາລື້ງເຄີຍແລ້ວຈຶ່ງເພີ່ມຂຶ້ນເລື້ອຍໆກໍໄດ້ເດີ້ ປັບໂປແກຼມການອອກກຳລັງກາຍທຸກ 2-3 ອາທິດ: ຖ້າແລ່ນແລ້ວຮູ້ສຶກເບື່ອ ທາງທີ່ດີຄວນປ່ຽນການອອກກຳລັງກາຍເຊັ່ນ: ຂີ່ລົດຖີບ, ລອຍນ້ຳ, ເຕັ້ນເຊືອກ ແລະ …

Read More »