Home

ໃນວັນທີ 23 ພຶດສະພາ 2017 ທີ່ຜ່ານມາຢູ່ທີ່ ບ້ານພັກເອກອັກຄະລັດຖະທູດຝຣັ່ງປະຈຳລາວ ນະຄອນຫຼວງວຽງຈັນ ໄດ້ມີການປະກາດຜົນລາງວັນຂອງ ໂຄງການສົ່ງເສີມນັກອອກແບບໜຸ່ມນ້ອຍຂອງລາວ (Lao Young Designers Project) ປະຈຳປີ 2017, ເປັນກຽດເຂົ້າຮ່ວມເປັນປະທານໂດຍ ທ່ານນາງ ໂກລດີນ ເລີດູ ເອກອັກຄະລັດຖະທູດຝຣັ່ງປະຈຳລາວ, ທ່ານ ສົມສະໜຸກ ມີໄຊ ຮອງປະທານສະມາຄົມນັກຂ່າວແຫ່ງ ສປປ ລາວ ແລະ ປະທານຄະນະບໍລິຫານຂອງລາວແຟຊັ່ນວີກ ແລະ ໂຄງການສົ່ງເສີມນັກອອກແບບໜຸ່ມນ້ອຍຂອງລາວ ແລະ ທ່ານນາງ ປານີ ໄຊຍະວົງສ໌, ຜູ້ກໍ່ຕັ້ງ ແລະ ອຳນວຍການລາວແຟຊັ່ນວີກ ແລະ ໂຄງການສົ່ງເສີມນັກອອກແບບໜຸ່ມນ້ອຍຂອງລາວ, ພ້ອມດ້ວຍແຂກທີ່ມີກຽດ, ນ້ອງໆຜູ້ເຂົ້າແຂ່ງຂັນ ແລະ ສື່ມວນຊົນຢ່າງໜາແໜ້ນ. ສຳລັບໂຄງການສົ່ງເສີມນັກອອກແບບໜຸ່ມນ້ອຍຂອງລາວ (Lao Young Designers Project) ທ່ານນາງ ປານີ ໄຊຍະວົງສ໌, …

ມາຮູ້ຈັກ! ນັກແຕ້ມຮູບແມ່ຍິງລາວຝີມືດີ ຜົນງານໂດ່ງດັງໄກລະດັບໂລກ ວິຣະວົງ ສະໂກວິວ (ໂອເລ້) ອາຍຸ 39 ປີ, ອາຊີບ ນັກແຕ້ມ ເປັນອີກໜຶ່ງແມ່ຍິງລາວຄົນເກັ່ງທີ່ ຂວັນໃຈ ເຮົາຢາກແນະນຳໃຫ້ແຟນໆໄດ້ຮູ້ຈັກ ແລະ ມື້ນີ້ເຮົາກໍມີໂອກາດນຳເອົາບົດຄວາມດີໆ ເປັນເລື່ອງລາວຂອງແມ່ຍິງທີ່ຊື່ ໂອເລ້ ຄົນນີ້ໃນເສັ້ນທາງການເປັນນັກແຕ້ມທີ່ບອກເລີຍວ່າບໍ່ໄດ້ໂຮຍດ້ວຍກີບກຸຫຼາບ… ບໍ່ຊ້າເດີ້ລອງມາອ່ານບົດຄວາມດີໆຈາກ ວາລະສານ ຂວັນໃຈ ສະບັບທີ 114 ເພາະແຟນໆອ່ານແລ້ວອາດຈະໄດ້ໄອເດຍ ໄດ້ມີແຮງບັນດານໃຈດີໆ ໃນການສ້າງຝັນຂອງຕົວເອງຈົນສຳເລັດຕໍ່ໄປ… #ແຊຣໄປໃຫ້ໂລກຮູ້ເຖິງຄວາມສາມາດຂອງແມ່ຍິງລາວ ໂອເລ້ ວິຣະວົງ ສະໂກວິວ – ຊາດນີ້ຂໍເປັນນັກແຕ້ມເທົ່ານັ້ນ “ຄົນເຮົາເກີດມາຕ້ອງມີຄວາມຝັນ ຂ້ອຍຝັນຢາກເປັນສິລະປິນຕັ້ງແຕ່ນ້ອຍໆ ຈົນຈິນຕະນາການເຫັນພາບຕົນເອງ ມາຮອດມື້ນີ້ ທີ່ມັນເປັນຈິງ ບໍ່ມີຄວາມສຸກໃດເໜືອກວ່ານີ້ອີກແລ້ວ ບໍ່ມີຫຍັງມາແລກໄດ້” ເມື່ອເອີ່ຍຊື່ ໂອເລ້ ວິຣະວົງ ສະໂກວິວ ສິລະປິນແຕ້ມຮູບຮ່ວມສະໄໝ ທີ່ມີແນວທາງເປັນເອກະລັກຂອງຕົນເອງ ດ້ວຍລວດລາຍ ແລະສີສັນອັນໂດດເດັ່ນ ຜົນງານຂອງລາວສ້າງຄວາມປະທັບໃຈໃຫ້ກັບຊາວຕ່າງປະເທດ ທີ່ໄດ້ພົບເຫັນມາຫຼວງຫຼາຍ …

ຄໍລໍາ: Chic Working Women ເຊື່ອວ່າຫຼາຍຄົນຕ້ອງມີຈຸດດ້ອຍໃດໜຶ່ງທີ່ເຮັດໃຫ້ຕົວເອງບໍ່ກ້າທີ່ຈະເຮັດໃນສິ່ງທີ່ຕົວເອງມັກ ລອງມາອ່ານເອົາແຮງບັນດານໃຈຈາກສາວຄົນນີ້ເບິ່ງ ອາລີລັກ ໄຊບຸນລ້ຽງ (ນ່ອງ) ສາວຫວານ, ໂຕນ້ອຍທີ່ຄວາມສາມາດໃຫຍ່ເກີນໂຕ ເຮັດວຽກເປັນ ຕົວແທນປະຈໍາລາວ, ບໍລິສັດ Masterpiece Education and Visa centre Sydney ປະເທດ Australia ແລະ ຍັງເປັນການຕະຫຼາດໃຫ້ກັບ ບໍລິສັດນໍ້າດື່ມພູຜາ ນໍາອີກ ທີ່ ນ່ອງເຮັດມັນໄດ້ກໍເພາະວ່າ ນ່ອງມີຄວາມພະຍາຍາມ ແລະ ເຊື່ອໝັ້ນວ່າຕົວເອງເຮັດໄດ້ ທີ່ສໍາຄັນນາງຍັງບອກອີກວ່າ ເປົ້າໝາຍເປັນສິ່ງທີ່ສໍາຄັນ ທີ່ທຸກຄົນຕ້ອງມີ ແລະ ເປົ້າໝາຍນັ້ນຕ້ອງຕັ້ງມັນໄວ້ໃຫ້ສູງ ເພາະເມື່ອໃດທີ່ເຮົາມີເປົ້າໝາຍເຮົາພັດທະນາຕົວເອງຢູ່ຕະຫຼອດເວລາເພື່ອຊອກທີທີ່ຈະກ້າວໄປຫາມັນ ວ້າວ… ເຫັນບໍ່ສາວໆ ບອກແລ້ວວ່າສາວຕົວນ້ອຍຄົນນີ້ ມີຄວາມສາມາດທີ່ໃຫຍ່ເກີນຕົວອີ່ຫຼີ. ສໍາລັບເລື່ອງລາວຂອງສາວ ນ່ອງ ແບບເຕັມນັ້ນສາມາດຊອກອ່ານໄດ້ຈາກ ວາລະສານຂວັນໃຈ ສະບັບເດືອນ ພຶດສະພາ 2017 ນີ້ ຕາມ …

ສະບາຍດີ ແຟນໆຂວັນໃຈ ມື້ນີ້ ທີມງານເວັບໄຊຂວັນໃຈ ຈະມາແນະນໍາສະຖານທີ່ທ່ອງທ່ຽວອີກແຫ່ງໜຶ່ງ ໃນນະຄອນຫຼວງວຽງຈັນ ໄວ້ໃຫ້ແຟນໆໄດ້ໄປທ່ຽວ ນັ້ນກໍຄື: ຕາດວັງຫຼວງ ນັ້ນເອງ ເຊິ່ງບາງຄົນກໍຄົງຈະເຄີຍໄປສໍາຜັດມາແລ້ວເນາະ ແລະ ບາງຄົນກໍຍັງບໍ່ເຄີຍໄດ້ຍິນຊື່ຕາດນີ້ ຫຼື ເຄີຍໄດ້ຍິນແຕ່ຊື່ແຕ່ຍັງບໍ່ເຄີຍໄປສໍາຜັດ ຖ້າໃຜຍັງບໍ່ໄດ້ໄປ ຫຼື ຍັງບໍ່ຮູ້ວ່າຕາດວັງຫຼວງຕັ້ງຢູ່ໃສ, ມີຄວາມງົດງາມປານໃດນັ້ນ ທາງທີມງານເວັບໄຊ ຂວັນໃຈ ໄດ້ນໍາເອົາຂໍ້ມູນບາງສ່ວນ ແລະ ຮູບພາບງາມໆມາໃຫ້ທ່ານຜູ້ອ່ານໄດ້ຮູ້ຈັກ ແລະ ໄດ້ຊົມຄວາມງົດງາມຂອງຕາດແຫ່ງນີ້. ຕາດວັງຫຼວງ ເປັນສະຖານທີ່ທ່ອງທ່ຽວທາງທໍາມະຊາດ ທີ່ຍັງຄົງຄວາມອຸດົມສົມບູນໄວ້ ນໍ້າຕົກຕາດວັງຫຼວງ ຕັ້ງຢູ່ບ້ານ ເວີນກະເບົາ ເມືອງປາກງື່ມ ເຊິ່ງຖືໄດ້ວ່າຕັ້ງຢູ່ບໍ່ໄກຈາກນະຄອນຫຼວງວຽງຈັນປານໃດ.ຕາດແຫ່ງນີ້ ນອກຈາກຈະມີນໍ້າໃສໄຫຼເຢັນແລ້ວ ຍັງປະກອບດ້ວຍຄວາມອຸດົມສົມບູນທາງທໍາມະຊາດ ນານາພັນອີກດ້ວຍ ແບບທີ່ວ່າບໍ່ຈຳເປັນຕ້ອງໄປຫຼີ້ນຕາດຢູ່ໄກໆ ຫຼື ໄປຕ່າງແຂວງ ກໍ່ສາມາດມາສຳຜັດຄວາມສວຍງາມ ທາງທຳມະຊາດແບບນີ້ ໄດ້ທີ່ຕາດວັງຫຼວງແຫ່ງນີ້. ສໍາລັບການເດີນທາງໄປທີ່ ຕາດວັງຫຼວງ ແມ່ນໄປທາງ 13 ໃຕ້ ຮອດຂົວບ້ານໄຮ່ແລ້ວໄປຕໍ່ປະມານ 1 ກິໂລແມັດ ມີທາງລ້ຽວຊ້າຍເຂົ້າໄປ 6 …

ບ່າຍໆແບບນີ້ ຊະນີIndy ຄົນເກົ່າຄົນເດີມເພີ່ມເຕີມຄືຄວາມຊອ໋ກແຊ໋ກມາແລ້ວໆໆໆ ມື້ນີ້ຈະພາແຟນໆທຸກຄົນໄປຟັງເພງມ່ວນໆ ເປັນບົດເພງຂອງໜຸ່ມສຸດເຈົ້າຊູ້ ຂວັນໃຈສາວໆນັ້ນກໍຄື  ອັດສະຣິຍະພົງ ບຸບຜາ  (ບີ່) ຫຼື ບີ່ ແຫ່ງວົງ ເອແພັກ ເຊິ່ງເພິ່ນກໍໄດ້ປ່ອຍບົດເພງຊຶ້ງກິນໃຈ “ຈິງຈັງເທົ່າໃດ?” ມາໃຫ້ເຮົາໄດ້ອິນກັນຖ້ວນໜ້າ… ສ່ວນວ່າບົດເພງ “ຈິງຈັງເທົ່າໃດ?” ຂອງໜຸ່ມບີ່ຈະມີຄວາມຈິງຈັງເທົ່າໃດນັ້ນ 555 ມາຟັງກັນເລີຍ… #ແຊຣໄປໃຫ້ໂລກຮູ້ເຖິງຄວາມສາມາດຂອງຄົນລາວ ຈິງຈັງເທົ່າໃດ? – Bee ອັດສະລິຍະພົງ (Official MV) ຈິງຈັງເທົ່າໃດ? – Bee ອັດສະລິຍະພົງ (Official MV)(ກົດHDເພື່ອຄວາມຄົມຊັດ)*ເຂົ້າໄປເບິ່ງຄວາມຊັດແບບເຕັມໆໄດ້ທີ່https://youtu.be/6ZhpDWu_wOk โพสต์โดย Bee Atsaryaphong บน 19 พฤษภาคม 2017   ມີຮູບພາບຂອງໜຸ່ມ ບີ່ ອັດສະຣິຍະພົງ ມາຝາກທຸກຄົນນຳເດີ້… ທີ່ມາ: Bee Atsaryaphong