Home

  ມີເຟັກບຸກຂອງສາວລາວຄົນໜຶ່ງທີ່ຊື່ວ່າ Ann Spc Anongnouth ໄດ້ໂພສຮູບພາບພ້ອມຂຽນຄຳອະທິບາຍວ່າຕົນເອງໄດ້ຊ່ວຍເຫຼືອຊາວຕ່າງຊາດລາຍໜຶ່ງທີ່ກຳລັງຫຼົງທາງວ່າ: “ເຫັນຜູ້ຍິງຄົນຫນຶ່ງເປ້ກະເປົ໋າເຄື່ອງໃຫຍ່ ກໍເປັນປົກກະຕິຂອງນັກເດີນທາງ ນັກທ່ອງທ່ຽວຕ່າງປະເທດຢູ່ແລ້ວ ກໍບໍ່ໄດ້ຄຶດຫຍັງ ພໍຂີ່ລົດກາຍໄປໜ້ອຍໜຶ່ງ ຂ້ອຍກໍສັງເກດເຫັນລາວທັງຍ່າງທັງຍົກມືໂບກລົດ ແຕ່ບໍ່ມີໃຜຈອດເອົາລາວ ເບິ່ງລາວຄືສິເມື່ອຍ ເປັນຕາອິຕົນ ຂ້ອຍກໍເລີຍຈອດຖາມ ລາວວ່າສິໄປທາງພາກໃຕ້ ລາວສິໄປລົງ ຖະໜົນໜອງບອນ ຂ້ອຍເລີຍລົງມາເປີດທ້າຍລົດໃຫ້ລາວເກັບກະເປົ໋າ ແລ້ວເອົານໍ້າໃຫ້ລາວກິນພາລາວໄປສົ່ງ ຢູ່ແຖວທາດຫລວງ, ແຕ່ສົ່ງລາວລົງລົດແລ້ວ ແນມເບິ່ງລາວ ເຫັນລາວໂບກລົດອີກ ລາວຄົງສິບໍ່ຢາກລົບກວນຂ້ອຍຫຼາຍນິແຫຼະ ແຕ່ຂ້ອຍກະເຕັມໃຈຊ່ວຍຢູ່ແລ້ວ. ຫາກໃຜເຫັນລາວ ກະຮັບລາວຂຶ້ນລົດນຳແດ່ ອິໂຕນລາວ ແລະ ລາວຍັງບອກວ່າມາຮອດວຽງຈັນມື້ວານນີ້ ວຽງຈັນ Beautiful and Nice People !! ລາວຍົກມືຂອບໃຈ ແບບຄົນລາວແບບງາມໆເລີຍ ??  ”  ເຫດການດັ່ງກ່າວໄດ້ເຮັດໃຫ້ມີຄົນກົດໄປຄອມເມັ້ນ ແລະ ກົດໄລ້ກົດແຊຣກັນເປັນຈຳນວນຫຼາຍ, ນີ້ກໍເປັນເຫດການໜຶ່ງທີ່ກຳລັງເປັນກະແສໃນຕອນນີ້…! ຂໍຂອບໃຈທີ່ມາ ແລະ ຮູບພາບ: ປະເທດລາວ Pathedlao ແລະ Ann Spc Anongnouth

ໃນມື້ນີ້ ທີມງານ ຂວັນໃຈ ຈະຂໍນໍາເອົາປະຫວັດຂອງ ຜາສາດຫີນວັດພູຈໍາປາສັກມາເລົ່າສູ່ຟັງ ຫຼາຍຄົນກໍອາດຈະເຄີຍໄປທ່ຽວມາແລ້ວເນາະ ເຊິ່ງໃນເດືອນນີ້ກໍແມ່ນບຸນນະມັດສະການ ຜາສາດຫີນວັດພູຈໍາປາສັກ ເຊິ່ງປີນີ້ໄດ້ຈັດຂຶ້ນໃນລະຫວ່າງວັນທີ 8-11 ກຸມພາ 2017 ນີ້ ແລະ ມື້ນີ້ກໍເປັນມື້ທໍາອິດຂອງງານບຸນນັ້ນເອງ ຜາສາດຫີນວັດພູ ຕັ້ງຢູ່ຝັ່ງຂວາ(ຝັ່ງຕາເວັນຕົກ) ຂອງແມ່ນໍ້າຂອງ ຫ່າງຈາກຕົວເມືອງປາເຊໄປປະມານ 40 ກິໂລແມັດ ເປັນປູຊະນິຍະສະຖານອັນສໍາຄັນ ແລະ ເປັນສະຖານປັດຕະຍະກໍາກ່ອນຍຸກອັງກໍວັດ ໃນໄລຍະສະຕະວັດທີ 7-12 ຜາສາດຫີນວັດພູໄດ້ສ່ອງແສງໃຫ້ເຫັນເຖິງຄວາມຈະເລີນຮຸ່ງເຮືອງທາງດ້ານວັດທະນະທໍາໃນສະໄໝກ່ອນ, ເປັນສະຖານທີ່ທ່ອງທ່ຽວທີ່ມີຄວາມສວຍສົດງົດງາມ ແລະ ໜ້າອັດສະຈັນໃຈຫຼາຍເຊິ່ງໄດ້ຖືກຮັບຮອງເປັນມໍລະດົກໂລກ ຈາກອົງການຢູເນສໂກ ອີງຕາມການຄົ້ນຄວ້າເມື່ອບໍ່ດົນນານມານີ້ ໄດ້ສະແດງໃຫ້ເຫັນວ່າ: ກຸ່ມສະຖານບູຮານວັດພູ ແມ່ນຈຸດໃຈກາງຂອງພື້ນທີ່ ທາງວັດທະນະທໍາ ໃນຂົງເຂດທົ່ງພຽງຈໍາປາສັກ ໂດຍເອົາຈອມພູເກົ້າ ເປັນຈຸດສຸມ ແລ້ວຂະຫຍາຍອອກໄປເຖິງດ້ານຕາເວັນຕົກຂອງສາຍພູເກົ້າ ແລະ ທິດຕາເວັນອອກຂອງຝັ່ງແມ່ນໍ້າຂອງ ເຊິ່ງປະກອບມີວັດວາອາຣາມ, ອ່າງເກັບນໍ້າ (ໜອງສະບູຮານ), ຮ່ອງລະບາຍນໍ້າ, ແຫຼ່ງຕັດຫີນ, ແຫຼ່ງທີ່ຕັ້ງຂອງຊຸມຊົນ, ຖະໜົນບູຮານ ທີ່ເຊື່ອມຕໍ່ໄປຍັງອັງກໍວັດ ລວມທັງຮ່ອງຮອຍເມືອງບູຮານ ອັນມີຊື່ວ່າເມືອງເສດຖາປຸຣະ …

  ສະບາຍດີ ໝູ່ເພື່ອນທຸກໆຄົນ ບ່າຍໆແບບນີ້ກິນເຂົ້າທ່ຽງແລ້ວກໍກຽມມາຝອຍກັນໄດ້ເລີຍເນາະ ແບບຈະບໍ່ເວົ້າອ້ອມຄ້ອມໃຫ້ມັນຍືດຍາວປານສາຍແມ່ນໍ້າຂອງ (ຮະຮ່ະ) ເຂົ້າປະເດັນກັນເລີຍຄືວ່າມື້ນີ້ ຊະນີIndy ໄດ້ໄປເຂ່ຍເຟັກບຸກຫຼິ້ນຈຶ່ງໄປເຫັນຮູບຄູ່ທີ່ນ້ອງແກ້ວຕາເນັດໄອດໍ້ສາວລາວຂອງເຮົາໄດ້ໂພສຮູບພາບລົງເຟັກບຸກສ່ວນຕົວຂອງນາງ ແລະ ໄດ້ເຫັນຮູບຄູ່ລະຫວ່າງນາງ ແລະ ຜູ້ຊາຍຂອງນາງ (ແຟນ) ໂອະໆໂອ້ຍ…ຈັ່ງແມ່ນມາອິດສາຄົນມີຄູ່ແທ້ເດ,  ໃນແຕ່ລະຮູບພາບກໍມີການຂຽນຄຳບັນຍາຍເທິງຮູບພາບແບບຍອກໃຍກັນໄປມາອີກໃດ ຍິ່ງເຮັດໃຫ້ແຟນໆຂອງທັງສອງເຂົ້າໄປກົດໄລ້ລົວໆ ແຖມຄອມເມັ້ນອີກໃດວ່າຄູ່ນີ້ໜ້າຮັກຈັ່ງຊັ້ນຈັ່ງຊີ້ ແຕ່ເບິ່ງໆໄປແລ້ວກໍແມ່ນຄວາມແຟນໆທີ່ໄປຄອມເມັ້ນແທ້ໃດ, ຊະນີIndy ບໍ່ໄດ້ມາເວົ້າ ລອຍໆເດີ້ແຕ່ຍັງເອົາຮູບຄູ່ ແລະ ຄຣິບທີ່ທັງສອງໂພສມາຝາກນໍາອີກ ມາເບິ່ງກັນເລີຍ…!!! ເພື່ອນໆສາມາດເບິ່ງຄຣິບຂອງຄູ່ນີ້ໄດ້ເລີຍຈາ…   https://www.facebook.com/kaowta.pornprasert.3/videos/751369975039501/   ຂໍຂອບໃຈຮູບພາບ ແລະ ຄຣິບຈາກ: Keota Pornprasert ແລະ Pern Rmc St

ງາມແບບມີຄຸນຄ່າກັບ “ຊຸດໄໝລາວ” ມາພົບກັນອີກແລ້ວສາວໆກັບ BeautyGuru ຄົນຜູ້ຮ້າຍໃຫຍ່ແຕ່ມັກຄວາມສວຍງາມວ່າຊັ້ນຊະ ແລະ ມື້ນີ້ກໍບໍ່ເວັ້ນມາພ້ອມກັບຄວາມງາມທີ່ສາວໆຫຼາຍຄົນມີ (ຍົກເວັ້ນ BeautyGuru ມີຄວາມຮູ້ສຶກນ້ອຍໃຈ) ຄວາມງາມນັ້ນເຮົາສາມາດແຕ່ງເຕີມໄດ້ບໍ່ວ່າຈະເປັນດ້ວຍເຄຶ່ອງສໍາອາງ ຫຼືເຄຶ່ອງນຸ່ງກໍມີສ່ວນ ແລະ ມື້ນີ້ຈະພາສາວໆໄປເບິ່ງຄວາມງາມທີ່ມີຄຸນຄ່າ, ງາມແບບບໍ່ເບຶ່ອ, ງາມຈົນໃຜເຫັນແລ້ວຍັງເກີດຄວາມອິດ…ອິດສາຂຶ້ນມາ ນັ້ນກໍຄືຄວາມງາມແບບສາວລາວນັ້ນເອງ ງາມແບບມີຄຸ່ນຄ່າກັບສິ້ນໄໝ, ເສຶ້ອໄໝ, ເກົ້າຜົມ, ບ່ຽງແພ ເຫັນບໍ່ສາວໆງາມແບບມີຄຸນຄ່າສໍ່າໃດ (ທັງໝົດນີ້ກໍລ້ານປາຍກີບເປັນຢ່າງຕໍ່າແລ້ວບໍ່ມີຄູນຄ່າຊິໄປໃສ​ 555) ສາວໆລອງຄິດເບິ່ງການທີ່ເຮົາແຕ່ງຕົວນຸ່ງເຄຶ່ອງແບບລາວໆນີ້ຄົນຕ່າງປະເທດ, ນັກທ່ອງທ່ຽວທີ່ເຂົ້າມາເຫັນເຂົາຍັງຍົກຍ້ອງໃນຄວາມງາມຂອງຊຸດໄໝບ້ານເຮົາ, ບາງຄົນຕິດໃຈແຮງຈົນຕ້ອງໄດ້ນຸ່ງ ຫຼືບາງຄົນກໍຊື້ເອົາກັບປະເທດໄປນໍາ ແລ້ວແບບນີ້ເຮົາເປັນຄົນລາວແທ້ໆຊິບໍ່ໃຫ້ຄິດວ່າຊຸດໄໝຂອງລາວເຮົາມີຄຸ່ນຄ່າໄດ້ແນວໃດ ອີກຢ່າງມັນກໍເປັນມໍລະດົກຕົກທອດຈາກສະໄໝປູ່ຍ່າ, ຕາທວດເຮົາອີກອັນໜຶ່ງດັ່ງນັ້ນເຮົາທຸກຄົນໃນນາມທີ່ເປັນຄົນລາວ, ໂດຍສະເພາະສາວໆທັງຫຼາຍຢ່າໄດ້ເບິ່ງຂ້າມສິ່ງທີ່ມີຄຸນຄ່າສິ່ງນີ້ໄປ ແລະ ມື້ນີ້ BeautyGuru ກໍໄດ້ນໍາເອົາຮູບທີ່ສາວລາວນຸ້່ງຊຸດໄໝລາວທີ່ແສນຈະງາມ ແລະ ມີຄຸນຄ່າມາຕ້ອນກັນວ່າແລ້ວກະໄປເບິ່ງກັນເລີຍ. By; BeautyGuru ເຄຼດິດຮູບຈາກ: ສາວລາວ Lao girl

ອີກບໍ່ດົນກໍຈະຮອດບຸນນະມັດສະການ ພຣະທາດສີໂຄດຕະບອງແລ້ວ ແລະໃນປີນີ້ໄດ້ຈັດຂຶ້ນ ໃນລະຫວ່າງວັນທີ 9-11 ກຸມພາ 2017 ນີ້ ທາງທີມງານ ຂວັນໃຈ ໄດ້ນໍາເອົາຂໍ້ມູນກ່ຽວກັບພຣະທາດສີໂຄດຕະບອງ ມາເລົ່າສູ່ຜູ້ອ່ານທີ່ໜ້າຮັກຟັງ ພຣະທາດສີໂຄດຕະບອງເປັນປູສະນີຍະສະຖານ ແລະ ເປັນສັນຍາລັກຂອງແຂວງຄໍາມ່ວນ ຕັ້ງຢູ່ເຂດບ້ານສີໂຄດ ເມືອງທ່າແຂກ ແຄມແມ່ນໍ້າຂອງໃນວັດເກົ່າຫ່າງຈາກຕົວເມືອງທ່າແຂກໄປທາງທິດໃຕ້ປະມານ 6 ກິໂລແມັດ ພຣະທາດນີ້ສ້າງຂຶ້ນໃນສະໄໝອານາຈັກສີໂຄດຕະບອງລະຫວ່າງສັດຕະວັດທີ 6-8 ເປັນບ່ອນບັນຈຸອັດຖິ ( ກະດູກ ) ຂອງພຣະພຸດທະເຈົ້າ. ໃນສັດຕະວັດທີ 16 ເຈົ້າໄຊຍະເຊດຖາທິຣາຊໄດ້ປະຕິສັງຂອນໃຫ້ເປັນແບບສິລະປະລ້ານຊ້າງ ໂດຍເພິ່ມປະຕິມະກໍາດອກບົວຕິດໃສ່ຈອມໃນປີຄສ 1539 ແລະ ໃນປັດຈຸບັນ ພຣະທາດສີໂຄດຕະບອງ ປະກອບດ້ວຍເສດຕະສັດ 7 ຊັ້ນ ສູງ 2 ແມັດ ໃນແກນເປັນເຫຼັກ ສ່ວນເສດຕະສັດແມ່ນເຮັດດ້ວຍເງິນ ແລະ ຄໍາ ຢູ່ປາຍມີໂຄມແກ້ວ ແລະ ບໍລິເວນຕີນພຣະທາດກວ້າງດ້ານລະ 25 ແມັດ …