ໄວໜຸ່ມ

ສະແດງຄວາມຍິນດີ…ກັບ ແຈັກກີ້ ໄຊປະເສີດ ພົມມະວົງໄຊ ນັກຮ້ອງໜຸ່ມຈາກປະເທດລາວທີ່ໄປສ້າງສຽງຮຶຮາ ໂດຍໄດ້ມີໂອກາດໄປແຂ່ງຂັນຮ້ອງເພງໃນລາຍການດັງຂອງປະເທດເພື່ອນບ້ານ The Voice Thailand Season 6 ເຊິ່ງກ່ອນໜ້ານີ້ກໍສ້າງສຽງຮຶຮາໄປເພາະ ແຈ໋ກກີ້ ໄດ້ສ້າງປະກົດການຜ່ານເຂົ້າໃນຮອບ  Blind Auditions ແລະ ຮອບ Knock Out ມາແລ້ວ ແລະ ຫຼ້າສຸດ ວັນທີ 28 ມັງກອນ 2018 ກໍສ້າງປະກົດການໃຫ້ແຟນໆທັງ ລາວ ແລະ ໄທ ໄດ້ກຣີດໆໆໆ… ກັນສະໜັ່ນນັ້ນກໍຄື ແຈັກກີ້ ໄດ້ແຂ່ງຂັນໃນຮອບ Battle ແລະ ກໍສາມາດເອົາຊະນະຄູ່ຕໍ່ສູ້ໄປໄດ້ ໂດຍການໂຊພະລັງສຽງຂັ້ນເທບ ແລະ ເອົາຊະນະຜ່ານເຂົ້າໄປໃນຮອບສະແດງສົດໄດ້ຢ່າງງົດງາມ. #ຢ່າລືມແຊຣເປັນກຳລັງໃຈໃຫ້ເດັກລາວ ຮູບພາບ: Jack Phommavongsay ຄລິບ: The Voice Thailand

ລູກນໍ້າ ທິດາລັດ ວົງສິຣິ ນັກສະແດງຊື່ດັງຂອງລາວເຮົາ ມີໂອກາດໄດ້ເດີນທາງໄປຮ່ວມລາຍການເລືອກຄູ່ຊື່ດັ່ງຂອງຝັ່ງປະເທດເພື່ອນບ້ານ ນັ້ນກໍຄືລາຍການ “Show Me Your Son ລູກແມ່ຫຼໍ່ມາກ” ເຊິ່ງອອກອາກາດທາງຊ່ອງ ເວີກພ້ອຍ ໃນຕອນບ່າຍຂອງວັນເສົາ ວັນທີ 27 ມັງກອນ 2018 ທີ່ຜ່ານມາ, ເຊື່ອວ່າແຟນໆຫຼາຍໆຄົນກໍຄົງຈະໄດ້ເບິ່ງກັນແດ່ແລ້ວ ເພາະລາຍການດັ່ງກ່າວໃນຊ່ວງທ້າຍອາທິດທີ່ຜ່ານມາຖືກແຊຣທາງສື່ອອນລາຍກັນຢ່າງຫຼວງຫຼາຍ. ສຳລັບລາຍການ “Show Me Your Son ລູກແມ່ຫຼໍ່ມາກ”  ເປັນລາຍການທີ່ມີແມ່ຂອງໜຸ່ມໆ 4 ຄົນມາພີເຊັ້ນລູກຊາຍຂອງຕົວເອງໃຫ້ສາວທີ່ມາຮ່ວມລາຍການໄດ້ເລືອກ ແລະ ເສົາທີ່ຜ່ານມາກໍເປັນຄິວຂອງ ສາວ ລູກນໍ້າ ທິດາລັດ ມາຮ່ວມໃນລາຍການ ແລະ ກໍໄດ້ເລືອກ ໜຸ່ມ ຮິມ ເຊິ່ງເປັນໜຸ່ມຫຼໍ່ ຕີ໋ ຍິ້້ມມີສະເໜ່ ແຖມອາລົມດີ ຜຸ້ເຂົ້າແຂ່ງຂັນໝາຍເລກ 2 ເປັນໜຸ່ມຜູ້ທີ່ໂຊກດີຖືກ ສາວ ລູກນໍ້າ ກົດໄຟໃຫ້. (ສ່ວນຄວາມສຳພັນຂອງທັງສອງຈະເປັນແນວໃດ ກໍຂຶ້ນຢູ່ກັບທັງສອງ ແລະ …

ເປັນທີ່ຮືຮາຂອງບັນດາແຟນຄລັບເມື່ອທີມນັກສະແດງຈາກປະເທດເພື່ອນບ້ານນຳທີມໂດຍຕິກ ເຈດສະດາພອນ ຜົນດີ ແລະ ມິວ ນິດຖາ ນຳທີມຍົກກອງມາຖ່າຍທຳລະຄອນເລື່ອງ ດ້ວຍແຮງອະທິຖານ ເຖິງແຂວງ ຫຼວງພະບາງ ປະເທດລາວ ເລີ່ມຕັ້ງແຕ່ວັນທີ 27 ມັງກອນ 2018 ທີ່ຜ່ານມາ ແລະ ນອກຈາກການຖ່າຍທຳທີ່ຫຼວງພະບາງແລ້ວ ທັງນັກສະແດງ ແລະ ທີມງານທຸກຄົນຍັງມີໂອກາດໄດ້ເຮັດບຸນໃສ່ບາດທີ່ຫຼວງພະບາງອີກດ້ວຍ. #Repost @bung_lakorn ・・・ สวัสดีเช้าวันจันทร์ค่ะ ตอนนี้ติ๊ก-มิว อยู่ที่วัดจอมเพชร หลวงพระบางค่ะ วิวพระอาทิตย์ขึ้นตอนเช้าสวยมาก#ด้วยแรงอธิษฐาน #ch3 #ch33 #ch3thailand #ช่อง3 #ช่อง33 #tikjesdaporn #mewnittha #daonarongdej #โต๊ะข่าวบันเทิง #สีสันบันเทิง #ด้วยแรงอธิษฐาน2561 #ch3hd #ทีมคุณกฤตย์ #ทีมนัทมน #ทีมวรดา #gutsentertainment #guts_channel #tikjesdaporn #ติ๊กเจษฎาภรณ์ผลดี #ติ๊กเจษฎาภรณ์ #Navigatortiktun #mewnittha #tik_jesdaporn …

ໜ້າຮັກແທ້ເດ້! ມິວ ນິດຖາ ຈີຣະຢັ່ງຢືນ ນັກສະແດງສາວຊື່ດັງຈາກເພື່ອນບ້ານ ນຸ່ງຊຸດໄໝລາວ ບ່ຽງແພໃສ່ບາດ ຕັ້ງແຕ່ເຊົ້າມືດທີ່ ຫຼວງພະບາງ ປະເທດລາວ ແລະ ມິວ ຍັງມີໂອກາດໄດ້ຂີ່ລົດຈຳໂບ້ອ້ອມຕົວເມືອງ ຫຼວງພະບາງ ເຊິ່ງເຮັດໃຫ້ນາງປະທັບໃຈຈົນຖ່າຍຮູບ ແລະ ໂພສລົງໃນອິນສະຕາແກຼມໃຫ້ໝູ່ເພື່ອນໃນວົງການ ແລະ ບັນດາແຟນຄລັບໄດ້ເຫັນເຖິງຄວາມຊິວຂອງນາງທີ່ ຫຼວງພະບາງ. จัมโบ้​ A post shared by Mewnittha (@mewnittha) on Jan 27, 2018 at 10:23pm PST ສຳລັບ ມິວ ນິດຖາ ຈີຣະຢັ່ງຢືນ ເປັນອີກໜຶ່ງນັກສະແດງສາວທີ່ກຳລັງມາແຮງຂອງປະເທດເພື່ອນບ້ານ ອາຍຸ 27 ປີ, ເຊິ່ງສາວມິວເພິ່ນກໍມີຜົນງານການສະແດງມາແລ້ວຫຼາກຫຼາຍ ເລີ່ມກ້າວເຂົ້າສູ່ວົງການບັນເທິງດ້ວຍການຖ່າຍໂຄສະນາ ສະແດງເອັມວີ ກ່ອນທີ່ຈະກ້າວເຂົ້າເປັນນັກສະແດງໃນສັງກັດຂອງຊ່ອງ 3 ຜົນງານທາງດ້ານການສະແດງເລື່ອງທຳອິດທີ່ເຮັດໃຫ້ແຈ້ງເກີດນັ້ນກໍຄື ຄຸນຊາຍປະວອນຣຸດ ແລະ ຈາກນັ້ນກໍມີຜົນງານລະຄອນຕໍ່ເນື່ອງຢ່າງຫຼວງຫຼາຍ …

 “ຜູ້ທີ່ມັກນິນທາ ໃສ່ຮ້າຍຄົນອື່ນ ຍຸແຍ່ໃຫ້ຄົນຊັງກັນ ແມ່ນຄົນທີ່ອ່ອນແອ ຂາດຄວາມພາກພູມໃຈໃນຕົນເອງ ພາຍໃນໃຈມີປົມດ້ອຍບາງຢ່າງແຝງຢູ່” ເມື່ອເວົ້າເຖິງການເວົ້າຂວັນ ນິນທາ ໃສ່ຮ້າຍ ຖືໄດ້ວ່າເປັນພະຍາດຕິດແປດຮ້າຍແຮງຂອງຜູ້ຄົນໃນສັງຄົມ ໂດຍສະເພາະແມ່ນຄົນບາງກຸ່ມ ທີ່ພໍແຕ່ມີເວລາວ່າງປຸ໊ບ ກໍມັກຈະຈັບກຸ່ມເມົ້າມອຍ ອັບເດດສະຖານະການຊາວບ້ານ ທັງເລື່ອງວົງນອກ ວົງໃນ ກ້ອງຕຽງ ເທິງຕຽງບໍ່ວ່າຂອງໃຜ ແມ່ນຮູ້ໝົດ ບາງຄົນຮູ້ດີກວ່າເລື່ອງຂອງຕົນເອງອີກ ໂອ້ຍ ຈັ່ງແມ່ນຊາດ!!! ຕາມຫຼັກການທາງຈິດຕະວິທະຍາແລ້ວ ຜູ້ທີ່ມັກນິນທາ ໃສ່ຮ້າຍຄົນອື່ນ ຍຸແຍ່ໃຫ້ຄົນຊັງກັນ ແມ່ນຄົນທີ່ອ່ອນແອ ຂາດຄວາມພາກພູມໃຈໃນຕົນເອງ ພາຍໃນໃຈມີປົມດ້ອຍບາງຢ່າງແຝງຢູ່ ຫຼືເວົ້າອີກຢ່າງໜຶ່ງກໍແມ່ນພຶດຕິກຳຂອງຄົນຂີ້ອິດສານັ້ນເອງ ສະນັ້ນ ການໄດ້ນິນທາຄົນອື່ນ ເວົ້າທັບຖົມຄົນອື່ນ ຈຶ່ງເຮັດໃຫ້ຜູ້ເວົ້າຮູ້ສຶກວ່າຕົນເອງມີຄຸນຄ່າຂຶ້ນ ເໜືອກວ່າ ເກັ່ງກວ່າ ເດັ່ນກວ່າ ຜູ້ທີ່ເຂົາກຳລັງກ່າວເຖິງນັ້ນ ຜູ້ທີ່ມັກເວົ້າຂວັນ ນິນທາ ໃສ່ຮ້າຍຜູ້ອື່ນ ອາດຈະຮູ້ສຶກດີ ມ່ວນປາກຕອນເວົ້າ ຫຼືຕອນຂຽນດ່າ ດ້ວຍອາລົມ ຫຼືຄວາມສະໃຈບາງຢ່າງ ແຕ່ຜົນກະທົບທີ່ເກີດຂຶ້ນແມ່ນຮ້າຍແຮງ ເພາະມັນເຮັດໃຫ້ເສຍພາບພົດທີ່ດີຂອງຕົນເອງ ທຳລາຍຄວາມສາມັກຄີ ສ້າງຄວາມແຕກແຍກໃຫ້ບຸກຄົນອື່ນ …