Home

  ງາມຫຼາຍ! ຄົງຈະບໍ່ມີໃຜທີ່ຈະປະຕິເສດວ່ານ້ອງ ວັນໃໝ່ ມົນຈຳປາ ທຳມະວົງ ອາຍຸ 21 ປີ ສາວປະເພດສອງຈາກແຂວງ ສະຫວັນນະເຂດ ນັ້ນມີຄວາມງາມ ແລະ ຖ້າບໍ່ບອກກໍຄົງບໍ່ຮູ້ວ່າເປັນສາວປະເພດສອງ. ວັນໃໝ່ ມົນຈຳປາ ມີຄວາມກຽມພ້ອມແລ້ວທີ່ຈະເຂົ້າແຂ່ງຂັນໃນເວທີ “Miss International Queen 2016” ໃນວັນສຸກ ວັນທີ 10 ມີນາ 2017 ທີ່ຈະເຖິງນີ້, ຂໍເປັນກຳລັງໃຈໃຫ້ ນ້ອງ ວັນໃໝ່ ຈົ່ງເຮັດໃຫ້ດີທີ່ສຸດ ສູ້ໆເດີ້… ແລະ ຈົ່ງນຳເອົາວັດທະນະທຳອັນດີງາມຂອງລາວເຮົາໄປເຜີຍແຜ່ເພື່ອໃຫ້ຊາວຕ່າງຊາດໄດ້ຮັບຮູ້ເຖິງຮີດຄອງປະເພນີອັນດີງາມຂອງຊາດລາວເຮົາແດ່ເດີ້. #ແຊຣໄປໃຫ້ໂລກຮູ້ວ່າສາວປະເພດສອງຈາກລາວເຮົາກໍງາມບໍ່ແພ້ຊາດໃດໃນໂລກ ທຸກໆທ່ານສາມາດຕິດຕາມການປະກວດຂອງນ້ອງ ວັນໃໝ່ ມົນຈຳປາ ໄດ້ທີ່ທາງໂທລະພາບຊ່ອງ 7 (ປະເທດໄທ) ໃນວັນທີ 10 ມີນາ 2017 ເວລາ 21:00-23:30 ຫຼື ທ່ານສາມາດເປັນກຳລັງໃຈຮ່ວມໂຫວດໃຫ້ນ້ອງ ວັນໃໝ່  ໝາຍເລກ …

ວັດທະນະທໍາ ປະເພນີອັນດີງາມຂອງຊາດຄວນແກ່ການຮັກສາ ສະບາຍດີຕອນເຊົ້າຂອງມື້ທໍາອິດ ຂອງເດືອນມີນາ ເດີ້ສາວໆຜ່ານພົ້ນໄປແລ້ວສໍາລັບເດືອນກຸມພາ ເຮົາກໍສືບຕໍ່ປະຕິບັດໜ້າທີ່ວຽກງານຂອງເຮົາຕໍ່ໄປ ມື້ນີ້ BeautyGuru ກໍໄດ້ເອົາເລື່ອງລາວຂອງ ວັດທະນະທໍາ ຮີດຄອງປະເພນີອັນດີງາມຂອງຊາດລາວທີ່ຄວນແກ່ການຮັກສາ ໂດຍທຸກຄົນທີ່ເປັນຄົນລາວກໍສາມາດເຮັດໄດ້ບໍ່ຍາກ ເພາະວັດທະນະທໍາທີ່ຈະຍົກໃຫ້ເຫັນໃນມື້ນີ້ໄດ້ແກ່ ວັດທະນະທໍາການນຸ່ງຖືໄປວັດຟັງທໍາຂອງແມ່ຍິງລາວນັ້ນເອງ ເຊິ່ງວັດທະນະທໍານີ້ແມ່ນໄດ້ສືບທອດກັນມາແຕ່ສະໄໝປູ່ຍ່າຕາຍາຍເຮົາແລ້ວ ແລະ ມາຮອດປັດຈຸບັນນີ້ສາວໆເຄີຍສັງເກດບໍ່ວ່າເວລາເຂົ້າວັດຟັງທໍາ, ໄປເຮັດບຸນຕ່າງກໍຈະເຫັນໄດ້ວ່າ ແມ່ຍິງລາວເຮົານັ້ນແມ່ນມີການນຸ່ງສິ້ນໄໝ ຫຼືສິ້ນຝ້າຍ, ໃສ່ເສຶ້ອໄໝ ຫຼືເສຶ້ອສຸພາບ ບ່ຽງແພ ບາງຄົນກໍມີການເກົ້າຜົມນໍານັ້ນກໍສະແດງເຖິງຄວາມເປັນເອກະລັກວັດທະນະທໍາຂອງລາວທີ່ດີທີ່ສຸດ ອັນນີ້ກໍຂໍຊົມເຊີຍນໍາຜູ້ທີ່ຍັງຮັກສາວັດທະນະທໍາທີ່ດີງາມນີ້ໄວ້ ແຕ່ທີ່ BeautyGuru ຍົກມາໃຫ້ເຫັນນີ້ບໍ່ໄດ້ໝາຍຄວາມວ່າຈະໃຫ້ສາວໆໄປປະຕິບັດຕາມແບບລາວດັ້ງເດີມເປະໆດອກ ພຽງແຕ່ເອົາມາໃຫ້ອ່ານວ່າເມື່ອກ່ອນເຂົາປະຕິບັດກັນມາແນວໃດ ແຕ່ຖ້າເປັນໄປໄດ້ກໍຢາກຈະແນະນໍາເວລາເຂົ້າວັດເຂົ້າພຽງແຕ່ຢ່າແຕ່ງຕົວ ຫຼືນຸ່ງເຄື່ອງທີ່ມັນ Sexy ເກີນໄປກໍພໍແລ້ວ ແລະ ຖ້າເປັນໄປໄດ້ອີກກໍຢາກແນະນໍາໃຫ້ນຸ່ງສີ້ນກໍພໍ ສ່ວນວ່າເສື້ອໄໝ ເກົ້າຜົມບ່ຽງແພນັ້ນກໍແລ້ວແຕ່ບຸກຄົນທີ່ມັກກໍແລ້ວກັນເນາະສາວໆ ແຕ່ວ່າຕອນນີ້ເຮົາໄປເບີ່ງກັນດີກວ່າ ການທີ່ແຕ່ງຕົວໄປວັດຕາມແບບສະບັດຂອງຄົນລາວດັ້ງເດີມນັ້ນຈະງາມພຽງໃດ? By: BeautyGuru ເຄຼດິດຮູບຈາກ: Sk Dony

ໄປທ່ຽວທີ່ແຂວງ ສາລະວັນ ກໍຢ່າລືມໄປທ່ຽວທີ່ນີ້ເດີ້ ນໍ້າຕົກຕາດເລາະ – ຕາດຮັງ ເຊິ່ງຕາດທັງສອງນີ້ ຕັ້ງຢູ່ບ້ານແສນວັງ ເມືອງສາລະວັນ ຫ່າງຈາກຕົວເມືອງປະມານ 31 ກິໂລແມັດ ຖືກຄົ້ນພົບໃນປີ 1985 ແລະ ເປີດໃຫ້ເຂົ້າທ່ຽວຊົມຢ່າງເປັນທາງການເມື່ອປີ 1990 ເປັນຕົ້ນມາ ຄໍາວ່າ: “ ຕາດເລາະ ” ມີກົກເຄົ້າມາຈາກພາສາ ຂອງເຜົ່າທີ່ອາໄສຢູ່ແຖບນີ້ຄືຄໍາວ່າ: “ ໂລະ ” ມີຄວາມໝາຍວ່າອະໄວຍະວະເພດຊາຍ ໂດຍມີຕໍານານເລົ່າຂານເຖິງສອງສາວ ເອື້ອຍນ້ອງທີ່ໄດ້ເຮັດການພະນັນຂັນຕໍ່ທ້າ ໃຫ້ພໍ່ເຖົ້າໂຕນລົງນໍ້າຢູ່ຕາດນີ້ ຖ້າກ້າໂຕນພວກເຂົາຊິຍອມເປັນເມຍ ພໍ່ເຖົ້າຜູ້ນັ້ນກໍແກ້ເຄື່ອງປະເປືອຍ ຈົນເຫັນໂລະແຫ່ວຍານ ແລ້ວໂດດລົງໄປດົນເຕີບ ສອງນ້ອງເອື້ອຍພາກັນຄິດວ່າພໍ່ເຖົ້າຕາຍແລ້ວ ແຕ່ໂຊກເຂົ້າຂ້າງພໍ່ເຖົ້າດວງດີ ຄາດຊິໄດ້ເມຍສາວນ້ອຍ ສາມາດເງີຍຫົວຂຶ້ນມາຈາກນໍ້າຢ່າງປອດໄພ ຈຶ່ງເປັນອັນວ່າ ສອງສາວນັ້ນຈໍາຕ້ອງພາກັນປະຕິບັດຕາມສັນຍາ ຍອມເປັນເມຍພໍ່ເຖົ້າຜູ້ກ້າຫານນີ້ ຈຶ່ງເປັນທີ່ມາຂອງຕາດໂລະ ຫຼື ຕາດເລາະຈົນເທົ່າທຸກມື້ນີ້ ຂໍ້ມູນ: ກົມໂຄສະນາການທ່ອງທ່ຽວ ເຄຼດິດຮູບພາບ: google.com

  ໃນທ້າຍອາທິດຜ່ານມາໄດ້ຈັດ ພິທີມອບ-ຮັບໂຄງການກໍ່ສ້າງ, ຕິດຕັ້ງ ແລະ ຕົບແຕ່ງເດີ່ນສວນອະນຸສາວະລີ ທ່ານ ຕູ້ຢ່າ ໄຊຈູ ທີ່ບ້ານໂພນງາມໃຕ້ ເມືອງແປກ ແຂວງຊຽງຂວາງ ໃນການກ່າວມອບໂດຍທ່ານ ບຸນຂຽນ ສຸລິວົງ ຮອງຫົວໜ້າຄະນະ ຮັບຜິດຊອບພິພິທະພັນ ໄກສອນ ພົມວິຫານ ກ່າວຮັບໂດຍທ່ານ ຄຳແສນ ມະນີວົງ ຮອງເຈົ້າແຂວງໆຊຽງຂວາງ ໂດຍມີການນຳ ຂອງສູນກາງ, ແຂວງ, ເມືອງ, ພະນັກງານ ແລະ ພາກສ່ວນກ່ຽວຂ້ອງເຂົ້າຮ່ວມ. ໂຄງການດັ່ງກ່າວນີ້ ຮັບເໝົາກໍ່ສ້າງໂດຍບໍລິສັດ ສີວອນ ພັດທະນາກໍ່ສ້າງຈຳກັດຜູ້ດຽວ ໄດ້ລິເລີ່ມກໍ່ສ້າງ ມາແຕ່ທ້າຍປີ 2014 ໂດຍໄດ້ບຸກເບີກສະຖານທີ່ ຖົມດິນອັດແໜ້ນ ວຽກເບຕົງກໍ່ໂບກ ລານອະເນກປະສົງ, ກໍ່ແທ່ນຕິດຕັ້ງຫີນແກ່ຣນິກ ຕິດຕັ້ງຮູບຫລໍ່ໝົດຄີງ, ຕິດຕັ້ງໄຟຟ້າ ນໍ້າປະປາ, ມີເນື້ອທີ່ທັງໝົດ 8.568 ຕາແມັດ ລວມມູນຄ່າທັງໝົດ 14 …

  ປະກາດຜົນກັນໄປເປັນທີ່ຮຽບຮ້ອຍແລ້ວສຳລັບລາງວັນຈາກເວທີ Oscars  ຄັ້ງທີ 89 ປະຈຳປີ 2017, ຮຸບເງົາທີ່ໄດ້ຮັບລາງວັນ ຮູບເງົາດີເດັ່ນ ປະຈຳປີນີ້ກໍຄືຮູບເງົາເລື່ອງ Moonlight, ນັກສະແດງນຳຊາຍດີເດັ່ນໄດ້ແກ່ Casey Affleck ຈາກເລື່ອງ Manchester by the Sea ແລະ ສຳລັບລາງວັນນັກສະແດງນຳຍິງດີເດັ່ນກໍເປັນໄປຕາມຄາດ ເຊິ່ງນັກສະແດງຍິງທີ່ໄດ້ຮັບລາງວັນນີ້ກໍຄື Emma Stone ຈາກຮູບເງົາເລື່ອງ La La Land ແລະ ຍັງມີລາງວັນອື່ນໆອີກຢ່າງຫຼວງຫຼາຍ ນັກສະແດງ ຫຼື ຜູ້ກຳກັບຈາກຮູບເງົາເລື່ອງໃດຈະໄດ້ຮັບລາງວັນໃດແດ່ນັ້ນ ມາເບິ່ງກັນເລີຍ… ຮູບເງົາດີເດັ່ນຄືຮູບເງົາເລື່ອງ Moonlight ນັກສະແດງນຳຊາຍດີເດັ່ນຄື Casey Affleck ຈາກເລື່ອງ Manchester by the Sea ນັກສະແດງນໍາຍິງດີເດັ່ນຄື Emma Stone ຈາກຮູບເງົາເລື່ອງ La La Land ແລະ ລາງວັນອື່ນໆມີລາຍລະອຽດດັ່ງລຸ່ມນີ້… ນັກສະແດງສົມທົບຊາຍດີເດັ່ນຄື ມາເຮີຊາຣາ ອາລີ ຈາກເລື່ອງ Moonlight ນັກສະແດງສົມທົບຍິງດີເດັ່ນຄື …